:[ هيك من هيك ’، وهون من هون ]: [الأرشيف] - [ مــــنـــــتــــديـــات الــــهـــيـــــر]

E L W A R S

25-02-2009, 01:38 PM

بسم الله الرحمن الرحيم

//

كيف أمسيتوا جميعاً
عسى أن تكونوا في تمام الصحه والعافيه

~

شاءت الأقدار أن أعود ثانيةً الى هذا الركن الجميل
في منتدانا الغالي ~ الهير دوت كوم ..
وان تكون لي صفحات مقفوله ،’،،
أبعثر فيها عن مكانين في خاطر الورس

//

البدايات

>>> أنت البدايات وآخر ساحل ومينا

قد لا استعرض عليكم اي من نبذاتي الاشخصيه
فقد كانت لي بعض الخربشات سابقاً استعرضت فيها
القليل من ماكان الورس عليه..عدت لقراءة تلك الخربشات
لاقتبس لكم بعض منها <<يوفر على عمره مايبا يكتب مرتين
لكن لا أعلم لم شعرت ببعض الحرج ..
ففضلت عدم سدحها هنا<<بنيبلكم شي فرش وطازج شورايكم هعا

~

عن خاطركم

هذي بعض المقتبسات

النبذة التعريفيه ~

بتتعرفون على شخصيتي في مراحل وخلال الأيام القادمه << تابعوا سبيسي بس :hayar-11:
يعني الحين مابحط شيء << كيفي مالي مزاج

شحالكم يانفرات ويانفراته
يوم حدرت حسيت شيء متغير

الابتسامات << تكاثرن ماشاء الله ولدن شكلهن :jhg5:

على كل الأحوال ..مبروكيشن التغيير
ومانسينا كعادتنا نغير المزاج

وهالمره طلعت :: شيـــــخــكم :: حد يرووووووم :4yh4:
مابقولكم شو الرقم هع

..

..

بس بصراحه بصراحه

شورايكم << مدحوني عشان أكمل << وياحبه للمدحه
الحين على طاري المدحه
صدق منو مايحب المدحه
الكل منا يستانس ويتشقق اذا حصل مديح
وحتى لو مابان هالشي على ويهه اكيد في خاطره بيكون راضي

//

ومازال

مازال هناك الكثير والكثير
يصول ويجول في خاطر الورس
مادفعني للكتابه هنا وفي هذه اللحظه بالذات
ذلك الهم والضيق الذي راح يعتريني منذ بضعة أيام
وماقد يزيح بعض منها هو الكتابه والحديث المطول
عن مواضيع وثرثرااااااات مالها اول ولا تالي
قد تكون كفيله بازالة ولو القليل من تلك الهموم

~

نصيحة

عاد الحين ييت بتفلسف عليكم
انا بتكلم عن نفسي مادري انتو شراتي ولالأ
انا يوم اكون مضايق واقعد اتكلم واتكلم
وتطلع معايه كل سوالف ضحك وطنازه
واللي يشوفني مابيقول هذا متكدر وضايق
لكن هي السوالف تطلع جي بروحها
سبحان الله ،’ففي الحديث:
من لزم الاستغفار جعل الله له من كل هم فرجا ومن كل ضيق مخرجا

طبعاً الاستغفار مع شوية سوالف هااع

من كثر ماهذربت مادري كيف طلع العنوان معايه بــ هالصورة:
[ هيك من هيك // وهون من هون ]

عجبني مابغيره أنتوا شورايكم؟؟

في الأخير .. إهداء لكل متابع:

يـَالشَادِنّيـے يـَابـۈخصـِر‘ن, أعْـزَلْ . . يـَامعَشْڪِلْ اليـَادِلْ يـَا مَفنـۈدْ

E L W A R S

26-02-2009, 12:32 PM

يعني ولا يعني

هناك أمور كثيرة تختلف أهميتها من شخص لآخر
تعني للذكور الكثير ولا تعني للإناث الا القليل والعكس صحيح

بنسدح لكم بعض الطرائق التي تعني والتي لاتعني لــ الورس
بغض النظر عن عنايتها وأهميتها بالنسبة للجنسين...

- الجلوس في كوفي شوب واحتساء قهوة ساخنه
( يعني لي )

- الحواطه فالسيارة
( لايعني لي شيء)

- مشاهدة مباراة ميلان والانتر
(يعني لي والكثير بعد )

- مشاهدة موفي في سينما جراند
(لا يعني لي الشيء الكثير،،وأفضل مشاهدة الموفي فالبيت خصوصاً فالصيف الظهر ^_^<<يسويله جو)

- تصفح الانترنت
(كان يعني لي أصبح شيء لا يعني الكثير للورس)

- تصفح الجرائد بشكل يومي
(يعني لي حتى ان ماتوفرت أقراها فالانترنت)

- ركوب الخيل
( لا يعني لي الكثير لكن يعني لي متابعة السباقات وخصوصاً السباق الامريكي التاج الثلاثي-تربل كراون- )

- متابعة شاعر المليون
( لا يعني لي شيء .. ويعني لي قراءة الشعر بشكل عام)

- الجلوس مع اصدقائي
(يعني لي الكثير والجلوس مع العائلة يعني لي أكثر)

بس خلاص

//

تعالوا :haaaa:

أنا من البارحه ادور وافتر
أدور الموضوع اللي يردون فيه على اليوميات :nsns:

حد يتيمل ويدلني عليه

~

E L W A R S

27-02-2009, 03:23 PM

مساكم سكر عسل جاكليت ،,,’’

شعلومكم عقب الغدا؟؟

أكيد متنحين هعاا :blblbl:

~

أحب أشكر

قلب بدوي ، محينه ، صمت الحنايا ، نو ون

لأنهن دلني على مكان التقييم << الحمدالله عالسلامه يوم وصلت :nsns:

//

وفالتقييم <<جااااان استانس

تبون تعرفون شو حصلت

يالله تحزموا .. بناخذ لفه :ghmzh:

~

الولايات المتحده البدويه

مرحبـــااا.... بدايه مشوقه لمتابعة يوميااتك.... نحن ف الانتظار....

