:/: أمسيه في اللهوش :/:

[ما وطي الراس]

بسمـ الله الرحمنـ الرحيمـ
السلامـ عليكمـ ورحمة الله وبركاتهـ

قصتيـ أمسيه في اللهوش قصه قصيره عباره عن جزئين ..
قـد تكونـ ممله ،، أو تكون ملمه ..
فقط أتمنى المتابعه ،، لأن المغزى قد لا يفهمـ ..
وقد تحتاجون مده !!..
ولكنـ أحتاجـ للعبره ،، لا الفكره ،،

:||:الجزء الأول:||:

اليوم أنا وأخوانيـ وأميـ .. طبعاً سايرين اللهوش .. كالعاده ..
نزلت من السياره يلست على الند بعيد عن اللهوش شوي..
خواني سارو صوب اللهوش يروغونهن ..
يلست يالبنات أسولف ..
خلاف أميـ اتصلتليـ ..
ما وطي الراس : .. هلا أميـ ..
أمي .. بنتيـ سيري فجيـ الحمل على أمهاتهنـ ..
سرت وأول مره أفجـ الزربـ !!..
تر تر تر تر ترا ترا ..
المهمـ نزلت .. وفجيت الزرب إلا وتلقينهن الليعد أطلقن في الزرب اللي حذاله ..
سيده صوب الشعير والغاف .. دون ما يطالعن عيالهن ..
يعنبلاكن عيالكن أهم من الأكل .. ولا عليهن ..
أف :: تمت المهمه بنجــاح ::
المهمـ ..
قلت خلني أسير صوب أمي عند زرب المعز ..
سرت ..
عاد الله يخليكمـ مناك بو الشباب يربع ومنيه طرزان ..
وعاد يا العشرى عقيـ .. ويا الفاطر موتيـ ..
ويا ما وطي الراس .. خيسي بريحه ..
يلست أصورهمـ ..
طماشه ..
:||:
يتبعـ التكمله .. باجر بإذن الله ،،
:/: ما وطي الراس:/:

[راعيها]

وعليكم السلام ورحمة الله وبركاته

ياهلا بج ما وطي الراس

كنج مصبحه في العزبه وقالعه الدراسه

نتريا التكملة

[ما وطي الراس]

حيـ به راعيها ..
الدراسه لهلها ..
اللهوش عوقيـ لوماسرتله مارومـ ..
وهاي التكمله ..
مشكوور ع يبر الخواطر هعـ ..
عاد قرى التكلمه هب اطنشـ ..
وحياك الله ..

[ما وطي الراس]

ها أنا أعود بلا ردود ..

أحبطونيـ .. ولا رد غير رد راعيها اليومـ.. أفا .. المهمـ أوصل اللي أباه ..
ع راحتكمـ ما أتريا جواب .. أتريا عملـ ..

:||:الجزء الثانيـ :||:
يلست على الدرام مال الأكل عقب ما جلبته ..
أطالع اللهوش ..
وخلاف لنه أمي تزقرني .. ما وطي الراس تعالي ورضعي الصخل ..
أنـا وسايره صوب أميـ عند الزرب : o.O .. لا لا ؟؟
يلست أطالع أمي وهي ترضعهن..
قالتلي : ما عليه روغيهن عني ..
المهمـ ..
كان زرب الصخيلات معزول عن التيوسه .. عن لا يروغنهن ..
وخلاف قلت بطلع لوعن بجبدي ..
وصلت عند باب الزرب .. لنه أمهاتهن في لغبي يبن يدخلن ..
أفففف يا هي حاله كيف بروغهن ..
ولا وبعد التيس حضرته يبا يدخل .. وين يبا ما دري ..
تمت أروغهن ما طاعن ..
ولنه التيس يدز عنز جنه يغازلها ضيقبي أنا فايجتلك ..
وطلعت عقب محايل ..
يوم طلعت .. شوي أبتعدن ..
ولنه التيس يربع ورى عنز ولسانه طالع ضيقبي صدق .. خاطري أذبحه هالساعه ..
وين ثلاث تيوسه ما شا الله ولا واحد فيهم قام له .. ضيقبيـ ..

