انا ما ابيكـ تسالني .. تكفى ابيكـ تفهمني...

[الكتبيه]

أنا ما فيني شي...


جوابي العادي لسؤالك المعتاد...
تبي تعرف وش اللي فيني...

أوقف معي لحظة...وحاول تكتب معي..
على سطور الورق..وبحروف من حبر القلم...

أكتب في أول السطر أو حتى في آخر السطر..
أنا ما فيني شي..

أنا مو بيقتلني الندم..
أنا كلي آهات وألم..

أنا في نهاري..جروح قلبي تصاحبني..
وفي ليلي..الوحدة تلازمني..

أنا ما فيني شي...بس أبي كل شي..
أبي إنسان يفهمني...يستوعب مدى جرحي..

ويمحي بلمسة أثر همي..
أبي إنسان يحكمني..من راسي لأقدامي..

أبي حضنه يدفيني...كل ما نزلت دمعة من عيني...
أبي عينه تناظرني...وحرارة شوقه تحرقني..

أبي جسمه يلم اللي بقى فيني...
وبقوة يحسسني بجنون الحب وأنواعه..

وأحس إني أمل روحه...ودمه اللي بعروقه..
وإني كل ما كان من عمره..

وحلمه اللي عايشٍ لأجله..
وأحس إني عالمه كله..

وأقرب له من شرايينه..
وأكثر حتى من نبض قلبه..

أبيه يحبني لذاتي..ويعشق حتى نظراتي..
ويموت..يموت بهمساتي..

أبي لا جيت له أمشي..
يجري شوقه يحضني..ويسابقه حبه..

بعد كل هذا تسألني..وش فيني..؟!!
أنا ما أبيك تسألني...أنا أبيك تفهمني..

تعبـــــــــــــــــــــت..
تعبت من الأسئلة..وتعبت أكثر من تكرار الأجوبة..

أنا ما أبي أسمع إلا كلمة...
كلمة ترد الروح فيني..وتنسيني جروحي..

أنا ما فيني شــــــــي..
بس أبيك تحسسني بكل شي


واتمنى انهااا تناال اعجاابكم مثل ما هي ناالت اعجاااابي..........

[محينه]

شكرا اختي الكتبيه

وجميل هو ان يحس بك الغير دون ان تنطق شفاتك..

[رووح غاليها]

انا ما ابيكـ تسالني .. تكفى ابيكـ تفهمني...

عنوان جميل لخااطره جميله ..

تسلمين ع الطرح ..

[بنت العزبة]

طرح رااائع جدا غاليتي

ابدعتي

ونرقب منج كل يديد يالغلا..

[الكتبيه]

تسلمون ع المرور

[الرحال]

وفقتي سيدتي بالاختيار

شكرا لج

الرحال ^_^

[ريما بنت هزاع]

راقت لي هذه الخاطره سيدتي


^ـ^


خاطره ع العوق بصراحه


تسلمين يا الكتبيه


ريما بنت هزاع

[رحــــــاله]

و نحن كذلك ما فينا شي .. *_^

بس

نرقب المزيد من هالمشاعر اللطيفه ،,
التي ان حكت ... حكت قصة حاجة الإنسان للأخر

شكرا لج :)


تحياتي ،

رحاله

[مرهون قلبي]

أبي إنسان يفهمني...يستوعب مدى جرحي..


ابدااااااااااعتي في كتاابهـ الخـــــــاطرهـ

كلمااااااااااات جميله ومعبرهـ ..

الله يـــــــعطيج العاافيهـ ...