المواطنه تتغشى من المواطن بس..؟

[محينه]

مرحبا اعضا ملتقى الابداع..

هذه المواقف قد تستوقفني كثيرا وتزيد من حيرتي حيرة فوق حيره .. وهو عباره عن سؤال قد يكون تبادر للأذهان كثيرا ..
وهو عند دخول المواطنه بالذات لمحل لتشتري شيئا او لتتفرج على شئ قد اعجبها وهذا المكان يغص بالجاليات العربيه والاجنبيه وقد يكون البائع هندي ولا حتى عربي تفاصله وتكاسره ووجهها مكشوف وشعرها قد انسدل على جبهتها ولا اريد ان ادخل في تفاصيل مكياجها او لبسها ولكن... ما ان يدخل مواطن تحت اي ظرف من الظروف او حتى اسوئها تراها قد تغيرت وتغيرت خارطة وجهها وتلثمت وصاحت بصوتها ( وابووووويه مواطن)

هل البائع ليس رجلا ولا يحس او يرى ماهن امامه من نساء ؟

هل الموجودين من الرجال من الجنسيات الاخرى حلال عليهم مشاهدة بناتنا و اخواتنا و زوجاتنا ؟

هل المواطن دخوله للمحل لحظه وجود المواطنه يعتبر بدافع المغازله دائما ؟؟؟


اتمنى اشوف ردودكم..
ومسروق للفائده

[الرحال]

شكرا على الطرح هناك موضوع مشابه لهذا الموضوع ولكن لم يأخذ كفايته من النقاش

نترك لكم حرية النقاش هنا

ولي عودة

شكرا

الرحال

[فرحة الزمان]

الصراحه فعلا انا في المدرسه الطالبات يشوفون هندي الشيله مايحطونها على راسهم ويوم انقولهم رجال ايقولون الا هندي وانا استغرب اوك هندي يعني ما يفهم انسان مثله مثل كل انسان ثاني ويوم البنت اتشوف واحد مواطن ماتقولغير امبيييييييييييه امييييييييي مواطن الله يهدي جميع البنات المسلمات واختي الشباب احيانا يكون هدفهم لدخول المحل المغازله واحيانا لا الله يهدي جميع المسلمين يارب آآآآآآآآآآآآآمين
ميرسي محينه كتير على الموضوع

[الدبدوبه]

أنا عن رأي أشوف أن المغتربين عن بلادهم ويشتغلون في الامارات هم أكثر رياييل يعني حرام الهندي يشوف وحده محطي مكياج ومتكخشه اخر كشخه عقب ييلس بروحه يفكر فيها واذا جذبه شي فيها هى الى تأخذ ذنوب.
فحطن في بالكن يابنات الهنود هم أكثر خطر من الامارتيين .,..,,

[قمر الهير]

لا تعليق


يسلمو عل الطرح

[دهن عود]

والله انها صدقت الدبدوبه ... الهنود اخطر عن المواطنين ... بعده المواطن بيحشم من بنت بلاده ... يغير الهندي ولا الباتاني لو حصل الوحده روحهاااااا سلامي عليها في خبر كان ....

احتراماتي ...

[دلوعة الهير]

هيه والله صدقن دهن العود و الدبدوبة لو شااافج بتااني ولا هندي قفج

[[ زحمة شموخ ]]

الموضوع طرررررررررررررررررررررررررر


البنت اللي تقول عن نفسها انها تستحي من الشباب بشكل عام عندها المواطن والوافد واحد هب لان الوافد غريب وما يعرف المغازل ..والخ

بالعكس ني اشوف ان شباب الدار اكثر امان من الغرب " يعني هب عند الوافدين اتغشى ويوم اشوف مواطن ما اتغشى لا بالعكس يوم اشوف الريايل بشكل عام اتغشى "
" بنات ذا الزمن عندهم معتقدات رهيبة واضحك والله يتحسبن الشباب ما يلاحظون بالعكس وبعد يمكن يظحكون على هالحركات المكشوفه ..