وطلعت بسير صوب البنات ..
رفعت راسي لسما .. إذكرت خلقت الله فينا ..
:||:
كيف حشمنا نحن البنات والحرمات !!
ما خلنا شرى العنز واليعد تحوط بالكشه ومفصخه !!
حشمنا بعبينا .. حشمنا وعزنا في بيتا (( وقرن في بيوتكن ))
ولكن بنات هزمن يترين من التيوسه دزه ولا نغزه .. كلمه ولا همسه ..
أصبحن شرى هاللهوش .. شرى هالعنز ولا تيس وقفها عند حدها !!
كل حد يبا يتمادى فيهن ..
نحن عزلنا أمبين اللهوش ..
بس خلق الله أيتمعت على الحرام ..
مهما كانـ لزم نكون أمة محمد صلى الله عليه وسلم أمة الأمر بالمعروف والنهي عن المنكر ..
ولا واحد منهمـ سترها وردها !! فتن عليها ونازعها ..
لا مخلنها سايبه ..
وين غيرت الدين وين غيرة العرب اللي ميزتنا عن الغرب ..
ماشي أصبحنا بلا غيره .. أنتزعت .. نزعهم الله في عقر دارهمـ ..
البنت تهوم وين ما تبا .. وترد ساعة ما تبا !!
:/:
أصبحن يبدن الشغل على عيالهن !!
أصبحن شرى العنز تحوط بويها وين أما كانت !!
ما خلت عمرها حشيمن عاقل !!
أتحرى عمرها بهذا بتلقى الجنه !!
تهبي ..
:/:
يمكنـ تسؤلوني ليش شبهت الحرمات باللهوش ..
لحقارت المنظر اللي أشوفه في السوق ..
متكشفات .. متبرجات ..
مسحتات حياتهن ..
- ولي مسحتين لحاهمـ .. (( ومنهم خواني للأسف )) بس الله يهديهمـ ..-
والله نفسي تلوع منهمـ .. أحسبهن رخاص ..
بس أحياناً يغمضنيـ .. أقول وين أهلها !!
وين عربها محدن منهمـ قالها !!
محدن شافها ..
يا عرب ..
(( كلكم راعٍ وكلكم مسؤولن عن رعيته ))
يا عرب
أنت في بيوتكمـ رعاه ..
وفي السوق رعاه ..
وفي المنتدى رعاه ..
مسؤولين يوم الدين ..
هالله هالله فيهمـ ..
:/:
هذي همستيـ أتمنى تنال أعجابكمـ ..
:/: ما وطي الراس :/:

[راعيها]

هذا يعتمد على راعي العزبه ..

يوم يعزل التيوس عن المعز ... وكل واحد يظهر على تربيته

كل واحد مسؤول عن نفسه الحينه وإلي نقدر عليه الكلمه الصالحه

الحمد لله انا اكبر عن هالسوالف والرعية الحمد لله ماتحتاج توصية او متابعة كل واحد حاشم عمره وعارف قدره

[عيون حايرة]

بسم الله الرحمن الرحيم

السلام عليكم ورحمة الله وبركاته جزاك الله خير أختي ما وطي الراس صراحه أحسنت التعبير والتشبيه عن حال بنات ه الأيام ،بس مش كل البنات والحق يقال في بنات محتشمات وفي بنات العكس .

[بوح القــوافي ®]

متكشفات .. متبرجات ..
مسحتات حياتهن ..


للاسف وايدات جيه..
ولو بتلومين لهل.. ما يعرفوون عنهن والله

ويوم بترمسين الام تنجلط والابو يستخف لانه ما يعرف..

لكن هم يعطونها الحريه وبعدين ينصدموون ..
هم يسمحون لهن وبعدين ينصدمون..

بس قبل التربيه وقبل اهتمام الاهل

في شي اسمه وازع ديني...وحرام وحلال..

ما نقول غير الله يهديهن ..




وداعة الله

[ما وطي الراس]

الله حيكـ ..

هذا يعتمد على راعي العزبه ..
ما عارضكـ أبد في هالشيـ ..


