ظواهر الصيف (1) : ونوماً هنيئــاً لأطفالكم

[رَحِيْلُ الْودّ]

السلام عليكم ورحمة الله وبركاته مرحبا بكم فيـ موضوعيـ ، أتمنــى أشوفـ ردودكم اللي تشفي الروح بدون (يسلمو) :)


بإنتهاء المدارس وبداية العطلات الصيفيــة يبدأ موسم (العروسات) ، ينشغل أقارب العروسـ والمعرس بتجهيزات حضــور العرس ..:a7mmmr:

بداية بالتفصيل وشراء (الشكالات والبكالات) وحركات البنات وكذلك الصبيان و(الكنادير والنعلان) !:46ygh::46ygh:

ثم حين يحين موعد توزيع البطاقات قبل العرس باسبوعين او اسبوع

نرى في أسفل البطاقة العبارة المسجوعه المزخرفه والمبتكره لمنع أجمل مافي حفلاتنا من الحضور !:45hui7:

والاغرب انه لا التزام فيها !:56ghj:

فلماذا ( نشل الشيانه) بهذة الجملة ..

وهل انتم تتفقون مع هذة الظاهرة الدخيلة بمنع الاطفال من العرس :45yhgf:

حرااااامات والله يا كثر فرحتهم وهو يخربون الورود اللي ع الكوشة ولما يخبصون الكيكه قبل المعرس والعروس

هههه



هذا عوضاً عن الرجاء عدم اصطحاب الهواتف المزوده بكاميرات ههههههههه الحين تيلفون بو 3 امية فيه كيمرا واااضحه هع ..والعيايز عندهن تيلفونات بكيمرا

من وجهة نظر خاصة:

الغلط ماهو بحمل هذي الهواتف ولا وجود الاطفال الغلط هو توجيه السلوك اللي تمادى ومحد وقفه وهاي العبارات مالها معنى ..طالما مافي حد وقت العرس بيقول مانبى يهال نحن قلنا جيه ف البطاقه او بيقعد يفتش حقايب النسوان !!:awrdh:



عموماً:

انا ما اتكلم عن هالسلوكيات اتكلم عن جملة معدومه الفايدة في البطاقة وخاصة حق اليهال

مع احترامي للجميع بس احس العرس ملييييغ بدونهم:hfdshgju:

[ذيب العوامر]

لي الفخر أني أرد عل الموضوع


ومشكوووووووووووووووووووووووووووووووووووووووووووووو وووره


مشكووووووووووووووووووووووووووووووووووووووووووووووو ووره


مشكووووووووووووووووووووووووووووووووووووووووووووووو ووره

[بٍنٍـٍ اٍلٍعٍوٍاٍمٍرٍ ٍـٍتٍ]

بصراحة ما ألوم من لي يشوفونهـ في العرس العروس بروحها تكون خايفة وعاد حشره اليهال فوقها وكل شوي ورده وكل شوي ورده

سوت مزهرية فوق الباقة لي ماسكتها

فيهـ يهال يقعدون هادين وفيهـ لا مزعجين يعني الأفضل يقعدون في البيت

جنت الأطفال منازلهم وأنا مع لي يحطون هاي العبارة لنه فيهـ عيال مقلع



تحياتي :: بنت العوامر

[محينه]

اول شي... حمدلله عالسلامه من عقب هالغيبه

وثاني ..لوعدلتي الخط واللون بتسوين فيني خير.. تراني والله ماشوف زين..حتى اني خطفت نص الكلمات بدون مااعرفهن..


((جنه الاطفال منازلهم))
((يمنع اصطحاب الهواتف المزوده بالكاميرا))

عبارتين نشوفهن في اغلب بطايق الدعوة..
واحس انهن مالهن داعي..
لان ماحد يتقيد بهالكلام..
وماظن حد مجبور يخلي عياله وراه فالبيت..
ولايخلي تيلفونه فالبيت عشان فيه كاميرا..

عبارتين مالهن داعي ينقالن للمدعودين..
لان مهما يكون الصغار هم الي يسوون جو فالاعراس..
والتلفون مابينغيره عشان عرس مدته ساعتين..

والسموحه

[فديـت الهـير]

هههههههههههههههههههههههههههههههه
انا عيبني الموضوع
بس وجهة نظري انه 50%من اليهال " الاولاد"مقلع
يقلبون العرس فوق تحت ويخربون العرس
بس حرام نظلم اليهال الباقين
صح هم يسوون جو ويلعبون بكل شي
اما عن التلفونات انا اوافق انه يمنع من التواجد
لان البعض يتم يصور وهذا مب مقبول
لاهنتي عالموضوع

[أبو خالد]

بسم الله الرحمن الرحيم

وعليكم السلام ورحمة الله وبركاته

من طول الغيبات ياب الغنايم

هلا بقلب ملتقى الابداع الدائم

موضوع موسمي مثل موسم الاعراس

أرى أن هذه الكلمه دارجه ليس إلاّ ولا احد يتقيد بها وأولهم أصحاب الدعوه هم من يخالفون المطلوب من غيرهم , بخصوص الاطفال أرى لو يتم تأمينهم ف المنزل عند ذويهم بيكون أفضل , أما بخصوص الهواتف المزوده بالكيمرات أنا مع المنع والتشديد على ذلك لأنه يوجد دائماً من بين المعازيم ذوات النفوس الضعيفه التي تستخدم الكيمرات في نقل أعراض الناس من المدعوين والكل عارف تفنن النساء في تلك المناسبات , وياما النقل بلاوي من جراء تلك الهواتف .

