.[حرفـي عـذاب].

[Bedwien Heart]

http://up.khellan.com/file/uploads/74afe39beb.jpg



السلام عليكم ورحمة الله وبركاته




.


مرحبا باللي حضر واللي تعذر من وفود
خلّف الحر الفلاحي مثلهم ياكم شارب
في طلايعهم خليفه ومن حواليه الأسود
الرجال اللي استفادوا من أبوهم بالتجارب
الرجال اللي تحدو هالعواذل والحسود
واقطعوا كل الكلام اللي سعى به كل كاذب
صفّهم من عقب زايد مرتفع سهمه صعود
ما تفرّق شملهم منهم عدو الدّار هايب


.



width=400 height=200


.




حياكمـ الله عربناْ في عالمـي الخـاص ,,

ببتدي فيها بتعريف عن شخصيتي << هههه [ :yt2ml: ]



.




الاسم : بدوين هارت :a7mmmr:
اللقب : Bedwien Heart
العمر : 22 <<< محد يخطبني لو سمحتوا !!! :tsfeeq: << العمر كله ان شاء الله
الحالة الدراسية : طالبة جامعية
الحالة الاجتماعية : عزباء هههه
تاريخ الميلاد : 6 / يناير / 1987
التـخصص : علوم الحاسب الآلي
الهـوايات : تصـميم الجرافيكس و التصوير وكتابة الخواطر وقراءة الشعر بكثره ..
الطعام المفضل : كل شي حلو ولذيذ ومجرب من قبل بس مافيه أي نوع من الطماط والخضره
الشراب المفضل : سفن آب >> الله يبحص هالدكاكين قطعوا عنا السفن آب وخلوا الباقي اهئ اهئ والحين نحن نربع بوظبي بس عشان السفن آب يعلهم حرمه ياربي قولوا امين :bseee7:..
النادي المفضل : العين<<< تراني في كل الاحوال سواء فوز او خساره تراني عيناويه 100%
أجمل بيت مر في حياتـي : حرفي عذاب ولوعتي بين الأبيات في نظرتك تقرأ عيوني قصيدة غلاك باقي ولو بقى الحب ممات وجروح المشتاق تبقى جديدة



.



وهذا اول ما اكتبه في مدونتي ..

لا تحـــرموني من تقييمكم و رسايلكم إذا تحبون يعني ... :antok:







http://up.khellan.com/file/uploads/1f06672cc6.jpg

[Bedwien Heart]

no one

. . مآآآآفيــج حيله ^_^ . . ومتابعه ليومياتج ان شاء الله . . ولاتحرمينا من كل يديد ^_^ بالتوفيق . .


الله يوفق الجميع نو ون .. وثانكس دلبووو على الكومنت =)



/




بدويه برستيج

حليلهـ ،، فذمتيهـ مافيج حيلهـ تسلمين الغلااا عاليومياات الطرررر ..


الله يسلمج بدويه برستيج .. مشكوره الغاليه على التعليق =)



/




بنت العزبه

ننتظر جميل يومياتج يالغلا بفارغ الصبر .. بالتوفيق عيوني ..


الله يوفق الجميع .. ^^ عطيتيني باور عشان اكتب هع هع .. ثانكس دلبوو على الكومنت ..



/



**بدويه عذاب**

وعليكم السلام والرحمة
المرحب بااااااااقي
في قمة الأبداع هذه المدونة وأتمنى لك كل التوفيق والنجاح
تقبلي مروري البسيط .. أختك..


الابداع منج وفيج عزيزتي بدويه عذاب .. ومشكوره على التعليق ..

[Bedwien Heart]

Monday
4. August. 2008
The mode: Jifne Jifa





--{آرَضِي خُدُودَهَآ تِزعَل شَفَآيِفهَآ
تَسبِلَ عُيُونِهَآ لَو لآمَسَتِ كَفِهَآ
هِي قِبَآليِ تِتَنَهدُ اريد أحضنها
وأتردد أخاف أحرجهآ
وهي بلمسة من ايدي ~... تتحرك مشآعرها ..!