هلا البدوية

تسعدني متابعتك

//

محينـــه

بدايه موفقه،،وشكرا على الاهداء

العفو أختي

ومشكورة على المتابعه الطيبه

//

دهن عود

مبروكــ الافتتاح ... متابعين

الله يباركلج

بس شورايج فاحتفال الافتتاحيه

هعاااا

//

No One

هلا والله بالورس . . نورت قسم يوميات الاعضاء اخويه . . شو هالبدايه الراااااااائعه . . بصراحه صدق بداية حلوه ^^ فلسفة على سوالف على ضحك ^^ . . اذا البداية جيه كيف عيل باقي اليوميات ^^ . . في انتظار يومياتك اخويه . .

هلا وغلا

النور نوركم

ان شاء الله القادم يكون أحلى

//

Bedwien Heart

هيك من هيك عيبتنا المدونه .. keep going .. <-- اول مره اشوف واحد مايحب السينما هع هع

ياحيها يوم عيبتكم

عادي لاتستغربين شيء

يمكن فالمستقبل بعد تتغير اهتماماتي

مافي شي يتم على حاله

//

بنت العزبه

نورت القسم اخويه الورس.. ويومياتك رائعه مثل روعتك ياخويه .. نرقب منك الزود .. ومتابعه دائما ^_^

النور نورج مديرتنا

تسعدني متابعتج وتواصلج الطيب

~

E L W A R S

07-03-2009, 02:44 PM

اليوم: السبت

التاريخ: 7-3-2009 <<حشى يالوقت مايواحي يركض ركض

الساعه : 2ونص الظهيره

//

حالياً ماعندي شغله من الملل قلت أدخل النت

واللي خلاني أحدر النت ..أغنية قديمة يت عبالي وتذكرتها

قلت بدورها ..تيون تعرفونها ..مالت عاصي الحلامي أوبس اقصد الحلاني

//

وأني مارق مريت ..جنب أبواب البيت
بيت الكانو سكانو.. عــ ابوابه دقييت
مافي حد لقيت .. ردوا عليه حيطانو

قالولي مانسييت..قلتلهم حنيييت
قلتلهم حنيت ياويلي ..وين الصحبات الكانو

كح كح ..

أدري أنها قديييييييييمه وطلع غبار بعد :ahbl:

بس كانت حلوة وكسرت الدنيا اول مانزلت

وحتى البنت اللي كانت فالكليب حلوة هااع :yghazel:

..

لكن اانا استغرب من شيء ..الاغنية تعيبني وحلوة

لكن يوم كتبتها حسيتها عاديه وتضحك.. وكتابتها تضحك

يمكن انا لو قريتها قبل مايغنيها ماتعجبني..وبالفعل اللي يركز

في كلمات الاغاني يحس انهن عاديات وفي منهن مالها معنى

صدقت العيوز يوم قالت:ماشي قصيد الحين ..القصيد الاولي راح

//

الاغاني الحين صارت مثل فقاعة الصابون

أول ماتطلع تطير فالسما عقب فتره بسيطه تختفي

ورد اسمعها بعد فتره تحسون انها بايخه ومالها طعم :a7wl:

بس خلاص :lsana7mr:

برب

بروح اسكت حشرة اليهال اللي برا

حشى سكن مايقيلون :sara7mr:

//

E L W A R S

16-03-2009, 01:43 AM

الساعه -- 1:43 فليل

ميهوووووووووووووووووود يهد من الخاطر
شكلي مابداوم باجر

دعواتكم لي :shahb:

E L W A R S

20-03-2009, 03:53 PM

مساء الفل والنرجس
مساء الورد وزهوره

عدنالكم بعد الوعكه الصحيه
واللي عدت على خير ولله الحمد

لكن كان لها بعض الاثار..منها ايجابي ومنها السلبي
الايجابي:اني خذت اجازه مرضيه وماداومت هالاسبوع ^_^
السلبي : تعبت وخسرت كمن كيلو..ومازالت بقايا المرض موجوده<<كح كح يبالها وقت هاي لين تروح

//

مامرضنا الا الجو التعبان المغبر الي مر علينا من ايام
كأنه حد داعي علينا ..ولا هاي الغبره شو سببها؟؟
حد يقول انها يايه من الكويت!!!!!!!!!!<<صحيح

//

يقولون برب

ومبروووووووك عليكم الاستايل الجديد

E L W A R S

25-03-2009, 03:16 PM

بااااااااااااااااااك

^
^
أدري متأخر:hoooooob:
بس يالله ماعليه
أكيد تعذرونا

تعرفون الدنيا شمس وحر وأرف<<أرفان وايد من الدوام والحر:shahb:

تعرفون أشتقت للشتا ..آه على الشتا وأيامه
أنش من الفير قبل ماتظهر الشيفه
ونشب الضو فالحضيره ..والضيان تجدع
وغوري القهوه عالضو
صقد صقد تولهت <<انزين لاتصيح حلفت :shooofek:

الحين الحر بدا وبيتم في
4-5-6-7-8-9 <<6 شهووووور
يارباااااااااااااااه شوبيصبرني :bseee7:

لاتقولولي سافر
مستحيل اسافر..والسنه بالذات
دوامي يطلبون منا نسافر <<عفت السفر وكرهته:lsana7mr:

خصوصاً دول القنص وشرق آسيا :(

//

على طاري القهوه :yfkkker:

صح أني يالس أشرب بيبسي مثلج عقب الغدا

بس مزاجي يباني اتكلم عن القهوه :shrer:

http://4.bp.blogspot.com/_yJtVc0Ymo4g/RjBWjU6ENuI/AAAAAAAAAHw/fE_PK_mm1mM/s400/coffe.jpg

طال عماركم القهوه أنواع
منها العربيه الاصيله <<قهوه مب خيل
والتركش كوفي<<الله يذكره بالخير اللي يقول شرشرشوفي :kfkkk:
النسكافيه - كبتشينو- فربتشينو - وووووو هذيلا اللي مازرات الكافيات

