مساجلة شعرية بين فزاع وسعيد بن دري

[الرحال]

مساجلة شعرية بين سمو الشيخ حمدان بن محمد بن راشد آل مكتوم (فزَّاع) والشاعر سعيد بن دري الفلاحي




شو ترشِّحْ في قعادين اللقايا


يا (المعضّل) لى سِبَقْ والاَّ ربيعه؟


خَلّنا من حكينا قبل نْتعايا


شاهِدْ التلفاز وْخِذْ نَظْره سريعه


فَزَّاع


الحقايق غير عن حِلْم الروايا


والوقايع تنْعِرِفْ يوم الوقيعه


واقع الترشيح ما يبغي بغايا


وانت تَعْرِفْ كيف ترشيحي أشيعه


الفلاحي


دايمٍ القنبله ترمي شظايا


والشظايا دايم تْسَبِّبْ فجيعه


والفعول الطيّبه حسْب النوايا


أكْسِرْ التيمات وآنا في الطليعه


فَزَّاعْ


الحمى يا شيخ من أهْل الحمايا


وانت حصن الدار وِسْدودٍ منيعه


نحتمي بك يوم اْلِعْبَاد اتّهَايا


وان فِزَعْ (فَزَّاعْ) فَزْعاته مريعه


الفلاحي


في الصداره ما ندوِّر في الزوايا


و(المعضّل) ما اشتريته لاجْل أبيعه


إن بغيت أعطيه من ضمْن العطايا


الكَرَمْ من نَفْس راعيّه طبيعه


في المعارك ما هو يْقود السرايا


غير شيخٍ فَزْعته فَزْعه سريعه


والشِّعِر يختال ما بين الحنايا


كل بيت آنقّحه قِدّام أذيعه


فَزَّاعْ


الرهايا.. ما لها غير الرهايا


والودايع مبتداها بالوديعه


(المعضّل) ياك يا فَرْز المزايا


عِنْد من هو ما يهوِّن في ربيعه


وانت لى مَيّزتني عن من سوايا


لك عَهِدْ مِنّي وْمِيْثاقٍ وْبَيْعه


والشِّعِر بَرْقٍ يشَعْشِعْ في سمايا


وانا له قاعٍ يِخَضِّرْ به ربيعه


الفلاحي

[بنت العزبة]

صح لسااان الشعراء وطول الله عمارهم

وسلمت ايدين الناااقل

واشكرك على هالذووق الراااقي


وماقصرت


والله يعطيك الصحه والعافيه

[الولايات المتحده البدويه]

صح السااانهم.... ولاهااان منطوقهم


ولاهنت ع الطرح

[رووح غاليها]

صح لساااانهم ..

تسلم يالرحال ع الطرح الغااوي ..

و الف شكر لك ..

[محينه]

يحيهم الشعراء..

شكرا الرحال

[الرحال]

شكرا لكم على تواجدكم هنا

الرحال

[احساس قليب]

صح لسان الشعراء


تسلم على الموضوع