الرحال
18-12-2008, 02:44 AM
البارحه همي طوى خافقي طي
وأوقد سعير الحزن جمر وشظايا
تكفى ياليلي خفف جروحك شوي
تعبت أشوف عيون صبري عرايا
كريم ياجرحي مثل حاتم الطي
لا والله إلا زود وأكثرعطايا
تسهر معي إلين مايبلج الضي
وتواصل السهره إلى أخر مدايا
وإلى غفيت شوي تجمرني بكي
هم (ن) يفتت مهجتي من عنايا
أجمع جروحي واتذرا أبي في
والقى هجير الحزن يركض ورايا
واطيح باحضان الألم آآآه وش بي
ماعدت اميز صاحبي من أعدايا
أصبر وأداري شي وبخاطري شي
وياكثر أشيائي وقل أصدقايا
أيوه ياقلبي وش اللي جرى لي
وشلون ذاك القلب يجهل خفايا
ألما كثير وياكثر حولي المي
ولا قدرت اشرب ولا أروي ضمايا
ماكل حي إن غاب ينبدل بحي
بعض البشر غايب وهو بالحنايا
ياعين ابوي أرجوك لا تنشغل في
أطلق حجاجك وأبتسم للمرايا
الحزن من قبل أعرفك ساكن (ن) بي
ومتكحل بالعين دون الصبايا
هويتي دمعه وجمره بها غي
وميلادي الحرمان يمشي معايا
وش الجديد إن إنكسر داخلي شي
ووش الجديد إن ضعت بين البرايا
من يومني طفله وانا أحترق زي
شمع (ن) يذوب وتحتفل به زوايا
أصغر جروحي قلب لو تلمسه بي
حرام لا تحرق يديك الشظايا
وأكبر طموحي يوم به يشتعل ضي
حلم (ن) حملته واكتمته الخفايا
والحين لحظه بس بقولك شي
وأبيك تفهمني وتسمع ندايا
صحيح وقت(ن) بك جمعني ماهو شي
بالنسبه لعرف البشر والحكايا
وأدري بأن ايام معرفتك شوي
بعيون من يجهل بياض النوايا
لكن وعز اللي خلق ميت من حي
إنك مسوي بالحنايا سوايا
وأنك معمر قصر وبيوت في حي
ومداين ودوله وجيش وسرايا
وحصون ماشيفت ولاله أبد زي
إلا بجوف وعين جت لك سبايا
سبيت لك روحي وكبلت بيدي
شموخ قلب(ن) ماسعى للرزايا
وضعفت لين الضعف ورث لي الكي
وتساقطت أنفاس قلبي معايا
وجيتك وانا ارجف والجمر ساكن(ن) بي
والبرد من دونك وقربك دفايا
وأزعجتك بشوقي وكثرة أمانيي
وكشفت لك أوراق داخل حشايا
وروضت لك عقلي وقلبي وقوافيي
وعسفت لك أطهر شعور الحنايا
وهذا وتوي أعرفك كيف لو لي
عشره معك وسنين يااغلى البرايا
وانا الذي ماني مثل هذي وذي
ولاني مثل غيري عديمة مزايا
ساسي عريب وبنت من ذكرهم حي
يعطون مايرجون رد العطايا
ماقول ابوي امير لكن ماهو شوي
علمه ينومس بين مدن وقرايا
من يجهلك مايبرر اللي حصل لي
ومن يعرفك يشريك بأغلى الهدايا
وانا عرفتك قلب به طهر به ضي
وجيتك لبيتك ما حسبت الخطايا
وطرقت باب الوصل والقلب بيدي
عصفور بلله الوله من ظمايا
وطار الخفوق وجاك باخر نفس بي
ويومه وصل بابك تهاوى معايا
وطاح بيديك وطحت بعده انا زي
طفلا يتيم وشاف بسمة شفايا
من كثر ما حبيت قربك ياغالي
ماكنت احسب من يقول الوشايا
ولا كنت اقول يحبني او ماهو لي
أهم شي اني اشوفه معايا
يكفي احبه واشعر بنبضته وهي
ترقص طرب في داخلي من غلايا
والليله اللي جابت مواصلك لي
واروت ظما روحي وضوت سمايا
مدري علام الحزن فيها سرى بي
ومدري وش اللي زاد فيها شقايا
شعورها قاسي ومنها نبت في
