بنت العم لولد عمها ...؟؟؟!!!!

[بدوي الهير]

السلام عليكم ورحمه الله وبركاته





الام شو ماتينة هذا ولد عمج
البنت مااحبة
الام أي عادي باجر اتحبينة
البنت ماابية ماابية
الام شو ماتبية انتي تبين اتزعلين عمج مني
البنت شنو يزعل علشان رفضت ولده
الام أي يزعل اصلا من وانتي اصغيرة وقايلين فلان لفلانه والحينه انتي ترفضين
البنت وانا شو ذنبي اتزوجيني بواحد مااحبة ولا ابية
الام قلتلج راح اتحبينة واضهار انا عطيتج وية ازيادة ملجتج الاسبوع الياي .

أعتقد عرفتوا السالفه

هالفكره وااااااااااايد سائده وبذات في مجتمعنا الخليجي

بعض العوائل مازالت تعتقد به ..

ان ابن العم اولى ببنت عمه ...

و كثيرا ما تترتب عليه مشاكل كبيرة بين الاهل بسبب رفض الطرفين او احدهم ...

وكثيرا ما ينغصب الولد أو البنت على الموافقة من أجل الأهل

عندي كذا سؤال ...

الشباب :
اذا صار معاك هالموقف ( قالوا لك تزوج بنت عمك ) ..
توافق علشان خاطر اهلك و عمك ..
و تفاديا للمشاكل ..؟؟
يمكن تحبها بعدين ولا ترفض

البنات :
اذا صار معاج هالموقف ..
توافقين

و اذا ما تبينه شقايل ترفضينه بدون مايزعل احد ( لا ابوج و لا عمج و لا ولد عمج )


بانتظاركم ..

[الحر_العنيد]

اكيد لا بختار طريقي (انا) بنفسي وطز في عمي اذا كان بيزعل يمكن ما تعجبني او ما تباني اخذ بنت الحلال اللي اباها او هم يساعدوني على الزواج ................... وهذا تصرف غلط من ناحيه الام اوالاب .............والسموووووووووووووحه....

[روح الهير]

مب دايما اللي نباه يصير.....واذا صار الموقف لي بسوي استخارة ....اذا تم الامر على خير فهذا قسمة ونصيب

واذا ما تم وصار رفضي في محله فهذا بعد قسمة ونصيب.... مرات او غالبا الاصرار على شي الاهل مب موافقين عليه

يؤدي الى نتائج سلبية وبعدها ما يفيد الندم......والوالدين لازم يفكرون عدل قبل اتخاذ القرار لان هذا مصير وحياة بنتهم او ولدهم...!!

والسموحه

[ذرب المعاني]

انا اشوف ان البنت لولد عمها

هو دايما الأصلح والأفضل

فولد عمها بيعتبرها من شرفه واي شئ يسئ لشرفها بيسئ له نفسه .. وألهم نفس العادات والتقاليد فهب من الصعب انها تندمج في عالمها اليديد
نعم الدين قال تباعدوا فالزواج .. لكن الحين اللي بيخطب وحده غريبه .. شو دراها انه هذا هو الأنسب لها .. حتى لو قالوا بنسأل عنه .. السؤال عنه غير عن ايكون عايش امبينهم وعارفنه عدل

اما لو شايفه لها شوفه ثانيه فهذا امر ثاني

انا الصراحه من مؤيدي زواج الولد ببنت عمه

اخوكم

ذرب المعاني

[بدوي الهير]

أأشكركم

يا ريح دبي و روح الهير وذرب المعاني

على وجهات النظر الحلوه..

[الشامسية]

من وجهة رااايي
أن البنت تصلح أكثر لولد عمها
أو حتى عيااال خالتها أو خوالها
لأنهم كلهم أهل و خييييييييرهم وااحد و شرهم واااحد
و ولد عمها بيصيرلها سترها و وغطاها
و مابيضرها في شي
حتى لو صاار خلااف بسيط بينهم الريااااااال( ولد العم) بيحشم من عمه( أبووو حرمته)

و السموووووووووووحة

[ام دويس]

انا الية راى غير مب شرط انا البنت تاخذ ولد عمها او ولد خالها

انا افضل انا البنت يوم اييها نصيبها تفكر مية مليون مرة

وتستوى المحقق كونان وتيب كل المعلومات عنة

من اصغرها لئكبرها عشان تظمن مستقبلها

عن سابق تجربة

[شمـوخ]

ان اعتقد ان البنت لولد عمها

وهذا راي باختصار

[بدوي الهير]

أشكرك يا أخواتي

الشامسيه


أم دويس

سر الغلا


على وجه النظر الطيبه

والسموحه