..[, عمر الصداقه في القلوب الوفية.,] [الأرشيف] - [ مــــنـــــتــــديـــات الــــهـــيـــــر]

همس قلبي

20-10-2008, 02:51 AM

\
/
\

عمر الصداقه في القلوب الوفية__ شروى المعاني الطيبة بجو الأحلام

قصه للكاتبة : همس قلبي

اعود اليكم بقصه جديده تدور احداثها حول ست فتيات تجمعهم صداقه قويه يدرسن في جامعة الامارات ، اتحدث فيها عن شيء من الواقع ممزوجاً بالخيال

شخصيات القصه

موزه 20 سنه : هدوء فضيع ونادر ما ترمس تستحي من كل اللي حولها حتى من هلها وربيعاتها

الريم 20 سنة : دووم ربشه وتموت في المغايض لي ييلس وياها مستحيل ما يضحك ومن المستحيل تستغنى عن تلفونها

رحمة 20 سنة : تحب الدراسة ، تموت في شيء اسمه سياسه ، عطوها مجال ترمس ما بترومون تسكتونها

حمدة 20 سنة : دومها سرحانه ، مرات تكون يالسه عند ربيعاتها وفجأه تختفي خلاف يلاقونها يالسه في مكان بروحها وتفكر

جواهر 20 سنة : دووم هاديه بس من تشوف ربيعاتها ترتبش

سلامة 21سنة : جريئة تحب السوق ومتابعه لكل ما هو جديد في عالم الموضه (الاقرب الى جواهر عن باقي الشله)

موزه وجواهر قراب من بعض اكثر عن باجي الشله ورحمه وحمدة والريم هيلا بعد قراب من بعض اكثر عن قربهم مع موزه وجواهر / اما سلامة فهي عند جواهر اكثر عن الباجياات...

وباجي الشخصيات بتظهر لكم مع تسلسل احداث القصه

الجزء الاول :

في جامعة الامارات
الريم وحمدة يالسات في الكلاس والريم متعبله بتلفونها شغاله ع المسجات وحمدة متملله تشوف الساعه

حمدة : باقي 10 دقايق ويخلص الوقت
الريم : تصبري الحين بنظهر
حمدة : يوعانه من يخلص الكلاس بنسير الرباعية
الريم : ان شاء الله
حمدة : اليوم شفتي جواهر وموزة
الريم : لا ، شفت رحمه
حمدة : هيه
الريم : بنلاقيهم فالبريك
حمدة : يوعانه
الريم : الحين بيخلص الوقت

خطف الوقت وظهرن من المحاضره لقن موزة وجواهر يالسات عند اللوكر وموزه متعبله يالسه ترتب اللوكر يحليلها كل ما تلاقيه معفوس ترتبه وهالبنات يشلن شغلهن ويتعايزن يردن كل شيء شرات ما كان

الريم : شفتو رحمه
جواهر : لا ، احيدها في مخج
الريم : وسلامة
جواهر : اليوم غايبه
الريم : شعنه غايبه
جواهر : مدري عنها البارحه مرمستنها المغرب قالت لي لا اتريوني ع البريك لانيه بغيب
الريم : هيه
حمدة : يوعانة ، خلونا نسير ناكل
جواهر : بنتريا رحمه
الريم : موزه شو تسوين طبيه عنج
موزة : شسوي يوم ربيعاتي ما يرومن يرتبن ( قالتها وجنها ناقمتنهم )
يضحكن البنات ع تعليق موزة
شوي ويشوفهن رحمه يايه تمشي والشيخة لابسه كعب اليوم

تسلم موزه ع البنات وتيلس ع الكرسي
حمدة : قومي قومي
رحمه : توني يالسه شوي برتاح
جواهر : البريك ما يسد نبا ناكل
موزه : صدق ما بنلحق ناكل
الريم : انزين نحن نسوي رجيم
رحمه : بيخترب رجيمنا
جواهر : انتن تسون رجيم ونحن نموت من اليوع
الريم : اول شيء بتخبر موزه لو يوعانه بنسير
رحمه : هيه لو موزه يوعانه بنسير
حمدة : وليش يعني موزه
جواهر : لانها ما تحتشر وعادي عندها
حمدة ادز موزه من جتفها وتقولها بصوت واطي : قولي انج يوعانه
الريم : سمعتج
موزه ترمس عقب ما رسمت ابتسامة هاديه : صدق يوعانه وابا اكل
الريم ورحمه وجواهر يضحكن
جواهر : حرام عليكن شو هالتعذيب لي مسوينه لحمدووه ( وتصد اطالع حمده) حمدوه قومي انا بسير ااكلج
حمدة : قومي بنسير برايهم
الريم : حوه انتن بنسير وياكم
رحمه : يلا قومن كلنا بنسير

موزه تيمع اغراضها وتحطهن في شنطتها ، جواهر تشل شنطتها وتوقف تتريا موزه ، رحمه وحمده والريم قدهن مشن وسارن صوب الرباعية ، موزه وجواهر يمشن وراهن

جواهر : اليوم بنجرب نركب الباص عسب يوصلنا لين البوابه
موزه : مافيا ع الباص ابا امشي
جواهر : نحن ما قد ركبنا فالباص خلينا نجرب ، والله ريولي تتكسر لين ما نوصل البوابه وراسي يويعني من الشمس ولو ما عيبنا خلاص ما بنركب ثاني مره
موزه : اوكيه
جواهر : هب كل يوم بنركب بس اليوم بنجرب
موزه : ولو ما عيبنا
جواهر : بنتم نمشي كل يوم فالشمس وبنطب الباص
موزه : انزين

في الرباعيه

جواهر وموزه توهن هابطات ويلاقن الريم
الريم : حجزنا طاوله بتلاقو اغراضنا عليها حطو اغراضكم وتعالو بنشوف شو بناكل
جواهر : ان شاء الله

موزه وجواهر يمشن ومجبلات صوب الاكل ويشوفن الريم ورحمه عند الميزان

موزه : جواهر شوفي الريم ورحمه
جواهر : اسميهن متعبلات
موزة : انا في خاطريه اعرف ليش يوزنن قبل لاياكلن وعقب ما ياكلن
جواهر : عسب يعرفن كم كيلو زادن
موزة : انزين في كل مره يقولن خلاص اخر مره ما بناكل ويحطن لهن جدول لرجيم يمشن عليه كم يوم عقب طااف
جواهر : والله اجسامهم حلوه شعنه يبن يضعفن
موزة : مدري عنهن
جواهر : ليتني امتن شراتهن
موزة : ناس تبا تمتن وناس تبا تضعف

الريم ورحمه متعقدان من عمارهن يبن يضعفن معن اجسامهم حلوه لاهن متان ولا هن ضعاف اما حمده وجواهر وموزه كل وحده ايبس عن الثانيه ويبن يمتنن

.

.

يتبع

\
/
\

همس قلبي

20-10-2008, 02:53 AM

\
/
\

سارن البنات وطلبن لهن عيشه وكلن عقب ظهرن من الرباعيه عسب كل وحده تسير كلاسها

في آخر الدوام

موزه وجواهر متواعدات يتلاقن عند الباصات

موزه : اي باص نركب
جواهر : عادي اي واحد كل الباصات يودن البوابه
موزه : احسن نتخبر
جواهر : بنتخبر منو يلا نركب

وركبن باص من الباصات الموجوده شوي وتحرك الباص ، تمن يهذربن ويهذربن ولا حسن بالوقت وعقب 10 دقايق وقف الباص وتمن البنات ينزلن
موزة كانت يالسه حذال الدريشه خوزت الستاره وانتبهت ان الباص وداهم مكان برع الجامعه

موزة : جواهر
جواهر : نعم
موزه بخوف : ترى الباص ظهرنا خاري الجامعه
جواهر : في ذمتج
موزه : والله
جواهر (اطالع من الدريشه ) : موزان الباص يابنا السكن
موزة : السكن
جواهر : هيه
موزه : الحين شو نسوي
جواهر : بنخبره يردنا الجامعه
موزه : ولو ما طاع
جواهر : هب كيفه نحن من بنات العين هب من بنات السكن

وسارت جواهر صوب راعي الباص وخبرته انهن ركبن باص بالغلط وتباه يردهن الجامعه لانهن من بنات العين راعي الباص ما عارض وردهن وصلهن الجامعه

الهندي : ودي بوابه مال العين
جواهر : لا خلنا بنحول هني
الهندي : زياده بعيد
جواهر : ما عليه بنمشي

حولن من الباص وسارن يمشن لين بوابه العين
وصلن البوابه وهن هلكاناات لقن الريم وحمده بعدهن ما سارن ورحمه قدها سايره

الريم : من وين يايات
حمده : لا يكون سرتن تاكلن عناا
جواهر : حمدوه تراج متبرضه
الريم : حمدوه شوفي اشكالهم مدري احس انهن زايغات
موزه : الباص ودانا السكن
الريم وحمده : هههههههههههههههه
جواهر : ما يضحك
الريم : ادري هذا شور جواهر
جواهر : قلنا بنركب الباص بدل لا نمشي وادقنا الشمس
موزة : لكن الباص ودانا السكن وجواهر خلته يردنا الجامعه وهو بغا ينزلنا عند بوابه العين لكن جواهر ما طاعت
حمده : وشعنه ما خليتيه يحولكن عند البوابه
جواهر : روحي تميت زايغه من دريت انه شلنا برع الجامعه بعد تبين الخوف يستمر لين ما يوصلنا عند البوابه قلت ننزل ونمشي اخير
موزه : وانا اقول ليش الباص هب ممزوو
الريم : وينج يا رحمه تيني تشوفين شو صار بجواهر وموزه
جواهر : ياحبج لشماته
الريم تضحك
جواهر : حد شاف الدريوليه مالتنا
الريم : لا بعدنيه ما شفتهاا
موزه : بوايج من الدريشه جان يانا الدريول

تسير موزه وجواهر صوب وحده من الدرايش ويتمن يوايجن

جواهر : موزه هذا موتركم
موزه : وينه
جواهر : هذا لي واقف اول شيء
موزه : ما شوف
جواهر : هب هذا هو شيبتكم( تطري الدريول ) شوفيه واقف عند الموتر
موزه :هههههههه
جواهر : بلاج
موزه : شعنه تقولين شيبتنا
جواهر : لانه لحيته بيضا
موزه : وحليله ويانا من زمان
جواهر : الحين بتقول وهو مربنا
موزه : بسج هذربان انا بسير البيت سلمي ع الريم وحمده
جواهر : ان شاء الله

وترد جواهر وتيلس عند الريم وحمده وموزه سارت بيتهم وعاد الريم ما قصرت ما خلت جواهر في حالها كل دقيقه تعلق ع السالفه وتضحك ومن تشوف بنيه خاطفه تطنز عليها
تمن شوي عقب كل وحده سارت بيتها

.

.

في بيت جواهر :

جواهر توها واصله البيت هبطت الصاله ولقت امها يالسه اطالع التلفزيون
جواهر : السلام عليكم
امها : وعليكم السلام
وتسير جواهر تبوس راس امهاا
امها : تحبج العافيه
جواهر :امايه انا بسير اوطي راسي لحد يوعني لين ما ياذن العصر
امها : ما تبين غدى
جواهر : لا ما اشتهي
امها : هب زين عليج ما تشوفي عمرج شقى غاديه
جواهر : امايه دخيلج تسد حشرت بويه بعد انتي نفس السالفه
امها : لاحول ولا قوه
جواهر : امايه هزاع هني (تطري خوها)
امها : لا ساير بوظبي
جواهر : ومتى بيضوي
امها : مدري عنه بغتي منه حايه
جواهر : موصتنه يوديني كارفور
امها : شو عندج في كراع الثور
جواهر : امايه اسمع كارفوور
امها : المهم شعنه تبينه
جواهر : ناقصتني اغراض وابا اخذ شنطه وجوتي للجامعه
امها : هيه
جواهر : ماماتي بسير ارقد
امها : كم مره قايلتلج لا تحيسي ثمج
جواهر : اوكيه ماماه
وتشرد صوب حجرتها قبل لا ترد عليها امهاا

.

.

في بيت حمدة

الساعه جرب 5 العصر

حمدة يالسه ادرس اخوانها (منى ومنصور) ومظهرين لها قرون ، يخرطون عليها اونهم هب فاهمين وهم فاهمين كل شيء بس يبون يطفروبها

منى : حمدوه بس خلاص ما عدنا شيء غيره ندرسه
حمدة : بدرسكم كل شيء الحين /مافيا بعد نص الليل تظهرون لي شيء
منصور : صدق ماشيء غيره
حمده : عادي ابغي ادرسكم كل شيء
منصور : انزين بسير الحمام وبرد << ويشرد ولا يرد
منى : يوعانه ابا اكل
حمده : تصبري يوم بيرد منصور بدرسكم عقب سيري كلي
منى : منصور ما بيرد خلني ارووح
حمده : كيف ما بيرد
منى : سار يلعب عند ربعه بتشوفين ما بيرد
حمده : السخيف سواها ثاني مره

وتنزل ادور على منصور وما لقيته عرفت انه ظهر خاري البيت

.

.

يتبع

\
/
\

همس قلبي

20-10-2008, 02:55 AM

\
/
\

.

.

الساعة 5 العصر
جواهر ناشه من الرقاد ومتزهبه ولابسه عباتها ( مستعده لسيرة السوق)
نازله من فوق تتمشى ع الدري وتغني

جواهر:ياحبيبي ليش تتغلا وانت عندي عارف غلاتك

ويوم نزلت الصاله لقت امها وحرمه خوها يالسات يتقهون

امها : جواهر بلاج مستطربه

جواهر: في حنايا الروح لك ملجأ بانين قصرك على ذات
انت روحي لي بها احيا وانت كل العمر وحياتك

ساره (حرمه خوها) : جواهر وين تبين متلبسه
جواهر : بسير السوق
امها : انزين هزاع بعده ما ياا
جواهر : اوكيه بدق له

وتربع صوب تلفون الصاله وادق ع هزاع

هزاع : مرحبا الساع
جواهر: هزاع وين انت
هزاع : الناس تسلم تتخبر عن الحال
جواهر : ادري انك بخير
هزاع : لا انا تعباان ابغي ارقد
جواهر : هزاع لا / لا اتنيذل علي انت قايل بتشلنيه كارفوور
هزاع : مافيا تعباان
جواهر وهي معصبه : اوكيه برايك مع السلامة
هزاع : جوااهر اسولف يلا تلبسي
جواهر : متلبسه واتريااك
هزاع : من اصيح هرن ظهري انا هب بعيد عن البيت
جواهر : اوكيه

سكرت جواهر وتسير تيلس عند امها

امها : ها شو قال لج هزاع
جواهر : ياي فالدرب

جواهر : ياحبيبي ليش تتغلا وانت عندي عارف غلاتك / في حنايا الروح لك ملجا بانين قصرك على ذاتك

ساره : جواهر بلاج
جواهر : انت روحي لي بها احيا وانت كل العمر وحياتك
امها : ان ما سكتي بفلعج ب هالدلة
جواهر : افا يا اميه اهون عليج
امها : صخي صدعتينا
ساره : مدري بلاها تغني ما احيدها جي
امها : جواهر بلاج فيج شيء
جواهر : اميه احب
امها تفج عيونها ع الاخر
جواهر وساره : هههههههههههههههههههه
امها : وابوي عليج شو هالرمسه الفارطه

شوي ويسمعن صوت هرنات الموتر / جواهر تثور من مكانها وتسير صوب باب الصاله

جواهر : مامااه برايج هزاع ياا بسير السوق خبر بويه
امها : جيه انتي هب قايله له
جواهر : ماخبرته
امها ك هب قايله له بيواجع
جواهر : امايه بليز
امها : ماشيء

جواهر ترد صوب امها وتقول
جواهر :روف بي يا فاهم المعنا لا تموت شخص يحيابك
انت عمري وانتهج نهجه انتهج نهجك وخطواتك
ارتعش لو ما بيه رعشه من الاحظ رعشت اشفاتك

امها : يالله بالستر شو صابها هالبنيه
ساره : مدري بلاها / بس الحمدلله انها مستانسه اخير عن الحزن لي مدخله روحها فيه
امها : صدقتي يابنيتي

.