مواقف من حياتي .. :a7mmmr:


الاسبوع اللي طاف .. في يوم الاربعاء بالتحديد .. قلنا بنسير بوظبي نخلص اغراض العرس .. كنت انا اللي اسوق .. واخويه عدالي (غصبني اسير معاه على اساس نتبادل الخطوط في الدرب) .. طلعنا من العين الظهر الساعه 3 ! .. وصلنا هناك العصر 4 وشوي .. ^_^ .. طلعنا سيده على الاسواق ماقعدنا .. رحنا مركز مدينة زايد .والمحلات الجريبه . بعدين رجعنا من وين ماطلعنا .. انا من التعب اجاهد لين ما اذن العشى ورقدت على طول مع انه اليوع ياكلني لكني رقدت .. لين الفجر .. نشيت صليت ورديت ارقد للساعه سبع ! .. نشيت ماحصلت حد عندي .. رحت الصاله حصلت الخدامه قلتلها .. **** Al Salam 3likom .. Hi **where is my mother ? .. اهئ قالتلي .. W 3likom Al Salam .. I don't know .. I wake up and didn't find any one ! .. قلتلها ok I will call them .. .. طلعت التيلفون واتصل على امايه ردت عليه وانا مليون يني فوق راسي ليش يطلعون عني ومخليني راقده هههههههه .. قلتلها امايه وين انتي قالتلي صوب الكورنيش ! (في هاللحظه بغيت اموت) قلتلها ليش ماتودوني معاكم؟ قالتلي لأنج راقده وخليناج ترقدين وراج خط ! قلتلها حلو؟! خلي اخويه يوديكم دامكم سرتوا عني وهاذي حلفه ما اسوق لين دبي وسكرت (يارب سامحني ماكنت اقصد بس في لحظه غضب سكرت في ويه امايه) .. شوي والا اخويه يتصل ههههه قالي دخيلج انا تعبان جهزيلي ثيابي ابى اتسبح ههههههههههههههه قلتله اوكي وسكرت في ويهه (حليله بعده ماقال شي ههههه) طلعت اجهز ثيابه وانا اضحك على وزاره الكاروهات ههههههههه بس ناقص نلعب عليه XO .. ^_^ .. المهم رجعوا وتسبحوا على السريع .. وانا احولف في الدرب اني ما اسوق واخويه يقولي حرام والله اني تعبان ريلي تعورني قلتله ما اكلمكم كلكم .. وتميت معصبه هههه واللي يرمسني ما ارد عليه جني ما اسمع شي .. وصلنا اقرب شيشه نعبي بترول .. نزل اخويه ياخذ اكل للدرب وشفت شاري 7up << ( عشقي الاول والاخير ) .. شليته عنه وهو ميت يباه هههههههههههههههه .. شربته وتم يدعي في الدرب وانا ميته من الضحك ههههههههه .. وصلنا قرب دبي .. اقولهم شفت شي هههههه "الرادار" قالولي كم تسوقين ؟ قلتلهم 160 ليش؟ قالولي انه يزخ 140 وااااااااااااااااااااااااااء يعله من رادار زخني هههههههه .. المهم .. كملنا الدرب والا بنسيبي يقول لفي الشيشه عشان يلصق بطاقة سالك على سيارتي اهئ اهئ (سيارتي ولا لصقه عليها حتى في الجامعه كنت اتضارب مع الضابط عشان التصريح ولا تخترب سيارتي اخر شي تتلصق سالك على سيارتي اهئ ) .. لصقوها يعلها التلصيق .. >> شوفوا سالك اهئ *_*


.


http://up.khellan.com/file/uploads/01a0694d88.jpg


.






درنا في دبي تقريبا ً ساعه الا ربع ونحن بس اندور فريج المرر هههههههه ,, المهم في اخر لحظه حصلناه .. نزلن الحريم .. بس نحن مالقينا باركن ! وقفنا في مكان غلط اقول لأخويه غلط قالي شعليج النسيب قال وقفوا يعني وقفوا هههههههههههه ,, تمينا انا واخويه في السياره نتريا الحريم لين مايخلصن من الخياييط .. شوي والا بالشرطي يسجل رقم لوحتي وااااااااااااااااااء اقول لأخويه اتصل بالنسيب خله يشرد ههههههههههههههههه .. اهئ وتسجلت عليه مخالفه يغربل ابليسك من شرطي ماتشوف رقم اللوحه هب من دبي شو تبانا هههههههه .. والا بشوي النسيب بيحرك السياره هههه ويوقفه الشرطي وشوي منيه ومناك وشل عنه المخالفه *_* ...
بعد ماخلصوا كملنا لين فيستيفال سيتي (وهذا حصلناه بعد مادرنا على دبي بكبرها ههههههههههه) .. نزلنا ونحن هلكانييييييين ماشي جثث تمشي على الشارع ههههههههههه .. سيده صلينا ورحنا نتغدى في جيليز ^.^ (خخخ طبعا ً بعد مازنيت على روسهم الا ناكل من جيليز) .. كلنا وخلصنا في الاخير طلبنا سويت شوفوا محلاها هههههههه ..


