المساعد الشخصي الرقمي

مشاهدة النسخة كاملة : السرعه انتحاريه


بدويه برستيج
15-05-2008, 08:37 PM
السلام عليكم حبيت اناقشكم بموضوع جدي واطلب نقاشكم وتفاعلكم:(


سوال يطرح نفسه الى كل الشباب

كيف الواحد يبيع عمره كيف عمره يكون رخيص عنده .... سوال الى الشباب الي يفحطون ويلعبوون بسيارتهم الى الشباب اللي يسووقون بسرعه جنونيه بدون تفكير بالحوادث المروريه وعدد الوفيات اللي كل يوم التصير فالدوله


تعرفووون انه دولة الامارات من الدول الاكثر وفيات للشباب فالعالم ... فهل هل هل الله بعماركم
انتم دماء الدوله وانتوا قوتها وعزمها ورجالها ومستقبلها
اتمنى من الكل يتفاعل مع الموضووع بنصيحه او الاسباب السرعه والتفحيط
تحياااااتي بدويه برستيج:)
فديـت الهـير
15-05-2008, 09:35 PM
بسم الله الرحمن الرحيم
وعليش السلام
اولا السرعة الجنونية اصبحت عادة سيئة لدى الشباب وانا واحد منهم بس مب كثير>>><<<<<
انا اشوف بعضهم يسرع من باب التفاخر انه وصل بسرعة ولا قطع المسافة في وقت معين
والبعض الاخر مايتنازل انه حد يتجاوزه في الشارع ويروح يسرع ويسوي حركات
وحد منهم من باب الاستعراض يلعب بالسيارة"يفحط"
الله يهدينا انشالله وليت حد ينتفع من اللي يشوفه ويسمعه من الحوادث اللي تستوي شبه يوميه
---------___
لو بتكلم عن الموضوع هذا مابخلص بس بخلي مجال لباقي الاعضاء ولي عودة لاحقا
للاهنتي ع الموضوع المفيد للجميع
ربي يحفظش ع الطرح الراقي
اتشرف بالرد الاول
بٍنٍـٍ اٍلٍعٍوٍاٍمٍرٍ ٍـٍتٍ
15-05-2008, 10:57 PM
الله يهديهم ياربي السرعة مب زينه وبليس هو لي لااااعبهم

وكل شي مكتوب يا أختي والعمر بيد الله وكل شي له سبه بس الحذر واجب والله ماقال أرمي نفسك في التهلكه

والله حرام لي يموت وهو مشغل مسجل ولي يموت وهو يغني ولي يموت وهو متقطع الله بحسن الخاتمه ياربي

والله يهديهم ياااااربي

ويعطيج العافية وأتمنى من كل لي يسرعون يفكرون في فنسهم قبل مايسرعون والله ولي التوفيق
كاشخ
15-05-2008, 11:10 PM
وعليكم السلام
الصراحه انا بعد اسرع بس ماعرف يمكن اريس خفيف
بس اذا انا عليه دوام وراد تعبان ماروم اساير لازم اسرع اذا خفيت السرعه برقد وانا متعود
وبعد الدرب مرات يكون طويل شوه اسوي واكون ضايج مب معقوله كله بتم مرتبش وانا بروحي ولا بتم ساكت ولا مطول على المسجل على شان جذيه
عندي تكون السرعه زايده
والله يحفظنا ان شاء الله ويسر علينا دربنا
ويهدينا
تقبلي مروري
بدويه برستيج
16-05-2008, 01:17 AM
بسم الله الرحمن الرحيم
وعليش السلام
اولا السرعة الجنونية اصبحت عادة سيئة لدى الشباب وانا واحد منهم بس مب كثير>>><<<<<
انا اشوف بعضهم يسرع من باب التفاخر انه وصل بسرعة ولا قطع المسافة في وقت معين
والبعض الاخر مايتنازل انه حد يتجاوزه في الشارع ويروح يسرع ويسوي حركات
وحد منهم من باب الاستعراض يلعب بالسيارة"يفحط"
الله يهدينا انشالله وليت حد ينتفع من اللي يشوفه ويسمعه من الحوادث اللي تستوي شبه يوميه
---------___
لو بتكلم عن الموضوع هذا مابخلص بس بخلي مجال لباقي الاعضاء ولي عودة لاحقا
للاهنتي ع الموضوع المفيد للجميع
ربي يحفظش ع الطرح الراقي
اتشرف بالرد الاول[/QUOTE]


مشكوور فديت الهير وانا من متابعين مواضيعك وشكرا على مروورك وانا اتشرف انك رديت وكلي شرف انك الاول:hayar-17:
بدويه برستيج
16-05-2008, 01:19 AM
ثاااااااانكس على مرووووووووورج اشكو لغير الله مذله وتفاعلج
بدويه برستيج
16-05-2008, 01:22 AM
وعليكم السلام
الصراحه انا بعد اسرع بس ماعرف يمكن اريس خفيف
بس اذا انا عليه دوام وراد تعبان ماروم اساير لازم اسرع اذا خفيت السرعه برقد وانا متعود
وبعد الدرب مرات يكون طويل شوه اسوي واكون ضايج مب معقوله كله بتم مرتبش وانا بروحي ولا بتم ساكت ولا مطول على المسجل على شان جذيه
عندي تكون السرعه زايده
والله يحفظنا ان شاء الله ويسر علينا دربنا
ويهدينا
تقبلي مروري

ههههههههههه الله يهديك ويحفضك انشالله وخفف السرعه ومشكور على مرورك الي يشرفني
حرم الــذيب
16-05-2008, 01:34 AM
اول بادي مشكورة يالغلا على هالموضوع المفيد ..
الصراحة الواحد قام يحاتي وايد من كثر مايسمع عن هالحوادث .. عن نفسي والله يوم اسرح الجامعة واسمع صوت الونان علطول اتصل فخويه المتهورمن بدا خواني لانه هو يسرع سرعة جنونيه واحاتيه واااااااااايد.. والله اتعقد من زود مااسمع صوت الونان مااحب اسمع صوته اكره كره فضيع ومن اسمعه احس قلبي يدق واكون متنرفزه وخايفه ..
الله يهدي شبابنا والله حراااااااااااااااااااااااااااااااااااااااام عليكم اذا ماتحاتون عماركم علأقل حاتوا اهاليكم وحبايبكم ..

مااقول غير ربي يحفظكم ويهديكم ويجعل خاتمتكم خير..
•ミ المكـَـ ح ــلミ•
16-05-2008, 01:40 AM
قبل مايهمني من اعفد في سيت السياره الا تدوير ويلات وشل على تايرين ووينج يالصناعيه الا مركب هيدرز ومنزل ولعب بالمكينه وغيره ومن يعدينا فليل الا سباق في هالشوارع وشو استفدت من هاللعبه بغيت اموت دعمت ليتين ونخله الا ربج سلمني وهذا كله بسبب الطيش وعدم اللامبالاه وماكانت شيء قوانين صارمه من قبل المرور
بس الحين الحمدلله الرب هدانا واصطلبنا وما أسرع الا اذا كنت متاخر على الدوام والا مجبور وبعد هذا غلط لانه الدنيا مابطير .

ولكن مع القوانين الجديده ونظام النقاط السوداء بالكاد تتلاشى السرعه والتهور

وما أقول الا الله يهدي كل مسلم


وشكرا لج يأختي على الطرح

ودمتي بوافر الصحة.
محد مرتاح...
16-05-2008, 02:21 AM
ماقول غير الله يهدييي الجميييييييييييييييييع

وشكرا ع الطرح الرائع ^_^