هذا انا ... انا هذا

[بو جاسم]

السلام عليكم ورحمه الله وبركاته ...

شحالكم لكن بحاله ... هذا مب اول يوم في حياتي ... لو اول يوم ما كنت كتب لكم ... لاني بكون ما اعرف اكتب .. ( طفل ) لكن ممكن اقول هذا اول يوم في يومياتي صح ؟ ولا شو رايكم...

المهم ... طبعا انا البارحه راقد متاخر ... بس الحمدلله نشيت حق صلاه الفجر ... عقبها قررت ما ارد ارقد ... ( اليوم اجازه عندي ) دوامي سري ما بخبركم خخخخ ... المهم ... تبعت الركض ... اول شوطين بدون صوت ... وعقب سرت العزبه ... وخذت لفه بالسياره ...

وانا رايح العزبه كنت اسوق وافكر في نفس الوقت .. راعي بالين كذاب ... بس شو نسوي هذا حال الدنيا ... تتوقعون في شو افكر ... توقعوا ... ولا خلاص لا تتوقعون بقولكم ...

كنت اتشاور انزل يومياتي للاعضاء ولا لا ..؟؟ <<< ما ادري منو ؟؟ هتلر ههههههه
من زين اليوميات ... ماشي احداث مميزه ... مثل لدغت عقرب ... عينة قرص ... كشتة راس الخيمه ... ولا سيرت القريه العاليمه .... ولا اكله مميزه .... بس اوعدكم اذا حلبت الناقه احط لكم الصور ... بس لا حد يشرب الحليب ... خلوه حق الطليان ههههههههههههه ....

عندي احساس بالملل ... ما احب الاجازه <<< حاله شاذه حد ما يحب الاجازه ...
هو يعني مش كره للاجازه ... بس اليوم غير شكل ... مافيه حركه ...

بخليكم الحين مع هذا الجزء البسيط ...
وان شاء الله لي عوده

[بو جاسم]

صباح الخير

لاول مره انا العضو المميز لهذا اليوم

محتاربشو أكافأ نفسي ...

يمكن مجبوس لحم على الغدا ... بالعافيه عليه

والسموحه

[بو جاسم]

السلام عليكم ..

شحالكم اليوم اكيد نفس امس ولا احسن
اتمنى تكونون احسن :antok:........

اليوم انا عندي موضوع شاغل بالي:7wagb: ... هذا بعد مروري على اغلب المنتديات يعني ما خص منتدى معين ... وانما اعمم النظريه على كل المنتديات <<< بدى يتفلسف مع العلم انه ناس هنيه ما يحبون فلسفتي على قولتهم ردودي ما منها فايده الله يسامحهم :bseee7:...

نرجع لمحور حديثا:shoof1: ... انا اشوف معظم البنيات في اغلب المنتديات لما يختارون اسم مستعار ... لازم يدخلن موضوع البداوه ... يعني الاسم مرتبط بالبدو... انزين عرفنا ان اصلج بدوي صار يعني ... كلنا بدو ... مهما اختلفت الاعراق ... لاننا لو رجعنا لكلمه بدو ... نجد انها من مصدرها الاصلي بدأ يعني بدايه الشيء ... وهذا حال الناس جميعا ان شاء الله لو كانوا في اخر العالم ... كلنا بدو .. يعني بدينا من البدايه وبعدين تطورنا وتحضرنا ( والنعم في البدو ) :emaraty:...

عاد انا مستغرب:ho00ob: من البنات اللي كل ما دشن منتدى ولا شات قالن بدويه وبدويه ... انزين البدويه من وين لها نت وكمبيوتر وويرات وعباله ... خبروني كيف كذيه ...