.


http://up.khellan.com/file/uploads/b3de7cdc7f.jpg


.



خلصنا وطلعنا انا واخويه للسياره .. بس ! نسينا وين موقفينها !!!!!!!!!!!!!!!!!!!!!!!!!! .. رحنا ندور على السياره دواره هههه وماحصلناها .. بعدين مسكنا واحد من السيكيوريتي وقلناله وين هالموقف؟ دلانا مكان السياره يزاه الله خير .. ونحن بنطلع من الفيستيفال سيتي والا استغفر الله (الله لا يكتبها علينا) شفنا فاحشه على الدرج المتحرك ! انا فاجه حلجي واخويه فاجنه اكثر عني << تخيلوا اشكالنا كيف كانت .!؟!. والا الحبايب الدنيا بخير عندهم ! .. قال اخويه فاحشه قلتله انا ماشفت شي .. حسبي الله عليهم حتى في المراكز ! .. وصلنا السياره والا شوي الاهل وصلوا يبون يسيرون مركز بوهيل .. عاد نحن ههه خبرناهم شو شفنا وانهزبنا انا واخويه ههههه لأنه في هالحالات لازم نزعق عليهم ونخبر عليهم الشرطه لأنه بيكون في صالحنا ونحن مساكين ههه من الصدمه ماعرفنا شو نسوي غير انه نطلع للسياره ههههههه .. وبعد المهازب وديناهم مركز بوهيل وماحصلنا باركن الا جدام كوفي ماذكر شو اسمه بصراحه .. بس طلبت منه 4 فرابتشينو ^_^ .. ومن هناك رجعنا العين بالسلامه على الساعه 9 ونص .... وصلنا هلكانين راح كل واحد لغرفته ورقد لليوم اللي بعده .. بس اللي اكلها صح اخويه هههههههههههههههههههههههههههههههه .. ابويه معصب عليه لأنه خلاني طول الدرب اسوق وهو ولا ساق ولا هم يحزنون ههههههههههههههههههههههههه ..



ومن بعد هالرحله ههههههههه تبت اني اطلع مكان مره ثانيه << احم احم بس طلعت بعده بيوم بأمر من السلطات العليا *_*





ان شاء الله نكمل هالمدونه باحداث حلوه وتعيبكم :yt2ml:





{ آحبـ love ـڪ }
مـآلهـآ طعمـ g مـذآق آلآ معڪ بـآلذآت
آبيڪ تردد آحلـى آحبـڪ آثـرت فينـي
آخـذني عن صخب دنيـآي
g آلفزعـآت
g آلـgقفـآت
خـذني يآبعـد ڪل هـآلدنيـآ g لآتخليني
على قـgلـﮧ ..{ سعـد علـgش }.. في بيت من آلآبيـآت
~ آذآ مآعجبتـڪ آخذني خـلآص آرجـgڪ مـآ أبينـي !

[Bedwien Heart]

بنت العزبه

ماشاء الله عليج طلعتي تسوقين هاااه .. تعالي عيل حوطينيه شوي عندج ^_^ .. يوميات راائعه ونرقب الزوود غناتيه ..

هههههههههه هيه اسوق ^^
ماشي شغله اييج هع هع
اول شي بفكر عقب بقرر اييج هع

ان شاء الله بتشوفين اليديد قريبا ً ^.^



/




الرحال

جميل فيما قرأت قلب .. لك جزيل الشكر ^_^

العفوو اخويه الرحال .. وثانكس على التواصل =)




/




الجوري

ما فيج حيله بدون هيرت يوميات جميله لا تحرمينا من يديدج ^.*

تسلمين غلايه الجوري واسعدني انه فيه متابعين للمدونه انا ماعرفهم =)



/




محينـــه

عيبنــي كل شي،، فنتك

تسلميييييييين محينه .. شهاده اعتز فيها عزيزتي =)



/



no one

. . مافيييج حييييـله . . يومياتج رووووعه . . ونحن في انتظـــار المزيــد . .