.

جواهر اول ما شافت استيشن خوها هزاع سارت تربع صوب الموتر

تفتح الباب وتركب
جواهر : سرعه طير بي صوب كارفوور ابويه ما يعرف مافيا يهد علي

جواهر استغربت ليش خوها هزاع ما يرمس تصد اطالع / وانتبهت ان اللي فالسياره هب خوها هزاع
تنزل وتربع سيرده داخل البيت

تفج باب الصاله وتربع داخل

امها وساره استغربن منهاا توها ظاهره ليش ردت

امها : جوااهر
جواهر قدها واصله عند الدري
جواهر : نعم امايه
امهاا : اشو بلاج جيه رديتي ثاني مره
جواهر : لا ماشيء

وتربع فوق وتخليهم

امها : سويره سري شوفيها
ساره : ان شاء الله
امها : انا بظهر اهد ع هزاع اكيد قالها شيء

تسير ساره فوق تشوف جواهر

وتظهر ام جواهر خاري فالحوي

.

.

ينزل طحنون من الموتر ويسير صوب ام جواهر ويسلم عليها ويبوسها ع راسها
ام جواهر : مرحبا بطحنون
طحنون : مرحب فيج خالتيه
ام جواهر : وين من زمان ما يتنا
طحنون : مشغولين بالدراسه
ام جواهر : ربي يوفقك / الا ختيه شخبارها ربك الا بخير
طحنون : الحمدلله بخير
ام جواهر : عيل جواهر شافت انت
طحنون وهو مستحي : هيه ما دريت ابها الا راكبه الموتر وتقول ودني كارفور
ام جواهر : اتحراك هزاع
طحنون : هيه / ترى هو شال موتريه وساير به بوظبي
ام جواهر : هيه
.

.

ترقبو الجزء الثاني

.

.

همس قلبي

\
/
\

الرحال

20-10-2008, 10:03 AM

ما شاء الله عليج يا همس

قصة جدا جميلة وشيقه

وخاصة فلعة الدله ^_^

نترقب المزيد

شكراً

الرحال

الكتبيه

20-10-2008, 10:45 AM

همس قلبي
ما شالله عليج روووعه القصه

ونرقب الاجزاء اليايه.............

محينه

20-10-2008, 11:10 AM

حلوة القصه..
بس ميزان الرباعيه اظن انه مايشتغل..

ونتريا باااقي القصه

رحــــــاله

20-10-2008, 02:41 PM

يبالنا جبس و يلسه تالي الليل للجزء الثاني ،,,

بدت الإثاره ..

ونقول لـجاوهر ... هونيها و اتهون ،,

متابعه.

شمـوخ

20-10-2008, 03:06 PM

ماشاء الله عليج يا هموس نزلتي قصة يديده

انا واثقه انها حلوة ^*

وصدقها رحاله يبالنا جبس ويلسة تالي الليل خخخ

لي عودة بعد قرايتها :)

كاشخه راكبه تاكسي^_*

20-10-2008, 05:50 PM

][®][^][®][«®°·.¸.•°°·.¸¸.•°°·.¸.•°®»مشكووووووووووووووره همس قلبي ونترقب الجزء)(2)(«®°·.¸.•°°·.¸¸.•°°·.¸.•°®»][®][^][®][

غلاتــي غـيــر } ~

20-10-2008, 10:21 PM

همووسهـ

مااشااء الله ها نزلتي القصه يديدهـ ^^
امم حبيت الباارت حلوو
ياويلها جواهر *ــ*
نتريا البارت اليديد

همس قلبي

21-10-2008, 04:55 PM

ما شاء الله عليج يا همس

قصة جدا جميلة وشيقه

وخاصة فلعة الدله ^_^

نترقب المزيد

شكراً

الرحال

\
/
\

الرحال

.

.

تسلم ياخووي على التواجد

سعدت بمتابعتك للقصة

.

.

عاد ماعيبك فالقصه غير فلعة الدله

ان شاء الله الجزء الثاني قريب

.

.

همس قلبي

\
/
\

همس قلبي

21-10-2008, 04:57 PM

همس قلبي
ما شالله عليج روووعه القصه

ونرقب الاجزاء اليايه.............

\
/
\

الكتبية

.

.

صدقيني الشيء الرائع متابعتكم لي

البارت اليااي ان شاء الله باجر

.

.

همس

\
/
\

اللحظة الأخيرة

22-10-2008, 04:48 AM

السلام عليكم و رحمة الله و بركاته ~

ما شاء الله من الجزء الأول بدت الاثارة ^.^

باين عليها قصة رائعة

لا تبطين علينا . . نرقبج (:

همس قلبي

22-10-2008, 04:09 PM

حلوة القصه..
بس ميزان الرباعيه اظن انه مايشتغل..

ونتريا باااقي القصه

\
/
\

محينه

.

.

مرورج هو الاحلى ياختيه

صح ميزان الرباعيه ما يشتغل << بس كان يشتغل قبل سنه

الاحداث قبل سنه واكثر

وان شاء الله فليل بحط لكم الجزء الثاني

.

.

همس

\
/
\

همس قلبي

22-10-2008, 04:12 PM

يبالنا جبس و يلسه تالي الليل للجزء الثاني ،,,

بدت الإثاره ..

ونقول لـجاوهر ... هونيها و اتهون ،,

متابعه.
/
\
/

رحاله

.

.

هيه يبالكم شفايا عسب تاكلون وانتو تقرون القصه

بعدها الاثارة تونا فيالجزء الاول

وشكرا ع المتابعة

.

.

همس

\
/
\

همس قلبي

22-10-2008, 04:22 PM

ماشاء الله عليج يا هموس نزلتي قصة يديده

انا واثقه انها حلوة ^*

وصدقها رحاله يبالنا جبس ويلسة تالي الليل خخخ

لي عودة بعد قرايتها :)

\
/
\

شموخ

.

.

هيه كتبت قصه يديده << عقب تفكير طويل قررت اكتب

لا تثقين واايد يمكن ما تعيبكم

اتخيل اشكالكم انتي ورحالووه كل وحجه متفيزره قدام لابها وتااكل وتقرى بندماج

يلا نترياج تردين عقب ما تقرينهاا << ولو رديتي وانتي هب قارتنها يويلج

ز

.

همس

\
/
\

همس قلبي

22-10-2008, 04:26 PM

][®][^][®][«®°·.¸.•°°·.¸¸.•°°·.¸.•°®»مشكووووووووووووووره همس قلبي ونترقب الجزء)(2)(«®°·.¸.•°°·.¸¸.•°°·.¸.•°®»][®][^][®][

\
/
\

كاشخه راكبه تاكسي

.

.

العفو يالكاشخة

ان شاء الله قريب الجزء الثاني

.

.

همس

\
/
\

همس قلبي

22-10-2008, 04:29 PM

همووسهـ

مااشااء الله ها نزلتي القصه يديدهـ ^^
امم حبيت الباارت حلوو
ياويلها جواهر *ــ*
نتريا البارت اليديد

\
/
\

غلاتي غير

.

.

هيه شفتي عاد

نزلناها القصه

وحتى البارت يقول يحبج

يقول احب غلاتي

ياويلها جوااهر << بتلاقي هزاب من تحت راس طحنون

ان شاء الله بنزل البارت اليديد

.

.

همس

\
/
\

شمـوخ

23-10-2008, 09:03 AM

هموووس

قريتها وعيبني الباارت

بسرعه نزلي البارت 2

:amshyy:

شيوخ الامارات

23-10-2008, 11:56 AM

تسلمين الغاليه

بداية قــــــــــــــــــويه والله يوفقج

لا تتاخرين نتظر الجزء الثاني

همس قلبي

23-10-2008, 01:50 PM

;582561']السلام عليكم و رحمة الله و بركاته ~

ما شاء الله من الجزء الأول بدت الاثارة ^.^

باين عليها قصة رائعة

لا تبطين علينا . . نرقبج (:

\
/
\

النهايه

.

.

تسليمن يالغاليه

الرائع تواصلكم

الجزء الثاني جاهز

ياغير برد ع الاعضااء وخلاف بحطه

.

.

همس

\
/
\

همس قلبي

23-10-2008, 01:51 PM

هموووس

قريتها وعيبني الباارت

بسرعه نزلي البارت 2

:amshyy:

\
/
\

شحوووووووووووم

.

.

الحمدلله يووم عيبج

ان شاء الله بنزل بسرعه

.

.

همس

\
/
\

همس قلبي

23-10-2008, 01:53 PM

تسلمين الغاليه

بداية قــــــــــــــــــويه والله يوفقج

لا تتاخرين نتظر الجزء الثاني

\
/
\

شيوخ الامارات

.

.

ربي يسلمج من كل شر يالغلا

وين قويه هذي شيء بسيط

ان شاء الله هب متأخره

.

.

همس

\
/
\

همس قلبي

23-10-2008, 01:55 PM

\
/
\

الجزء الثاني :

تنويه : في الجزء الاول كنت كاتبه عن حمده يوم ادرس اخوانها / ترانيه مغلطه اطري موزه / بوني ما بركز لكن موزه وحمده خبروني بالغلط ..

.
.

وقفنا عند ام جواهر وطحنون
ام جواهر : دوومه يقول موتره يشرب بتروول واايد
طحنون : هيه يشرب واايد
ام جواهر : السبال توه مرمس جواهر وما قال لها انه شال موترك
طحنون : يمكن نسى
ام جواهر : دووم ينسى
طحنون : بدقله اشوفه وين
ام جواهر : جواهر قالت انه يااي فالدرب
ام جواهر : اقرب دااخل بنفاولك
طحنون : جريب ياخالتيه
ام جواهر : بنفاولك لين ما يوصل هزاع
طحنون في خاطره ( بتم تحلف وما بتهدنيه في حالي اخير اسمع رمستهاا)

ام جواهر مجبله صوب البيت وقدها واصله عند الباب وطحنون بعده واقف محله ماتحرك

ام جواهر : طحنون ولديه تعال بلاك واقف
طحنون : ان شاء الله خالتيه
.

.

في بيت حمدة

.

.

حمدوه ظاهر من المطبخ وشاله فياها دلة شااي ، وتمشي شوي شوي ما تبا حد يشوفهاا
هبطت الصاله وهي تمشي تبا تسير فوق /امها شافتهاا

ام حمدة : حمدووه تعالي
حمده في خاطراهاا ( يااك الموت ياتارك الصلاه)
ام حمدة : كم مره قنالج ما تشربين شاي
حمدة : امي
ام حمدة : حمدوووه انتي هب يااهل وتعرفين مصلحتج
حمدة : امي ما ارووم
ام حمدة : شو ماترومين
حمدة : خلاص آخر مره
ام حمدة : كل يوم نفس الرمسه
حمدة: امي دخيلج عليه امتحاان وما اووم ادرس الا اذا شربت شاي
ام حمدة : هب شااي هذا مخدراات ماترومين تصبرين عنه
حمدة : انزين هب روحي بشربها الدلة
ام حمدة : من بيشرب معاج
حمدة : خواتي
ام حمدة : حمدووه اتحريني ما اعرف / يابوج عاينتنج وخابزتنج / وادريبج ما بتخلين حد يجيسهاا
حمدة : امي
ام حمدة : حطي الدلة وسيري فوق
حمدة : امي حراام
ام حمدة : قلت لج حطي الدله وسيري فوق
حمدة : انزين بشرب هني قدامج
ام حمدة : لا / حطي الدلة وسيري فوق درسي

حمدووه تحط الدلة وهي معصبه ووتسير فوق

ملاحظة : حمدوه عندها كم مرض فالدم (فقر دم ، وانيميا ، وفيها دهوون رغم انها ضعيفه واايد هالمرض ورااثي ، وامرااض واايد في الدم نصهم ما اعرف اسمائهم ) عسب جي امها ما تخليها تشرب شااي وهي تموت في الشااي عادي تشرب دلة كامله في نفس الوقت

حمدووه تهبط حجرتهاا وتسكر البااب بقوو وختها شرينه كانت داخل الغرفه ويالسه ع النت ،
شرينه زاغت من حمدووه

شرينه : حمدوه بلاج
حمدة : ماشيء
شرينة : كيف ماشيء وانتي هالكثر معصبه
حمدة : شرون مالي بارض لج
شرينة : وين دلة الشااي
حمدة : امي شلتها عنيه
شرينة : هيه / عسب جي انتي معصبه
حمدة : شرينة حرام عليهم ليش يسون فيا جي / كل شيء ممنوع كل ما بغيت اكل شيء يقلو لا هذا فيه دهون والشاي هب زين لج عيزت مدري شسوي
شرينة : يبون مصلحتج يا حمدة
حمدة : ادري
شرينة : انزين خلاص لا تضيقن بحالج
حمدة : ابا الشااي
شرينة : انا بسير ايبه لج
حمدة : صدق
شرينة : هيه صدق / بصب لج في كوب وبيبه لج بس كوب عسب صحتج
حمدة : اوكية
شرينة : امي وين
حمدة : فالصاله
شرينة : خلاص بسير ايبه لج ع اسااس لي
حمدة: سرعه زين
شرينة : اوكيه

وتنزل شرون تحت عسب تيب لحمدة الشااي

.

.

يتبع

\
/
\

همس قلبي

23-10-2008, 01:57 PM

\
/
\

في بيت جواهر

سارة : جواهر خلاص تراج ما كنتي تعرفين
جواهر : انا ادري اميه بتهد علي
سارة : انا برمسهاا
جواهر : بتقولي هالكثر ما ترومين تميزين بين خوج وبين طحنون
سارة : صدق انتي ما انتبهتي ع موتره
جواهر : مدري موتره يشبه موتر هزاع وبعد هو صيح هرن
سارة : ما اعرف
جواهر : لو طحنون خبر هزااع / ياويلي بروح فيهاا
سارة : ما اضن طحنون يرمس
جواهر : وامايه لو رمست
سارة : بعد عمتيه ما بترمس
جواهر : واايد زايغه / خلاص ماابا اسير كارفوور
سارة : كل ذا من الزيغه
جواهر : شسوي عيل
سارة : هزاع بيتخبرج ليش ما تبين تسيرين شو بتقولين له / بيشك لانج من كم يووم حاشرتنه ع كارفوور
جواهر : صدقج
سارة : قومي بننزل تحت بنتريا هزاع تدري لو يا وما لقااج بيهد عليج
جواهر : انزين
نزل تحت ويشوفو ام جواهر يالسه تفااول طحنون
بس طحنون يالس وعاطنهم ظهره يعني ما يعرفوون من ذا اللي يالس / وهو يالس شكله شرات هزاع يووم ييلس

جواهر تمشي ومجبله صوبهم
جواهر : هزاعوووه هب وقت الفواله قوم بنسير كارفوور
امها اطالعها بنص عين / جواهر هب مركزه وساره انتبهت ع عمتهاا
ساره ادز جواهروتقولها
ساره : جواهر صخي عمتيه معصبه
جواهر : ليش
سارة : مادري احس جي

جواهر : هزاع متى بنسير
طحنون صاخ ما يرمس
ام جواهر : جواهر هذا طحنون هب هزاع
جواهر احترق ويهاا وتشرد وسارة تربع وراهاا

طحنون من النووع لي يستحي واايد ( يقول في خاطره ربي يسامحج ياخالتيه)

.

