الحلم الساري

[جريح الحب]

الحلم الساري
شعر : سعيد ذيب الأحبابي


لو كِنْت يا قَلْبي تطيع أشواري

ما كان ذِقْت اللي تذوق الحينه


أدري بأنِّك تدري انّي داري

وما ضاع سرٍ كان بين اثنينه


كَمْ قِلْت لك: لا لا تجيب الطاري

بشَيٍ بقى ثلثه .. مضى ثلثينه


تبغي تكحِّل عين حِلْمٍ ساري

ما تدري انّك صِرْت تعمي عينه


مثلك أعاني غربتي في داري

وحظِّي مِثِل حظِّك تشِحّ ايدينه


شَبّيت ناري واحرِقَتْني ناري

أبغي الدفا.. بسّ الدفا يا وينه


وِخْيول حِلْمي خانها مضماري

وضاعَت بليلٍ ما ضوَوْا سارينه


وِكْتابي اللي فيه كلّ أسراري

مِخْفيْه لكِنّ العَرَبْ قارينه


لين انكشَفْ ما كان خَلْف أسواري

وبانَتْ علومي زينها والشينه


أشوف نفسي في بنات أفكاري

واصْدَق شعوري ما اعَرِفْ تدوينه


كَنّ القوافي ساعيه لاجباري

أكون مديونٍ يوفّي دَيْنه


واطيح.. لكن ما نِزَلْ مقداري

وغيري يطيح وْهالزمان يْهِيْنه


صابِر وراضي بالقضا واقداري

والعمْر فاني لو تطول سْنينه


طالِبْك يا قلبي تطيع أشواري

لى فات مات.. وْنبتْدي هالحينه


مما رآق لي

احترامي

جريح الحب

[--{ فدتڪ آلرۈؤح ..’~]

صح لسآآآن قآيلهآآ .. وتسلم آآيد نآقلهآ

:
:

نترقب آلزوؤد من صوبك .. لآ هنت ^^"

[الولايات المتحده البدويه]

صابِر وراضي بالقضا واقداري

والعمْر فاني لو تطول سْنينه


صح السانه الشاعر.....

ولاهنت ع الطرح

لك الشكر

["فخر بني كعب"]

صح لسااان من قالهااااااااااااااااا


تحياتي

[رووح غاليها]

أشوف نفسي في بنات أفكاري
واصْدَق شعوري ما اعَرِفْ تدوينه
كَنّ القوافي ساعيه لاجباري
أكون مديونٍ يوفّي دَيْنه





صك لسان من قالها

وتسلم ع الطرح الغاوي

وربي يعطيك الصحه و العافيه
تحياتي لك

[جريح الحب]

شكرا لكم على تواصلكم الرائع

ماقصرتوا

احترامي لكم

جريح الحب