ان شاء الله عزيزتي .. وثانكس على تقييمج ومتابعتج الدايمه ليومياتي =)

[Bedwien Heart]

يا رافعـ الضحكه على كل المباسم
يا صاحب الضحكهـ و الخد الوسيم
لك حروف الشعر و قصايدي الحواسم


http://www.alamuae.com/up/uplong/DSC0120139947164006387.jpg


ما أستحمل أناظرها لأن عيني ما تقدر توسع نظرها
انا ودي أسكن خاطرها لكنها قمر و معانيها ما توسع سطرها
بس هي كليـ و انا كلي لأجلها أفداها فداوي العشق و أفدا كل ما فيها



Model : Dhabya

:mbsoooot:



كل الشكر للي يالسين يتابعون مدونتي :yt2ml:

[Bedwien Heart]

بنت العزبه

فدييييتها البنوووته .. ربي يحفظها ويخليها لكم .. ونرقب الزووود من يومياتج يالغلا ..


ويحفظج لأهلج بنت العزبه من ذوقج عزيزتي =)

منوره المدونه ..




no one

. . ماشاء الله عليها . . كيووووت فديتها . . الله يخليها لكم . . ^_^

ههههههه ويخليج لأهلج نو ون .. ^^
وايد كيوتات عدنا براويج اياهم ع الخاص =)

[Bedwien Heart]

صبـاح / مسـاء
الخيــــر
:yt2ml:


تصميم شوي شوي جديم بس على ماعتقد انه من شهرين ان ماكان من 3 شهور ^_^"

وحبيت اراويكم اياه واتقبل ارائكم بصدر رحب =)



ياليتـهـ ينـشـد دقيـقـة عــن الـحـال ويشـوف كـيـف بفراقـهـ عذبـنـي..أنـا اشهـد أن حالـي تقلبلـه أحـوال مـيـر المصيـبـة كـانـهـ هجـرنـي..يبغي الفراق ولا حصل بيننا اشكال وهـو علـى الفرقـا كثـيـر التمـنـي..صارت همومي تعدها كثر الاجبـال وعـــزت نـفـسـي عـنـهـ أبعـدتـنـي أبغي الحلول وأنا ترى مانـي حـلال..... أخــتــرت أبــعــد كـانـهــ جنـبــنـي


http://www.alamuae.com/up/uplong/shoog40600845092845.jpg

[Bedwien Heart]

بنت العزبه

واايد حبيت التصميم ^_^


خخخخ يسلاااااااااام .. حتى هو حبج هع ^^

مشكوره الغاليه على تواجدج الدايم في مدونتي =)



/




جريح الحب

ما شاء الله عليها.. الله يحفظها لكم يا بدوين.. ماقصرتي


ويحفظك لأهلك جريح الحب .. منور المدونه خيوو =)




/




no one

تصميم في قمة الروووعه . . وكلمات ولا اروع . . ابدعتي غناتي في التصميم الرااائع . .

الابداع منج وفيج عزيزتي نو ون .. احم احم هذا من ذوقج خيتوو =)

مشكوره الغاليه على متابعج لمدونتي ^^

[Bedwien Heart]

Monday
26. January. 2009
The mode: 3lemny wshloon
The place: Hafeet mountain



<-- تراني منقهره

صار لي ربع ساعه وانا اكتب واكتب واكتب واعدل الصور

اخر شي تطلعلي مسج انه لازم يتسكرن كل الصفحات اهئ :(

خلال بعتزل الفن ........




:



كنت كاتبه وايد اشياء الله يسامحه من كمبيوتر يباله فورمات الهرم

عن خاطري بنزلكم الصور لأني عدلتهم ><

شوفوا هالقطوه .. تحسب عمرها سوبرمان كانت تمشي على يبل حفيت بخفه ونحن نصارخ لا بتطيحيييين لاااااااا

وهيه ولا عليها كملت دربها لين ماوقفت جدامنا .. صورتها لكم ..



http://www.al-hor.net/up/get-1-2009-qfp0dp5v.jpg



/


هالصوره من الجهه اليسار ليبل حفيت .. كان في خاطري تشوفون الماي بس هب مبين وايد فالصوره
<-- السبب الاول ماتحملت البروده فوق .. والسبب الثاني لأنه كميرة تيلفون :(


http://www.al-hor.net/up/get-1-2009-ipcz3p0n.jpg




امم نصيحه ..