.

في بيت سلامة

سلامة يالس اتهاد ويا البشكارة ومعبصه عليها

سلامة : كم مره قايله لج ما تهبطين حجرته يوم انا اكون محد
البشكارة : اريد سوي ترتيب
سلامة : طلبت منج ترتبينهاا
البشكارة : تلاته يوم مافيه رتب
سلامة : ان شاء الله سنه هب مرتبه ما تدخلين لين مااقولج
البشكارة: ان شاء الله
سلامة : هب تقولين انشاء الله خلاف الاقيج فالحجرة بتتصفعين
البشكارة : جين مامااه
سلامة : مامااه في عينج اسمي سلامة
البشكارة : انجين

تهبط عليها امهاا

ام سلامة : سلامة بلاج ع البشكارة
سلامة : امي كم مره اقولها ما تهبط حجرتيه يووم انا محد وما تسمع الرمسه
ام سلامة : يحليها تبا تنظف
سلامة: حلها حلوول / انا بروحي انظفها حجرتيه ما ابااها تنظفهاا
ام سلامة : انزين خلاص ماصاار شيء
سلامة : امي هب اول مره تسوي هالحركه يعني بس تبا تغايض ، هي تدريبي ماابااها ادش حجرتيه ليش تغايق
ام سلامة : خلاص انا برمسهاا
سلامة : اخر مره ارمسها مره ثاانيه بمجع لها كشتهاا
ام سلامة : سلامة خلاص قلت لج انا برمسهاا
سلامة : وقوليهاا مايحتاي تعرض خدماتها يوم نبا منها شيء رواحنا بنرمسها
ام سلامة : مدري على منو ظاهر حاره
سلامة : يعني على منو طبعاً عليكم

ام سلامة تخليها روحها وتظهر عنهاا / سلامة يلست ترتب غرفتهاا / شوي وتسمع تلفونها يصيح وصلها مسج / تفتح المسج وتقرااه وهي تبتسم / وتكتب مسج وطرش

.

.

يتبع

\
/
\

همس قلبي

23-10-2008, 01:59 PM

\
/
\
في بيت الريم

الريم يالسه فالصاله وترمس رحمه فالتلفوون

الريم : رمستي امج عسب نسير السوق
رحمه : هيه
الريم : وشو قالت
رحمه : ماقالت شيء
الريم : يعني وافقت
رحمه : هيه / امي بونها عادي من اقولها الريم ما تقول شيء
الريم : فديتني
رحمه: وايد مصدقه عمرج / امي طاعت لان امج ربيعتهاا
الريم : شفتي ان افكاري جهنميه
رحمه : لا ماشفت
الريم : منو اقترح عليج نخلي امي وامج يتعرفون ع بعض
رحمه : انتي
الريم : عيل بس لا ترمسين
رحمه : انزين بس نبا نرد بسرعه عسب ندرس للامتحان
الريم : ان شاء الله
رحمه : انتو تعالو بيتنا
الريم : نحن اخر مره يناكم
رحمه : الريم دخيلج
الريم : خلي امج ترمس اماياا
رحمه : ان شاء الله
الريم : انزين اخبرج
رحمه : آمريني
الريم : تراني ما خبرت امايا
رحمه : وشو تترين ليش ما خبرتيهاا
الريم : خلي امج تقولهاا
رحمه : ريموه تراج سخيفه / الحين بيتحروني انا لي قايله ابا السوق
الريم : رحمه ما عليه امي ما بطيع لو قلت لهاا اخير لو امج تقول
رحمه : زين
الريم : فديت رحمه انا
رحمه : هي تفديني عسب اسكت عنج
الريم : فديت اللي معصبه اناا
رحمه : مااباا
الريم : رحمه يلا عااد
رحمه : شوو
الريم: لا اتمني جي
رحمه : ان شاء الله / بس ع شرط
الريم : شووو
رحمه : انتو تيوون بيتنا
الريم : ان شااء الله

وتمن يهذربن فالتلفون خلاف سكرن

.

.

ع المغرب

هزااع كان يدوور جواهر عسب يشلها كارفوور ، وجواهر من الخووف منخشه في قسم ساره / تخااف امها تهد عليهاا عسب سالفه طحنون

هزاع يزاعج في الصاله اللي فوق
هزاع : جوااااااااااهر
ويسير عند حجرتهاا ويدق البااب بس مايسمع حس / فتح البااب ما لقى حد
هزاع : جواااااااااااااااااهر / اعووذ بالله وين اختفت هالسكنيه / اخافها زعلت علي لانيه طبيتها ويلست اهذرب مع طحنون
هزاع : جواااااااااااااااااااااهر
يظهر له اخووه الصغير حمدان
حمداان : انت ليش تزاعج
هزااع : حمداان شفت جواهر
حمدان : هيه
هزاع : وينهاا
حمدان : شفتها الصبح يووم ركبت السياره وسارت الجامعه
هزااع : بصفعك / هب الصبح الحين ما شفتهاا
حمدان : انزين ما اعرف
هزاع : انزين
حمدان : ادورها ويااك
هزاع : هيه

هزااع يدوور جوااهر في الغرف وحمداان ويااه
شوي ويقووم حمداان يفتح الدرج مال التواليت

هزااع: حمداان شو تسوى لا اتعبث باغرااض جواهر
حمدان : يمكن انخشت هني
هزااع انطر من الضحك ع حمداان / كان شكل حمداان كيووت وهو يدوور في الادرااج / وين هالدرج الصغيروون بيسد جوااهر

شوي وتيهم جوااهر وهي تتنافض

هزاع : وين كنتي
جواهر: كنت في قسم سارة
هزاع : وما تسمعني من الصبح ازقر عليج
جوواهر: ترااني يت
هزاع : يلا تزهبي بنسير
جواهر : الحين
هزاع : هيه
جواهر : بويه ما بيقول شيء
هزاع : لا تراني حبرته
جواهر : اوكي 5 دقايق واخلص ياغير البس عبااتي
هزاع : اوكيه اتريااج تحت

ويظهر هزاع عنهاا / تصد تبا تسير صووب كبتهاا تلاقي حمداان يالس يتعبث في لابهاا /

جواهر : حمدان شو تسوى
حمدان : ادرس
جوواهر : شو تدرس
حمدان : نفلج انتي يوم اقولج شو تسوين في الكمتووتر تقولين ادرس ( ترجمه نفلج : معناتها نفسج / كمتوتر معناتها ك كمبيووتر )
جواهر : انزين ادرس
حمدان : لو ثمحتي ظهري خاري
جواهر : لا والله بعد حجرتيه بتحتههاا
حمدان : لا حوول
جواهر : يلا اظهر خاري اباا اتلبس

حمداان ما طااع يظهر شلته جواهر بالغصب وظهرته خاري وسكرت البااب
وحمداان محرج عليها يبا يتعبل فاللاب
تلبست جواهر واول ما بطلت البااب لقته يتريااهاا

حمدان : خلصتي يا سيده
جواهر : هيه حلصت يا سيد
حمداان : انذين خليني ادخل ابا ادرس
جواهر : اوكيه ادرس بس لا تخرب شيء والا تراني بذبحك
حمدان : انذين

وخلته جوااهر وسارت تربع تحت
.

.

في كارفوور

جواهر وهزااع يالسين يفتروون في كارفوور / جواهر ما عيبها اي شيء ( ذوقها شوي صعب) وهزاع مفول عليها ساعه تحووط ولا شرت شيء

هبطو اودل ستايل عسب جوااهر تبا تاخذ لها جوتي
هزااع لاحظ ان في بنات يمشون ورااهم من فتره بس طنش ، لكن يووم هبطوو اودل بعد شافهن يهبطن ورااهم / جواهر تمت تفتر في المحل سايره رااده / واخيراً لقت لها جوتي

جواهر : هزاع ابا هذاا
هزاع : اوكيه خذيه / يسدج واحد والا تبين غيره
جواهر: لا يسد
هزاع : يلا عيل خلنيا نحاسب ونظهر

وسارو صوب الكاونتر
هزاع يتلفت
حاسب وظهروو

جواهر لاحظت انه يتلفت
جواهر : هزااع بلاك
هزاع : مااشيء

جواهر سكتت عنه وتموو يمشوو
شوي والا وحده من البنات ترمس هزاع
البنيه : لو سمحت
هزاع يطالعها بنص عين
البنيه : لو سمحت ممكن الرقم
هزااع فول عليهاا وقاام يهااد
هزاع : لا هب ممكت / انتي ما تستحين / عنبوو ماشيء حياا / الا بتخبرج ليش مصبغه ويهج هالكثر تقول سايره عرس انتي فالسوق هب زين عليج / وين هلج عنج يوم ظهرتي من البيت
وتم يهادها وهو معصب
البنيه ساكته وهب عارفه شو تسوي وما راامت ترمس
وجواهر ميوده الضحكه وهب راايمه تبا تضحك
ويصد هزااع صوب جواهر ويقولها
هزاع : وانتي بعد ليش تضحكين
جواهر : ما ضحكن
هزاع : عنبو بعدنيه لو ما اشوفج / يلا انقفضي قداامي بنرد البيت
جواهر: هزاع بعدنيه ما خلصت
هزااع : جووااهر مالي باارض لج يلا امشي قداامي

.
.

( هزااع ما شاء الله عليه رحيم / ملامحه حلوه تخلي الواحد غصب يسرح فيه يووم يناظره )

عاد هزاع عصب وما خلا جواهر تتشرى ردها البيت
.

.

والسموحة منكم

ترقبو البارت القادم

.

.

همس قلبي

\
/
\

دهن عود

23-10-2008, 04:11 PM

ليش ؟؟؟؟

كنت مندمجه ....

شكرا همس .. في انتظارج

تحياتي

اللحظة الأخيرة

24-10-2008, 04:45 AM

قهر ليش ما كملتي >.<

نتريا البارت الثالث

(:

شمـوخ

24-10-2008, 01:16 PM

متآآآبعة .... :hayar-19:

وأرقب البارت 3 ...,

غلاتــي غـيــر } ~

24-10-2008, 04:40 PM

يااحليلج ياجواهر ماخلوج تشرين غمضتني شويهـ بس *ـــ^

نتريا البارت 3

كاشخه راكبه تاكسي^_*

24-10-2008, 05:55 PM

°ˆ~*¤®§(*§*)§®¤*~ˆ°«®°·.¸.•°°·.¸¸.•°°·.¸.•°®» وحليلها جواهر ما خلاها تاخذ الي تباه بس بنشوف الاحداث في الجزء ()(3)()«®°·.¸.•°°·.¸¸.•°°·.¸.•°®»°ˆ~*¤®§(*§*)§®¤*~ ˆ°

همس قلبي

28-10-2008, 07:37 AM

ليش ؟؟؟؟

كنت مندمجه ....

شكرا همس .. في انتظارج

تحياتي

\
/
\

دهن عود

.

.

ليش / لان صبوعي عورني من كثر الطباعه

وبعدين لان فيا نذالة يوم ادريبكم مندمجي اوقف :tooor:

العفو يا دهن العوود

.

.

همس
\
/
\

همس قلبي

28-10-2008, 07:39 AM

;583127']قهر ليش ما كملتي >.<

نتريا البارت الثالث

(:

\
/
\

النهاية

.

.

ان شاء الله بنكمل اليووم

بس لا تنقهرين تدرين بخويتج نذله

والسموحة

.

.

همس

\
/
\

بنت العزبة

28-10-2008, 10:42 PM

يالله عاااد نرقب البارت الثالث ^_^

الدلوعة

30-10-2008, 05:43 PM

رووووووووووووووووووووووووووعه

في انتضاار البارت الثالث

البزيه

01-11-2008, 12:00 PM

يلا حطي البارت الثالث

مشكووره همس ويعطيج ربي العافيه

البزيه

العين الدعية

01-11-2008, 05:34 PM

تسلمين ع القصة الحلوة ^_^
...

نتريا البارت الثالث

مخاوية الليل

01-11-2008, 07:35 PM

مرحبا همس قلبي

يله .... يا قلبي نتريا

البارت 333333

وقصه في قمة الروعه

تحياتي: مخاوية الليل

همس قلبي

06-11-2008, 05:19 PM

متآآآبعة .... :hayar-19:

وأرقب البارت 3 ...,

\
/
\

شموخووه

.

.

تابعي

البارت 3 الحين من اخلص الردوود ع الاعضاء

.

.

همس

\
/
\

همس قلبي

06-11-2008, 05:21 PM

يااحليلج ياجواهر ماخلوج تشرين غمضتني شويهـ بس *ـــ^

نتريا البارت 3

\
/
\

غلاتي غير

,

.

دوهم جي ما يخلونها تتشرى ابدن

البارت 3 بعد دقايق

.

.

همس قلبي

\
/
\

همس قلبي

06-11-2008, 05:23 PM

°ˆ~*¤®§(*§*)§®¤*~ˆ°«®°·.¸.•°°·.¸¸.•°°·.¸.•°®» وحليلها جواهر ما خلاها تاخذ الي تباه بس بنشوف الاحداث في الجزء ()(3)()«®°·.¸.•°°·.¸¸.•°°·.¸.•°®»°ˆ~*¤®§(*§*)§®¤*~ ˆ°

\
/
\

الكاشخه

.

,

هيه ما يخلوها تاخذ لي تبااه

البارت الثالث بعد دقايق

.

.

همس

\
،
\

همس قلبي

06-11-2008, 05:24 PM

يالله عاااد نرقب البارت الثالث ^_^

\
/
\

بنت العزبه

.

.

ان شاء الله يا ختيه

.

.

همس

\
/
\

همس قلبي

06-11-2008, 05:26 PM

رووووووووووووووووووووووووووعه

في انتضاار البارت الثالث

\
/

الدلوعه

.

.

انتي الروعه ياختيه

.

.

همس

\
/
\

همس قلبي

06-11-2008, 05:27 PM

يلا حطي البارت الثالث

مشكووره همس ويعطيج ربي العافيه

البزيه

\
/
\

البزيه

ز

.

ان شاء الله يالبزينه بنحطه البارت الثالث

وربي يعافيج ياخته

ومشكوره ع المروور

.

.

همس

\
/
\

همس قلبي

06-11-2008, 05:29 PM

تسلمين ع القصة الحلوة ^_^
...

نتريا البارت الثالث

\
/
\

العيون الدعية

.

.

ربي يسلمج من كل شر يا ختيه

ان شاء الله البارت الثالث الحين

.

.