لكن انا بتكلم عن قهوتنا العربية الاصييييييله
حد يسويها ساده من دون شيء
وحد يحطلها قناد << وفي رواية أخري يسمونه "هيل":yt2ml:
وحد يحط مسمار

وطبعاً قهوة هل الامارات تختلف عن قهوة السعودية والكويت وووو

لكن مره كنت مسافر وعندنا شباب كويتين
شو قهوه يسوون <<قول واااا :shrer:
من ذقتها مابغي غيرها

وطبعاً أخوكم الورس مايخلي شي فخاطره
قال لازم اتعلمها :shoof1:
والحين اسويها بروحي يوم اكون متفيج ولي بارض

والطريقه هي:
أول شيء يحطون ماي فالغوري<<أحلف :l3yoooong:
ويحطون القهوه - قناد- مسمار- زنجبيل - زعفران
ومرات حليب على حسب الرغبه

^
^

حشى طبيخه هب قهوه قاصر الا الحلول ماحطوه:lsana7mr:

بس صقد صقد لذييييييييييييذه يمي يمي
لا غير فنايينهم الكبيره مال أول ..لها طعم ثاني
وهذي صورة الفنيان بس من النت مطلعنها مالي بارض اصور وانزل
مع انه الجماعه ماقصروا حليلهم الفنايين قلطوهن عليه :lsana7mr:

http://www.friendsoflight.com/pp/data/502/Arabic_coffee.jpg

نفس هذا بس أكبر

بس خلاااااااص:sara7mr:

//

E L W A R S

25-03-2009, 11:32 PM

مطر..مطر
وترد للتربه الروح :emaraty:

مطر مطـــــــــــــــــــــر مطــــــــــــــــــــــــــــــــــر:tsfeeq:

اللهم صيباً نافعاً

سبحان الله اليوم أطري الحر والصيف
والمغرب ايينا المطر <<شفتوا عاد "أدري مايخصه ":lsana7mr:

//

اليوم فالدوام واصل مسج لربيعي
الارصاد الجويه تقول انه البلاد بيعمها امطار
من يوم الاربعاء لين الاثنين :yfkkker:

وربيعنا الثاني يقوله دق راسي بمدق ان يانا مطر
باجر بلقاااااااه بدقه دقققق :kfkkk:

ألف ألف مبروك عليكم الرحمه
يعلها امطار خير وبركه

ويعل السحاب يسري علينا
ويباااات هميل لين الصبح

E L W A R S

11-04-2009, 03:55 PM

يـآهلآ ۈيـآمَسهلآ مَرحبـآ بآللي لفـآ ------
------- مَنْ شمَـآل ۈ ٺٺبع‘ــﮧ ريح مَنْ مَسـڪْ ۈ ع‘ـبير

شحالكم..عسنكم بخير؟؟؟

افتقدتوووووووني؟؟

قولوا الصقد عادي مابزعل هع

//

أنا يوم رديت بعد غياب يومين<<بس طبعاً محد درابك :bodhroos:

رديت قلت بحصل حد سائل عني :hoooooob:

وبلقى وبلقى وبلقى

وكنت اظن وكنت اظن وخاااب ظني :shahb:

لكن الامور طيبه .. ويامرحبا السااع :kfkkk:

//

الله يسلمكم

انا يوم ماكون على النت

اقول بكتب فالمدونه وبكتب وبكتب

وتي ستة وستين فكرة فراسي

لكن يوم افتح المنتدى يطير كل شي " بح":bodhroos:

//

من يومين وانا راد من الدوام

وعقب ماتغديت قلت بيلس شوي عالنت

لين يأذن العصر بصلي وبرد ارقد

لكن الفاجعه ان النت كان مقطوع<<ياللهول :yfkkker:

وعصبت :sara7mr:<<ليش مادري

مع انه ماكان في شي سبشل لازم اسويه

قلت الحين الظهر وانا ياي تعبان مافيه اروح ادفع عنه

لكن شو سوييييييت

حدرت شي معفن ومغبر من سنين ماحدرته<<هب من سنين من شهور

الا وهو الادوبي فوشوب <<الحمدالله اني لقيته صاحي بعده ماعول

وقلت يالله بجود باللي عندي وبحاول اطلع شيء من مهاراتي المدفونه :3ennny:

وطلعت كمن صورة من المخزنات عندي فالدوكيومنت واشتغلت عليهن :shrer:

//

تبون تشوفون النتيجه؟؟

للعلم هذا اول تصميم انزله فالهير

وتراني صقد صقد صقد من زمان ماخربشت

وكانت النتيييييييييييجه:

http://www10.0zz0.com/2009/04/11/11/192147277.jpg (http://www.0zz0.com)

ترااااااااااااااااااااااااا :ho00ob:

خلاص الحين مابقول شي

بخليلكم باقي التعليقات

:kfkkk:

E L W A R S

20-04-2009, 10:18 PM

مساء الخير

اليوم: 20-4-2009
الساعه: 10 فليل

//

مستحيل هاليوم يروح من ذاكرتي

موقف صعب اللي مر علي ، ماتخيلت عمري في يوم امر بهالموقف

حالة كدر وضيق من العصر لين الحين

والله العالم لين متى بتم !!