اللي يروح اليبل يلبس ملابس ثقيله لأنه الجو بااااااااااااااااااااااااارد

[Bedwien Heart]

Wednesday
28. January. 2009
The mode: 6rbanh m3 me7ad





يالكوس يا لمطلّي * قم شلّي * وانته لي المندوب
وانصى ديار الخلّي * لا تزلّي * واقطع قصير دروب
لي ييته في المـحلّي * متعلّي * بين مغيب وجنوب
بتشوفه كاملّلي * في الحلّي * هو غاية المطلوب
في طلعته لي هلّي * يخجلّي * يعزل هوى المحبوب
هوّ اقمري ويحلى لّي* متجلّي * هيّف على لغيوب
قّله الهوى ما زلّي * يختلّي * ضارب عمد وطنوب
لو بالغ في التغلّي * والدلّي * وآزم ذاير هروب



المود ضارب صوب هل بوظبي .. شو نسويبكم انتوا من تبون تغايضونا نقزتوا على القريه العالميه

حتى نحن من نبى نغايض هههههه بنحط لكم صور بوظبي ههااهااي

ذكرت صور مصورينها .. بعرضها لكم ^^

كنا طالعين محل طيور او حيوانات والله ماذكر .. وصورنا اللي كانوا يشرحولنا عنهن لوول

الصيصان .. او .. الكتاكيت .. او .. الصقيوات .. او كل الطرق تؤدي الى حيوان واحد ^^

http://www.al-hor.net/up/get-1-2009-zpbpdarg.png

عددهن 16 بوزعهن عليكم ^^

محينـــه, اللحظة الأخيرة, الجوري, الولايات المتحده البدويه, بدويه برستيج, بو جاسم, بنت العزبه, جريح الحب, دهن عود, رحــــــاله, No One, صمت الحنايا, شح شح, سولعية غرام, غلاتــي غـيــر } ~, همس قلبي


:


بغبغاء .. او ببغاء هههههه كله واحد

http://www.al-hor.net/up/get-1-2009-7o3ltu6k.png


:


عااااااااد هذااااااا انتوا وحظكم قولولي شو اسمه ^.*

http://www.al-hor.net/up/get-1-2009-1xabwzcu.png



:



اخر شي حبيب آآآآآلبي (سنجاب) على قولة الخدامه سكويراااال مادري كيف تقولها حشى لساني لصق في انطعي المهم المعنى واحد ^.^

http://www.al-hor.net/up/get-1-2009-gmrg4fxz.png



:



آخر شي نختمه بصوره لبحر ..

فتحوا خيالكم هع هع لأنه البحر هب مبين ذاك الزود ..

http://www.al-hor.net/up/get-1-2009-dusti0di.png




حبه غزا واحتلّي * بالكلّي * وتجاوز المنسوب
ما أعطاني مهلّي * يهنى لّي * قوتي ولا المشروب
شوقي له مسوّي لّي * ومشعلّي * وسط الحشا ليهوب
خلّي شوفه دواً لّي * (م) العلّي * لي ما خذنّي نهوب
مكبّرٍ بآصلّي * أذهلّي * أنحي صوبه طروب
يلّلي كلامه يسلّي * عسللّي * قلب الشجي المتعوب
ريم الفلا لمفلّي * مغتلّي * يقطف زهر وعشوب
ريحه جناة الفلّي * منحلّي * ينفح عطر وطيوب
لي شوفه ما يملّي * لي طلّي * لي من مشى بالدوب
تلّ القلب له تلّي * منحلّي * في ضامري محجوب

[Bedwien Heart]

خلـف الكوالــيس ~*




همس قلبي

خاطريه فالسويت / اعجبني ما قرأت هنا ..شكرا لكي^^

ههههه تشلحي عن ايديينج وطبخي ماوراج شي ^^
بنسوي مسابقه وان شاء الله بتشاركين فيها =)
سلمتي همس على التقييم


:



no one

ياعيني على اللي راحوا يبل حفيت . . بصراحه لو انا مكانج بصور كل شي . . لوووووولز . .

احم احم ههههههههه .. ماقدرت اصور شي لأني صدق كنت مصدعه ذاك الوقت من الجو والضغط يلعب دور ^^


:



بنت العزبه

هههههههه احلى شي يوم تصرخون على القطوه ههه اونه لا بطيحين هههه عيل وايد درت ابكم القطوه شو تقولون ههههه .. وبعدين الله يهديكم حد يسير يبل حفيت فوق في هالبرد @@.. ^_^ استمتعت بيومياتج .. وارقب الزوود

شو نسويبها مستويه بات مان والله لو صورتها فيديو انتي بروحج بتقولين لاااااااااااا بتطيحين هههههه

فالج طيب =)


:



الولايات المتحده البدويه

فديت ظبوي حبيها عنيه^^... ويومياتج حلوه ومتابعه

ان شاء الله الولايات ماطلبتي شي =) ..


:



محينـــه

شكرا على الكتكوت ،، بس اباه اسود

العفوو محينه ^^ ..
ههه خلاص من صوبج الاسود ..


