الوقت الأشهب

[الرحال]

الوقت الأشهب


يا بِنْت عينِك رماني من محاجِرْها

سَهْمٍ ذبَحْني بلا رَحْمَه وَلا روفه


سَهْمٍ يسوقه جمالٍ من نواظِرْها

وَقَّعْ بقلبي تقِلْ مخباط شاخوفه


يا زين بالله ما تاخِذْ بخاطِرْها

روحٍ تحَتْ رَحْمِتِكْ وَلْهَه وْمَشْفوفه


تهوى جمالِك وعيني فيك ساحِرْها

زود البها والحلا والمِلْح وِشْغوفه


يا بِنْت الايّام زِيْنَتْها بحاضِرْها

والاّ المقابيل ما نضمَنْ لها حوفه


إن كان حالِك مِثِلْ حالي مخاطِرْها

ترى السعاده من الأيّام مَخْطوفه


هذي سلوم الحياة الله يجَزِّرْها

والعمْر يا ويل آماله من حْتوفه


يا الله عسى الخَدّ تسعَد بك زواهِرْها

والوَقْت الاشْهَب يزين وْتَمْطِر قْنوفه


شعر: الأمير خالد بن سعود الكبير


الرحال

[محينه]

اختيار موفق

ونقل مميز


لكن بالنسبه لك مااوافق ان هذا النوع من القصايد يعجبك

مشكور اخووي

همسه..لاتختار هالخط لانه صعبه ..ولا كبر الخط

[الولايات المتحده البدويه]

صح السااانه الشاااعر.... على القصيده الطر


وتسلم ع الطرح

[الرحال]

محينه رد صريح مميز ليش شو فيها القصيده ^_^

وان شاء الله بغير الخط ثواني بس

شكرا لج

الرحال