مكر البراءه

[الشاعره!]

فكرت ارد لك غلطتك بس تراجعت
قلت احتفظ باسلوب شخصي الحضاري

يثير الاشمئزاز زيفك،واذا ضعت؟
من زود كذباته فَقولو حذاري

مااتقبّله لو عكس هذا تصنّعت
عنّه امانه لاتجيبون طاري

من طبعي الطيبه ،انا ماتطبّعت
هاذي طباعي دايره في مداري

لكنّ من لمحات غدره تشبّعت
ويُبنى على ضوء انفعالي قراري

اقنعت قلبي ،،ليه ماقلبه اقنعت؟؟!!
سؤال وجهوه لسموّ انكساري ،،

قهرني بمكر البراءه وكم طعت
عواطفي لجله و همّشت ناري ،،

كني بهذا الصمت في موتي اشرعت
كم لي وانا داري ولاني بداري،،

قاسي،،وهذا مش مجرد اسم نعت!!
هذا لقب حازه بكل اقتداااااري


وسلامتكم

19 - -6-2008

[رووح غاليها]

يشرفني أني اكون أول من يرد عليج يا شاعرة

وهذا البيت عيبني وااايد

من طبعي الطيبه ،انا ماتطبّعت
هاذي طباعي دايره في مداري


صح لسانج ونرقب اليديد منج

تقبلي مروري
رووح غاليها

[الشاعره!]

الشرف لي حبيبتي اشكرج ع المرور الحلو ،،

الابيات هاذي كتبتها الحين .،فتحت قسم الشعر ،،>> موضوع جديد وجان أألفها
:) تسلمين ويسلم ذوقج

[رَحِيْلُ الْودّ]

فكرت ارد لك غلطتك بس تراجعت
قلت احتفظ باسلوب شخصي الحضاري

يثير الاشمئزاز زيفك،واذا ضعت؟
من زود كذباته فَقولو حذاري

مااتقبّله لو عكس هذا تصنّعت
عنّه امانه لاتجيبون طاري


شفت هالابيات بيرسنول مسج واتشرف ان الاسم هذا في اللستة عندي لان اي يديد بيحق لي اشوفه

صح لسانج واعتلا شانج

شاعرة ---{ ولا يليق بج الا هالاسم شاعرة وبياض الويه عليج



من طبعي الطيبه ،انا ماتطبّعت
هاذي طباعي دايره في مداري



يا ويلي عليج ..انا اشهد والله ..مافيج حيله

[الشاعره!]

يسلم لي من شاف النك ،، وتسلم لي عيناه

اشكر لج حضورج اللي مايقل عن جمال ابياتي اذا مازاد :)

ودايماً كل جديد وحصري يشوفونه الغوالي -بس- الي في لست الشاعره!
ودمتي للود حضور وليس رحيل ،،

[الولايات المتحده البدويه]

مرحباا الساع


من طبعي الطيبه ،انا ماتطبّعت
هاذي طباعي دايره في مداري


صح لسااانج يالشااعره ولاااهااان قدرج خلاق ع هالابيااات الطر


وتقبلي مرووريهـ

[الشاعره!]

هلا بالولايات نورتي الصفحه ،، اتقبل مرورج بإبتسامه يالغاليه :)

[المطلعي]

صـــــح لسانج الشاعره
وماشاء الله على هاجسج الجبّار

[الشاعره!]

صحت ابداااااااانكم الجميع ولاهنتو،

[الخيل]

الشاعره

قصيده عانقت روس الغمام

دائما رائعة وستظلين ان شاء رائعة بالرغم من كل شئ

غالية هنا وهناك في الماضي والحاضر والمستقبل بحول الله ستبقين مبدعة ومبدعة ومبدعة الى مالا نهايه

تحياتي لكي وتقديري,

الخيل (( حروفكي اجبرتني على الرد ))