:



no one

. . ثاااانكس غناتي على الكتكوت ^_^ . . وصور في قمة الروووعه . . استمري فديتج . . متـــابعه لكل جديد . .

يو آر ولكم سويتي ^^
تسلمين والله شهاده اعتز فيها =)


:



دهن عود

بدوين .. هذيلا مش صيصان ولا كتاكيت ... ولا صقيوات ... هذيلا عيال الديايه ... واللي عقب من ببغاء ولا بغبغاء ... اسمه متوه ( يومياتج ممتعه ) ^_^

ههههه سبحان الله كيف طلعوا عيال الديايه؟
اووف متووه مره وحده بسمعج صوته ^^
سلمتي الغاليه على التقييم


:




همس قلبي

شكراً ع الهديه بس ليش اسميه آخر شيء عقب مت كلهم يختارو ,, يمكن يبقى لي الاسود وانا في خاطري الاصفر,,

هههههه بعدهم بعدهم ماحجزوا الكتاكيت .. خلاص لج الاصفر ولا تزعلين وبنعطي الاسود لمحينه ^^

[Bedwien Heart]

مساكم مسك متابعين مدونتي ~*



صوره خذتها بعد تجربة لعدسه .. ان شاء الله تعيبكم ^^

http://www.al-hor.net/up/get-2-2009-vub44zeb.png

[Bedwien Heart]

همس قلبي

عيوني راحن وانا احاول افهم هالصوره ,, تجربه لاباس فيها

هههههههه سلامة عيونج همس قلبي .. هاذي صورة عطرين عدال بعض .. والعطر اللي مسويه عليه زوم هو lise water

^.^


/




الرحال

صورة جميلة بدوين.. شكراً ^_^


العفو اخويه الرحال =)



/





بنت العزبه

ابدااااع رااائع يالغاليه .. مبروك العدسه اليديده .. ونرقب منها المزيد من الابداااع ..

الابداع منج وفيج اختيه بنت العزبه
يبارك فيج =)

[Bedwien Heart]

مساكم مسك اعضاء الهير


حبيت انزل لكم بعض الصور اللي مصورتنها من قريب <~~ يعني بعده اسبوع مامر عليهن لوول


(1)

مره كنت في محادثه على المسن مع اخويه ملزم عليه اسير معاه المكتبه ناخذ للجامعه <~~ ههههه يتحسب عمره فالمدرسه بعده
اقوله يمين يقولي يسار .. انا ابى اسير مكتبة المكتبه واشتري من هناك وهو يقولي لا بنسير مكتبة الامارات اقوله من زينها عاد يقولي اذا هب الامارات اللي عدالها والا ليش نسير بعيد بنسير مكتبة دار الهجره ههههههههههههههههههههه والله بغيت ادفنه .. المهم اتفقنا انه نسير المكتبه وفالدرب بعد نتضارب على المكاتب لين مادخلنا مكتبة الامارات .. اول مادخلنا ونحن نتضاحك لين ماطلعنا والله ماكملنا دقيقتين ونحن داخل .. وانتوا بكرامه والله انه الحمام اكبر من المكتبه مستويه المكتبه صندقه ههههههههههههههه .. ورجعنا نتضارب اقوله مكتبة المكتبه يقولي خلاص بوديج دار السعاده اقوله حراميه وايد غالي عندهم ماطاع قالي انه هو اللي بيدفع قلت اوكي ان ماكسرت ظهرك قالي نزلي انزين ونزلنا المكتبه .. اسميني ماخليت شي ماخذته وكله دبل واللي احتايه واللي ما احتايه عشان مره ثانيه يقول ان شاء الله يوم اقوله نسير مكتبة المكتبه .. خلصت قال يالله نحاسب يوم سرنا هناك قالي انتي اللي بتدفعين فجييييييييت حلجي قلتله اراويك عند امايه عادي عادي لأنه بيطلع شويه .. يوم رمس الهندي قلتله خيييييبه جيه نحن شو شارين اهئ والله عورني بطني ههههههههههههههههههه .. هذا اللي خذته من هناك وبعد فيه اشياء ماصورتهن ..

http://www.al-hor.net/up/get-2-2009-skllpppf.jpg




(2)

Plz say
ما شاء الله ..

http://www.al-hor.net/up/get-2-2009-nmqw7si0.jpg
saif
:
salama
http://www.al-hor.net/up/get-2-2009-pymjmy69.jpg



(3)

