نبض واحساس ..

[الشاعره!]

للكل منا نبض واحساس واشعور ،،
حر بتعابيره وحر بخياله،،

ماظن قلبك كان ع الحب مجبور؟
والحين؟ مدري ياترى وش جراله

تجرحني بكلمات والجرح بالدور
كلما غفلت شوي جاني بداله

لو ع الخطا؟ ترى الخطا شي مقدور
الكل يبده يرتكب مابداله

ولوجات ع الغلطه اكيد انت معذور
كل الخطا منّي انا لامحاله

عادي انا لانمت باحساس مكسور
عندي الاهم قلبك زمانه صفاله

وجداً طبيعي لو انا بتّ مقهور
اقول في قلبي عسى الفرح فاله

اعيش بالظلمه لجل ياصلك نور
يكفيني ان يكون دربك سهاله

كم كنت انا ابني على رملك قصور
هبّة نسيم اتهدّ قصري ورماله؟

الجرح هذا مايداويه دكتور..
في ذمتي ماشفت حولي دواله

ماكان ظني ينبني بيننا سور
تعجز عيوني تنظرك من خلاله

ولاكان في بالي على مر لشهور
ان الغلا لازاد تضعف حباله

كنت اعتقد واظن ذا القول مشهور:
ان المحبه شي يصعب زواله

مثل المطر من قطرته تبدي بحور
يعني المطر تقدر توقّف هماله؟

ببقى احبك،،لو على قلبي تجور
واخشى على قلبك ولو من ظلاله

واعذر احاسيسك لو بلحظه تثور
يمكن لسانك ماقصد شي قاله..

عساك تسلم،،إرفع الراس بغرور
ماعاش من تعذيب قلبك سعاله

هذا قصيدي جا على هيئة سطور
قصيد كله يا وليفي جزاله

ان راق لك سوّه بلابتوبك ستور
ملفّ شعري فيه جدد وصاله

او اسحب الفايل يسارك ، وقل شور
عند الرسايكل ماتعوق الإزااااااله

[:: Government ::]

عساك تسلم،،إرفع الراس بغرور
ماعاش من تعذيب قلبك سعاله

هذا قصيدي جا على هيئة سطور
قصيد كله يا وليفي جزاله

ان راق لك سوّه بلابتوبك ستور
ملفّ شعري فيه جدد وصاله

او اسحب الفايل يسارك ، وقل شور
عند الرسايكل ماتعوق الإزااااااله



صح لسانج وتسلمين ع هالابيات الرائعه

[الشاعره!]

كل الشكر ع الرد الراقي ،،

[الولايات المتحده البدويه]

ببقى احبك،،لو على قلبي تجور
واخشى على قلبك ولو من ظلاله





صح السااانج.. الرب ايزين حالج....


لاهنتي على هالابيات...


الولايات البدويهـ

[الشاعره!]

كل الشكر لج ع المرور والرد المميز..

[قـلب بـوعسكـور]

صــــــح لســاانـــج ولا هــااان منطــووقج الغنـــااااه

[الشاعره!]

كل الشكر ع المرور الحلوو

[السنافية]

صح لساانج الشيخه .....


وربي يسلمج ع القصيده ........


نترقب يديدج .......

[عبدالله بن نعمان الكعبي]

اعيش بالظلمه لجل ياصلك نور
يكفيني ان يكون دربك سهاله


المحب يضحي لمن احب


صح لسانج يالشاعره


قصيده جميله

[الشاعره!]

اشكرك الشاعر عبدالله الكعبي مرورك راقي كالعاده

[رووح غاليها]

الجرح هذا مايداويه دكتور..
في ذمتي ماشفت حولي دواله

صح لسانج يا الشاعره

والله لا هانج ع الطرح الغاوي

تحياتي لج ..

[جريح الحب]

آحساس راقي وبوح مميز سيدتي

جزلة من قلم جزل

صح لسانج يالشاعرة لاهنتي

احترامي

جريح الحب

[الشاعره!]

اشكركم ع المرور المليئ بالرقي ،،

[محروم الهـير]

ولوجات ع الغلطه اكيد انت معذور
كل الخطا منّي انا لامحاله

عادي انا لانمت باحساس مكسور
عندي الاهم قلبك زمانه صفاله

وجداً طبيعي لو انا بتّ مقهور
اقول في قلبي عسى الفرح فاله


صح لسانج ولاهان منطوقج أبيات روعه بصرااحه وتسلمين والله يعطيج العافيه

[{«مَضمًرَة رًجآبً»}]

صح الله لسانج

الله لا شلج يالشاعرة اجديتي فالقصيدة فيذمتيه

موفجه فديتج

[الشاعره!]

لكم مني كل الشكر ،، ع الاهتمام والرد :)

[قرناس]

يا حافظ يا حافظ

ترتوب قصيدتج ، صح لسانج وصق انج شاعره

الجرح هذا مايداويه دكتور..
في ذمتي ماشفت حولي دواله

هني تخيلت هالجرح شو كبره

[الخيل]

الشاعره

يا حي منطوقج يا ختيه
صح الله لسانج يالغالية وحمدلله على السلامة
نورت ساحة الادب بمنتدى الهير بحضوركي الكريم


الخيل

[رَحِيْلُ الْودّ]

المدح في قصيدج ماله معنى

لذلك وجب الصمت

لان

الصمت في حرم الجمال --} جمال

صح لسانج

والله روووعه

[دم الغزال]

صح لسانج... ومافيج حيله على هالابيات الروعه......^^

[الشاعره!]

ياسلام عليكم ،، تشيجع حلو منكم ولكم مني كل الاحترام والتقدير والحب :)

[حسن علي الهاجري]

تبارك الرحمن يا الشاعره .. شاعره بحق وحقيقه

لله درك ولا هنتي

[مرهون قلبي]

صح لسآآآآآنج الشآآعره

ربي لاهآآنج

تقبلي مروري :

مـــرهون قلبي