طولت عليكم وايد ... اتمنى ما تزعلون عليه يا البدويات المتطورات ... ولا تراني بقطع واير النت الي ساحبينه من شركه الكساره اللي عدال خيمكم :shrer:... هههههههههه


والسموحه من الجميع :hahakshaa:

[بو جاسم]

Bedwien Heart
ههههههه يقولك اللي على راسه بطحى يتحسسها .. خلاص دام جيه شرايك تغير نكك للبداوه ^.^


ما شاء رمست اول البدويات .. أي بطحى اللي على راسي يا قلب بدوي ...انا بو جاسم ... ما خذت من البداوه شي .. غير العزبه اللي فيها البوش والطليان .. كان تبغيني احسس على راس الناقه تراني قصير ما الحق ... الا اذا حطيت تحتي قوطي نيدو .. ورقيت عليه ... بس اذا ما لقيت على راس الناقه بطحى شو اسوي ..

وبعدين انتي شو قصدج من البطحى هاي ممكن توضحين يا انسه قلب بدوي :ahbl:...

مع العلم الاختلاف لا يفسد للود قضيه ..

[بو جاسم]

قالت Bedwien Heart
:

ههههههههههه ما شاء الله عليك ماواحيت اكتب تعليق الا نزلته هع .. اقصد اذا عايبنك نك البداوه خذه والله بكبره واصل ^^ .. وصدقت في شي هب كل من حط بداوه يعني انه متأصل منها وفاهم معناها .. وصل اللي كنت ابى اوضحه لك؟

قال بو جاسم
:

الله يديمها ترانا يا اختي في عصر السرعه:amshyy: ... والانسان لازم ما يأجل عمل اليوم الى الغد ... نك البدواه مش عايبني ... واصلا لو عايبني ما اتريا شورج في اني اخذه ولا اخليه ... بس مشكوره على العطيه ... وثاني مره عطينا شي من عندج .. مب شي يملكونه اغلب الناس ... ونعم انه مب كل حد متاصل منها ... وكل اللي بغيتي توصلينه وصل وزياده ... مشكوره اختي على التواصل عبر قناه بو جاسم الارضيه :kfkkk:<< بعدنا ما تطورنا ...




قال E L W A R S
:

حيالله بوجاسم..نورت ياأخينا..كمل كمل..طماشه..يومياتك..وتراك صادق هاذيلا اللي يسمن عمارهن بدويات لو يحدرن المطبخ مابيظهرن حتى بدلة قهوة ^_*



قال بو جاسم
:

الله يحيك اخويه الورس:emaraty: ... والنور نورك ... ما عليك لو السالفه سالفه دلة قهوه ما غلبت حد ... يغير خل وحده منهن تحط الطوبي وتخبز عليه ... أسميك الا بتبات بيوعك:shahb: ...



ومرحبا الساع بالعرب الطيبين اللي يحبون الحوار والمناقشه

[بو جاسم]

السلام عليكم

السهر لاعب دور الليله ..
اليوم كان مميز بالنسبه لي رابعت عرب طيبين

سبحان الله حد من الناس ترتاح له تحس ان الوقت خفيف عليك يوم انت عنده وحد منهم دمه ثقيل ما تروم تشله خخخ يعني جوه ثقيل مثل دمه .

أن شاء الله ما يكون دمي ثقيل عليكم

[بو جاسم]

السلام عليكم:emaraty:

مساء / صباح الخير << حسب الوقت اللي بتقرون مدونتي فيه

ما عندي كلام اقوله ... اخاف اتكلم في مواضيع ما تعيبكم ... رمست ذاك اليوم عن البدويات ... وتكلمت وحده ودافعت عن البنات كلهن ...حتى لو الانسان بيرمس بيقولون له انت غلط ... بدون ما يشوفون معطيات الامور ... ما يفكرون ان كل شخص له وجهت نظر لازم علينا احترامها ... المفروض نتعامل اللي جدامك نفس ما تتمنى الناس يعاملونك .. الان الدنيا كما تدين تدان ... بس انا من ناحيتي مسامح الجميع بدون استثناء ... حتى اللي قالت لي ردوردك ما منهاا فايده وهي تعرف عمرها ويا ردودها المتشابهه في كل المواضيع :lsana7mr:هههه اظني عرفتوها ...

وشكرا لكل اللي قيموني وعلقوا على كلامي ...