لازم بختمها لكم بشي حلو ^^
هنيه يوم كنا سايرين صوب المطار وقت العرض الجوي .. فيه صور واااااايده بس هاذي حسيت انها متميزه


http://www.al-hor.net/up/get-2-2009-4nbsdjrf.jpg




-- الوداع .. آخر حروف .. في خفوقي شلتها .. يا تموت بوسط قلبي .. يا اموت ان قلتها --

[Bedwien Heart]

جريح الحب

مدونة راقية سيدتي.. استمري فــ نحن متابعين ..احترامي

تسلم شقيقي جريح الحب =)


/




دهن عود

احلى شي سيرت المكتبه ... ما شاء الله عليهم الحلوين الله يخليهم لكم ... ولا تقولين الوداع .. قولي الى اللقاء ... ترانا نترياج ^_^

والله يخليج لأهلج دهن عود .. ههههه خلاص مابقول الوداع الى اللقاء <-- والله كتبتها لأني صدق يمكن تقل دخلاتي لأنه بدت الدراسه ^.^
تسلمين غلايه على الكومنت



/




No One

ابدعتي غناتي ^_^ . . صوره رائعه . . مع الوان جميله . . متـــابعه لكل جديد . .

الابداع منج وفيج نو ون .. احم احم شووووووووووكرن على الكومنت اخجلتيني بصراحه ^^



/



No One

اللـــــــه عيبني الدفتر وايد ^_^ . . هههه شكلي بروح اشتري شراته لووووووولز . . ماشاء الله عليهم كيوووووووووت ^_^ فديتهم انا . . ياعيني على الصوره الاخيره مافيج حيله . . استمري غناتي . .

بس من حركات بنات الخاصه هههههه يالله مناك لا تاخذين نفس دفتري >> بتتصفعين تراج :p
خخخخخ اكييد عياالناااا لازم يطلعون كيووت نفسي هههههههه ^^
لازم ندخل شي من البداوه فالموضوع هع هع
سلمتي الغاليه على متابعتج لمدونتي =)



/




همس قلبي

تسلمين ع الصوور ,, اسميه ما قصر فيج اخووج ,, نرقب كل يديد


الله يسلمج همس قلبي .. هيه حايدي عنه .. زين خبرت عليه ماماتي هع




/




No One

ياويييييييييل حالي على هالصورة الراااااااائعه والمميزه . . بصراحه مافيج حيله . . حتى الكلمات روووووعه شراتج ^_^


احم احم .. ههههههههههههههه يابوكم حد اييوود عني هالبنت خربت استايل المنتدى^^


/



بنت العزبه

خخخخ اسميه اخوج مخالف مكتبه المكتبه ابرك عن هالمكاتب الثانيه جنهن صناديق .. وماشاء الله على العيال حلوين .. الله يخليهم لكم .. ومتابعه دوم باذن الله ليومياتج الرووعه ^_^

ههههه والله احسها هالمكتبه حلوه .. وفيها كل شي .. وفوق هذا ههههههههه مخ اخويه تبن الحمدلله والشكر ..

احم تسلمين والله اكيد طالعين على عمتهم وخالتهم لوول .. ويخليج لاهلج ..

[Bedwien Heart]

مثل عينك ياعيوني لم ارى
ترمي العشاق بالموت الخطير
سلهمت عينك على قلبي ترى
واصتصبت وصرت في حبك اسير
لو الجميع يبيع قلبي لك شرى
ياضيا يانور يالشمس المنير
انت حبك وسط دمي لي جرى


http://www.alamuae.com/up/uplong/shakira102002162362816.png


مالمحال انساك يانفع العبير
وانت لك قلبي كسر ضلعي وسرى
ناوين على الوصال لو طال المسير
ماترده قاسي اوحوش الضرى
ولايرده سيف قطاعً شطيير
دام حبك وسط قلبي لي ورى
لاتطفي النار أشعلها سعير
سلهمت عينك على قلبي ترى
واصتصبت وصرت في حبك اسير

[Bedwien Heart]

......... :antok: ........

[Bedwien Heart]

^.^


عوده من جديد << بعد انقطاع لظروف خارجه عن الاراده :p



تعرفون انتوا عاد دافنشي يوم يرسم مايحتاي اخبركم هههههههههه

http://www.alamuae.com/up/uplong/1128813378441633.png

<< البيت جنه ياي مسرع من اليسار وقابض بريك عنيف هههههههههههههه


>> وهالرسمه اضافيه ربيعتيه راسمتنها شوفو خيالنا بريء ^^

http://www.alamuae.com/up/uplong/21288161001615925.png

[Bedwien Heart]

No One


الله الله على هالرسمات الروووعه . . بصراحه رسمات مافيها حيله . . ههههه بس صدق جنها رسمات يهال في الروووضه لووووووووولز . . سوري غناتي بس اسولف ^_^ ..

