{ ممكن حد يجاوبني ..؟؟..

[همس قلبي]

\
/
\

السلام عليكم

شحالكم كلن بحاله

الموضوع اللي ابغي اناقش فيه الاعضااء هو

ليش الواحد يهبط يقرأ الموضووع ويظهر من دون لا يرد

اليوم انصدمت يووم شفت عدد الاعضاء اللي هبطو ع الموضوع

ما شاء الله وايدين لكن مااشيء ردوود

شوفوو عدد الاعضاء اللي هبطو الموضووع

Đя.Şαяòóиαћ, ***بدويه كسرتيم***, ,, ونين القلب ,,, معسول الشفاتي, المربوشـــه ~, الريم اللعوب, الرحال, الشاطرة, الــ ع ــقرب, الهداوه, الهواويهـ.., الولايات المتحده البدويه, الكتبيه, بٍنٍـٍ اٍلٍعٍوٍاٍمٍرٍ ٍـٍتٍ, بنوتهـ الهير, حرم الــذيب, جريح الحب, دهن عود, M!$s.uAe, M!ss-Et!kat, راعية معاني, راعيها, رحــــــاله, شيوخيه, غلاتــي غـيــر } ~, غرشوب الهير, عشـ البدو غيرـق, فديـت الهـير, همس قلبي, [The End], وحداويه, |●• رَحِيْلُ الْودّ •●|, ،.. شيخة الحلوات ..،, كلي وله


43 عضو لكن كم وااحد رد بس 11 عضوو

ابغي اعرف ليش وشو السبب

اتمنى الاقي جوااب


والسموحة


همس قلبي


\
/
\

[فديت الوقن]

تسلمين الغاليه ع الموضووووووع

انا بقولج انا الحمد لله كل ما ادخل موضوع ارد عليه قليل اذا ما رديت ع موضوع ..........

يمكن يكون السبب اللي ما يخليهم يردون يكونون زحفو من كثر الكتابه او ما عجبه الموضوع او ما عندهم شي يكتبونه و كل واحد عذره عنده ..........

وانشالله بتلقين الرد اللي يبرد ع قلبج من الاعضاء الثانيين .......

وتقبلي مروري

اختج :ـ
فـــــ الـــــو ـــــــديــــ قـــــن ــــــت

[الولايات المتحده البدويه]

همس قلبي..


تسلميين...


بس ي الشيخه... نحن يوم نحدر على المواضيع نرد ونكتب بالي نعرفه... ويوم مانرد يكون العكس....او شرات ماقالت فديت الوقن.. بعدين وايد مواضيع نحن والاعضاء ماعطيناها حقها .. ومحد يروم يغصب حد انه يرد ...!!


شو هو الموضووع الي شاغل بالج ..ومحد رد عليج..؟؟؟؟ حطلينا الرابط لاهنتي.....



والسموحه منج...

[الرحال]

شكرا سيدتي على هذا التنبيه,, طرح كثير ونوقش في منتديات كثيرة

نركز على منتدى الهير وضعت هذه الخاصية وهي معرفة من تواجد في الموضوع ولم يرد

فالبداية اعتبرها وجهة نظر العضو اذا اراد الرد ولا

ولكن ايضا ماب جميل بحقك اذا كنت تعرف اي معلومات او لديك خلفية بعدم الرد وهذا ما نفتقر اليه بصراحة في منتدى الهير

شكرا همس قلبي على الحرص

وننتظر تفاعلكم

الرحال

[بووحمد]

السلام عليكم .

اعتقد انج مب اول وحده تنزلين مواضيع وتتفاجئين بالردود كثير مواضيع نزلت ولم تاخذ حقها .
لكن بقولج شي اذا كانت الردود فوق الــ 5 وبمضمون جيد افضل من 50 رد لاتحمل اي مضمون مثل (مشكوره على الطرح الجيد ) الي ماتكل عيش .

وبعدين اعتقد مافي نضج في النقاش . لانه كثير من المواضيع لما ينزلها العضو ويقراء الردود على موضوعه مايناقشهم اللهم يرد عليكم بكلمة مشكورين على مروركم ، المفترض لما انزل موضوع اكون مستعد لنقاشه ويا الاعضاء حتى تظهر النتيجة لنا الي نشوفه كلن يدلو بدلوه لكن لكن شو النتيجه اليظهرنا بها لاشي .

عذرا اختي خرجت عن الموضوع وارجو تقبل رايي بكل احترام.

بوحمد

[محينه]

اول شي انا مادشيت الحمدلله ولا مابقصر

وثاني شي

لاتزعلين اختي.. يمكن الاعضاء ماعندهم رد

و 11 رد لابأس به من 43 مشاهده

مابالج من 0 رد و45 مشاركه

الحين بدور موضوعج وبرد عليج


والسموووووووووحه

[الشاطرة]

السلام عليكم
اشكرش ع صراحتش
مرات ني ما ارد صح لكني اقرا الموضوع وردودكم يعني افيد عمريه
ومرات الاعضا يكفون ووفون
ما عليه لا تزعلين الايام اليايه ان شاء الله اكثف مشاركات
تقبلي صراحتي

[،.. شيخة الحلوات ..،]

امممممـ السموحه منج اختيه

وانا اسمي موجود من بينهم خخخ

بس مرات ماتكون عندي خلفيه فالموضوع فما قدر اناقش فيهـ

وبس

[اليوف وقاد]

السلام عليــكم.......



