|{ الْقَضِيّهْ . . ๑

[شمـوخ]

|{ السلام عليكم ورحمة الله وبركاته . . ๑



قصيدة لـ الشاعر أحمد الصانع


روعه بمعن الكلمة :3aady:


للآستمـاع


http://www.movn.net/A7maD_AL_9ane3/AL_qaTHiaH.ram




مغفره وذنوب والساعه بلا توبة تدور
السنة صارت سريعه حيل واحسبها شهر

عذت أنا من شر خناسٍ يوسوس في الصدور
وما بكيت إلا لوجه الله في ليلة غدر

تختصر معنى حياتك كيف تبني لك قصور
احترم رايك وهذي تعتبر وجهة نظر

زين طيب دام تدري إن لك ربٍ غفور
ليه ماصليت لأجله ومارفعت إيدك شكر ..؟!

حدّث العاقل بما يُعقل وفي قلبٍ جسور
وإن خطيت بحق غيرك روح قدم له عذر

رافق الشخص المثالي اللي لو تخطي يثور
وإن سمعت اسمع من اللي تلقى في صمته درر

وقبل تسأل عن حياتي وكيف وجهي شع نور ..!
خل كلامي لك وصيه وخل بعد عندك خبر

مانال في الدنيا أحد يا سائلي غير الصبور
والدليل إني صبرت وكانت أيامي تمر

لاتقول الحل إنك تلقى لك عاشق غيور
إن حبتك عينه ترى ماحبتك عين الدهر

مثلك أول كان حالي وضيقتي ونفس الشعور
كنت أقول وش معنى قلبي في مشاريعه خسر ..؟!

مادريت إن الغياب أحيان افضل من حضور
لين شفت الشمس تشرق بعد مايغيب القمر

ومادريت إن التواضع كنز ومكروه الغرور
لين شفت إن الغنى في الآخره مثل الفقر

كنت غافل في حياتي وكنت اجهل هالأمور
لين ربي له هداني وصرت أدور لي أجر

لا تقول أعيش يومي دامي في عمر الزهور
ما أنت ضامن عمرك الباقي وقطاف الزهر

قبل لاتبذل خطيئه وتبني لذنوبك جسور
خاف من ربك وفكر في وعد يوم الحشر

مهما كنت إنسان راقي وتعشق أنواع البخور
التراب اللي يضمك بعد موتك والقبر

ياما قالوا الناس خايف ..؟! وقلت مافيني قصور
بس شفت إن الشجاعه معنى ثاني للخطر

إيه خاف وكون سالم دام هالدنيا بحور
والبحر مهما وفا لك طبعه غدار البحر

وللشجر إن شفت هامه هذا من طيب الجذور
يعني أعمالك جذورك هذي هي بالمختصر

القضيه ماهي شخصٍ وخالفه شرطي المرور
البشر في الدنيا هذي صار ياكلها بشر ..!



والسموحة ...


خويتكم شمـوخ


|{ فداعة الرحمن . . ๑

[دهن عود]

كنت هنا وجذبتني تلك الكلمات ... ليس لجمال الالقاء فقط ...


بل لروعه ما حوته تلك القصيده من عبر ايضا ...

الشاعر أحمد الصانع

لم اكن اعرفه ... ولكن افكاره في تلك القصيده

اثارت فيه الفضول لاعرف الكثير

" شموخ "

اختيار رائع

لك التحيه

[بنت العزبة]

http://ma7room.org/up/images/utey81m7uxn519kd0tmf.gif

ماشااء الله عليه
صح لسان الشاعر .. وسلمت انامل الناقل

بالفعل قصيده رااائعه جدا وتحوي الكثير من المعاني المفيده والرائعه

مشكورة اختيه على هذا النقل الرائع والمتميز

وماقصرتي

والله يعطيج الصحه والعافيه

http://ma7room.org/up/images/6bt3vapr74bgbucibn.gif

[الولايات المتحده البدويه]

صح الســــاااانه....


مافيهــاا حيلهـ القصيدهـ وصدق ف كل كلمهـ



وتسلمين ع الطرح الراااااائع منج

[شمـوخ]

دهن عود ../ بنت العزبة ../ الولايات

مرحبا الساع

نورتن الموضوع خواتي

وسعيده بـ هالتواصل ., لا حرمنا الرب ^^


,

[العنا]

لا تقول أعيش يومي دامي في عمر الزهور
ما أنت ضامن عمرك الباقي وقطاف الزهر


ماشالله اختيارج تووووووب ف القصاايد

تسلمين اختيه...