ههههههههههه لو سمحتي يعني << نحن مانعرف نرسم بس جيه دازيين بويوهنا نشخبط

لا عادي عزيزتي خذي راحتج ^.*



::



همس قلبي


رسمه عجيبة ولا حتى بيكاسو يروم يرسم شراتها << متابعه لومياتج

هههههههههههههههههههههههههه اسميه لو كان عايش بينتحر اول مايشوف الرسمتين ههههههههه

حياج الله =)



::


بنت العزبه


اووب اوووب .. دافنشي ما ايي شي عدالكن خخخخ

هااع شفتي انه دافنشي ولا شي عدالنا ^.^


::


مجرد ذكريات


جميلة هي كتاباتك الرائعه أتمني أن تواصلي فأنا من المتابعين لكي يا سيدتي

تسلم اخويه مجرد ذكريات على المتابعه .. ان شاء الله بتشوف كل يديد وحصري خلال هالاسبوع ^.*



::


الرحال


بدوين ماتشوفون شر ان شاء الله.. ولو كانت متآخرة.. العذر منكم ^_^... متابعين ليومياتكم

الشر ماييك اخويه الرحال .. والحمدلله على السلامه =)


::




ومن خلف الكواليس

خخخخخخخخخخخخخخخخخخخخخخ


No One


فديييييييت روحج ياربي . . هههه احبج مادري ليش لووووووووولز ^_^ فديتج قلبج انا . .

وانا بعد (أ)حبج :plb7ob:

[Bedwien Heart]

ابي

كلمة احبك

تطفي جبال الشوق والوله

وعقبه أرجع اموت شوق ووله


http://www.alamuae.com/up/uplong/DSC005081302051175022638.jpg


I miss U

[Bedwien Heart]

No One


فدييييييييييته ياربي . . ماشاء الله عليه . . الله يخليه لكم . . بس شرايج اخطبه هههه ^_^ ماشاء الله عليه . .

ويخليج لأهلج نو ون .. انتي عاكسه القانون ههههههههه .. فديته والله اشتقتله آوي =(



::


بنت العزبه


فديييييته ماشاء الله عليه .. الله يخليه الكم يارب ويجعله ولد صالح .. ^_^

ويخليج لأهلج وان شاء الله يكون ولد صالح ^.^ .. شكرا ً على المتابعه عزيزتي



::



بوجاسم


لا ما عليج محد يموت ناقص عمر ... الله يرحمج مقدما يا قلب

لا اله الا الله .. هذا اللي بيجتلني ><"


::


E L W A R S


انا احطلج رد على يومياتج...ليش ماتعلقين عليهن حضرتج يابكيزه هانم !!

هههههه سي السيد ماشفت منك تعليق الا هذا .. واذا بدر مني الغلط فالسموحه منك



لالامابدر غلط.. بس انا أحب اشوف اسمي فالتقييم يوم تردين عالتقييمات<<عرفيتي بكيزه هانم


بكيييييييزه في عييييييييينك

انا Bedwien Heart هب بكيزه

ههههه اوكي كل ما بنزل يديد علق عليه .. عشان احط اسمك اوكي لوول

[Bedwien Heart]

هو غايتي هو راحتي هو ضنيني

هو مهجتي بالحب نفسي غمرها


http://www.alamuae.com/up/uplong/6132663317731161.png


ياحيف وقت حال بينه وبيني

وتبدلت الاحلام لحظة سفرها


Model: my little girl 2ldmany

[Bedwien Heart]

السموحه منكم على طولت الغيبه ^.^


واحد من انجازات هذا الاسبوع

>> RoBoT <<

له عدة مميزات حلوه

بذكرلكم اغلبها :

* Intelligent Brick: the programmble brain of your robot

* Sound Sensor: Robot reacts to your sound command

* Ultrasonic Sensor: Makes your robot see

* Interactive ervo Motors: Make your robot walk and move

http://www.alamuae.com/up/uplong/DSC0053913636951162195.png


تقريبا ً تم تركيبه من الساعه 9 الصبح لين الساعه 4 الا ربع العصر

هالوقت غير برمجته اللي يبالها وقت ^.^


::

[Bedwien Heart]

السلام عليكم ورحمة الله وبركاته


من غياب مفاجئ عن المدونه الى سفر

السموحه من الجميع

واشوفكم على خير =)