قـــــــــــــــانون المســـــــــــــــــــــــافه....

[بدوي الهير]

قد يتأثر الحب بالمسافه..
والمساحه..
و..
,...
؟؟
ممكن أسألك...؟؟

أبا أسألك..

سبحان منهو جمّلك...
ويش أجملك....!؟؟؟

وأبا أسألك..

يابنت بالثوب الحنون...
ويش أحسنك...؟؟

وبسألك..

إن كان في وقتك فضاوه
لباقي احروف النقاوه
يا حلوه...في لبس الشقاوه
جيت أسألك..

الحب تتعبه المسافه مثلنا...
والا البعد...؟؟

أو بس قانون المسافه حقّنا
برسم العدد...

ويمكن بعد...

كل ما تباعدت المسافه بيننا
يضعف هوانا حتى ما هو بكيفنا

بحكم البعد..
بحكم قانون المسافه والعدد...

ويمكن بعد...

ينقاس هالحب الجديد
ويمكن بعد..
ميزان وميزانه فريد...

وبا أسألك...

لو كان حبنا ابهالمسافه والمساحه..
مين الملك..؟؟
لو كنت تجاوبني بشخصك..
أبا أسألك..
وليه أسألك..
خلني أجاوبها بكيفي...
وأهملك..
ما أسألك
ما أسألك
وهم بعد..
ابقى بوجدانك ملك..
ولي العهد...
أتحمّلك..
بحكم قانون المسافه...
ويا حسافه....ليت تترك لي عروشك
وأستوي و بعينك "مــــلك"...

سبحان منهو جمّلك..
أبا أسألك.....!!!!

تحياتي..

[بدويه والكرم لزيمي]

صح لسااااااانك لاهنت
ولا تحرمنا من يديدك

[المحامية]

يسلمووووووووووووووووووووووو بدوي الهير على الكلام الحلو

[بدوي الهير]

الله يسلمكم يا


بدويه والكرم لزيمي


المحامية.


عالمتابعه والمرور الطيب

[روح الهير]

بحكم قانون المسافه...
ويا حسافه....ليت تترك لي عروشك
وأستوي و بعينك "مــــلك"....


تسلم عالخاطرة الغاوية....

ننتظر يديدك.......!!!!

[بدوي الهير]

تسلمين يا خيتوا روح


عالمرور الطيب

[شمـوخ]

صح لسانك لا عدمناك..

أختك

[بوح القــوافي ®]

تسلم عالخاااااااطره الغااااويه


كل ما تباعدت المسافه بيننا
يضعف هوانا حتى ما هو بكيفنا

مهما استوى الحب لا يقل بمسافه ولا يزيد بقرب
لي يحب ما يتغير ع حد



تسلم عالكلمات الكشخه





وداعة الله

[بدوي الهير]

يسلموااا


يا اخواتى سر الغلااا

وبوح القوافي

على المرور الطيب