والسموحه

[صاحب السعادة]

الهنود حلال عليهم يطالعون الحريم أما المواطنين حرام عليهم لان اكثر البنات يفكرن المغازل بس حق المواطنين ومب حرام على الوافدين لان الوافد صار مالوف واكثر الوافدين يلبسون ملابس خليجيه والبنت ما تفرق بين المواطن والوافد

انا اشوف ان البنت لازم تحتشم من الجميع لان الحرام ما يفرق بين هذا وهذا

[رمش ذبوحي]

صدقت يا صاحب السعاده >>انا اشوف ان البنت لازم تحتشم من الجميع لان الحرام ما يفرق بين هذا وهذا<<آآآخر شي كللهم رياال مافرق موااطن او غييره ...
صح كلاامكم اكثر البناات يووم يشووفن هندي عاادي عندهن ماا جنه رياال ... بس هااذا قداامكم تعاالو شووفوها عند اهلها والله مااتخووز الشييله عن رااسها .. حركاات بناات مكشووفه

والسموووحه

[الشاطرة]

المواطن بيخبر العالم كله ولا بيسكت عكس الهندي الي ما بيدخل
نحن ما نشوف ع الناس من هذا المنظور يا ما بنات متغشيات ونفوسهن وصخه وبنات مب متغشيات لكن تصرفاتهن حشيمه يعني النفس هي الي تلعب
نقبلي مروري واشكرش ع الطرح

[ذكرى منسية]

الصراحه انا راح اتكلم عن نفسي ::

ولا مره فكرت بالموضوع من هالجهه واحس انه عادي ماعاد ان هالموضوع صدج يباله حد يعطيه سالفه ..

يمكن تعودنا انه ما نتغشى عن الهنود ــ بس احس انها عنصريه وتمييز بين الجنسيتين الهنود والمواطنين

الصراحه افكاري متشتته ماعرف شو ارد على الموضوع لأن الموضوووع صدج يباله حد يتكلم عنه


ومشكورين لأنكم فكرتوا تطرحون مثل هالقضيـــه .


مع تحيــــــــات : ذكرى منسيـــــة ..

[فديت ماماتي]

انا عني ماتغشى دووم من الهنوود بس من رمسة دهن العوود بتغشى من الحين

والستر يمدحوونهـ يابناات

مواطن ولا مواافد كلهـ وااحد ترااهم رياال

تغشن شو بيستوي عليكن ^^ > عبوليهـ


تسلمين على الطررح الغلا


نترقب الزود منج

^^

[أم خالد]

مشكوره أختيه ع الطرح
و عندج حق بلي اتقولينه
بس صدقهن
المواطنين ما شايفين خير
ما ايخلون الوحده بحااله
ع العموم
ربي لا هانج
والله يعطيج العافيه
ع الموضوع الناايس
تقبلي مرورري
" أم خالد "
دمتي بود

[الجــوري]

الصرااحه انا عن نفسي ما اتغشى دايما من الهنود

لان بصرااحه انا مب من البنات اللي يوم ترووح السوق جنها رايح عرس ولا اظهر شويه من شعري يعني مثلا اذا شافني حد متحجبه اووكي

بس هذا الكلام اعتقد لللي يترسن ويووهن مكيااج ويتلبسن ملابس مب ملابس سوق وفاكات العبيء والقصيص ظاهرة

بس معاكم حق لازم ما نفرق بين مواطن وافد كلهم رياييل

[ذيب العوامر]

لالالالالالالالالالالالالالالالالا تعليق لالالالالالالالالالالالالالالالالا


شكراااااااااا

[Bedwien Destor]

تسلميين على طرحج...


لااتعليـــق...


همســــهـ: الذنب واحد كــاان مواطـــن او غيــــر مواطـــن عنـــد اللهـ...

[خاتون هانم]

اللي اشوفه ان شباب البلاد لو البنت ما سوت لهم شي بيربعون وراها جنه مرض عندهم من يشوف عباه سودا لحقوها وحركات سخيفه والله اما الهندي تراه ياي يشتغل واييمع بيزتين لهله يطرشهن ما بطالع البنات وبدقق فيهن شرات الشباب

[محروم الهـير]

انا اقول أن الوجه مب حلااام الرسول ماحرمه بس الحراام يوم أطلع شعرها أو اي شيء ثاني



بس البنات الحين يفكن شعرهن قدام الهندي كأنه بنت ماتقول ريال

والله يهدي الجميع وتقبلو رايي

[الكتبيه]

البنت لازم تحتشم من الجميع
وشكرا تقبلوا مروري