تعليقات أعتز بها :shoof1:

[بو_جاسم]

السلام عليكم

شحالكم عساكم بخير ...

انا رديت بنيوو لوك ...

تريوني مع اخر يومياتي :tsfeeq: ...

:)))

[بو_جاسم]

مساء الخير ...

مشكلتنا ان ما نقدر الامور ... ولا نحسب للوقت حساب ...
ونشتكي من كل حد ... وكل شي ...حتى على الاشياء التافهه في حياتنا ...
واللي ما تستاهل اننا نخسر اجمل اوقاتنا عشانها ...

يمكن نكون مب عند حسن ظن اللي حولنا ... مع ان عندنا حسن نيه يفوق تواقعات البعض ...
نحس اننا مرتاحين لوجودنا في هالمكان ... ولا غلطنا في حق حد ... بس فيه حد ما يتحمل السوالف ... وحد كل حياته سوالف ... وانا من الناس اللي كل حياتهم سوالف وصراحه ... مهما كان الموقف ... احب اقول اللي في خاطري بدون مقدمات ... ومهما كانت الصراحه جراحه ...


والسموحه منكم

[بو_جاسم]

صباح الخير

اليوم انا عضو مميز باركولي

:)))

[بو جاسم]

السلام عليكم ورحمة الله وبركاته

كيف حالكم ... منورين الجلسه :plb7ob:...

حبيتكم والله مع انه يتني فتره قلت خلاص كنت برحل لان هالمكان كان احباط:maa2ddry: ... بس عشان خاطر ناس على تاثير ناس لهم ناس <<< صح كذيه ... ان شاء الله صح ...

آآآآآآآآآآخ من الوقت ... يقسي القلوب ... ويحطم جسور التواصل بين الناس ... يخلي القريب بعيد ... واللي مالك به صله يكون قريب منك ... وبعد فتره تكتشف ان هالقرب كان مصلحه .. الحمد لله والشكر :yt2ml:...

اقولكم ... انا انسان احب الانتقاد ... احب النقاش ... واحب روح الحوار بين الاعضاء ... فالشخص اللي عنده اي شي او في خاطره رمسه لا يحبسها في نفسه... ترا النفس البشريه ما تتحمل اكثر من سالفتين في اليوم الواحد ... والشي اذا زاد عن حده ينقلب ضد ... والكتمان يولد الانفجار:sara7mr: ... فاتمنى انه ما يردكم غير صبوعكم عن الكيبورد :lsana7mr:...

وشكرا الجزيل لادارتنا الموقرهه على فتح هذههه المساحه للفضفضه


اترياكم في التقيمات:phooon:

[بو جاسم]

No One

مثل ماقلت كل شخص وله وجهت نظر . . يعني اسمح لي اخويه اقولك انك اذا تتقبل التعليقات لازم انك تتقبلها بروح مرحه . . مب تحتشر على كل كلمة انكتب لك في التعليق . . ^_^

- - - - -
ان شاء الله اختي بخلي روحي مرحه مع اني مشهور بين اصدقائي باني صاحب روح رياضيه ومرحه واتقبل الانتقادات بكل عفويه وبساطه فاتمنى كل الناس يكونون مثلي:a7mmmr: ... وبعدين انا ما احتشر ان اعبر عن وجهة نظري .... وشكرا على الابتسامه ... ولج مثلها ^_^



Bedwien Heart

بقولك شي بس لا تزعل ههه كيف تقول انه هاذيج البنت مسامحنها عقب ترد وتعلق عليها ؟؟ ماتركب ياخي ياتسامح يا تعلق !

- - - - -
قولي اللي في خاطرج انا ما ازعل ... وتعليقي عليها اكبر دليل اني سامحنها ... انا اسامح واعلق في نفس الوقت:lsana7mr: .. وتعالي دوم:shrer: .


بدويه برستيج

هههههههههه والله انك طمـآآآشهـ يآبو جاسم ؤمآآفيك حيلهـ كمل ونحن متابعين لك ^^

- - - - -
الله يديمها من ضحكه ... اطمشي الله يسلمج ... الدنيا ما فيها خير ... تعالي انت شو اتابعين تتحرينه مسلسل عيال بو جاسم خخخخ :fr7aaaaaan:


E L W A R S

أسميك يابوجاسم تموت على السوالف والهذره ..مايهمك انا اخطط على قسم الحوار العام بديره ..وكل يوم بنزل سالفه نتفلسف فيها ونحط آرائنا ^_*

- - - -
مبروك مقدما حضرة المدير:emaraty: ... سولي واسطه تراني يمكن اسوي سوالف وعلوم من ورا لساني الطويل ... اللي ما يسكت ....

[بو جاسم]

السلام عليكم ورحمه الله
شحالكم

يقولكم ظهر شي اسمه انفلونزا الخنازير تصدقون عاد .... الله يعافينا الحين اليهود ما عندهم ذبايح<<< فقدتهم وياها ذبايح

تخيلوا أينا يوم يقولون لنا لا تذبحون عشان انتشرت انفلونزا الصخول اتوقع البنات بيستانسن عشان اغلبهن ما ياكلن لحم صحيح الكلام؟

سمحولي ما اقدر اطول لاني داش من الخلوي وما فيه اكتب وايد
مع السلامه

[بو جاسم]

السلام عليكم
صباح الخير
شحالكم ...

اخوكم بو جاسم عنده جرعه لا باس بها من التفائل .
طبعا قبل كم ساعه كنت يأس احس ان الحظ واقف معايه شوي ..
بس تدرون ربي يحبني ... الله سبحانه وتعالى ما ينسى عبده اللي يدعوه...
بقولكم القصه..
البارحه صار لي موقف ويا جماعه من ربعي عاد ما بعطيكم تفاصيل . بس حسيت ان الحظ مسكر في ويهي .. رديت البيت وانا بعدني مضايق ... فتحت النت ... ولقيت رساله خاصه من احد الاعضاء ( في منتدى ثاني طبعا أخوكم مشارك في عدت منتديات ) والرساله بعنوان رزقك على الله كانت قصه تبين ان لازم الانسان يتفائل في حياته الان الله ما ينسى حد ... عاد انا ياني احساس حلو راحه نفسيه ... الحمدلله والشكر لك يا رب

وبس

[بو جاسم]

همس قلبي
هيه بعد انا سمعت اشاعه ترمس عن انفلونزا الطيوور ,, وان شاء الله ما اي يوم يقولون انتشرت فلونزا الصخول << لان العرب بتتوهق
...
أنفلونزا الطيور ؟! خالتي قماشه متى سمعتي عن هالاشاعه خخخ وبعدين لا تحاتين العرب ما بيتوهقون بيردون ياكلون اليرابيع والحلج ويشون اليراد

.................................
الولايات المتحده البدويه
الله يبعدنا عن الانفلونزاا وغيره.. هم لنه لحمهم محرم...بس نحن الحمدلله ذبايحناا حلال والرسل كانو ياكلون منهن... والله يكفينا شرور امراض هالزمن...
...
نحن نعرف انه محرم ... لكن هم ما يبغون يقتنعون مصرين ياكلونهن حتى لو فيهن مرض السل عفانا الله يعني عناد بس هم ما يدرون انهم يعاندون نفسهم ومحد درابهم ولا والواحد منهم عقب ما يلطم خنزيره قال انا بسافر الخليج عشان اعاديهم يا اخي خلنا في حالنا نحن مب ناقصين امراض يسدنا الزكام اللي مب قادرين نستحمله ..

................................
همس قلبي
ضاربني فضول الا اعرف منو قالت لك ردودك مامنها فايدة ؟؟ من بعد اذنك ممكن تخبرنيه منو هي
...
هههههههههه خبريني وين هذا الفضول اللي ضربج بسير اجازيه ليش يضرب همس قلبي ... انزين انا بتخبرج انت شو رايج في ردودي ؟ وعقب بجاوب على فضولج خخخ