همس

\
/
\

همس قلبي

06-11-2008, 05:32 PM

مرحبا همس قلبي

يله .... يا قلبي نتريا

البارت 333333

وقصه في قمة الروعه

تحياتي: مخاوية الليل

\
/
\

مرحب ملاين بمخاويه الليل

.

.

تريوو شو رااكم

تواجدكم فيها هو الاروع

البارت الثالث بعد ردي عليج

.

.

همس قلبي

\
/
\

همس قلبي

06-11-2008, 05:33 PM

\
/
\
السموحة منكم ع التاخير

وذلك بسبب ضرووف صحيه خارجه عن ارداتي

وزحمه البحووث والدرااسه

.

.

همس

\
/
\

همس قلبي

06-11-2008, 05:36 PM

\
/
\

البارت الثالث

.

.

في بيت موزة

الساعة 8 ونص
موزة تفتر بين الغرف اللي في بيتهم بطلت غرفة اختها شمسه
شمسة : اعوذ بالله بلاج
موزة : عندي امتحان لو سمحتو ما ابا ازعاج
شمسة : ليش يايه تخبرني
موزة : عسب ما تين تحشريني يوم اكون ادرس
شمسة : ان شاء الله
وتسكر الباب وتسير قسم اخوانها الاولاد
ونفس السالفه خبرتهم ان عليها امتحان ، وظاهره مجبله صوب حجرتها ويالسه اتحرطم و تلاقي ابوها
ابوها : موزان بلاج ترمسون عمرج
موزه ويها غدى احمر وتوخي راسها (تستحي من بوها )
موزة : ماشيء يابوي عليه امتحان وبسير ادرس
ابوها : ربي يوفقج ركزي عدل
موزة : ان شاء الله
ابوها : ليش ما درستي العصر
موزه : كنت ادرس منى ومنصور
ابوها : عسى ما طفروبج
موزة : طشونه بس
ابوها : لا اتعبين عمرج واتمي سهرانه من تي الساعه 11 رقدي حتى لو هب مخلصه
موزة : ان شاء الله
ابوها : ربي يوفقج يابنتي
ويخليها وينزل تحت وموزة تربع صوب حجرتهاا

ملاحظة : طبع في موزة من يكون عليها امتحان تفتر البيت كله تخبرهم ان عليها امتحان عسب محد يحشرها ، واخوانها كل ساعه ايون يوايجون عليها (خلصتي والا بعدج )

.

.

في بيت رحمه

رحمه يالسه تصيح وامها واخواتها يهدونها

(آمنة اكبر عن رحمه ولطيفة اصغر عنها )

رحمه : اقولكم ما ابا اعرس
آمنة : انزين انتي بعدج ما صليتي الاستخارة
رحمه : انزين ما ابا اعرس هب كيفكم
امها : لا تفشلينا فالعرب انتي قومي سلمي ع الريال يمكن من تشوفينيه تغيرين رايج
رحمه : ما اباا
لطيفه : رحمووه يالغبيه سيري شوفنيه
آمنة : انتي شوفيه ول ما عيبج خلاص ما بتاخذينه
رحمه : انزين انا ما ابا اعرس لين ما اخلص الجامعه ، وهو يبا يعرس ويشلنيه ويااه الخارج عسب يكمل دراسته
لطيفة : انزين يالغبيه انتي بتدرسين وياه هناك
عاد رحمووه تموت في السفر ، تمت اطالع امها عقب قالت
رحمه : لا انا ما ابا ارووح بعيد عن امايه
وردت تصيح وتنسدح ع الشبيه وتخش ويها وتصيح
ام رحمه هب عارفه شو تسوي ومتفشله فالعرب ، الريايل يالس ويااهم خال رحمه واخوانها
.

.
عند الريايل

خال رحمه : انزين بتخبرك انت كم عمرك
ابو الريال : عمره 23 ويدش في 24
خال رحمه وهو يطالع الريال : انزين بتخبرك شو يعنيلك الحب
الريال : الحب اي عقب الزواج
خال رحمه استانس عليه يقول في خاطره هذا ريال يفهم

.

.

عند الحرمات
.

.

ام رحمه متفشله هب عارفه شو تقول للعرب
الحرمه : وينها العروس ما ظهرت
ام رحمه : الحين بتظهر خواتها عندها

ومناك امنه ولطيفه يقنعون رحمه ورحمووه ما شيء فايده / يالسين حول الساعه ورحمه بعدها ما ظهرت للعرب الحرمه حست ان فيه شيء قالت

الحرمه :انا بسير اشوفها
ام رحمه : خواتها عندها الحين بيظهرن

الحرمه قامت من محلها وسايره داخل صوب الغرف / ام رحمه متفشله قامت وراهاا
دخلن ع رحمه لقوها بعدها ع حالها منخشه تحت البطانيه وتصيح

الحرمة : يحليها بنتيه بلاها تصيح
ام رحمه متفشله هب عارفه شو تقول
الحرمة : اكيد مستحيه / قومي يابنتي هذا شعور طبيعي كل البنات يستحن

تمت الحرمة تتفلس ورحمووه مضيقه عليها ويالله يالله بالغصب قامت غسلت ويها وحطت شوي جحاال ولبت كندورتها وظهرت (وفي عيونها بعدها الصيحة موجووده )

الحرمة ماسكة ايد رحمه وتمشي مودتنها صوب ميلس الريايل دخلتها داخل وتقول

الحرمه : هاي هي العروس
رحمه معصبه ما اداني هالحركاات
تبا تظهر والحرمة اميودتنها من ايديهاا
الحرمه : شوفي المعرس يا رحمه
ورحمه ما تبا حتى ترفع راسهاا يبالها دقه عسب تصيح بغصب تفججت من ايد الحرمه وسارت داخل

وعقب ما سارو العرب رحمه تقول حق امها

رحمه : باي طريقه هالعرب تروغيهم / ما ابا اعرس يعني ما اابا اعرس

ملاحظة : رحمووه مخبرتنيه انها لبست الكندوره السحريه ( كندوره عندها كل ما ايهوهم عرب يخطبون تلبسها ) تحس ان هالكندوره فيها سحر لان اخر شيء ما يستوي نصيب وهي روحها تبا الفكه عسب جي تلبس الكندوره السحريه ...

.

.

يتبع

\
/
\

همس قلبي

06-11-2008, 05:37 PM

\
/
\

في الجامعة

الساعه 11 الصبح

جواهر وموزه عندهن بريك مع بعض ، سارن منى 80 ويدوور طاولات عسب ياكلن مالقو طاولة فاضيه خذن تيكا ويه

جواهر : يعني وين نسير ناكل بيخلص البريك
موزة : ما اعرف
جواهر : نسير نتيلس ع العشب وناكل
موزة : اوكيه
وظهرن من مبنى 80 وسارن صوب المظلات ويلسن ع العشب / توهن بياكلن يشتغلن عليهن رشاشاات المااي / جواهر شلت سندويجتها والبطاطا وتبرع وموزه شاله سندويجتها وتبرع ورى جواهر وخلن الكولا والبطاطا

جواهر : غربل الله بليسه من هندي
موزة : يعني ما يشوفنا يالسات ناكل
جواهر : قسم بالله ما يتستحي
موزة : انا اعرفه بسير اهد عليه
جواهر : ادريبج تستحين
موزه : عيل انتي سيري
جواهر : مافنيه
موزة : خلينا نسير ناكل
جواهر : بنيلس ع العشب من الصوب الثاني
موزة : ياخوفي يتنيذل ويرد يشغل الرشاشاات
جواهر : انا خاطريه اكل فالدعنه
موزة : اوكيه قومي نسير

ويسيرن ويتمن ياكلن

جواهر : موزووه شوفي شليتيه شقى غدت
موزة : لابسه ساري لازم جي بتغدي
جواهر : نسير نكويها
موزة : وين تبين
جواهر : بنسير السكن / من زمان في خاطريه خلنا نسير
موزة وهي ترسم ابتسامة هاديه : انزين بنسير
جواهر : يلا خلصي اكلج عسب نسير
موزة : ان شاء الله

يوم خلصن ماكلات
موزة : جواهر نسير المعرض
جواهر : هيه صح عسب ندخن
موزة : بنفتر شوي وبنظهر
جواهر : انا ابا ادخن

(دومهن جي يوم يكوون شيء معرض مفتوح فالجامعه يسيرن يدخنن اونهن يجربن الريحه وخلاف ما يشترن شيء ويظهرن )

سارن المعرض ادخن وخلاف ظهرن وجبرلات صوب السكن اول ما وصلن بوابه السكن يمشن شوي شوي

جواهر : لا تبينين لهم انج زايغه خلج واثقه من عمرج
موزه : ان شاء الله
جواهر : ع اساس اننا من بنات السكن
موزه : اوكي بس وين نسير
جواهر : بنمشي ورى هالبنت

وتمن يمشن ورى البنت وشافوها ركبت اللفت وهم وراهاا وخلاف هبطن من اللفت

جواهر : موزان هذا الطابق الاول
موزه : هيه / انزين وين نسير
جواهر : نبا ندور كوايه
موزه : نقول حق وحد يعطينا
جواهر : ما اشوف حد
موزه : يمكن راقدات تعرفين بنات السكن هب الحين دوامهم
جواهر : اوكيه تعالي

تمن يمشن ويمشن هبطن مكان شرات الصاله فيه تلفزيون مشن شوي لقن غرف البناات وكان خاري شيء طاولة كوااي وبس ماعليها كواايه

جواهر: الحين وين بلاقي كوايه
موزة اطالع الساعه : جواهر ماشيء باقي 10 دقايق ويبدى الكلاس
جواهر: انزين بعدنيه ما كويت شيلتيه
موزة : وين بتلاقين كوايه هني خلينا نسير طبي السالفه
جواهر : ان شاء الله

ويظهرن بسرعه من الصاله ويسيرن صوب اللفت ويووم نزلن تحت ضيعن ما عرفن الدرب تمن يمشن ويمشن خلاف لقن البوابه العوده اللي دشن منها سارن بسرعه وخلاف كل وحده سارت كلاسها

.

.

الساعه 12 ونص

جواهر تلاقت مع سلامة
وسلامة كان شكلها تعباانه من الخاطر
جواهر : سلامة بلاج فيج شيء
سلامة : راسي بينفجر من الصداع
جواهر : خذتي بندول
سلامة : هيه بس بلا فايده
جواهر : انزين انتي بتحظرين كلاس الساعه 2ونص والا بتردين البيت
سلامة : هيه بحضر
جواهر : لو بتردين البيت خبرنيه من الحين مافيا احظر روحي ازيغ من البويه
سلامة : ما تروم تسوي فيج شيء ليش تخافي
جواهر : بس جي / انتي خبرنيه لو ما بتحظرين ما بسير
سلامة : لا بحظر ان شاء الله
جواهر : ان شاء الله / يلا برايج متاخرة ع الكلاس مافيا ع صدت الدكتوور
سلامة : سيري برايج
جواهر : ربي يحفظج

جواهر وسلامة ياخذن كلاس قضايا عالمية معاصره مع بعض وفي هالكلاس عندهم بنت بويه وجواهر تزيغ منها تخااف سلامة ما تحظر واتم روحهاا

.

.

حمدوه في كلاسها ومتملله انها بروحها وما تعرف حد / الدكتور يشرح وهي كل شوي اطالع ساعتها

.

.

يتبع

\
/
\

همس قلبي

06-11-2008, 05:39 PM

\
/
\

الساعه 1

الريم ورحمه عندهم بريك رباعه
سارن مبنى 80 عسب ياكلن

الريم : رحمووه انا ما عندي غير 20 ربيه
رحمه : انا بشوف كم عندي
رحمه تفتح بوكها واطالع
رحمه : عندي 25
الريم : بيسدنا
رحمه : هي بيسد
وسارن يطلبن لهم عيشه
رحمه : خلاص احس انه يسد
الريم : انزين بيبقن بعد فلوس خلينا ناخذ بطاطا لي يكوون مع القشار طعمه طر
رحمه : اوكي طلبي

طلبن وويووم يا وقت يحابسن ع الاكل

الريم تشوف الحرمه لي تحااسب واطالع الشاشه كم الحساب شافت مكتووب 48 وهن ما عندهم غير 45 / تمت اطالع شافت البنات اللي وراهم بنات يعرفوهم والفشله شو يسون / شو سوت الريم خلت رحمووه روحها وسارت بعيد أخر شيء صوب الطاولات ولصقت باليدار الزجاجي

رحمه وحيلها ما حست بالريم يوم تشرد تمت اتلفت ادوور الريم ما لقتهاا ( يالفشله )
رحمه قالت للحرمه
رحمه: خلاص ردي البطاطا ما نبااه
الحرمه : لا عادي دفعي بعدين
رحمه : اوكيه
رحمه تدفع الفلووس وهي ويها خلاص محترق
وتشل الصينيه لي فيها الاكل وتسير تيلس ع الطاوله لي حاطين عليها اغراضهم
وتشوف الريم يايه صوبها
رحمه : قسم بالله ما ريت حد انذل عنج
الريم وهي تضحك : انزين ناقصات 3 ربيات شو تبينه اسوي
رحمه : ما تعرفين شو تسوين تشردين
الريم : انزين شو سويتي
رحمه : قالت لي عادي دفعو عقب
الريم : الحمدلله

رحمه خلاص معصبه ع الريم والريم خايسه من الضحك

تمن ياكلن عقب ياتهم حمدوه كانت توها مخلصه كلاسها

حمدووه : شحالكم
رحمه : تعالي شوفي ربيعتنا النذله شو سوت
الريم : رحمووه حرام عليج انا نذله
رحمه : هيه نذله
حمدوه : شو السالفه
وتخبرها رحمه السالفه وتخيس حمدوه من الضحك
حمدوه : وانتي ليش تخلينها روحها وتشردين
الريم : البيزات ناقصه
حمدوه : حتى لو ناقصه لازم ما تشردين
الريم : ما عرفت شسوي

تمت حمدووه ورحمه يهدن ع الريم يلومونها ع اللي سوته والريم ميته من الضحك

.

.