علقم ولكن شلتها من وفايا
وغمضت عيني وازرق الدمع منشي
يرعد سحابه ويرتوي من عنايا
حسسستني بان الأمل فيك مقفي
واني بروحك مالي أية بقايا
مدري ومدري آآآآآآه ياليتك شوي
بليله تطل بصدق بين الحنايا
وتشوف بحرا داخلي ساكن(ن) بي
تلاطم امواجه حنين بحشايا
تنسفني امواجه على جالك وبي
يصرخ شعور الصمت بين الشفايا
ياحسرتي من عبرة(ن) تنتحب بي
عجزت أداريها وزادت بلايا
تحضر معاك الروح وان رحت تمشي
تغيب روحي معك ماهي معايا
العمر لحظه سيدي ومابها شي
لا جيتني بالشوق تسبق خطايا
أظما على كلمة غلا منك به لي
يحيا شعوري ويتسامى غلايا
واجيك وحشود الوله طايره زي
سرب(ن) مهاجر والسماء هي سمايا
والى وصلتك اوقف أتأمل شوي
واشوف حزنك واتراجع ورايا
ماهو لأني خايفه أحمله في
وانا الذي قد قلت جرحك دوايا
لكن أخاف يكون همك من يدي
واكون كحلتك بمكحل عمايا
لاصرت رايق شمس الايام لي في
ولا ضاق جوك تحترق بي سمايا
لايضيق صدرك مني بيوم او لي
مابي احس اني وهبتك شقايا
علياك كان الوصل يشقيك له عي
وانا أبسحب خطوتي من رضايا
مانت برخيص بخافقي يابعد حي
ولا أقوى العزاء لو قلت عادي عزايا
وعلياك لو بيده لك العمر تعطي
ويصير لك عمرين دون الرعايا
ولو السعاده يااقرب الناس بيدي
ماابخل بها لو كنت ماانت بمعايا
وان كان شعري ضايقك اهجره زي
ناس(ن) تمر ولا تشوف الخفايا
والحين غمض عينك وأقترب لي
ودي أقبلها ولا ابغى هدايا
والعذر منك كان قصرت في شي
سامح قصوري واعتذر عن خطايا
منقول
الرحال
وأوقد سعير الحزن جمر وشظايا
تكفى ياليلي خفف جروحك شوي
تعبت أشوف عيون صبري عرايا
كريم ياجرحي مثل حاتم الطي
لا والله إلا زود وأكثرعطايا
تسهر معي إلين مايبلج الضي
وتواصل السهره إلى أخر مدايا
وإلى غفيت شوي تجمرني بكي
هم (ن) يفتت مهجتي من عنايا
أجمع جروحي واتذرا أبي في
والقى هجير الحزن يركض ورايا
واطيح باحضان الألم آآآه وش بي
ماعدت اميز صاحبي من أعدايا
أصبر وأداري شي وبخاطري شي
وياكثر أشيائي وقل أصدقايا
أيوه ياقلبي وش اللي جرى لي
وشلون ذاك القلب يجهل خفايا
ألما كثير وياكثر حولي المي
ولا قدرت اشرب ولا أروي ضمايا
ماكل حي إن غاب ينبدل بحي
بعض البشر غايب وهو بالحنايا
ياعين ابوي أرجوك لا تنشغل في
أطلق حجاجك وأبتسم للمرايا
الحزن من قبل أعرفك ساكن (ن) بي
ومتكحل بالعين دون الصبايا
هويتي دمعه وجمره بها غي
وميلادي الحرمان يمشي معايا
وش الجديد إن إنكسر داخلي شي
ووش الجديد إن ضعت بين البرايا
من يومني طفله وانا أحترق زي
شمع (ن) يذوب وتحتفل به زوايا
أصغر جروحي قلب لو تلمسه بي
حرام لا تحرق يديك الشظايا
وأكبر طموحي يوم به يشتعل ضي
حلم (ن) حملته واكتمته الخفايا
والحين لحظه بس بقولك شي
وأبيك تفهمني وتسمع ندايا
صحيح وقت(ن) بك جمعني ماهو شي
بالنسبه لعرف البشر والحكايا
وأدري بأن ايام معرفتك شوي
بعيون من يجهل بياض النوايا
لكن وعز اللي خلق ميت من حي
إنك مسوي بالحنايا سوايا
