المطلعي
05-07-2008, 12:37 AM
بعض المقتطفات الشعريه الي كتبتها وما زالت في ذاكرتي :)
أعزّك حيل وأتمنى رضاك ,, وإذا تآمر أقل للنفس < طيعي >
أنا عطشان وعيوني بماك ,, أبي تسقيني عطفك يا ربيعي
تعال أقرب أبتنفس هواك ,, يا أحلى من شذى الورد الطبيعي
,
بجمع شعوري صوبج وبنثره فن ,, حتى يناسب سموّج لا سمعتيني
وبتعب على سرد السلاسه وبوزن ,, من أجل راحة لسانج لا قريتيني
,
إكشفي وجهـِك وغطّي الليل نور
وإلمسي كفي وضميه بهدوء ,,
نور وجهِك حطّم غرور البدور
بعد ضوّك ما على الحلوين ضوء ,,
ومن كثر مـ الله خلق زولِك طـَهور
ما تنقــّض لمسة إيديكِ الوضوء ,,
إبسميلي جعل تعبس لي الدهور
بسمتِك نعمة نظر عيني أبوء ,,
وقربيلي ثغر يتقطر خمور
ما عليّه لو رشفت الخمر سوء ,,
ما يجاهد نفسه بقربِك صبور
وماله ليا قد برق نحرِك لجوء ,,
,
على كثر الوله فيني حرام الحال يبعدنا
حرام أتنفس أشواقي ولا في يوم قابلتك
حرام آكثـّرك أحلام والواقع يعاندنا
ولا أنته قسمتي والروح تتلذذ مواصلتك
,
أمانه إستقبلي إحساسي وجاريني لو إبّسمه
أنا ميّت على الطول البديع ورصّة التقويم
خذيني شاعر ٍ ذويق ما عمره نشر رقمه
ولكن الصباح الي بوجهج علّمه الترقيم
مجرد بيتين من قلم الخيال :)
,
أشتقت لك والشوق رج المعاليق
إعطف علي وضمني يا حبيبي
خلني أنام بصدرك العذب وآفيق
وآنا مطفّي بعض شعلة لهيبي
,
< صباح الشوق > وورود الخزام
صباح الوصل وأفراح القلوب
< صباح الطهر > لعيون الكرام
لمن قلبي بطاريهم يذوب
إذا عنهم غربنا مية عام
يظل صبح الغلا ماله غروب
,
تعال شوف بدون همسك أنا كيف ؟
ضايق وهمي أسمعك يا ضنيني
كل ما سكت شوي جنن بي الطيف
وآقول يا ربي طلبتك تعيني
,
الخصر ضامر والشعر غيهب الليل ,,
والحسن غامس غرّته يا عرب غمس !
وأهداب عينه ناعسات ٍ مظاليل ,,
تحمي نعومة وجنتينه من الشمس !
من رقته أو كبرته فاتن الجيل ,,
ما تقطّر شفاته حكي غير بالهمس !
حيّا بعينه وسطّل العقل تسطيل ,,
وشلون لا حيّاني بآصابعه الخمس ؟!
والسموحه على القصور ,, أبيات بسيطه بعضهن ما زالن في بالي
وبعضهن من مسودات التلفون :)
دمتم سالمين
خويكم / المطلعي
< محمد الزبيدي >
أعزّك حيل وأتمنى رضاك ,, وإذا تآمر أقل للنفس < طيعي >
أنا عطشان وعيوني بماك ,, أبي تسقيني عطفك يا ربيعي
تعال أقرب أبتنفس هواك ,, يا أحلى من شذى الورد الطبيعي
,
بجمع شعوري صوبج وبنثره فن ,, حتى يناسب سموّج لا سمعتيني
وبتعب على سرد السلاسه وبوزن ,, من أجل راحة لسانج لا قريتيني
,
إكشفي وجهـِك وغطّي الليل نور
وإلمسي كفي وضميه بهدوء ,,
نور وجهِك حطّم غرور البدور
بعد ضوّك ما على الحلوين ضوء ,,
ومن كثر مـ الله خلق زولِك طـَهور
ما تنقــّض لمسة إيديكِ الوضوء ,,
إبسميلي جعل تعبس لي الدهور
بسمتِك نعمة نظر عيني أبوء ,,
وقربيلي ثغر يتقطر خمور
ما عليّه لو رشفت الخمر سوء ,,
ما يجاهد نفسه بقربِك صبور
وماله ليا قد برق نحرِك لجوء ,,
,
على كثر الوله فيني حرام الحال يبعدنا
حرام أتنفس أشواقي ولا في يوم قابلتك
حرام آكثـّرك أحلام والواقع يعاندنا
ولا أنته قسمتي والروح تتلذذ مواصلتك
,
أمانه إستقبلي إحساسي وجاريني لو إبّسمه
أنا ميّت على الطول البديع ورصّة التقويم
خذيني شاعر ٍ ذويق ما عمره نشر رقمه
ولكن الصباح الي بوجهج علّمه الترقيم
مجرد بيتين من قلم الخيال :)
,
أشتقت لك والشوق رج المعاليق
إعطف علي وضمني يا حبيبي
خلني أنام بصدرك العذب وآفيق
وآنا مطفّي بعض شعلة لهيبي
,
< صباح الشوق > وورود الخزام
صباح الوصل وأفراح القلوب
< صباح الطهر > لعيون الكرام
لمن قلبي بطاريهم يذوب
إذا عنهم غربنا مية عام
يظل صبح الغلا ماله غروب
,
تعال شوف بدون همسك أنا كيف ؟
ضايق وهمي أسمعك يا ضنيني
كل ما سكت شوي جنن بي الطيف
وآقول يا ربي طلبتك تعيني
,
الخصر ضامر والشعر غيهب الليل ,,
والحسن غامس غرّته يا عرب غمس !
وأهداب عينه ناعسات ٍ مظاليل ,,
تحمي نعومة وجنتينه من الشمس !
من رقته أو كبرته فاتن الجيل ,,
ما تقطّر شفاته حكي غير بالهمس !
حيّا بعينه وسطّل العقل تسطيل ,,
وشلون لا حيّاني بآصابعه الخمس ؟!
والسموحه على القصور ,, أبيات بسيطه بعضهن ما زالن في بالي
وبعضهن من مسودات التلفون :)
دمتم سالمين
خويكم / المطلعي
< محمد الزبيدي >