الساعه 2ونص

جواهر متاخره ع الكلاس وتمشي بسرعه وصلت مبنى 80 وتمشي سرعه صوب اللفت ركبت اللفت ودقت ع رقم الطابق الاول شوي وتهبط معها البويه اللي في كلاسها جواهر تيبست محلهاا ولصقت في آخر اللفت وريحه العطر الرجالي تفووح من البويه وجواهر ميته من الخووف

اول ما وقف اللفت ظهرت البويه وتمت تمشي شرات الشباب

بوصف لكم البويه
(لابسه عبااه رقعتها شرات رقعه الختم مالت العيال ومسوتها كويتيه وحاطه المعاقم ع ايدنها شرات المعاقم اللي يلبسونها الشباب يوم يلبسون كندوره اقطريه وقاصه شعرها هب مخليه منه شيء يمكن الشباب شعورهم اطول عن شعرهاا وحاطه الشيله ع الجتف ولابسه نظارات شمسيه وحاقه شوي بموس صوب اذنها وظاهر لها شعر شرات اللحيه وراشه عطر رجالي ينشمن من بعيد / وما تشل معاها شنطه بس دفتر وقلم معلقتنه في مخباها شرات الشباب)
المهم

كانت البويه تمشي شوي شوي وجواهر تمشي بسرعه لانها كانت متاخره اول ما وصلت عند الكلاس لقت الدكتور واقف عند الباب كان توه يااي

الدكتور : جواهر يلا داخل
والدكتور يطالع البنت البويه / البويه من شافت الدكتور لبست شيلتها ودشت الكلاس

جواهر واقفه عند الكلاس وادوور سلامة وما لقتها دووم سلامة تكوون يايه قبل جواهر ليش اليوم ما يت
الدكتور : جواهر لو سمحتي يلسي
جواهر قالت في خاطرها اخير لي ايلس فالوسط لان البويه دووم تيلس ورى ولان بعد ماشيء مكان قدام سارت ويلست في الكراسي اللي في الوسط / والمصيبه ان البويه يت ويلست ورى جواهر بالضبظ / جواهر تمت زاايغه واللي زاد من خوفها ان سلامة هب وياها / طلعت جواهر دفترها وتحاول انها تركز مع الدكتور بس ماشيء فايده / كيف تركز وهالبويه يالسه وراها

شوي والا البويه تجدم ريوها جداام يعني جواهر اطالع تحت اطالع ريول البويه وهي لابسه نعال شرات شباب الكويت ,,

جواهر لا ارادين قالت لا
البنت اللي يالسه قدامها تلتفت صوبها
البنت : جواهر بلاج
جواهر تجدم راسها صوب البنت وتقوول
جواهر : ميته من الخووف وهب رايمه اركز
البنت : ليش
جواهر : شوفي منو يالس ورااي
البنت : ماعليج منها ما ترووم تسوي شيء
جواهر : يسد انها مسويه لي رعب

الدكتور : بنات في شيء
البنت : لا دكتور كنت اطلب من جواهر قلم
الدكتور : مره ثانيه لا تنسين اغراضج
البنت : ان شاء الله

شوي والبويه تهز جتم جواهر
جواهر: اميه
البويه وبصوت شوي رجولي : لو سمحتي ممكن ورقه
جواهر اطر لها ورقه من دفترها وتعطيها البويه
البويه يوم بغت تشل الورقه لمست اصابع جواهر
جواهر : لا اميه

الدكتور انتبه عليها والبنات تمن يطالعنها بنظارت كلها عصبيه يعني بسج من الحشره نبا نركز
جواهر تمت طول الكلاس زايغه ومن خلص الكلاس سيده شردت صووب البووابه عسب تسير البيت

.

.

الساعه 9 فليل

في بيت سلامة

سلامة يالسه عند مبارك ( ريلها : مالج عليها )

شوي ويصيح تلفون البيت

مبارك : سلامة ردي ع التلفون
سلامة : برايه
مبارك : ردي
سلامة من الارتباك ما تبا تتحرك من محلها / مستحيه ما تبا تمشي
تقوم سلامة وترد ع التلفون

سلامة : الوه / السلام عليكم
جواهر : وعليكم السلام والرحمه
سلامة :شحالج
جواهر : بخير يعاج الخير / الا بتحبرج يالسخيفه شعنه ما يتي الكلاس خلتنيه روحي من من الرعب والبويه السخيفه يلت ورااي
سلامة تبا تضحك وهب راايمه
جواهر : بلاج شعنه ما تردين
سلامة : ويا رااسج يالسه عند مبارك
جواهر : عيل ما بسكر كيفي ابغي ارمسج
سلامة : جواهر علني افداج هب وقته
جواهر : اوكيه براايج من يسير شوقج دقي
سلامة : ان شاء الله
جواهر : ربي يحفظج
سلامة : ويحفظج
جواهر : مع السلامة

وتسكر سلامة وتسير تيلس عند مبارك / ومبارك ما خلاها في حالها كل دقيقه يعلق عليها / وسلامة في خاطرها تقول ربي يسامحج يا جواهر

.

.
والسموحة منكم

.

.

ترقبو البارت اليااي

,

,

همس قلبي

\
/
\

الولايات المتحده البدويه

06-11-2008, 09:03 PM

حليلهاا جواهر كسرت في خاطريه من هالبويه...

تدرين اليوم انتهبت انه شي قصه^-^

وبدايه موفقه وتعليقيه بيكون ف البارتات اليايه

وتسلمين ع البارت

البزيه

06-11-2008, 11:44 PM

نتريااااااااااا التكمله
يوم نندمج توقفين

البزيه

اللحظة الأخيرة

07-11-2008, 03:09 AM

هموس نبا بارت طويل شو جيه >.<

و لا تبطين علينا هالمره

شمـوخ

07-11-2008, 01:57 PM

خخخخخخخخخخخخخخخخخخ تضحط جواهر تخاف من البويه :shrer:

يلا يدوه بسرعه نبا البارت 4

غلاتــي غـيــر } ~

08-11-2008, 01:43 AM

جوااااااهر لهادرجه تخاف من البويه ههههههه

نترياج هموس بارت 4

Bedwien Heart

08-11-2008, 09:19 AM

حركه الرشاشات دوم تستويلنا عني بلا عدوهم هههههههههههههه

همس قلبي

09-11-2008, 12:52 AM

حليلهاا جواهر كسرت في خاطريه من هالبويه...

تدرين اليوم انتهبت انه شي قصه^-^

وبدايه موفقه وتعليقيه بيكون ف البارتات اليايه

وتسلمين ع البارت

\
/
\

الولايات البدوية

.

.

شعنه كسرت خاطرج << ترى هذا هو حالنا مع البوياات

توج تنتبهين << شعنه ما تشوفين البنر اللي محطوط فوق << ترااه اعلان

اتريا تعليقج في البارت الياااي

وربي يسلمج من كل شر يالغاليه

.

.

همس

\
/
\

بنت العزبة

09-11-2008, 01:18 AM

http://ma7room.org/up/images/utey81m7uxn519kd0tmf.gif

طمااشه البويه والرشاشات

مشكوورة اختيه

ونرقب البارت 4
http://ma7room.org/up/images/6bt3vapr74bgbucibn.gif

همس قلبي

09-11-2008, 08:26 AM

نتريااااااااااا التكمله
يوم نندمج توقفين

البزيه

\
/
\

البزية

.

.

ان شاء الله التكمله جريب

لازم اخرب عليكم يوم ادريبكم مندمجين اوقف :bolsan:

ومشكوره ع المتابعه

.

.

همس

\
/
\

همس قلبي

09-11-2008, 08:31 AM

;586762']هموس نبا بارت طويل شو جيه >.<

و لا تبطين علينا هالمره

\
/
\

النهايه

.

.

بارت طويل يعني لازم اكتب لكم فوق 10 صفحات << بندرس الفكرة

ان شاء الله ما ببطي عليكم

ومشكوره ع المتابعه

.

.

همس

\
/
\

مخاوية الليل

09-11-2008, 10:21 AM

نتريا اليديد

يله شدي حيييييلش

والله ضحكتيني همس قلبي

صرااااحه أحداث أضحك....
وسلامات الغاليه مات شوفين شر
أجر وعافيه

همس قلبي

11-11-2008, 08:12 AM

خخخخخخخخخخخخخخخخخخ تضحط جواهر تخاف من البويه :shrer:

يلا يدوه بسرعه نبا البارت 4

\
/
\

شموخ

.

.

كم مره قايل لج لازم تضحكين جي خهيخيخيهخيهخيخهيخهيخيخي

اونج عااد ما تخاافين من البويه

يحليلها شو تبينها تسوي تشوفها جنها تشوف ولد

ان شاء الله بنتيه بس ما ارووم سرعه تدين كبرت وخرفت شوي وكل يوم اطبع لكم حرف << محد قالج تقولين يدووه

.

.

همس

\
/
\

همس قلبي

11-11-2008, 08:15 AM

جوااااااهر لهادرجه تخاف من البويه ههههههه

نترياج هموس بارت 4

\
/
\

غلاتي غير

.

.

دخيلج لو شفتيهاا ما بترمسين جي وربي انها تخووف

هااي كانت زعيمة البوياات

تشوفينها كنج تشوفين ولد

ان شاء الله بنحط البارت الرابع

بس ما بنخبر شموخ عسب ما تقرااه

.

.

همس

\
/
\

كاشخه راكبه تاكسي^_*

11-11-2008, 11:06 PM

وحليلها جواهر بس مو مشكله نتريه البارت الي بعده.................

كاشخه^^.....................

همس قلبي

13-11-2008, 11:24 AM

حركه الرشاشات دوم تستويلنا عني بلا عدوهم هههههههههههههه

\
/
\

قلب ابدوي

.

.

يعني هب الا نحن جي يستوي فيناا << خاطريه اتهااد مع الهندي

.

.

همس

\
/
\

همس قلبي

13-11-2008, 11:29 AM

http://ma7room.org/up/images/utey81m7uxn519kd0tmf.gif

طمااشه البويه والرشاشات

مشكوورة اختيه

ونرقب البارت 4
http://ma7room.org/up/images/6bt3vapr74bgbucibn.gif

\
/
\

بنت العزبه

.

.

شنسوي هاي هي سوالف الجامعه

العفو يالغلا

ان شاء الله بنزل البارت الرابع

.

.

همس

\
/
\

M!$s.uAe

21-11-2008, 01:32 AM

همس قلبي

23-11-2008, 01:03 AM

نتريا اليديد

يله شدي حيييييلش

والله ضحكتيني همس قلبي

صرااااحه أحداث أضحك....
وسلامات الغاليه مات شوفين شر
أجر وعافيه

\
/
\

مخاوية الليل

.

.

ان شاء الله اليديد عندي

يعل هالضحكه دووم ما تفارق شفااج

وربي يسلمج من كل شر يالغاليه

وربي يعافيج

.

.

همس

\
/
\

همس قلبي

23-11-2008, 08:30 AM

وحليلها جواهر بس مو مشكله نتريه البارت الي بعده.................

كاشخه^^.....................

\
/
\

كاشخة راكبه تاكسي

.

.

مشكووره ختيه ع المروور

وان شاء الله انزل البارت اليديد

.

.

همس

\
/
\

همس قلبي

23-11-2008, 08:34 AM

القصهـ رووووووووووووووووووعه ..

امميه حد مايخاف من البوياات من تشوفينهن تترتجفيين لو كاننن بعااد عنج يخررعن بسم الله ..

وإن شالله ماتتأخريين علينا فالباارت الي عقبه ..

تحيااتي لـــج ..^__^

\
/
\

مس الامارات

.

.

استانست من ريت ردج

كنتي وحده من اللي يتابع القصه القبليه

هيه صدقج محد ما يخااف من البوياات

ان شاء الله ما بتاخر عليكم

وشكرا ع التواجد

.

.

همس

\
/
\

همس قلبي

23-11-2008, 07:17 PM

\
/
\

البارت الرابع

.

.

السموحة منكم ابطيت عليك << ماعندية سبب لتاخير بس النفسيه تلعب دوور

.

.

وقفنا عند سلامة ومبارك

سلامة سكرت السماعه واتصد اطالع صوب مبارك تلاقيه يتبسم والابتسامه شاقه الحلج ، سلامة ارتبكت ( تقول في خاطرها لا يكون فيا شيء غلط ) تمشي بهدوء وتسير تيلس صوب مبارك
مبارك : من اللي كان متصل
سلامة : خويتيه
مبارك : من هااي
سلامة : ويايه فالجامعه

تسكت سلامة وتوخي راسهاا << مستحيه (ما تروم تحط عينها في عينه) ، ومباارك يتبسم
سلامة تلعب بالكلينسك لي في اديهاا

مبارك : انزين وبعدين
سلامة من سمعت حسه رفعت راسها واطالعه
مبارك : لين متى بتمين مستحيه بلاج ما ترمسين
سلامة خدودها وردت من المستحى مبارك يشوفها ويضحك
سلامي معصبه بس هب رايمه ترمس ، في خاطرها تعرف ليش يضحك

.

.
يوم الثلاثاء الصبح

في جامعه الامارات

حمدة والريم يايات الجامعه من الساعه 7 ونص << هب من شيء عندهن رحله ويايات من وقت ، كانو بيسيروون الشارجه بيشوفون ذوي الاحتياجات الخاصه المهم يوم يت الساعه 8 الصبح قدهن واصلات عند الباصات كانو البنات توهم باديات يتيمعن شافو دكتورهم وبنات كلاسهم سارو صوبهم ، تم الدكتور يعد البنات خلاف خلاهم يركبون الباص

الريم : ما يخصني انا مختاره عند الدريشه
حمدة : حتى انا مختاره عند الدريشه
الريم : انزين انا بيلس عند الدريشه
حمدة : الريم
الريم : نعم
حمدة : بس هالمرة خلني عند الدريشه
الريم : لا
حمدة : ما يخصني انا ابا عند الدريشه
الريم : لا اناا ، بسير اركب قبلج
وسارت الريم صوب البااص
وحمدة تمت وافقه محلها واطالع تنهدت وسارت ورى الريم ، ركبت الباص وتمت تمشي وادور الريم / كانت الريم يالسه ورى سارت حمدوه صوبهاا يلست عند الريم وما قالت شيء /

الريم : حمدووه
حمدة اطالع الريم
الريم : خلاص تعالي انتي عند الدريشه
حمدووه وهي تبتسم : صدق
الريم : هيه صدق / قومي خلني اظهر عسب تيلسين محلي
حمدة : انزين
الريم : لا تصدقين عمرج تراني رحمتج
حمدوه تزخ ايد الريم واتم تقرصهاا / والريم بشرتها حساسه سرعه يعلم فيها التقريص / من زوود ما حمده تقرصها غدت ايدها حمراا
تمو شوي فالبااص لين ما ركبن البنات خلاف مشااا

.
.

في مكاان ثاني

الساعه 8ونص رحمه توها ناشه من الرقااد وشاله شيلتها وعباتها وتربع فالصاله تبا البشكاره تكوي لها ، شافها خالهاا وتم يضحك عليها ، كانت مستعيله طنشت وساارت ، ردت حجرتها تزهبت بسرعه وظهرت لقت امها وخالها يالسين يتريقوون

رحمه تبوس راس امها وتقول
رحمه : صباح الخير يا احلى ام فالعالم
ام رحمه : صبااح النور والسروور
خال رحمه : ها خلصتي
رحمه : هيه خلصت
ام رحمه : تريقي لاحقه ع الجامعه
رحمه : امايه كلاسي السااعه 9 يالله الحق
ام رحمه : تريقي خلاف سيري
رحمه : ان شاء الله
رحمه : امي اقولج فكريتي في سالفه الرحله اللي بودونا اياهاا
ام رحمه : قلت لج ماشيء سفر
رحمه : امي دخيلج ترانا بنسير ويا الجامعه ، وبعدين نحن بنسير ندرس وبنرد ، اسبوع هب واايد
ام رحمه : لا
خال رحمه : محد قالج ما تاخذين الريال لي ياينج
رحمه : بعدك ما نسيت
خال رحمه : والله انه ريال زين وما عنده سوالف الخرابيط
رحمه : انزين خلاص انتهت السالفه
خال رحمه : ظيعتي الريال من ايدينج
رحمه تصد صوب امهاا وتقول
رحمه : امي شو قلتي ع سالفه الرحله
ام رحمه : قلت لج سفر بروحج لا
رحمه : انزين ترى ويا الجامعه
خال رحمه : لا تحااولين قلنالج ماشيء سفر روحج
رحمه تنزل كوب الحليب لي في ايدنها وتوقف
رحمه : خالي ممكن توصلني الجامعه
خال رحمه : ان شاء الله ، سيري ركبي السياره تراها تشتغل
رحمه : امي يالله مع السلامة انا رحت
ام رحمه : ربي يحفظج

وتظهر رحمه من الصاله وتسير صووب السيارة

ملاحظة : رحمه تمووت في السفر / في الجامعه شيء رحله ( بيسفرونهم بريطانيا لمدة اسبوع مدري شو بيدرسون وبيعطونهم شهاده ) رحمه حاولت تقنع امها ماشيء فايده / وخالها ذالنها ع الريال لي ياها وهي ردته / حاط في باله ان هالريال اوكيه ليش لان يوم تخبره شو يعنيلك الحب قاله الحب اي عقب العرس

.