ماريد أكلم حد ولا أريد حد يكلمني

//

قاعد وأسمع هالأبيات

يمكن مالها علاقه موليه بسبب الضيق

بس يمكن صوت ذكرى غير

//

ألين اليوم..وانا عندي أمل فيهم
ولامر يوم..الا في تحريهم
ولو طال انتظاري سنين
أكيد بيوم ألاااااقيهم

//

ألين اليوم..وقلبي دقته اسرع
ألين اليوم .. وردي بالندى يدمع
ولا أدري الندي من وين
يمكن مثلي يرجيهم

//

ألين اليوم .. وانا اتخيل لقانا كيف
ألين اليوم .. انا اكتب وش بقول وكيف
ولاادري ابتدي من وين
ولا ادري عمري يكفيهم

~

E L W A R S

21-04-2009, 03:50 PM

still feeling bad

//

دعاااء الهم :

" اللهم أني أعوذ بك من الهم والحزن ، والعجز والكسل والبخل والجبن ، وغلبة الدين وقهر الرجال "

E L W A R S

23-04-2009, 12:01 AM

مساكم خير وفل وياسمين ----------
---------وأجمل أنواع الورود وأزكاها

أكيد بتسألون عن حالي؟

أول شيء انا بقولكم ..شحالكم اليوم وأمس واللي قبله ؟؟

عساكم تكونون مرتاحين .. عسى الله يكتب السعاده لكل انسان يقرا هاليوميات

أما عن أحوالي ..أحوالي في تطور للأحسن ولله الحمد

تبون الصدق ولا الصقد .. مافي شي في هالدنيا يستاهل أن الانسان يزعل عشانه

ألا في حالة عصى والديه ولا أرتكب معصيه أو جريمه ..حاشانا وأياكم

لكن أحياناً تمر على الواحد صدمات .. والصبر عند الصدمه الاولى

والانسان كل ماعاش أكثر ..شاف أكثر من هالدنيا

والعلم مب فالمدارس والجامعات .. الحياه هي المعلم الاول

هي اللي نتعلم منها ولين آخر يوم في عمرنا بنتم نتعلم اشياء يديده

الانسان كل ماعاش أكثر كل مافهم شخصيته أكثر

وكل مافهم شخصيته وتعمق فيها .. يعمل على تحسينها وتطويرها للأفضل

والانسان الذكي هو اللي يختصر الوقت ويعدل من نفسه في فتره قصوى

شكلي دخلت في خطاب طويل عريض :shoof1:

أكيد كلكم تعرفون هالكلام ..يعني مافي داعي أعيد وأكرر :thlaaath:

//

بس حبيت افضفض شوي

الورس دايماً جي :yt2ml:

كل ماتكلمت وطلعت شوي من اللي فخاطري

وقفت قبل ماكمل .. وأقول الكلام مامنه فايده :lsana7mr:

يعني تقدرون تقولون أني كتوم أحياناً <<فالاشياء الي تخص ذاته ومشاعره

أما فالسوالف فحدث ولاحرج :tsfeeq:

اليوم سرت دبي وحظرت فلم fast & furios <<مادري الاسبلنق صح ولالا

وصورت البوستر والسنما والعشاء

لكن الزفت طلع مشوط مايشتغل :maadre: << البلوتوث

وراحت عليكم طماشة الرحله

خيرها فغيرها ..يوم بنعدل البلوتوس

يالله رقااااد

تصبحون على خير

:7b7b:

E L W A R S

26-04-2009, 12:29 AM

توني ضاوي من بوظبي
تعباااااااااااااااااااااااااااااااااان تعبان
حتى متعايز ارقد :3aady:

//

أهداء قبل النوم
----{ مدري ليه أقدر على وصلك ولكن أتنزه
هل اخاف من الهجر ولا أخاف من الندامه }----

E L W A R S

29-04-2009, 03:10 PM

عوده مع التقييمات << أخيييييييراً مابغيت

:tsfeeq::tsfeeq::tsfeeq::tsfeeq::tsfeeq:

طبعاً بعض التقييمات اختفت مادري وين راحت
لكن برد على الموجود

بسم الله <<تحزموا

Bedwien Heart

ياخطيييييييييييييييييييير انته شو هالتصميم الحلو .. عيبني ومره 2 نزله في قسم التصميم<< عشان اخذ راحتي فالتعليق &_&

أخجلتي تواضعي بالمديح
مادري هل بيكون في مره 2 ولالا
بس عشان ماتاخذين راحتج فالتعليق <<نظاله :lsana7mr:

//

دهن عود

زين يوم طلع النت مقطوع ... عشان نشوف الابداعات المدفونه ...

مصائب قومٍ عند قوم فوائد
وياما حتشوفوا أبداعات << ماظني :yfkkker:

//

محينه

ماشالله ،، تعرف تصمم،، كل يوم نكتشف شي

قولي ماشاء الله ، أخاف تحسديني
أعرف أصمم ،يعني أشطر منج :shoof1:

//

بنت العزبة

ياعيني ياعيني .. شو هالابدااااع @@ بصراحه ماتوقعتك تعرف تصمم .. وااايد حلو ماشاء الله تصميمك وتنسيقك.. دامك مبدع بنخليك تسويلنا توقيع .. نبا نشوف الزوود من الابداع ياخويه .. ونرقب دوم يديد يومياتك .. والله يعطيك الصحه والعافيه .. ^_^

ليش الكل مستغرب أني اصمم :maa2ddry:
بسويلج توقيع بس كم تدفعين
والله يعافيج ويخليج

//

الولايات المتحده البدويه

مرحبــاا... التصمييم كشخه... صراحه.... والله يبعد الكدر عنك....متابعيين ليومياتك

مرحبتين ..مشكورة عالاطراء
أمين ويبعد عنكم كل هم وضيق
مشكورة عالمتابعه

//

همس قلبي

الله يبعد عنك الحزن والضيق ياخووي ,, ابتسم :)

آمين ومشكورة على هالمشاعر الطيبه
لكن ليش ابتسم تبين تصوريني :shrer:
جييييييييييييييييييز

//

دهن عود

الله يبعد الضيق ... بس لو سمعت قرآن أو حطيت سورة البقره وسمعتها بداخل صوت ذكرى ... صدقني كانت بنروح الضيجه ...^_^

مشكورة دهن العود
على فكره انا اقرأ قرآن باستمرار بين فتره وفتره
وذكرى شغلتها وانا يالس اكتب الموضوع
وشكراً على النصيحه الغاليه :yt2ml:

//

محينه

الله يبع

محوني ماشي صبر ..شوعايلنج سيده انتر <<ماكله قرصها ني
خلاص عرفت شو بتقولين :a7mmmr:

//

همس قلبي

نترياك تعدل البلوتوس

لا بتبطون اتريون <<شكله ميؤوس منه
اتريوني اشتري لاب يديد

//

بنت العزبة

الاحيان الانسان يمر بحالات ضيق وكدر غير طبيعي .. الله يبعد عنك كل ضيق ياخويه ..

