الله يجازي من يسوي سواتك

[الرحال]

السلام عليكم ورحمة الله وبركاته


الله يجازي من يسوي سواتك
وبذنوب من سوا سواتك يجازيك


مشيت درب الثقل وتحب ذاتك
ماتدري انه للمهالك يوديك


وغرك جمالك ياخسارة حلاتك
ماتدري انه ماغير طبعك يحليك


تقول زينك يشفع لسيئاتك
الحسن ماهو عن وفى الحب يعفيك


لو التواضع والوفى من سماتك
بعت الحبايب كلهم دين واشريك


لكن عجزت اغيرك ياجراتك
هذا الغياب اللي بلا عذر ينجيك


خطاي في توضيح وشو غلاتك
وخطاك في توضيح وشو تغليك


وشلون توصيني وتنسى وصاتك
وتصد عن صوت(ن) تقطع يناديك


مافاتك التجريح والعذر فاتك
تبقى رضاي الحين ماعاد يمديك


صحيح احبك بس هذي جزاتك
بعلمك درس(ن) يفيدك ويحييك


تدري وش ابيض من خفوقك عباتك
تدري وش اللي غرني نظرتي فيك


ادري بتستغرب تفضل وجاتك
قصديت(ن) من واحد كان يبقيك


تبقي تناظر وانت عايش مماتك
شف وحدتك والناس تجلس حواليك


وتبقي تشوف اشجع رجل في حياتك
شفني واا مقفي على كثر مغليك


شعر: محمد بن فطيس

منقول

الرحال

[بنت العزبة]

وتبقي تشوف اشجع رجل في حياتك
شفني وانا مقفي على كثر مغليك

صح لسااان الشااعر بن الفطيس .. ابدع في قصيدته ..

اشكرك اخويه الرحال على هذا الذووق الرااائع والرفيع

وسلمت اناملك المتالقه على هذا النقل


وماقصرت

والله يعطيك الصحه والعافيه ..

[شح شح]

"
"
"

لو التواضع والوفى من سماتك

بعت الحبايب كلهم دين واشريك


من اشد المعجبين بشعر بن فطيس :shoof1:

صح اللسانه راعي الكيك والعسل ....


الرحال تسلم ع النقل .....


نبع الحنان

شح شح

"
"
"

[Bedwien Heart]

وشلون توصيني وتنسى وصاتك
وتصد عن صوت(ن) تقطع يناديك


:


تدري وش ابيض من خفوقك عباتك
تدري وش اللي غرني نظرتي فيك



/


اقوى الابيات اللي اثرت فيني من اول ماسمعت القصيده ..



^_^