.

يتبع

\
/
\

همس قلبي

23-11-2008, 07:19 PM

\
/
\

في الجامعه

جواهر يالسه في كلاسها وميوده قلم رصااص وتخربش وترسم في الدفتر لي عندها

البنت لي يالسه حذالها
البنت : جواهر انتبهي
جواهر : ع شو انتبه
البنت : ع الشرح الدكتور يشرح
جواهر : من زين شرحه ما يفهم
البنت : ربج تفهمين شيء
جواهر : ان شاء الله / انتي يوم تفهمين فهمينيه ( وترجع تشبط )
البنت : ما منج فايده
جواهر تبتسم وتحط القلم من ايدها وترفع راسهاا واطالع الدكتوور
جواهر : عشانج بنتبه

جواهر حاولت تنتبه وتركز تمللت واتحس عمرها ما تفهم شيء / ربي يصبرها ع هالكلاس الممل والدكتور البارد

خطف الوقت وخلص الكلاس البنات كلهن ظهرن وجواهر يالسه تخش دفترها في الشنطه ويوم خلصت شلت شنطتها و وقفت اول ما رفعت راسها لقت بنيه في ويها

البنيه : جواهر بتخبرج
جواهر : آمري يا مريم
مريم : بسالج ليش دووم القااج فالكلاس سرحاانه ودوومج تشبطين في دفترج
جواهر تبتسم
مريم : تحيدن يوم كنت يالسه عدالج شفت اللي تكتبينه / كل اللي تكتبينه قصاايد ودوومج ترسمين عين خاطري اعرف ليش
جواهر تبتسم وتقول : لانيه احب

وتخلي البنيه روحها وتظهر وتقول في خاطرها ( هالبنات دوم ملقوفاات ربي يعني ع هالكلاس )

.

.

في الشارجة
عقب ما سارو عند ذوي الاجتياجات الخاصه وظهرو من عندهم / وبما ان قوانين الجامعه تمنع البنات من انهم يسيرون المولات قالو بيشلونهم جامعة زايد عسب يتغدوون

.

.

في جامعه زايد

الريم وحمده يمشون ورى البنات سارو صوب المطاعم عسب ياكلوون

يشوفن الاكل

الريم : حمدوه طالعي اكلهم غير هب شرى جامعتناا
حمدة : شكله الاكل يغرم
الريم : شرات اكل الفنادق
حمدة : ليش ما يسون في جامعتنا جي
الريم : مدري عنهم
حمدة : جامعتنا كل شيء فيها مال أول
الريم : بس مبنى 80 هو الفنان ومبنى الآي تيه
حمدة : ماشيء غيرهم وباقي المباني لين الحين يقااومن زين ما طاحو فوق روسناا
الريم : ههههههههههههههه انزين ترى يسون صيانه فالجامعه
حمدة : لين ما يخلصون قدنا متخرجاات
الريم : انزين خلينا نطلب عسب ما نتاخر
حمدة : يلا سرناا

طلبن اكل واايد ويوم بغو يدفعون الحسااب انصدمن ان اللي طلبنه هب غالي / يعني اكل وايد ورخيص

حمدة : الريم هب غالي اكلهم
الريم : هيه والله
حمدة : هب جامعتنا ناخذ قطعة لزانيا وبطاطاا ويا كولا وشوفي كم بدفع
الريم : بعد ترى صحونهم يمزرونها اكل هب جامعتنا يحطون شوي عن الخاطر
حمدة : هي والله
الريم : حمدووه كلي تراج واايد سريعه يوم تاكلين << ناقمتنهاا
حمدة : انزين

تمن ياكل يوم خلصن قالو بيسون لفه ع الجامعه

تمن يتمشن ويطالعن البناات ومتعيباات اونه وايد بنات صابغات شعورهم شيء احمر وشيء اصفر

عقب يتهم وحده من البنات وقالت لهم ان الباصات بتتحرك وانهن لازم يروحن الحين
الريم : يلا حمدووه الباصاات بتتحرك
حمدة : انزين
الريم : مافينا ع الدكتوور
حمدة : انزين باخذ مااي وحلاوه عسب الدرب
الريم : بنتاخر
حمدة : انزين انتي سيري وانا بلحقج عسب ما يسيرون عنا
الريم : اوكيه

سارت الريم صووب الباصاات / وحمدة ردت عسب تاخذ ماي وحلاوه

ركبو الباصات وحمده بعدها ما ردت والريم كل شوي ادق لها

حمدووه خذت حلاوه ومااي وتمشي بسرعه تسمع تلفونهاا ترد بسرعه

حمدة : الوو
الريم : تعالي بسرعه بيسيروون عنج
حمدة : انزين يالله يااايه
الريم : بعدج واايد
حمدة : لا اشوفه البااصات / في اي باص انتي رااكبه
الريم : الباص الاول
حمدة : اوكيه
الريم : يلا تعالي سرعه
حمدة : انزين ابا عند الدريشه
الريم : استريحي في السيره انتي كنتي عند الدريشه والحين فالرده دوري
حمدة : انزين
الريم : يلا برايج تعالي بسرعه
حمدة : اوكية

تمت حمدووه تمشي بسرعه لين ما وصلت الباص ركبت وتمت ادوور الريم لقتها ويلست حذالهاا

الريم يلست عند الدريشه وخلاص هلكااناات تعبن من هالرحله شو سوت الريم حطت راسها ع ريوول حمده ورقدت وحمدووه تقولهاا

حمدة : دامج تبين ترقدين خلني اانا عند الدريشه وانتي رقدي
الريم : لا دوري محد قالج تيلسين فالسيره الحين دووري
حمدة : تراج بترقدين خلني اطالع من الدريشه
الريم : لا
حمدة : انزين انخمدي
الريم : هههههههههههههههههههه

واايد عيبتهم الرحله يوم ردو كانو مستانسين ع الرحله

وصلو جامعة الاماارات ع الساعه 4 ولا ردن بيوتهم تموو يحاوطن فالجامعه خلاف ردن ع الساعه 6

.

.

يتبع

\
/
\

همس قلبي

23-11-2008, 07:25 PM

\
/
\

في بيت جواهر

ع الساعه 7 المغرب

جواهر يالسه في الصاله وميودة لابتوبهاا وتتعبل به / وباب الصاله كان مفتووح / شافت ان شيء مهب بارد قالت بتسير تيلس فالحوي

يلست فالحوي وردت تشتغل ع البحث اللي تسويه / وخوها الصغير حمدان كان يلعب بسيكله حذالهاا

جواهر مندمجه من الخاطر تسمع صوت حد يمشي بس طنشت عقب لاحظت لون الكندوره البيضا معناتها حد من العياال رفعت راسها وشافت طحنون ولد خالتها

طحنوون : شحالج ياجواهر
جواهر برتباك : بخير يعلك الخير انت شحالك
طحنون : طيب طاب حالج
جواهر : يعله حالن مديم
طحنون : ومن قال

جواهر تعدل وقايتهاا وتخوز الاب من على ريولها عسب تنش
طحنون : وين تبين
جواهر: بسير داخل
طحنون : والله ما تسيرين
جواهر : ليش تحلف
طحنوون : لان ادريبج تبين تيلسين ومن شفتني قلتي بروح داخل
جواهر : ابا اخلص البحث
طحنون : بحث شو
جواهر : بحث عن الاحتباس الحراري لكنه بالانجليزي
طحنون : تبينيه اساعدج
جواهر : لا مابا اعبل عليك
طحنون : ماعندي شغل فاضي
جواهر : حتى ولو ما ابا
طحنون : بزعل منج
جواهر : لا والله
طحنون : عيل خلني اسويه
جواهر : انزين انا ماابغي عسب ما بقى الا يومين ما بتلحق / وانا باديه فيه بكمله
طحنون : انا بكمله عنج
جواهر : انزين هو بالانجليزي
طحنون : وانا اعرف انجليزي
جواهر : هيه صح نسيت انك تدرس برع / صح متى بتسافر
طحنون : تبون الفكه منيه
جواهر : لا بس اتخبر
طحنون : بعدني مطوول
جواهر : هيه
طحنون : كيف ايب لج البحث
جواهر : ما ادري
طحنون وهو يحط راسه : انزين عندج اميل
جواهر : هيه
طحنون : خلاص بطرشه لج ع الاميل / عطيني اميلج
جواهر بطلت عيونها
طحنون : ما تبين تعطني
جواهر : انا فاتحه المسن ( وتعطيه الاب وتقول ) ضيف عمرك عندي
طحنون يشل عنها الاب ويضيف عمره وخلاف يرده
طحنون : طرشيلي اللي سويته وانا بكمل عليه
جواهر : ان شاء الله

.

.

في بيت موزة

موزووه كانت متفيجه من الخاطر / وعاد موزووه تمووت في شيء اسمه تصوير / كانت ميووده كيمرتها وتحووط فالحوي ما تعرف شو تصوور / تمت تصور الزرع والووروود / خلاف سارت صوب المطبخ وشافت امها يالسه تطبخ وتمت تصور امها فيديوو

ام موزة : شو تسوين
موزة : اوثق الذكرياات
ام موزه : شو ذكرياته
موزة : خلاف بتعرفين
ام مووزه : اسميج متعبله هالكيمره ما تفارقج
موزة تبتسم واتم تصوور الجدر من داخل
ام موزه : شو تبين تصورين العيشه
موزة : امايه قلت لج اوثق الذكريات
ام موزه : انزين خوزي خلني اعرف اشتغل
موزة : ان شاء الله

وشافت البشكاره واختها يسون بيتزا سارت صوبهم وتمت تصوور / شوي وايهم خوها سعوود الصغير ويسير يمط كندوورة امه وايااشر ع البيتزا
سعود : ماماه هازا شو هازا << يقصد هذا
ويضحكوون عليه

هزري متعلم هالكلمة من الدريووول

.

.

في اليوم الثاني

حمدووه كانت توها رااده من الجامعه وتعباانه من الخاااطر << كانت صايمة / دشت حجرتهاا ويالله يالله رامت تصلي العصر وعقب سارت تبا توطي راسها سمعت صوت الاذان قامت بغصب وسارت صوب الحمام

هبطت الله يعزكم الحمام وتحس عمرها دايخه ما ترووم تصلب عودهاا خافت ادووخ اكثر واطيح محد يدري ابهاا بطلت الباب وتمت تتسحب لين ما وصلت صوب الزوليه اللي في الحجرة / خلاص ما راامت تصلب عودها وتشووف كل شيء من حولها ضبااب طاحت ويووم طاحت صوت الطيحه كان قوي من الخاطر

اختهاا شرينه سمعت الصوت كانت راقده ونشت زايغه

سارت صوب حمدة وتمت تهزها من جتفهاا

شرينه : حمدووه بلاج
شرينة : حمدووه قومي اشو بلاج

شروون شوي وتصيح ما عرفت شو تسوي

.

.

السموحة منكم

ترقبو البارت اليااي

.

.

خويتكم

همس قلبي

\
/
\

شمـوخ

24-11-2008, 12:43 AM

ليـــــــــــــش ما كملتي :bseee7:

يعطيج العافيه يارب ,, البارت حلووو

بس لا تبطين علينا يدووووه :3aady:

,

بنت العزبة

25-11-2008, 01:23 AM

غلاتــي غـيــر } ~

25-11-2008, 02:32 AM

هموووووووس دببببه ليييييش وقفتي

تسلمين ع البارت

ونتريا البارت 5سرعهـ

^^

رحــــــاله

25-11-2008, 10:12 PM

همس قلبي

30-11-2008, 08:31 AM

ليـــــــــــــش ما كملتي :bseee7:

يعطيج العافيه يارب ,, البارت حلووو

بس لا تبطين علينا يدووووه :3aady:

,

\
/
\

شمووخ

.

.

ما كملت عسب اكتب لكم فالبارت اليااي

ربي يعافيج من كل شر

وتواجدج بعد حلوو

دامج قلتي يدووه بتبطين لين ما تقرين البارت اليااي << محد قالج

.

.

همس

\
/
\

همس قلبي

07-12-2008, 10:51 AM

http://ma7room.org/up/images/utey81m7uxn519kd0tmf.gif

اوووهوووووووووووووووه ليش عااااااااااااااااد

كمليها بسرعه

يوم اتحمس وجي

قالت بنكمل في البارت الثاني

تبين الصدق

طماشه جواهر وطحنون :shrer:

http://ma7room.org/up/images/6bt3vapr74bgbucibn.gif

\
/
\

بنت العزبه

.

.

وربي انيه ابا اخصلها سرعه لكن عنديه شغل مدري متى بخلصه

واحااول كثر ما ارووم وان شاء الله اخلص

بعد لازم اخرب عليكم اعرف متى الاندماج واقطع عليكم

طحنون وجواهر<< ليش يعني هالاثنين

.

.

همس

\
/
\

همس قلبي

07-12-2008, 11:20 AM

هموووووووس دببببه ليييييش وقفتي

تسلمين ع البارت

ونتريا البارت 5سرعهـ

^^

\
/
\

غلاتي غير

.

.

غلاتووو محد قالج تقولين دبه << انا كنت اعرف انج بتقولين دبه عسب جي وقفت

ان شاء الله بنكتب الخامس

.

.

همس

\
/
\

شيوخ الامارات

11-12-2008, 12:19 AM

لا تتاخرين الغاليه

بو الريم

29-12-2008, 03:37 AM

أوووه يبغيلي دلة شاي .. وأخلي التلفونسايلنت .. وأقراها

همس قلبي .. متميزه دائما في قصصج الطويله

اماراتي100

29-12-2008, 09:31 AM

ماشالله والله القصه حلوه

يسلمو ع القصه

ღ..الگتبيّے ζ͡ ùάέ..

29-12-2008, 12:01 PM

يعطيييج آلف عآفيه على القصله الرآئغه تسلمين ماعليج زؤؤد

عاشق الهوى

29-12-2008, 01:04 PM

قصه حلوه وايد
ويعطيك العافيه
نبا منك الأفضل

قمر ليوا

29-12-2008, 06:25 PM

تسلمين الغلا على الطرح المميز

والله عشت فيها سطر سطر

ربي يعطيج مليون عافية يارب ع الابداع

ونرقب الزود منج فديتج ........

ولد العرب

30-12-2008, 08:53 AM

thanxxxxxxxxxxx

الكايد

30-12-2008, 09:37 PM

مرحبا همس!

حلو القصه تسلم اييدج يالكاتبه الممتيزه
احترامي

رحــــــاله

31-12-2008, 12:44 PM

العيوز ، تأخرتي ...

شو استوابها حمده ؟

......

ننتظر

الشاعره!

02-01-2009, 02:59 AM

اتاااابع وبشده وووو يعطيج العافيه يالغاليه بس لاتبطين علينا،،،، انطر البارت الياي

همس قلبي

03-01-2009, 02:39 AM

و عدنا نتابع ...

