عبدالله بن نعمان الكعبي
26-07-2008, 12:11 PM
السلام عليكم ورحمة الله وبركاته
هذي قصيده يديده والسموحه على الانقطاع
ولكن الغايب حجته معه
في تالي الليل رمّاسي=والداجي يْهيج بغلاسي
مع نادر الدر قمت أصوغ=بالحص وفصوص للماسي
يا حندس الليل هيدلي=من وصف محبوبتي بدلي
قبل الضيا للملا يدلي=ضيه على الناس نبراسي
يشرق سنا النور من خلي=ويصبّح الخير يختلي
ويغرد الطير متسلي=ما بين خده وللعاسي
أما الشفق يشبه شفاته=لا طمست الشمس وجناته
ويعسعس الليل خصلاته=مطلوق بطراف متواسي
لخصور تتزركش بدلموج=والعود يالناعم العسلوج
والفل في موطنه ملهوج=والعارض بعاج ينقاسي
ومهند الهند والمغمد=يد السميذع لوصله مد
أرنو لشوفته متعمد=في وصلته طب هوياسي
اليافل الشادن الظاعن=والخود لو شلن وباعن
بين النجم والبدر ضاعن=يبقى بها الحسن نوماسي
يجرح ف لفواد ويداوي=ويضمد جروح فالهاوي
يلعب على كيف ما ناوي=لاث الهوى واحتكم باسي
عونك على السمع والطاعه=يا مرحبا حي هالساعه
وأقول فالقلب مرباعه=يتحكم بضخ لنفاسي
هذا الهوى وهذي دروبه=لو ترك الروح مصيوبه
ما تنقبل عنده التوبه=ذكراه ما فارقت راسي
ما ننكث العهد نوفيبه=كل يوم نصبح ونمسيبه
نمضي مع العمر نمضيبه=لين اللحد يزهب الساسي
هذي قصيده يديده والسموحه على الانقطاع
ولكن الغايب حجته معه
في تالي الليل رمّاسي=والداجي يْهيج بغلاسي
مع نادر الدر قمت أصوغ=بالحص وفصوص للماسي
يا حندس الليل هيدلي=من وصف محبوبتي بدلي
قبل الضيا للملا يدلي=ضيه على الناس نبراسي
يشرق سنا النور من خلي=ويصبّح الخير يختلي
ويغرد الطير متسلي=ما بين خده وللعاسي
أما الشفق يشبه شفاته=لا طمست الشمس وجناته
ويعسعس الليل خصلاته=مطلوق بطراف متواسي
لخصور تتزركش بدلموج=والعود يالناعم العسلوج
والفل في موطنه ملهوج=والعارض بعاج ينقاسي
ومهند الهند والمغمد=يد السميذع لوصله مد
أرنو لشوفته متعمد=في وصلته طب هوياسي
اليافل الشادن الظاعن=والخود لو شلن وباعن
بين النجم والبدر ضاعن=يبقى بها الحسن نوماسي
يجرح ف لفواد ويداوي=ويضمد جروح فالهاوي
يلعب على كيف ما ناوي=لاث الهوى واحتكم باسي
عونك على السمع والطاعه=يا مرحبا حي هالساعه
وأقول فالقلب مرباعه=يتحكم بضخ لنفاسي
هذا الهوى وهذي دروبه=لو ترك الروح مصيوبه
ما تنقبل عنده التوبه=ذكراه ما فارقت راسي
ما ننكث العهد نوفيبه=كل يوم نصبح ونمسيبه
نمضي مع العمر نمضيبه=لين اللحد يزهب الساسي