يوم يعزل التيوس عن المعز ... وكل واحد يظهر على تربيته
صحـ ،، بس وين الرقابه .. يمكن هنـ ما يستشعرن بالله .. يبن رقابه من الأهل ..
من الناس اللي حولهنـ ..
ما يفلتونهنــ ..


كل واحد مسؤول عن نفسه الحينه وإلي نقدر عليه الكلمه الصالحه
لا هب كل واحد مسؤول عن نفسه جان قال الرسول أنت راعي ومسؤول عن نفسكـ ..
الإنسان مهما كان يبا النصيحه .. يبا الكلمه الطيبه شرى ماقلت ..
يبا النهي مره وهزبه مره .. ونصيحه مره .. وكلمه طيبه مره ...


الحمد لله انا اكبر عن هالسوالف
الحمد لله ..


والرعية الحمد لله ماتحتاج توصية او متابعة
والله كلـ أنسان يحتاج للنصيحه .. إلا الخقاق .. إلي ما همه إلا نفسه ..
شيخيـ محدن معصوم من الغلط .. وإن شا الله لا أيب الغلط لا لنا ولا لغيرنا ..
بس مهما كان الحبل أن قلعناه على الغارب أن فلت ..
صح ولا !! ..
يحتاي مره ترخي ومره تشد ..
يحس الإنسان أن حد مهتمـ به ..


كل واحد حاشم عمره وعارف قدره
أكيــد على ما أصبحت الدنيا ع حالها ..
:/:
تسلمـ ع التعقيب ..
وأسمحلي يمكن كنت أخالفك في راي ..
بس هذا رايي ..
ومشكوور ع المرور ..

[ما وطي الراس]

بسم الله الرحمن الرحيم

السلام عليكم ورحمة الله وبركاته.
وعليكمـ السلامـ ورحمة الله وبركاته ..
أهلاً بكـ أختيـ في صرحـ منتدى ..
وكمـ يشرفنيـ ردكـ .. بين طيات أوراقيـ ..


جزاك الله خير أختي ما وطي الراس
وجزيت خير على المتابعه حبيبتيـ ..


صراحه أحسنت التعبير والتشبيه عن حال بنات ه الأيام
،بس مش كل البنات والحق يقال في بنات محتشمات وفي بنات العكس
أنا معكِـ ..
فهناكـ من هو صلحـ ومن هو دون ذلكـ ..
هذاهن الله وإياي ..

شكـــراً أخيتيـ على المرور ^-^..

[ما وطي الراس]

حيااااا الله الحلوووووينـ ..
منورين الصفحه والله ..

متكشفات .. متبرجات ..
مسحتات حياتهن ..


للاسف وايدات جيه..
ولو بتلومين لهل.. ما يعرفوون عنهن والله
وينـ همـ عن بناتهمـ ،، بذروهنـ يهيتن في الشوارع ..
همـ أول الناس محاسبين على عيالهمـ ..
هذا اللي دمر العيال ..


ويوم بترمسين الام تنجلط والابو يستخف لانه ما يعرف..
والله أنه منهمـ .. لا يلومون إلا عمارهمـ ..


لكن هم يعطونها الحريه وبعدين ينصدموون ..
هم يسمحون لهن وبعدين ينصدمون

بس قبل التربيه وقبل اهتمام الاهل

في شي اسمه وازع ديني...وحرام وحلال....
بسألجـ سؤال ؟؟
من هو اللي لازمـ بيزرع فيهمـ الوازع الديني ؟؟ ..


ما نقول غير الله يهديهن ..
هيه والله ،، الله يهديني ويهديهمـ ..

مشكوووووره على المرور حبوووبه ^-^..

[راعيتها]

الســـــــــــــــلام عليكم
حبيت ارد على هالموضوع لانه عيبني
حلـــــــــــــــــوه الفكرة
والتشبيه رائــع واحس انه شوي بعد
عليهن

[شوق دبي]

تسلمـــــــــــين مااوطي الراااس على المووضوع الغاااوي

سلاااااااااااامي لج

شووق دبي

[ما وطي الراس]

حيا الله الغواااااااااليـ ..