عسى ما من شر يا حمده !!... شو مستوي .. .

..
همم طحنون شي وراه وايد يتلفت هههه (بدينا نتخيل الأحداث بحذافيرها )

و نقول حق موزه الرحمه بالخدم .... من لا يرحم لا يُرحم .. *_^

( نتابع )

هموس بدت الإثاره .......

كملي ...

نتريا

\
/
\

رحاله

.

.

مشكله يوم تتخيلين << انتي شغلتج بس تقرين انا شغلتيه اتخيل واكتب لكم القصه زين ماماه

حمده مافيا الا العافيه

طحنون / ما احيد اني كتبت عنه انه يتلفت والا شيء من هذا القلبيل روحج تتخيلين

تقصدين تقولين حق سلامة << لانهها هي لي تهاد البشاكير

زين يوم تاثرتي بعد

تابعي مفيده المتابعه

ومشكوره ع المتابعه

.

.

همس

\
/
\

همس قلبي

03-01-2009, 02:40 AM

لا تتاخرين الغاليه

\
/
\

شيوخ الامارات

.

.

ان شاء الله

والسموحة منكم ع القصور

.

.

همس

\
/
\

رحــــــاله

03-01-2009, 09:19 AM

\
/
\

رحاله

.

.

مشكله يوم تتخيلين << انتي شغلتج بس تقرين انا شغلتيه اتخيل واكتب لكم القصه زين ماماه

حمده مافيا الا العافيه

طحنون / ما احيد اني كتبت عنه انه يتلفت والا شيء من هذا القلبيل روحج تتخيلين

تقصدين تقولين حق سلامة << لانهها هي لي تهاد البشاكير

زين يوم تاثرتي بعد

تابعي مفيده المتابعه

ومشكوره ع المتابعه

.

.

همس

\
/
\

عادي عادي هازبيني استقبل انا بس مابغي ارسل
.

.

.

و بيتم السؤال متى بتكملين القصه لو سمحتي ههههه

halaXXXXXX

04-01-2009, 01:23 AM

حلوهههههههههههههههه وايد بس؟؟؟؟؟؟؟؟؟؟؟ طويلة

شح شح

04-01-2009, 12:25 PM

،
،
،

هموس

خاطري اقراها كامله =(

،
،
،

رمش الغلا81

04-01-2009, 10:12 PM

تسلمي ختيه على الطرح

قصه في غاية الروووووووووووعه ..

تسلمين على هذا الابدااااااااااااااااااااااع

وننتظر منج الزود

همس قلبي

05-01-2009, 08:00 AM

أوووه يبغيلي دلة شاي .. وأخلي التلفونسايلنت .. وأقراها

همس قلبي .. متميزه دائما في قصصج الطويله

\
/
\

بو الريم

.

.

زهب دلة الشاي ,, واغلق تلفونك ,, وتزهب لقرائة الجزء الخامس

بو الريم : مشكور على هالرد الجميل

.

.

همس قلبي

\
/
\

همس قلبي

05-01-2009, 08:08 AM

ماشالله والله القصه حلوه

يسلمو ع القصه

\
/
\

اماراتي

.

.

ربي يسلمك من كل شر يا خووي

والحمدلله يوم ان القصه عيبتك

.

.

همس

\
/
\

همس قلبي

05-01-2009, 08:11 AM

يعطيييج آلف عآفيه على القصله الرآئغه تسلمين ماعليج زؤؤد

\
/
\

الكتبي الهير

.

.

ربي يعافيك من كل شر ياخووي

وربي يسلمك من كل شر

والسموحة

.

.

همس

\
/
\

همس قلبي

05-01-2009, 08:14 AM

قصه حلوه وايد
ويعطيك العافيه
نبا منك الأفضل

\
/
\

عاشق الهوى

.

.

الحمدلله يوم عيبتكم القصه

ربي يعافيك من كل شر ياخووي

وان شاء الله ما بتلاقون عنديه غير الافضل

.

.

همس قلبي

\
/
\

همس قلبي

05-01-2009, 08:19 AM

تسلمين الغلا على الطرح المميز

والله عشت فيها سطر سطر

ربي يعطيج مليون عافية يارب ع الابداع

ونرقب الزود منج فديتج ........

\
/
\

قمر ليوا

.

.

ربي يسلمج من كل شر يالغلا

وربي اسعدني ردج ,, استانس يوم تتفاعلون مع القصه

ربي يعافيج من كل شر ياختيه

ان شاء الله بعد دقايق بنزل البارت الخامس

.

.

همس قلبي

\
/
\

همس قلبي

05-01-2009, 08:21 AM

thanxxxxxxxxxxx

\
/
\

ولد العرب

.

.

مشكور ع التواجد

.

.

همس

\
/
\

همس قلبي

05-01-2009, 08:29 AM

مرحبا همس!

حلو القصه تسلم اييدج يالكاتبه الممتيزه
احترامي

\
/
\

راعي الدوج

.

.

اهلين يا خووي

ربي يسلمك من كل شر

ومشكووور ع المرور

.

.

همس

\
/
\

همس قلبي

05-01-2009, 08:33 AM

العيوز ، تأخرتي ...

شو استوابها حمده ؟

......

ننتظر

\
/
\

رحاله

.

.

العيووز في عينج ,, كيفي بتاخر حد قالج تقولين عنيه العيوووز

الحين بتشوفين شو صار في حمدة

,,

وشكرا ع المتابعه

.

.

همس

\
/
\

همس قلبي

05-01-2009, 08:37 AM

اتاااابع وبشده وووو يعطيج العافيه يالغاليه بس لاتبطين علينا،،،، انطر البارت الياي

\
/
/

الشاعره!

.

.

وربي استانست من الخاطر يوم شفت ردج

ربي يعافيج من كل شر يالغاليه

ان شاء الله ما ببطي

والبارت الخامس بعد دقايق ان شاء الله

.

.

همس

\
/
\

همس قلبي

05-01-2009, 08:40 AM

عادي عادي هازبيني استقبل انا بس مابغي ارسل
.

.

.

و بيتم السؤال متى بتكملين القصه لو سمحتي ههههه

\
/
\

رحالووه

.

.

وربي اسولف لا تحطين في خاطرج

ياحيج يوم تستقبلين وبعد ما تبين ترسلين << وايد طيبه

القصه مكملتنها بس النت عندي تعبان

المسن يكون سريع وصفحة النت بطيئه

عسب جي ابطيت عليك

والسموحة منج

.

.

همس

\
/
\

همس قلبي

05-01-2009, 08:43 AM

حلوهههههههههههههههه وايد بس؟؟؟؟؟؟؟؟؟؟؟ طويلة

\
/
\
hala

.

.

الحمدلله يوم عيبتكم

هالشيء لي يخلني احس بمتعه يوم تكون طويله

.

.

همس

\
/
\

همس قلبي

05-01-2009, 08:47 AM

،
،
،

هموس

خاطري اقراها كامله =(

،
،
،

\
/
\

شح شح << ماماتي << ام الاشطان

.

.

ان شاء الله بتقرينها كامله

ومشكوره ع المروور

وربي يعطيج العافيه

.

.

همس

\
/
\

همس قلبي

05-01-2009, 08:59 AM

تسلمي ختيه على الطرح

قصه في غاية الروووووووووووعه ..

تسلمين على هذا الابدااااااااااااااااااااااع

وننتظر منج الزود

\
/
\

رمش الغلا

.

.

ربي يسلمج من كل شر

هذا من ذوقج يوم ان انج تقولين ان القصه روعه

بس اكيد ما بتكون اروع من فرحتي بردوود الاعضاء

والسموحة منج

.

.

همس

\
/
/

همس قلبي

05-01-2009, 09:02 AM

\
/
\

البارت الخامس

السموحة منكم ع التأخير ,, ادري ما عندي اي عذر عسب كل هالتأخير ,, مقصره وابغي السموحة منكم ,,

.

.

وقفنا يوم طاحت حمدة وشرينه يت تشوفها

شرينه : حمدوه اشو بلاج
شرينة : حمدووه نشي

وعاد نذالت شرينه تمت تهز حمدوه ويوم شافت ان حمدة بطلت عيونها ,, قالت في خاطرها مافيها شيء خاتها وسارت تكمل رقادها << امحق اخت

عقب فتره قامت حمدوه بس كانت بعدها تعبانه سارت وصلت المغرب وامها غصبتها تفطر ,, بس هي كانت واايد تعبانه وما ترووم تاكل ,, سارت ترتاح في حجرتها ,, مدري بلاها منسدحه ع الشبريه وتصيح ,, وامها سايره راده عليها تبا تعرف اشو بلاها غامضتنها هالبنت

.

.

في بيت جواهر

الساعه 10 ونص جواهر يالسه في حوي بيتهم و تسولف ع راس شيبتهاا ومطفرتبه
جواهر : انزين بويه بتخرك
بو جواهر : تخبري
جواهر : شقى تعرفت ع اميه وخطبتها ؟؟!!
بو جواهر : وليش هالاسئلة
جواهر : لان لا انت واميه ما تقربون لبعض
بو جواهر : هيه
جواهر : انزين كيف عرفتها
بو جواهر : يدج ربي يرحمه هو لي شافها وخطبها لي
جواهر : وانت وافقت
بو جواهر : هيه وافقت
جواهر : ما قلت تبا تشوفها
بوجواهر : لا ما قلت
جواهر : انزين باباتي
بو جواهر : كم مره قايلج لا تحسين الرمسه ورمسي عدال
جواهر : ان شاء الله بويه << انزين خبرنيه شقى يديه شاف امي
بوجواهر : شافها سايره النخل
جواهر : انزين بويه انت قلت لي قبل ان يديه ربي يرحمه عاش فالسعوديه فتره طويله شقى شاف اميه
بو جواهر : ترى محد يعطيج ويه ,, سيري هاتي واحد من الدواوين لي عندج و اقري عليه شوي من هالقصيد الغاوي
جواهر : اول شيء كمل لي السالفه عقب بقرالك لي تباه
بو جواهر : شو تبين تعرفين
جواهر جلبت الموجه
جواهر : ليش يديه ربي يرحمه عاش في السعوديه
بو جواهر : سالفه طويله
جواهر : دخيلك يابوي خبرنيه الحين لا تقول بعدين انا هب دووم القاك متفيج
بو جواهر : ان شاء الله ,, ربي يسلمج يا بنتي يدج ربي يرحمه كان ماخذ يدتج الله يرحمها عن قصه حب ،، وعاد زمن اول الواحد من يعشق وحده لازم ياخذها ,, وعادهي كانت بنت عمه ودوم يشوفها وكان محيرنها ,, وقبل لا ياخذها خطبها واحد من الهوامير المعروفين في ذاك الوقت ويدج كان ع قد حاله ,, عاد يوم درابها انخطبت تخبل الا ياخذها ,, وتم محتشر واستوت مشاكل

جواهر متحمسه من الخاطر تبا تعرف شو صار
جواهر : وبعدين شو صار خذها
بو جواهر : ويا هالراس لي عليج ,, اكيد خذها شو هالمخ
جواهر : فديت مخي ,, انزين يالغالي كمل
بو جواهر : المهم عقب ما عرس عليها يدج يابتني انا اول واحد ,, كنت بكرها
جواهر : وبعدين يابت عمي
بو جواهر : لا ,, عقب يابت عماتج
جواهر : بس انا ما عندي عمات
بو جواهر : بتخلني اكمل السالفه والا اسير اوطي راسي وافك عمري منج
جواهر : خلاص التوبه يابوي كمل
بو جواهر : اول شيء يدج يابتني عقب يابت وراي بنتين واخر شيء يابت عمج ,,
جواهر : انزين وين عماتي ليش ما نزورهج
بو جواهر : عماتج توفن يا جواهر << قالها وفي عيونه لمحة حزن
جواهر : ربي يرحمهن
بو جواهر: آمين يابنتي (وكمل رمسته )ربي يسلمج كان عمري 8 سنين ,, بويه ربي يرحمه كان ساير يتاجر ومخلي اميه وعيالها وياها ,, كنت اكبر واحد بس ما اذكر اشياء وايد المهم عمتج موزه كانت سايره الوادي ويوم ردت قالت انها تعبانه وسارت تبا ترتاح من طاحت ع فراشها تمت كم يوم هب رايمه تنش خلاف توفت ويدتج كانت تشكي من مغص في بطنها من فتره طويله وبعد ما توفت عمتج موزه ما خطف اسبوع وتوفت يدتج وعمتج شمسه كانت صغيره بنت 3 مدري 4 سنين عقب وفات يدتج بكم يوم هي توفت وعمج اصغر واحد كان ولد 7 شهور وانا ما عرفت شسوي به شليته وسرت بيت خالي ,, ويوم رد بويه وسمع بخبر حرمته وبناته ما رام يتم فالبلاد وسافر السعوديه
جواهر : هالكثر كان يحب يدووه
بو جواهر : واكثر عن جذا يابني ,, من عقب ما توفت ما خذ غيرها معنه كان توه شباب ما كمل 30 سنه ,, ويوم متوفي كان عمره 65 سنه
جواهر : اكثر عن 35 سنه عايش ع ذكراها
بو جواهر : هيه يابني ,, يلا قومي هاتي ديوانج وسمعيني قصيد
جواهر : انزين ما خبرتنيه شقى خذت اميه
بو جواهر : في مره ثانيه يابنتي
جواهر : ان شاء الله ,, دقايق يابوي وارجع لك

وسارت تربع فوق ,, ما كملت 5 دقايق والا هي راده وحاضنه دواوينها << لي يشوفها يقول كتب مدرسه

جواهر : يقول الشاعر : غصاب المنصوري

ان صلف من صوبهم نــــود الهبوبي ،،
،،،،،، االمنام اللّي يجي حـــــــــرّم عليه

ليتني بآجـــــــوز عند اهله عــــزوبي ,,
،،،،،،، في الأمر وآجي لخـلّي في البغيه

عود مــــــــوزٍ ينسقى عذب الشروبي ,,
،،،،،،، تايهٍ غصنه وعيــــــــــدانه رويّه

حالفٍ ما انســــــــاك يا ترف الشروبي،،
،،،،،،،،، دام طرشان البدو تجنى المطيه

أسمــــها ما بين حــــرّ وبين نـــــوبي ،،
،،،،،،،، ينسقى باللي تخـــالط به رشيّه

بالعــــــــلق تســـــــقيه حيلٍ بالغروبي ،،
،،،،،،،،، دارباتٍ للمـــــصوّت بالنــــحيّه

واسمها في عرض الاشهر ومحسوبي ،،
،،،،،،،،،،،ينطرى في البيت لناس التحية

وسلامتكم

بو جواهر : صح لسان الشاعر ,, من قلتي لي اسمة
جواهر : اسمه غصاب المنصوري
بو جواهر : هذا لقبه يابنتي الريال اسمه : محمد بن حاضر بن سبحان المنصوري
جواهر : لحظه يابوي خلني ادور سيرة الشاعر
وتمت جواهر اتجلب اوراق الديوان عقب شهقت وقالت
جواهر : شدراك يابوي ،، والله صدق اسمه شرات ما قلته ,, بويه شقى عرفت
بو جواهر : المطوع كان يدرسنا القصيد

جواهر : انزين بويه بتخبرك
بو جواهر : آمري
جواهر : آخر بيت يقول : واسمها في عرض الاشهر ومحسوبي ،،،،ينطرى في البيت لناس التحية << معناتها ان البنت لي كان يحبها اسمها رحمه
بو جواهر : فطينه ياجواهر
عاد جواهر شقت حلها ع الاخر من الوناسه << دعايه معجون كرست

شوي ويشوفو موتر حادر الحوي

جواهر : بويه انتهت الامسيه
وتمت تلم قنابلها << دواوينها ,,, اللي كل واحد اثقل عن الثاني واطير صوب البيت

الشيبه يقول في خاطره افتكيت من الصدعه

.