مشاعر نبيلة ، اشكرج عليها

//

بنت العزبة

يزاك الله خير على هذا الدعاء ..

جزيتي خير الجزاء ..وخيتي

//

بنت العزبة

حلوه فلسفتك .. وكان في خاطريه اشوف الصور ^_^

أي فلسفه :7wagb:، قصدج خرابيطي
عادي سوي عمرج ماشفتي شي <<تراه متفشل
الصور بح ماشي

//

بنت العزبة

اونه متعايز ارقد .. اصلا انته خبرنيه يوم ماكنت فيه متعايز << لين الحين تتذكر ردك عليها يوم تقول دوم امر على يومياتج بس متعايز ارد هههه

مافي يوم ماكنت متعايز ، كل يوووووووووم اتعايز
خصوصاً اليوميات اتعايز اكتبهن :3ennny:

//

محينه

كنت دومي شاطره فالمدرسه،، بس ايام الجامعه تكيسلت شوي،، والحين اشد حيلي فالمنتدى،،

حتى انا غديت شاطرالحين ، وحليت الواجب
ورديت عالتقييمات :amshyy:

محينه

دومي شطووره،، احل واجباتي ،، بس الاساتذه مايحطولي درجات

فتحنالج باب ،لايكون صدقتي انج شاطره :lsana7mr:
محديعرفلج غير الاساتذه ،ولا المعلمات تقصين عليهن ويحطلج درجات :shoof1:

//

بس خلاص

انقشعوا

E L W A R S

11-05-2009, 11:00 PM

قسم بالله ازعااااااااااااااااااااااااااااااااااااااااااااااا اج

راسي داير ..درجة الدورااان ألف :mjloob:

شو الحل مع هالمفرخه
حرام نسميهم عيال
هذيلا مب عيال
هذيلا أحفااد بليس

والحل معاااااااااااااااااااااهم !!:sara7mr:
كيف أبدع تبوني :bseee7:<<الله والابداع عاد

كيف أركز ،كيف امخ مخ

ماشي حل الا اني اروغ كل واحد على بيته

أدعووولي يخوز الصداع عني :3aady:

//

E L W A R S

19-05-2009, 04:28 PM

اليوم :الثلاثاء
نص الاسبوع
متى بيي الويك اند افف :sara7mr:

~

الساعه : 4 وثلث بتوقيتي

والحاله : تعب موووت،خاطري أرقد مب رايم :bseee7:

وعلى طاري الرقاد
البارحه حلمت حلم
أنما إييييييه :antok:
فلم أكشن وقصة مب حلم

//

ولاأجذب عليكم
وأنا في الحلم أقول
بكتب هالقصه فالمنتدى <<هي قصه ولافلم مادري :yfkkker:
وكنت اتشاور انزلها فاليوميات ولا القصص :shrer:<<بععععد

~

لكن للأسف الشديد الشديييييييد
أني من نشيت من الرقاد
تبعثرت المشاهد
وطار نص الحلم
ونسيت شوصار
:ho00ob:

ويلست اعصر مخي وأعصره
أحاول اتذكر<<حرام يروح عليكم

لكن ماشي فايده

واللي اذكره بس انه كان في ذيابه
وفي ضرب مسدسات <<أكشن بالقوو :a7mmmr:

بس صقد صقد كان حلو
جووووووناااااااااااااااااان
شكلي أنا كنت البطل :ndhharh:
~

واليايات ان شاء الله أكثر

ومرحبا الساع
:yghazel:

E L W A R S

28-06-2009, 12:23 AM

طخ طخ طخ

من عالباب ؟؟

انا الواوي

شوبدك؟؟

بدي بيضه

شولونها؟؟ <<هزري الا جي كنا نغنيها أيام ماكنا نلعب كروك ^.^

//

شخباركم ..عسنكم بخير؟؟

كح كح لحظه بنفض الغبار من الموضوع

أكيد يوم شفتوا نكي قلتي هذا مال أوووووول:hoooooob:

//

لكن شو نسوي تعرفون البزنس

ومشاغل الدنيا :ndhharh:

لكن دايماً مايردني على هالصفحه

سبب وأكيد أنكم عرفتوه :yt2ml:

هي صح

هي الضيقه :bseee7:

//

واللي للأسف ماعرف شو سببها :yfkkker:

يمكن ضغوطات الحياه اليومية

لكن بأمانه << ياكثر ماتقول لكن :7wagb:

من أحس بضيقه وادخل المنتدى افش الزهق اللي فيه

أحس براحه نفسيه

ماريد اصدعكم

لكن <<ردينا على لكن :amshyy:

أحب اهديكم هالاهداء الضغنطوط :hoooooob:

http://www.youtube.com/watch?v=2drqDeBUB4A

وان شاء الله ينال رضاكم واستحسانكم

E L W A R S

01-07-2009, 04:46 AM

~

اللهم أني اصبحت أشهدك وأشهد حملة عرشك
وملائكتك وجميع خلقك .. أنك انت الله لا اله الا انت
وحدك لا شريك لك ..وأن محمداً عبدك ورسولك

~

شو اصبحتوا ؟؟

أنا توني مصلي

بوطي راسي شوي

//

E L W A R S

06-08-2009, 08:02 PM

مكرر

أفف

E L W A R S

06-08-2009, 08:09 PM

سلامٍ عليكم

شحالكم.. وشخباركم

والمعووووووونه

يقولون في روايه من الأدب السويسري ان الورس كان مسافر :antok:

خذله جوله على سويسرا وفرنسا واليوم واصل ^_^

ترقبوا الصور قريباً :shrer:

//

اشتقت للبلاد والنت والمنتدى وكل شي

ويوم فتحت النت اول شي حدرت سيده منتدى الهير

شفت الموقع متغير 180 درجه..تغيير صقد تغيير

تذكرت المنتديات أيام أول سنة ال2000 واللي بعدها

حسيت كأني لأول مره ادخل مره موقع فيه صور ومنتدى ووووو

شعور الماضي ردلي .. وآه من حنيني لهذيج الايام

مادري هالاحساس بيتم على طول ولابيروح بعد كم يوم!!