شحالج اختي؟؟؟؟؟؟

حاولـــــــــــي قد ما تقدريين ان الموضووع الي بتعرضينه وقبل لا تعرضينه....


ايكون متوافر فيه ه الشرووط....

1 موضووع شيق يجذب الاعضاااء ...
2 شي يستفيدوون منه ف اخرتهم...
3 حاولي اتحطيين صورر تلفت الانتباااه...



وساااعاااااات مااتكـــون عندهم خلفيه عن الموضووع...
او يمكن انتي ما حاولتي اتوصلييلهم الموضووع بشكل افضل...

واذاا ردوو بس 2 علييه يكفيني و زووود...
شدي حييلج وارفعي رااسج وانشاء الله بيتغير كل شي....

والسموحــــــــــــــــــه فديييتج عل القصور.....

[رحــــــاله]

و عليج السلام و رحمة الله و بركاته

ما بعيد و أزيد ، في مواضيع لا تحتمل الرد ليس لسوءها لا ، بل لأنها تعرض أمور أو أعمال ما من مشجع فيها على الرد من مثل مواضيع المسابقات .. أنا أشوف انه الرد فيها لا يكون إلا للمشاركه ، بس الناس اتعودت تشكر على كل شي لو انها سبقها الشكر واهنيه المشكله ..

ماعرف وصلت فكرتيه ولا لا ؟ :)


هموس / بنرد ع مواضيعج ما عليه هههه - أسولف -

[صاحب السعادة]

همس قلبي

قلم لا غنى عنه

انا ألاحظ ان بعض المراقبين والمشرفين والاعضاء حتى المدير وياهم لهم خصوصيه في الرد على البعض دون الآخرين وهذا لاحظته في كثير من المواضيع ترى لهم تواجد دون رد وتاره تراهم متواجدين في كل مواضيع تطرح من أناس لهم خصوصيه لا نعرفها

أليس كلنا سواسيه

ارجوا عدم إسائة فهمي

هذا واقع

اللي يبا يتأكد يمر على بعض المواضيع وبيشوف

[فتى الوقن]

موضوع في قمة الحساسيه


في بعض الاعضاءغرد خارج السرب في نقاش الموضوع ولكن ماذا عسانا نقول لكل واحد وجهة نظر


اللي اريد ان اتحدث عنه انه في الاحيان وانا هنا سأتكلم عن نفسي


عندما ارى موضوع لا يستحق الرد لماذا اشكر راعيه من الافضل ان اكتفي بالصمت

وعندما اكون ليس لدي وقت للرد على الموضوع اكتفي بالمطالعه


اما اذا كان الموضوع يستحق الرد في نظري أو اريد مناقشة كاتبه في نقطه معينه أو لدي اضافه ااضيفها ع الموضوع أقوم بالرد عليه





اتمنى ان تصل وجهة نظري كما يجب


فتى الوقن

[السولعيــه]

:::

ختيـــه ,, (( همس قلبج )) ,,, مشكوره حبوبه ع الموضوع ,,, وصدق هالشيء يصيـــر ,, وايـــد ,,, بس اعذريهم ختيـــه ,,, انا بخبرج حايـــه ,,, يمكن ,, حد /// ماعيبـــه الموضوع ,, ومابغى يجامـــل ,,, ويمكن ناس // مايعرفون أشــــوه يردون ,,, ولـــه حتى ,, مايعرفــون يعبرون ,,, والله يكون بالعون ,, ختيــه

::

السموحه ,,,

[مزيونة راااك]

ثانكــس عالموضوع حبــوبهـ ..

او ما عن نفــسي ..

احيــانا ما ارد على بعض المواضــيع والسبــب انه الموضوع ما عيبني ..

يعنــي يمكــن تجذبنــي بعــض العنــاوين واخــر شئ يوم اقرا الموضوع ما يعيبنــي عسب جي ما ارد ..


والســموحهـ ..

[شيوخ الامارات]

ههههههههههههههههههه

يمكن ما عجبه الموضوع او مايبغي يعلق

[بطرانـﮧ]

على حسب المووضوع

ان كان يستاهل الرد والنقاش او الحديث

او موضوع مايستاهل

وهي حريه شخصيه ان كان في خاطرك ترد رد او لا فالسكوت احسن

تسلمين

[المربوشـــه ~]

اممم يمكن لاني ماعرف شو اكتب ولا اجااوب على الموضوووع

ويمكن البااقي نفسي بعد لو اعرف اجااوب لمضووعش بتلقيني كااتبه ردي


بس سمحيلنا

[محروم الهـير]

انا عني لي يعيبني ارد عليه

[الكتبيه]

السموحه منج همس قلبي
لكن كل عضو له ظروفه
وانا عن نفسي يمكن ما رقيت رد للموضوع
وانشالله مواضيعج برد عليها
والسموحه منج

[قمر مطيحه غتر]

حسب الشخص ممكن هب عارف شو يكتب مثلا او ما عيبة الموضووع وماحب يجامل

[همس قلبي]

\
/
\


اشكر كل من رد ع الموضوع

وكل من بادر بالمناقشه

بس صدق يحز في خاطريه يوم الاقي حد هابط موضوع من مواضيعي وهب رااد

لان هب من زود المواضيع لي احطها


ياغير احط في قسم الرسم << وهالمواضيع ما يبالها مناقشه ياغير تعطونا رايكم

شو الغلط لي فالرسمه وشو اسوي عسب يكون رسميه احلى في المره الياايه *_^


والسموحة منكم

.

.

همس

\
/
\