.

يتبع

\
/
\

همس قلبي

05-01-2009, 09:13 AM

\
/
\

في بيت الريم

.

.
الريم هب متعشيه وبسبب ادمانها ع كوخ الديااي/ قررت تطلب لها عشا

رفعت السماعه عسب تطلب ولانها حافظ الرقم دقت الارقام بس سرعه

الريم : الو,, عندك بطاطا ودجز ودياي جمبو
الريال : صبري شوي بسير اتخبر امايه وبرد عليج

وتقوم الريم وترقع السماعه وتسكر الخط
ويوم نتبه ع الرقم تشوف انها مغلطه في الرقم
يالفضيحه رد عليها ريال ولا يقولها بسير اتخبر اامايه وبرد عليج

وردت ادق مره ثانيه ع كوخ الدياي لكن عقب ما تاكدت من الرقم 10 مرات تخاف تغلط

عقب نص ساعه وصل راعي المطعم

هبطت البشكاره على الريم وتعطيها الوجبه والبيزات الباقيات

الريم شلت الجيس بوناسه وبدت تاكل وهي اطالع التلفزيون
شوي ويظهر لها خوها حمدوون من غرفته ( خوها الصغير توه في الاعدادي )

حمدوون : الريم شو هالخيانه
الريم : انت بعدك ما رقدت
حمدون: ما رمت ارقد
الريم : عيل شو كنت تسوى في حجرتك
حمدون : ادرس
الريم : هيه ,, انزين تبا تاكل
وتاشر ع البطاطا لي معبر << ماشيء غير كمن حبه
وكانت تشرب البيبسي
حمدون : مشكوره يا ختيه من شفتج تاكلين شبعت
الريم : انت الخسران
حمدون : شو بخسر وانتي معبرتنه كله
الريم : انزين بطلب لك ثاني مره
حمدون : ما ابا بسير ارقد

ويصيح تلفون البيت ,, ويسير صوبه حمدون ويرفع السماعه

حمدون : وعليكم السلام والرحمه ,, الحمدلله تمام ,, هيه موجوده ,, ان شاء الله ثواني بس ,, من اقولها ,, ان شاء الله

ويحط السماعه ويقول للريم

حمدون: ربيعتج حمده
وتربع الريم صوب السماعه وتاخذها عن حمدون وترمس

الريم : حمدوه بلاه حسج متغير
حمده : شوي تعبانه
الريم : سلامتج ما تشوفين شر
حمده : الشرما ايج
الريم : حمدووه شو فيج ،، من اشو تعبانه
حمده : دوخت شوي قبل المغرب ,, خلاف طحت عليهم
الريم وهي تشهق : وانتي شحقه تصومين ياليابسه
حمده : وليش ما اصوم
الريم : انتي لو افهمج من اليوم لين باجر ما بتفهمين شيء لي في راسج بتسوينه
حمده : زين يوم تعرفين
الريم : تعشيتي لو ما تعشيتي والله بذبحج
حمده : هيه تعشيت امي حشرتني الا اكل ’’ سايره راده ع حجرتيه تشوفني بخير والا لا
الريم : دخيلج حمدوه لو هب عشاني عشان هلج ’’ شوفي شكثر هم زايغين عليج ويبون مصلحتج ,, دخيلج لا تهملين صحتج ’’ ترى عقب محد بينفعج ,, وابدى ما عليج صحتج
حمدة : والله اعرف يالريم
الريم : توعديني
حمدة : ع شو
الريم : تهتمين في صحتج ولا تهملينها ابدن
حمدة : ان شاء الله
الريم : ان شاء الله معناتها هب اكيد ’’ ابااج تقولين وعد
حمدة : وعد
الريم : وتنفذين هالوعد
حمدة : هيه
الريم : انزين بخبرج شيء
حمدة : قولي
الريم : بس لا تخبرين رحمه عسب ما تحتشر لاني خربت الرجيم
حمدة : ان شاء الله ما بقول
الريم : طلبت من كوخ الديااي وشربت بيبسي بعد
حمدة : نحن شو قلنا
الريم : بس اليوم ,, وباجر ببدي بالرجيم من اول ويديد
حمدة : كل يوم نفس الرسمه ,, ودوم تاجلين هالرجيم
الريم : ههههههههههههههه
حمده : صدق والله
الريم : انزين شسوي
حمدة : قلعي هالرجيم اخير لج
الريم : هزرج
حمده : هيه
الريم : لا ابا اضعف

وتمن يهذربن

.

.

اليوم: الخميس
الساعه: 1 ظهرا
المكان :العين موول

.

.

ام رحمه كانت مطرشه رحمه واختها لطيفه السوق عسب يشترن سلة حلاوه ’’ لانها تبا تسير عند حرمه ,, لكن رحمه قررت تسير العين مول عسب تاخذ الحلاوه ,, رحمه طلبت من الدريول يترياهم وانه ما يتحرك بقعه لانهن ما بيطولن ,, نزلن المول شرن سلة الحلاوه وظهرن ويوم وصلن عند الباركنات رحمه تذكرت شغله

رحمه : لطوف خلينا نفر السله ونرجع المول
لطيفه : ليش
رحمه : ابا اخذ شنطه شرات شنطه الريم
لطيفه : انا مافيا برد البيت وخلاف بخلي الدريول يخطف عليج
رحمه : لا والله تبين تردين عند الدريول روحج وخلاف انا ارد وياه روحي
لطيفه : انا مافيا ع الهوامه تعبانه
رحمه : انزين انا ما ببطيء ياغير بهبط شو مارت
لطيفه : ما ابا
رحمه : وايد مكبره راسج يووم انيه اشاورج

وسارت رحمه وحطيت السله في السياره ,, ولطيفه تفيزرت فالسياره هب طايعه تهبط ,, رحمه ما عرفت شو تسوي ,, ما تبا لطيفه تخليها روحها وترد البيت وفي نفس الوقت ما تبا تتأخر تبا تاخذ الشنطه وتظهر وتخاف لطوف تسوي لي في راسها وترد البيت عنها ,, آخر شيء قررت انها تشل السويج من عند الدريول وبجذي بتكون متاكده انهم ما سارو عنها

رحمه : عطني سويح السياره انا بسير وبرد بسرعه
الدريول : انجين
رحمه : لطوف تعالي ويااي
لطيفه : ما ابا
رحمه : اروح روحي
لطيفه : انا تعبانه ابا ارد البيت شو هالحركات تشلين عن الدريول السويج
رحمه : عسب اتاكد انكم ما بتسيرون عنيه
لطيفه : انزين سيري خذي لي تبينه وتعالي بسرعه انا بترياج هني
رحمه : لكني بشل ويااي السويج ’’ عسب اتاكد انكم ما بتسيرون عني

ورقعت رحمه بااب السياره وسارت صوب المول وهي مستعيله ,, تخااف تتاخر وامها تهد عليها

شرت الشنطه لي تباهاا ونزلت بسرعه وسيده صوب الباركنات ,, نست المكان اللي موقفين فيه الباركنات تمت تمشي وادور وما لقت السياره ,, تمت زايغه وهب عارفه شو تسوي ,, تحرتهم سارو عنها ,, لكنها تذكرت ان السويج عندها ,, يعني ما يروموون يسيرو عنها ,, وهي تمشي تشوف واحد عنده رنج يمشي وراها ,, تمت زايغه هب عارفه شو تسوي ,, ما تعرف وين سيارتهم وفي نفس الوقت هالريال يمشي وراها بموتره ,, تمت تمشي وهي مشتته هب عارفه شو تسوي ,, عقب لقت هندي سارت صوبه وخبرته عن رقم سيارتهم عسب يدورها لها ,, الهندي يوم خبرته رحمه عن رقم السياره قالها انه يعرف مكانها ,, تمت تمشي وراه ,, وراعي الرنج بعده مستمر في متابعتها ومشغل الاغاني ومعلي ع الصوت,,

.

.

يتبع

\
/
\

همس قلبي

05-01-2009, 09:35 AM

\
/
\

يوم وصل الهندي صوب السياره ,, استانست رحمه ,, وظهرت من شنطتها عشر ربيات وعطتهن الهندي

رحمه وهي تعطي الهندي : مشكوور
الهندي : شكراً ماماه

وفجأه تشوف راعي الرنج ينزل من الموتر ,, تيبست مكانها وهي زايغه
تصد صوب سيارتهم وتلاحظ ان السياره فاضيه وين سارت لطيفه ’’ والدريول وين سار
الريال يرمس الهندي : مشكور لنك وصلتها ,, اندوك 100
الهندي مستانس عطوه 100 وعشر

رحمه من الزيغه ما عرفت شتسوي ركبه سيارتهم وسكرت الفصوص ,, كانت راكبه محل الدريول ,, تمت زايغه وهب عارفه شو تسوي ,, كانت توايج بطرف عينها ,, الهندي راح لكن راعي الرنج بعده واقف صوب موترهم ,, عقب سار وركب سيارته وتحرك وسار

رحموه حست بشويه راحه ,, فتحت الباب وسارت وركبه فالسيت الوراني وقبل لا تركب شافت راعي الرنج راد صوبها ركبت بسرعه وسكرت فصوص السياره ,, كانت يالسه فالوسط وزايغه وماده ايديها الثنتين وميوده بيبان السياره ,, خايفه الريال يفتح السياره ,, وفعلن الريال يا صوب السياره وحاول انه يفتحها ’’ بس رحموه كانت مسكره الفصوص ,, ولسوء حظ رحمه ,,ما كان شيء سياير صوب سيارتهم وراعي الرنج كان يدوور بسيارته عليها ,, ورحمه عايشه في حاله رعب ,, ميوده بيبان السياره وزايغه ع الآخر ,, وتسب وتلعن الريال ,, فجأه خفص صوت الاغاني تم يتلاشى لين ما اختفى ,, حست رحمه انه راح ,, وبعد فتره رجع الدريول ,, اول ما ركب السياره سئلته رحمه ( اذكر يوم تخبرنيه رحمه السالفه تقول : راعي الرنج يمكن مشارك وياكم فالمنتدى ,, وكانت كارهتنه من الخاطر)

المهم
يوم هبط الدريول السياره سئلته رحمه

رحمه : انت وين سرت ووين لطيفه
الدريول : انا في يروح حمام يرجع مافي يحصل لطيفه انا في روح دور
رحمه : وين سارت
الدريول : انا مافي معلوم
رحمه : هي تقول تعبانه وين سارت ربي يهديها

وتمت رحمه زايغه هب عارفه شو تسوي ولطووف تاخرت ولا يت خطفت نص ساعه من يوم يا الدريول ولطوف بعدها ,, اتصلت بامها

رحمه : الو ,, شحالج امايه
ام رحمه : بخير يعلج الخير انتي شحالج
رحمه : تمام
ارم رحمه : بلاج رحمه
رحمه : امي خليت لطوف فالسياره وسرت اشتري شنطه ويوم ردت ما لقت لطوف تريتها وما يت
ام رحمه وخي زايغه : وين خليتها
رحمه : في باركنات المول
ام رحمه : وانتي ليش سرتي المول
رحمه : امي كل المحلات مسكره ,, ماشي غير المول فاتح نشتري منه سلة الحلاوه
ام رحمه : انزين سيري شوفيها يمكن ردت المول
رحمه : ان شاء الله ,, يلا برايج
ام رحمه : ربي يحفظج

نزلت رحمه وهي ميته من الخوف وردت المول كانت تخاف راعي الرنج يشوفها ويلاحقها ,, تم تدور لطوف وما لقتها ,, وامها اتصلت مرتين تتخبرها جانها لقت لطيفه ,, وقبل لا تسكر امها خبرتها انها بتي العين مول ادور لطيفه

يت ام رحمه واخوانها العيال ( سهيل و طارق ) ,, كانو معصبين ع رحمه ويهادنوها ,, ومعصبين على امهم اكثر لانها خلتهم يروحون رواحهم ,,

وبعد اكثر من ساعه لقو لطوف منخشه وراى نخله من النخل الزينه اللي موقفات في المول ,, كانت ميته من الخووف ,, يوم تخبروها اشو بلاها ,, قالت لهم ان واحد سعودي كان يمشي وراها ويغازلها ,, ويوم ما عرفت كيف تشرد عنه انخشت ورى النخله ( يحليها لطوف شكلها واايد صغيره وبعد الشباب يغازلونها )

المهم لقوها وردو البيت ,, لكن رحمه ما سلمت من المهازب ,, وحطو كل اللوم عليها لنها خلت لطوف روحها وسارت ,, ومن عقب هالسالفه حرمو عليهم يظهرون من البيت رواحهم ,,

.

.

في بيت موزه

الساعه 9 الصبح

موزه كانت توها ناشه من الرقاد ,, كانت ميوده مصحفها وتقرى منه ,, شوي ودشت امها عليها الغرفه

ام موزه : موزه ما خلصتي
موزه : مخلصه
ام موزه : عيل اشوفج ما تلبستي
موزه : الحين بقوم اتلبس
موزه : اخواني كلهم نشو
ام موزه : هيه نشو ويالسين تحت تعالي تريقي وياهم
موزه : ان شاء الله

ام موزه ظهرت عنها ,, حطت موزه المصحف ع التواليت وقامت تتلبس وتحط اغراضها وملابسها في شنطتها الصغير ,, وحطت كم كتاب في شنطت لابتوها << شكلها بتشله وياها
وعقب ما لبست عباتها ,, نزلت شنطتها تحت وسارت تتريق عند هلها

ع الريوق

كانت موزه تتريق وسرحانه ,, في شيء كان شاغل بالها ,, تنهدت بضيق يوم ذكرت البحث اللي عليها ,,

عقب نص ساعه
كانو كلهم جاهزين ومستعدين لسيرة الشارجة

موزه وهي تحط شنطة لابها في الدبه ينقز لها خوها منصور

منصور : يالخقاقه ليش شاله وياج كمبيوترج
موزه : عندي بحث وابا اخلصه
منصور : هيه / انزين انا عندي بحث بعد سويلي
موزه : يصير خير
خلاها منصور ويبا يسير
موزه : منصور
يصد منصور يشوفها
منصور : شو تبين
موزه : ما بتشل وياك كتبك تدرس
منصور : لا
موزه : بس نحن ما برد الا قبل الدوام ,, وبيكون الوقت متاخر ما بتواحي تدرس
منصور : ماعندي شيء مهم

وخلاها وسار

وتحركوو صوب الشارجه

ملاحظة : هل موزه ماخذين بيت في الشارجه وفي اياام الاجازات يسيرون ويباتون هناك

.

.

والسموحة منكم ع القصور

ترقبو البارت القادم في اياام قليله ,, اعدكم بعدم الاطاله عليك

كل الود/ همس قلبي

\
/
\