وأنك معمر قصر وبيوت في حي
ومداين ودوله وجيش وسرايا
وحصون ماشيفت ولاله أبد زي
إلا بجوف وعين جت لك سبايا
سبيت لك روحي وكبلت بيدي
شموخ قلب(ن) ماسعى للرزايا
وضعفت لين الضعف ورث لي الكي
وتساقطت أنفاس قلبي معايا
وجيتك وانا ارجف والجمر ساكن(ن) بي
والبرد من دونك وقربك دفايا
وأزعجتك بشوقي وكثرة أمانيي
وكشفت لك أوراق داخل حشايا
وروضت لك عقلي وقلبي وقوافيي
وعسفت لك أطهر شعور الحنايا
وهذا وتوي أعرفك كيف لو لي
عشره معك وسنين يااغلى البرايا
وانا الذي ماني مثل هذي وذي
ولاني مثل غيري عديمة مزايا
ساسي عريب وبنت من ذكرهم حي
يعطون مايرجون رد العطايا
ماقول ابوي امير لكن ماهو شوي
علمه ينومس بين مدن وقرايا
من يجهلك مايبرر اللي حصل لي
ومن يعرفك يشريك بأغلى الهدايا
وانا عرفتك قلب به طهر به ضي
وجيتك لبيتك ما حسبت الخطايا
وطرقت باب الوصل والقلب بيدي
عصفور بلله الوله من ظمايا
وطار الخفوق وجاك باخر نفس بي
ويومه وصل بابك تهاوى معايا
وطاح بيديك وطحت بعده انا زي
طفلا يتيم وشاف بسمة شفايا
من كثر ما حبيت قربك ياغالي
ماكنت احسب من يقول الوشايا
ولا كنت اقول يحبني او ماهو لي
أهم شي اني اشوفه معايا
يكفي احبه واشعر بنبضته وهي
ترقص طرب في داخلي من غلايا
والليله اللي جابت مواصلك لي
واروت ظما روحي وضوت سمايا
مدري علام الحزن فيها سرى بي
ومدري وش اللي زاد فيها شقايا
شعورها قاسي ومنها نبت في
علقم ولكن شلتها من وفايا
وغمضت عيني وازرق الدمع منشي
يرعد سحابه ويرتوي من عنايا
حسسستني بان الأمل فيك مقفي
واني بروحك مالي أية بقايا
مدري ومدري آآآآآآه ياليتك شوي
بليله تطل بصدق بين الحنايا
وتشوف بحرا داخلي ساكن(ن) بي
تلاطم امواجه حنين بحشايا
تنسفني امواجه على جالك وبي
يصرخ شعور الصمت بين الشفايا
ياحسرتي من عبرة(ن) تنتحب بي
عجزت أداريها وزادت بلايا
تحضر معاك الروح وان رحت تمشي
تغيب روحي معك ماهي معايا
العمر لحظه سيدي ومابها شي
لا جيتني بالشوق تسبق خطايا
أظما على كلمة غلا منك به لي
يحيا شعوري ويتسامى غلايا
واجيك وحشود الوله طايره زي
سرب(ن) مهاجر والسماء هي سمايا
والى وصلتك اوقف أتأمل شوي
واشوف حزنك واتراجع ورايا
ماهو لأني خايفه أحمله في
وانا الذي قد قلت جرحك دوايا
لكن أخاف يكون همك من يدي
واكون كحلتك بمكحل عمايا
لاصرت رايق شمس الايام لي في
ولا ضاق جوك تحترق بي سمايا
لايضيق صدرك مني بيوم او لي
مابي احس اني وهبتك شقايا
علياك كان الوصل يشقيك له عي
وانا أبسحب خطوتي من رضايا
مانت برخيص بخافقي يابعد حي
ولا أقوى العزاء لو قلت عادي عزايا
وعلياك لو بيده لك العمر تعطي
ويصير لك عمرين دون الرعايا
ولو السعاده يااقرب الناس بيدي
ماابخل بها لو كنت ماانت بمعايا
وان كان شعري ضايقك اهجره زي
ناس(ن) تمر ولا تشوف الخفايا
والحين غمض عينك وأقترب لي
ودي أقبلها ولا ابغى هدايا
والعذر منك كان قصرت في شي
سامح قصوري واعتذر عن خطايا
منقول
الرحال