//

مادري ليش أحس أني وايد فرحان

وبهاي المناسبه أحب اقولكم ألف مبروك الاستايل اليديد

لكن تعالوا خزانات الهير أحيدهن 3 هب 2 ولونهن أزرق :lsana7mr:

كلمة أخيره:

منتدى الهير ~ أشتقتلك ~

E L W A R S

16-08-2009, 02:39 AM

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا

شرحت ظروفنا للوقت لكن مافهملي الشرح
صبرنا والصبر جمره ورى الاضلاع كاوينا

//

ترى وجه المتيم لو تبسم لاتحسبه مرح
أمانيه اتهاوى من عيونه مثل أمانيها

بنى من ذكرياته في محيط العاطفه كم صرح
لكن هاج المحيط ومالقاله ساحل ومينا

//

ياناس العيد ماله لون ولاله طعم ولا له فرح
واذا قلتوا وشو الاسباب قلت الله يعافينا

نلوم الوقت والقصه ماتبغي جمع ولاطرح
لأن العيب من ربي خلقنا ساكنٍ فينا

صح لسانكـ فزاع

E L W A R S

19-11-2009, 11:38 PM

MISS ALL

....

E L W A R S

06-12-2009, 09:13 PM

باك أقين

مرحبا الساع

شالحال ؟؟ وشو الأخبار ؟؟

عاد ماعرف اتخبر عن منو ولا منو :3aady:

ياترى شو أحواله المنتدى هاليومين .. يبالي أفتر فيه وأشوف العلوم :3ennny:

//

أما عني أنا .. فأحوالي وأموري طيبه ولله الحمد والمنه :ndhharh:

اشتقت للهير .. واشتقت للمنتديات .. واشتقت للنت :3aady:

ياويلكم جان مارد رده .. تعصف بالمنتدى .. << عدال عاد لا تكسره

~~~
:sara7mr:

//

يامرحبا يامرحبا

مادري ليش وأنا أكتب .. أحس كأني مذيع وماسك مايك .. والانظار كلها علي :ho00ob:

حبيت أسلم .. وأباركلكم بالمناسبات الطيبه والاعياد .. ولو أنه متأخر .. بس كل عام وأنتم ب خير

وحبيت أباركلكم الاستايل اليديد .. يعله مبروك :emaraty:

برب ضغنطوط ..

ولنا رده :yghazel:

أهداء قبل ماظهر :
جيت وش جابك حبيبي :: من بعد طول المغيبي
ولا نـــــــاوي ياحبـــــبي :: تغرق الغرقـان أكثــــــــر

//

E L W A R S

07-12-2009, 08:51 PM

بنت العزبة + دهن عود

ماشاء الله عليكن .. دومكن مرحبانيات وماتقصرن في حد

مشكورات .. وماقصرتن .. وربي يعطيكن ألف عافيه

نمدحكن عشان غيركن يغار .. وينزلي شيء << شفتوا المصالح كيف ^_*

//

فاصل نكت ~

تراهن فرش وطازجات توهن واصلاتني

محشش أول مره يسافر بالطيارة نزل من الطيارة وهو حاط بنطلونه فوق كتفه !!

سألوه ليش ؟
قال: هلكنا الكابتن مره أربط الحزام ومره فك الحزام قلت أفصخ البنطلون وأفتك أحسن