رحيل سمحيلي على الإطاله

يسلموووووووووووووووووووووووو

وارجو عدم الإنقطاع عن ملتقى الابداع

والسلام عليكم ورحمة الله وبركاته

أخوكم في لله أبو خالد

[الرحال]

دام انها اجازة عندهم من المدارس مافي اي مانع انهم يحضرون الحفل
والعبارات التي تكتب ليس الا انها تحجب فراغ لا اكثر ولا اقل وقليل جدا
من يلتزم بها وخاصة عرس الـ VIP

شكرا لكم رحيل وننتظر الجديد

الرحال

[غلاتــي غـيــر } ~]

آهااااااتو كيفك منيحه انا منيحهــ خخ

طرح في قمة روعهـ..^^

انا صراحه اوافق بشده انهم يكونون في البيت حرام والله يخربون العرس من فوقه لين تحته ..بقولج موقف صاير من جريب ..^^

اممم اول مانزلت العروس كل يهال حذالها حرام والله روحه الفستان ثجيل ويخربون تصوير عليها حتى داسوو طرحتها او فستانها ماادري ماسرته بس قالو لي المهم شوي بطيح تسريحتها حتى والله مااقص عليج دمعت عينها حرااام جان تغمضني ها اكبر دليل خربو العرس..

ثانيا هاي الي توزع هدايا للناسات كل يهال وراها زحمه هجوم عليها مايخلونها توزع هجوم ع سله اقل من دقيقه سله مخلصهـ ..!!

وثالثا

العرس للكبار هب للصغار احلى شيء عرس يكون منظم ومرتب يعني كشوخي..^^

[قطيوة لمرر]

أحنا مانكتب ممنوع اصطحاب الأطفال :p

بس الصغاريه ماشاء الله عليهم .. كله يراكظون في العرس ..

وتسلمين ع الموضوع

[الهداوه]

صدقت اخوي في كلامك

صح ليش يكتبون جي في بالطايق .. يعني احراج وبس ..

اصلا حلاه العرس باليهال وكبار المسنين .. حليلهم هالفئتين صدق انهم فرحه الدنيا

حلاتهم يوم هم يلعبون ويخربون .. ويتبعون العرووووس

والكاميرات .. امممممممممممممممممممممم .. لا تعليق

[معالي الوزير]

السلام عليكم ورحمة الله وبركاته

مم انا اشوف انه اذا كتبو العباره ولا ما كتبو كلللله واحد يعني صدق مالها اي معنىىى؟؟

ممنوع اصطحاب الاطفال؟؟ اوكيه في ناس تقدر تحط عيالها في البيت الانه في حد بيراعيهم في البيت بس في ناس ما تقدر ؟؟؟

يعني ما تحظر العرس ؟؟؟ ولا تحظر ويا عيالهها ؟؟

اما الكميرااااا ؟؟؟؟؟؟؟؟؟؟؟؟

فهاي تضحك؟؟

ماشي فون مافيه كميرا


والسمووووحه........

[Bedwien Heart]

الاطفال نفس ماذكر اخويه معالي الوزير


اما الكيمره

فما شاء الله على اللي يصير في البلاد

شي يشيب شعر الراس

يدخلون الكيمرات سواء من التيلفون او كيمره محموله

ويصورن البنات في العرس وانتوا تعرفون البنات كيف حالهن في العرس

ويبيعون الفيديوات على حسب اللي فيه ويوصل 2500 واكثر بعد


والله يستر

[الولايات المتحده البدويه]

مرحبا...


تسلمين ع الطرح...


كلمة الاطفال جنة منازلهم..

جملهـ شافوها كل العرب سواء هلناا وهل الكل.. ومشووها في بطايق العرس.. ولا محد يلتزم.. هم صح مقلع بس بعد الهم حق ف العرس شرات الكبار ^-^

والسموحهـ ...

[رَحِيْلُ الْودّ]

هم صح مقلع بس لهم الحق !!

عباره اخيره حبيت اختم بها هالاستطلاع

موضوع قصدته منه اشوف شو اهمية هاي الجملة الزايده ف البطايق مع عدم التطبيق

وردوكم اسعدتني جميعاً وكان فيه بعض التوافق

لكم الف تحية

عساني مانحرم منكم