الســـــــــــــــلام عليكم
حبيت ارد على هالموضوع لانه عيبني
حلـــــــــــــــــوه الفكرة
والتشبيه رائــع واحس انه شوي بعد
عليهن
وعليكمـ السلام ورحمة اللهـ ..
يالله يعلني فداااجـ ..
تسلمن والله ..
هيه والله شوي عليهن الله يهديني ويهديهنـ ..

أها لا تقطعينـ .. أمونجـ في السنه حسنه ..
بس غريبه شو ذكركنـ ..

ومشكوووووووووره ع المرور ^^ ..


تسلمـــــــــــين مااوطي الراااس على المووضوع الغاااوي

سلاااااااااااامي لج

شووق دبي

سلمـ الله غااااااااااااااليجـ ..

مرحبااابجـ ..

بس صدق أنتن شو ذكركن ؟؟..
ومشكووورات ع المرور ..
يعل ربيـ يخليكنـ ..

[الموناليزا]

لي عوده ....بس بصراحه موضووعج عيبنيه بشكل فظيع ^_^

[ما وطي الراس]

لي عوده ....بس بصراحه موضووعج عيبنيه بشكل فظيع ^_^

فيـ شوقٍـ لها ..

أحقاً أعجبكِـ ..
أعتقدت أنه ركيكـ لذلكـ لم أجد الردود ..
فقلت دعيكـ منه .. لماذا الأمال الواهمه ..
ولكن والله تفائلت بوجودكِـ فلا تحرمينيـ ^___^ ..

[الموناليزا]

عزيزتي ماوطي الراس...


سعدت بهذه الاسابيع الاخيره بتواجدكـ معنا في هذا المنتدى....


ياسبحان الله لقد صورت الوضع بأفضل صوره اخيتي ...
اعز الله المسلمين والمسلمات وعباده الصالحين...

اخيتي لعلكـ أسأت بعض الشي في بعض تعليقاتكـ ولكــن اعذركـ واعلمـ بتألمكـ لحال بناتنا لهذا اليومـ...

والله اخيتي..اني فعلا كل ما اقرا موضوعكـ...احس بأنني أرى هذه المشاهد أمام عيناي...

اخيتي الكريمه..لا اعلم ما السر في اسلوبكـ...رغم وجود بعض التعليقات عليه ولكــن لديكـ قدره على الاقناع..
واقول لكـ هذا بصراحه فتمتلكين اخيتي الشجاعه لنصح بنات جنسكـ لعلهن يتعظن وكان الله غفورا رحيما...
بيدنا النصيحه اخيتي..


اخيتي لا اعلم ماذا اقول ...ولكــن اعلمـي اخيتي بأننا نتألم لرؤيه هذا الحال ألهذا الحد وصل حالنا..!!

لا اقول سوى الله يستر على الجميع ولكـــن برأيي السبب من الفتاه وضميرها..

بس باختصار...اللي حاشمه عمرها تراها حاشمه عمرها لو بين مليون ريال بس اللي بتضيع بتضيع لو حاطينها بين اربع يدران ....من رايه انه الضمير والوازع الديني هو اللي له اكبر أثر فتربيه البنت وفأسلوبها فحياتها..


اشكرج اختي ماوطي الراس على هالموضوع..رغم وجود تعليقاتي على بعض الردود..

تقبلي تحياتي اختج
بونيتا

[ذرب المعاني]

كل شئ يكمن فالتربيه .. يعني لو ربيت البنت تربيه صحيحه كل الأمور تترتب على هالشئ

فهي اخت وزوجه وام في المستقبل .. فهي المجتمع كله

الأم مدرسة إذا اعددتها .. اعدت شعباً طيب الأعراقي

فتربيه البنت هي اللي بتحدد كل شئ

والسموحه

وفقني الله واياكم لما يحبه ويرضاه

اخوكم

ذرب المعاني

[[ زحمة شموخ ]]

(( تسلمييييييييييييييين ختيه ...........الموضوووووووووووووع طرررررررررررر ماعليه كلالالالالالالالام ))