~~~

كلب شوارع مر عند مخفر شرطة شاف كلب بوليسي
قال : ياليتني كملت دراستي

~~~

بس خلاص الباقيات ماينقالن

E L W A R S

09-12-2009, 03:37 PM

:dmo0o3:

يازين الرقاد

ياي من الدوام تعبااااان .. هلكاااان

خاطري في رقده محترمه

..

سولعية

انا كل ماقرا ردج ولا اقرى يومياتج .. راسي يعورني
انتي تسببيلي صداااع .. فكينا من حشرتج :sara7mr

تبين يومياتي ..
نشيت الصبح
داومت
عطنت من الدوام
تغديت
والحين يالس عالنت

مافي شيء مميز عشان أكتبه

بس بقولكم نكته قبل ما أظهر

خاله ضيعت ولدها فالظلام .. تدور عليه وتقول : عنبر فديتك اضحك :a7mmmr:

بس خلاص

E L W A R S

23-12-2009, 05:16 PM

الحييييييييييييين

بنحل الواجب

:[ هيك من هيك ’، وهون... 18-12-2009 09:26 PM الرحال جميلة أحاسيس المرح لي فيكم.. استمروا ^_^
:[ هيك من هيك ’، وهون... 10-12-2009 03:28 PM بنت العزبة شكرا على النكت الفكاهيه .. متابعين لك ^_^
:[ هيك من هيك ’، وهون... 09-12-2009 04:50 PM سولعيه غرام هههههههههه حرااااااام علييييك .. بالعكـس ماستوي سلؤؤع اذا مااحشرت الدنيـآأإ هع ... عني فدآ حشرتيـه خخخخ .. بحط عند كل رد او يومياات ( صورة بندول خخخخخخخخخ
:[ هيك من هيك ’، وهون... 07-12-2009 08:58 PM سولعيه غرام خخخخخخ نايســـــــات نايسـآأإإت .. آممممم انا متآبعـة ياغير بصـمت هـع ... والله مشكلتك تقطع وترد .. نبغـي موااقف يومياات يومكـ هع فهمت ؟! خخخ

الرحال : الحمدالله يوم حد يديد رد على موضوعي ، وكل عام وأنت بخير :a7mmmr:

بنت العزبة : عفواً .. وشكراً على المتابعة :yt2ml:

سولعية غرام : أم الحشرة والصدعه .. قبل ماترمسين هاتي البندول .. كنت بقولج نكته بس مافيه على حشرتج أحسن تجلبين ويهج :kfkkk:

اشكرلكم حسن المتابعة ...كلكم من قريب ومن بعيد

E L W A R S

26-12-2009, 03:36 PM

شو أمسيتوا خواني وأخواتي

//

طرت عبالي قصيدة قديمة للشاعر الاماراتي الراحل : أحمد الكندي

كانت شرايط هالشاعر دايماً في سيارة الوالد الله يحفظه

وكنا دايماً نسمعه يرددها لين حفظناها .. ومن بينها قصة الزير سالم

..

هاي القصيدة وحده من الي دايماً ارددها بيني وبين نفسي .. وتقول :

يا طايره طايره فى الجو شليني
.............................مادام مقصدك صوب اهلي وخلاني
انا اترجاك وانتي لا تخليني
............................أحب داري ولا دار البريطاني
يا ماحلا خاطري يوم توديني
.............................واشوف بيتي وخلاني وبزراني
هم يرتجوني كما رجوى الطراشينى
............................والطــــفل لي جيتهم قــال الأبو جــــاني
اصغارهم ترتجينى قبل ذا الحيني
..........................وانا لـــهم مرتجي والقــلب ولهـــاني
غريب ديرة وسيعة بالبساتيني
.........................حلــوة مناظر لهــا مــاني بطـــرباني
ابغي الصبر لكن الاشواق تشويني
......................صــوب المحــبين لا أول ولا ثـــاني

http://up4.m5zn.com/9bjndthcm6y53q1w0kvpz47xgs82rf/2009/12/26/03/23vzrk2uj.jpg (http://www.tobikat.com)

الصورة من الأرشيف :ast7y:

E L W A R S

02-01-2010, 12:23 PM

welcome 2010

كل عام وانت ياحبيبي .. ياضيا عيني
يا كل عام جديد .. يقابل سنيني
من كثر ماحس أنك قطعة مني
هنيت نفسي قبل مانت تهنيني

كل عام وانتي حبيبة قلبي وحبي
كل عام وانتي ياقلبي أقرب لقلبي
يا أروع هدية وهبها لدنيتي ربي
وأرد وأحلى جمال شافته عيني

هالعام بجمع نجوم اليل يالغالي
بكتب به اسمك من أول حرف للتالي
وارسم بها صورة مافارقت بالي
واحذفلك اقمار ليلي بين كفيني

وانا لعيونك ورود الحب بنثرها
برسم قلبي وقلبك وأصورها
بحروف اسمك بزينها وأعطرها
وأقول أحبك كثر مانتي تحبيني

فديت قلبك يا أغلى حب يحيابي
ياقرب عن عيني من جفوني واهدابي
يا أول احباب عمري وأخر احبابي
يكفيني أحيا العمر وياك يكفيني

وانا بدونك سنين العمر مابيها
أتخيل أحيا بدنيا أنتي مو فيها
أنوار حبك أزينها وأحليها
وأمد جسر الغلا مابينك وبيني

غمض عيونك ياغالي بس واتمنى
نبقى لبعضنا وفالايام نتهنى
واتمنى كل عام يقبل يبتدي منك
وأنا ابتدي بك محبه وانته تبتدي بي

غمضت عيني وقلت الله لا يحرمني
منك ياحبي وغلاي وقطعة مني
ماتمنى لحظة تمر وتبعدك عني
يا من أشوف بعيونك أجمل سنيني

2-1- 2010
كل عام وانتوا بخير

BYE BYE 2009
http://up4.m5zn.com/9bjndthcm6y53q1w0kvpz47xgs82rf/2010/1/2/12/7i34a197i.jpg (http://www.tobikat.com)

صورة من 2009

E L W A R S

09-01-2010, 08:53 PM

http://www14.0zz0.com/2010/01/09/16/706384538.jpg (http://www.0zz0.com)

مسمعي مدمن على صوتك
واتصـــالك زيـد ادمــــــانه

**************

متعبٍ صاحبك بسكوووتك
وانت صوتك ضخ شريانه

*

*

E L W A R S

29-03-2010, 07:44 PM

اليوم : الأثنين
التاريخ : 29-3-2010

اللـــــهمـ ألطـــــف بأحمـــــد بن زايــــد

http://www.youtube.com/watch?v=0fF6dLe8REU

خبر غثنا صراحه
الله يشوفله شيفه

E L W A R S

03-04-2010, 11:18 AM

صباح الخير

اليوم : السبت
الساعه : 11 صباحاً

شاكر كل الي يتواصلون معايه .. في يومياتي
سواء بالتعليق أو الاكتفاء بالمشاهدة

نهار هادئ نوعاً ما
السكون والهدوء في كل شيء
حتى في داخلي
أتمنى أستمرار الوضع على هذا النحو
