تعالوا ولا تغلقون الموضوع

[][تراتيل أنثى][]

مرحبا السااع خشوومكم

سحالكم ان شاء الله فاااجد تمام :tsfeeq:

هل الكلام اللي يتداول في المنتديات إن فيصل خليل في السجن صحيح ولا لا؟

أتمنى اللي عنده معلومات يفيدنا

اذا صح هالكلام ابغي المصدر!

واذا خطأ ولا اشاعات ليش ما بيلعب مباراة الوحده والاهلي !!

لا تغلقون الموضوع انا يالسه اتخبركم :3ennny:

[رَحِيْلُ الْودّ]

هههه - باجر بتعرفينن قالوا لج ليش مستعيله ..

يمكن اللي قريتيه صح ويمكن غلط

شر النفوس !!


الله يهدي الجميع ويوفق اللاعب للاحسن

واذا اخطا ترا هب نهاية العالم ، باجر بيتعلم من خطاه

واذا ما كان هالشي صح ، حرام على اللي يروجون الاشاعات هالشي

تحية

[بنت العزبة]

الي عنده الخبر بيخبرج ^_^

انا ماليه خص في الرياضه

والسمووحه ..

[محينه]

ولا مادري بشي من هالامور

جان دش حد من هالشبيبه بيخبرونج

[][تراتيل أنثى][]

هههههههه

مستعيله لانه ما باقي شي عن مباراة الوحده والاهلي باجر المباراه

وكل واحد يجيب تشكيلة فريق يكتب فيصل ما بيلعب في هالمباراه

نحن دوم متعودين اذا ما بيلعب يا اما مصاب او مشروخ بكم انذار

بس مسجون عسب ...... هاذي يديده

وعاد انتي تعرفين بشكارتكم ملقووفه

وعسب جيه اذا تعرفون معلومات عنه ما عليكم سوا الفعص على حروف الكيبورد خخخخخ

ومشكوره ع المرور خيتوو

[][تراتيل أنثى][]

بنت العزبه :

مشكوره مدام ع المرور

ما نعدمكوووش

محينه :

مشكوره مدام ع هزا مرور

وانا اليوم ما في نوم بتريا الخبر الاكيد خخخخخخ

[دهن عود]

صرحت قناه ابوظبي الرياضيه قبل قليل ان اللاعب الاماراتي الدولي فيصل خليل متواجد في البيت حاليا ( الحين ما ادري به يمكن طلع مكان *_^ )...
وسيواصل التدريبات غدا ونفى اخوه فؤاد جميع الاتهامات الموجهه الى شقيقه

[محينه]

ماااشالله..

[رَحِيْلُ الْودّ]

الله يسامح الــ ؟؟!

بس ماشاء الله قناة بوظبي اول امس شفتهم اجروا اتصالاتهم وكان موضوع ساخن الصراحه

واجمل ما كان فيه

روعة اسلوب سبيت ف الرد على ماجاء على الاخير ضمن سياق الـ..

الكلمة الحكيمة والله من ذهب !

وع قولة حامد زيد :

افضل دواء للي يحاول يستفزك تحقره

[كنت اظن]

انا بقووولك الخبر جاء من جريدة شمس السعوديه .. الصحفي يحلف ويجزم انه عنده دليل قاطع انه كلامه موثووق 100% انه فيصل كان مع 2 مشعوذين من عمان .... غير هالمعلومات ماشي... ويقولون انه نيته ان فزاااع يحبه وينصاع لاوامره ويتدنى مستوى اسماعيل مطر والله اعلم ...؟؟؟ظ

[][تراتيل أنثى][]

اسمحلي شيخي بس فيصل خليل برئ من هذه التهمه كبراءة الذئب من دم يوسف عليه السلام
انا متابعه الحلقه اول باول واتحمل مسؤليه الكلام اللي اقوله لاني انا متابعتنه ما ملقطنه من الارباب مالي خخخخخخخخخ..
واليكم تقرير مختصر لاهم ما حدث في برنامج مرامس على قناة ابوظبي الرياضيه ..
وطبعا شرات ما قالت الارباب مالتي رخووله ابوظبي اجرت اتصال لسبيت ولما سالوه شو بيسوي ضد هذه الاتهامات اللتي وجهت اليه اجاب
" حسبي الله ونعم الوكيل انا عمري ما فكرت بالشعوذه بيي الحين عسب
كوره اشرك بربي " وقال انه لن يتخذ اي اجراء تجاه مروجي هذه الاشاعه ..
وبعد ما سكروا من سبيت دقوا ع فؤاد شقيق الاعب فيصل خليل وقال انه ما بيسكت عن حق اخوه وعندما ساله هيثم الحمادي عن اسم الجهه التي سترفع عليها القضيه
اجاب بانها ليست قضيه واحده بل قضايا وما قال شو هن الجهات اللي بيرفع عليهن قضيه ..
واكد قائلا ان فيصل موجود في البيت والسبب الي منعه من اللعب امام الوحده هو ايقاف المدرب له لسبب عاادي حاله حال اي لاعب يملك عدة انذارات ومعرض للطرد ..
بعدها استقبل برنامج مرامس اتصالا هاتفيا من الاعب فيصل خليل واكد انه سيرفع قضايا على الجهات اللي روجة هذه الاشاعه ...
واذا بتتخبرون عن نفسيته ما يبالها كلام اكييد تعباانه اذا مشجعينه قبل خصومه بدوا يتدالون هذا الخبر دون التاكد من اي مصدر ..
حسبي الله ونعم الوكيل على كل من يروج هذه الاشاعات ..
واندوكم هذا الرابط اقروا تصريح فيصل خليل ..

http://www.elaph.com/Web/Sports/2008/10/372035.htm

هذا كل اللي عندي وشرات ما نزلت هذا الموضوع لمناقشة هذه القضيه سنغلق الستار على هذه القضيه ..
لان كل شي بان شكرا لكل من نورنا بمروره واتمنى من كل واحد غلط في حق فيصل خليل يعتذر له ..

وسلاااااااااااااام : العين ستوورم

[اماراتي100]

تسلمين اختي

[عــزيز النفس]

سمحووولي عالتداااخل ....

سمعوووا الريااال بريء محد يصدق هالخراااافااات

اول شي تأكدو من صحيفة اماراتية مش سعودية

ثاني شي انااا شايفنه في مبارات الامارات وايران كان موجود

متى صار هذا الشي

اتأكدوا وفيصل خليل مشعوذ ما اصدق هوو وين والشعوذه وين ..



سلاامي للجميع