لأني شهدت في الفترة الماضية
الكثير من التقلبات والانفعالات

~

ويسعد صباح الي له القلب مفتوح ~
يدخل على كيفه صباح (ن) ومرواح

غلاه وسط الروح مشيد صرووووح
يشبه علوه (برج خليفه ) لي لاح

سلام له مليار والزود مسمووووح
يوصله وعساه مستريح مرتااااااح

للرايقين بـ .........ـس :ndhharh:

E L W A R S

11-04-2010, 09:51 PM

يزورني طيفك
وأرحب وأهلي

..................[ يسعد مساك ]..........
..................يابعد روح مغليك ..........

هذا وهو طيفـــك
شف الي حصلي

وش لون لو أمسي على
..............................[ شوف عينيكـ ]..

***************************

مساء السعادة والراحة ،، والصحة والعافية
مساكم خير وبركة ،، مساكم همة ونشاط

أقول همة ونشاط لآني تعبان ومنهد حيلي :bseee7:
حتى متعايز أكتب <<< بتلقطني الرادار الحين بتقول العياز :mrboot:

بس صقد صقد صقد
وعن جد
وrealy

أنا منهك ، ومتعب شديد التعب << أنزين خلصنا والمطلوب :lsana7mr:

ماشي مطلوب
ياي أقصر الدوب

عندي طشونة صور .. بس متعايز أسدحن لكم
يبالها الشغلة سالفة لين أرفعهن وانزلهن

،،

سمعت بيسوون دورة فوتوشوب .. صقد ؟؟ :3ennny:

نبا نشارك :shoof1:

،،

عاد هذا اذا تفيقت :ydm3:

،،

بس خلاص
بسير أرقد

قود نايت
وسويت دريم حقي بس :plb7ob:

E L W A R S

04-05-2011, 10:10 PM

باااااااااااااك عوووووووووووووووووووووووووده

شحالكم شخباركم شعلومكم

مابتصدقون شكثر مشتاقلكم :plb7ob:

هب انتوا ، اشتقت حق سوالفيه هع

عاد يوم دخلت ابا اتذكر متى اخر مره حادر :yfkkker:

وشفت البيانات وصعقت :ho00ob:

أهلا وسهلا بكـ E L W A R S (http://www.alhayar.com/vb/u5270.html).
آخر زيارة لك كانت: 03-02-2011 الساعة 04:45 PM
الرسائل الخاصة (http://www.alhayar.com/vb/private.php): غير مقروء 0, من مجموع 47 رسالة.
صندوق الرسائل لديك مستخدم بنسبة 94%

خيبه ثره عفن النك :maa2ddry:
وحزنت حزن شديد لاني ماحصلت رسايل :3aady:
وعصبت وكنت بضارب :sara7mr:

عاد الحين الله يسلمكم بنحاول مانقطعكم

بس عطونا اليديد عندكم

شو الاخبار ؟ شو العلوم

حد عرس :a7mmmr: ؟؟؟

العيايز وينكن بعدكن موجودات ولا نفدتن :yfkkker:

بردلكم عقب شوي

بربور

E L W A R S

07-05-2011, 11:31 AM

$$ صباااااااااااح الضحيوووووووووة $$

شو أصبحتوا ؟؟ :antok:

رجعنا من جدييد

مع صبحية حلوة وقدح من القهوة وتصفح الانترنت

أهديكم هذه القصيده

YouTube - ‫ابن فطيس ايش قومك تصميمي‬&lrm; (http://www.youtube.com/watch?v=1uW3VXooNKU&feature=related)

فااصل ،،,,

عطيتني قلب وبخلت بسلامك ،،
وش فايدة حبك وانا منك محروم ,,,

E L W A R S

10-05-2011, 09:22 PM

ولييييييييييييه العطر ،، وأنتي أنفاسك دخوووووون

آه محلى ريحة العود
عاد أنا اذا مادخنت عقب ماتسبح تراني مب أنا

وبعد مرات يحطون عود مع بان
شو يطلع تمااااااام
نمبر ون

جربوا وخبروني
:ndhharh:

E L W A R S

14-05-2011, 10:58 AM

صباح الخير يا عرب

بصراحه الي شاغل بالي هاليومين قضية العرب
فجأه !! مره وحده !! انزين شو السبب ؟؟

يوم قعدت افكر فيها واقلبها يمين وشمال
قلت الثوار هم الشعوب ،
وثاروا على من ؟؟
على حكامهم
انزين ليش ؟؟؟

بسبب سوء المعيشة وصعوبة الحياة باختصار بسبب ( المال )
لان فتنة بني محمد -صلى الله عليه وسلم - هي " الماااال "
وفتنة بني اسرائييل هي النساء .

لو فكرنا شوي مب كل الشعوب العربية فقيره ومتأزمة
لكن الطمع والجشع خلاهم يسوون الفتن مابينهم وبين بعض
كثرة الاحزاب والطوائف وكل طائفة وحزب يبا يوصل للحكم

انزين يا أذكياء ياعرب يامسلمين
يوم فيكم شدة على المعارضات
ليش ماطلعتوها على الغرب
على اسرائيل وامريكا
على الحرب الفكريه
على الغزو الاعلامي
على الاستيطان الصهيوني

فالحين تقتلون بعضكم وبعض
وحتى المحاولات الفاشلة الي صارت في بلادنا
وراها طمع وجشع وسوء نية

يارب تحمي بلادنا وبلاد المسلمين
أحس وكأني يالس أتابع مسلسل وشارف على نهاية
والله يعلم شو نهاية الي حاصل

//

E L W A R S

17-05-2011, 08:40 AM

صباح السياسة

:ndhharh:

مايحدث فالوطن العربي بفعل فااااعل
لتقسمته وتجزئته

بدؤوا الايقاع بالدول الكبيره : العراق ومصر

وتم تجزأة : السودان ومن بعدها اليمن
وفي الطريق اليهم ليبيا وسوريا

~
مشكلة البدو يوم يدخلون فالسياية :a7mmmr:

المهم

أشكر كل متابعيني ، ألف تحية ويعطيكم ربي الصحة والعافية

برب

E L W A R S

30-05-2011, 11:16 PM

أشكر كل نفرات ونفراته على التعليقات
والكومنتاااات ويعذروني ماحطيت أساميهم <<< تعرفون العيازة مالها حل :a7mmmr:

:::

حبيت أشارك بفلسفة بسيطة / وماهي الفلسفة الا ناتج شعور

لحظات الحزن صعبة ولياليها طوييييييله ومتعبه وترقب وانتظار للفرج

ولكن لحظات السعادة سريعة

بعد اللحظات التعيسة التي عشتها ، وبعد ظهور الفرج

أصبحت أخاف من لحظات السعادة ، خوفي أنها لن تدوم

أريد الهدوء والسكينة فقط ، لا أريد سلب الفرحة مني

يارب أتمها علينا يارب

:::

وجاااااااااان تخلص التفلسيفه
فهمتوا شيء ؟؟

انا صراحه يالله يالله فهمت
الله يعينكم أنتوا
كل اللي كنت ابا اقوله
باختصار شديد :
اني فرحان وخايف الفرحه مادوم :(

ولا أقول مب لازم تفهمون
المهم عبرت عن شعوري :lsana7mr: