((ازيغ من بنات السكن ))..امييي!!!!!!!

[دهن عود]

السلام عليكم ورحمه الله وبركاته

شحالكم اعضاء منتدي الهير عساكم بخير وسهاله ...
بغيت انقللكم شي قريته في منتدى القصص وهي القصه اللي كتبتها لنا العضو :
همس قلبي
بعنوان :

خذ من ثيابك ومن عطرك شويه ++ واعمل كفاني عليه ف المماتي

قصه جميله بس جذبتني الرمسه اللي دارت بين ميثه وحصه وهي كالتالي :

ميثه : استحي اركب ويا اخوج
حصه : ميثوه ويا هالراس مع منو بتردين بنت عمج وراحت والا تبين تباتبن فالجامعه ميثه : لا ما ابا ابات اروحي ازيغ من بنات السكن
حصه : عيل يلا انقفضي جدامي ..
ميثه : يلا امري لله..

ليش شو فيهن بنات السكن ليش يزيغن ... اظني فيهن سكن ولا شو رايكم

باب النقاش مفتوح لطالبات جامعه الامارات ويا كثرهن في المنتدى

اتمنى من الجميع التفاعل خاصه الشباب .. ابغي اعرف رايكم

والسموحه ترا الاختلاف في الراي لا تفسد للود قضيه

حتى لو وصلت السالفه لزخ الكشيش

[الــ ع ــقرب]

وعليكمــ السلاام والرحمــهــ


الصرااحه ني قداام ما دخــل الجاامعـــهــ كنت سمع ان بناات السكن رغيـــــــد ودووم يرمسوون فيهــــن بس يووم دخلــت الجاآآمعــهــ اكتشفت انهـــن طيبااات حليلهــن وما بقوول ان كلهن تتشابهـــن لأن حد زيناات وحد لاآآ.. وماعرف ليش بس طااايحيــن ع بناات السكـــن مع ان بناات العيـــن ماشالله عليهــن ما تقصــــر ين من فووق بنااات دبــــــــــــي ...لــكن ارد وقوول ان البـنات ما تتشابهـــــــــن



هذا وجهة نظـــــــري وبــــس لا اكثـــر ولا اقــــــــل ..^^

[الشــيوخــيه]

فــــي كـــل مــكــآآآن بتلآآآقييييين الزييين وبتلآآآقييين الشيـــــن .. بس هذاا كله يعتمد ع اســلووبج وتفكييرج ...
وترآآآه الحــــــذر فكـــل شـــي بعــد زيين ^_^

الله يـــح ــفظج

[محينه]

هلا هلا بدهن عود
خشمج فديتج ><
لو في تصويت لاحسن موضوع.. الصراحه وبدون اي مقدمات بختار هالموضوع.. الي الكل متأثر فيه
الاهل والاخوان والبنات الي يدرسن في الجامعه.. وانا اولهم

دهن عود.. سمحيلي اختي عقب برد على الموضوع..بشوف رد الاخوان والاخوات
لان عندي ردي ابا اقوله..

اختيار موفق اختي.. واستمري على هالتميز

[بٍنٍـٍ اٍلٍعٍوٍاٍمٍرٍ ٍـٍتٍ]

اممممممم بنات السكن مافيهن غير العافية وحليلهن والله طيبات ولي تبغي الزين أدله ولي تبغي أشين أدله

وكل واحد ورايه ترا ولأهنتي

[راعية_ الفتك]

اهلين حبوبه

شوفي فديتج ليش نحن نتروع من بنات السكن طبعا مب كلهن لانه اصبوع ايدج مب سوى صح.. لانه احيانا نسمع قصص وجرايم يرتكبنهن بنات السكن انا برمس مابستحي ,,, اول شي تتنشر بينهن البويات قمنا نتروع منهم ريايل لو ريال ماتروعنا منه كثر ما نتروع من البويات واللي يسونه في البنات ,,,, وثانيا في حد منهم ايسوى اشياء خارجره عن عاداتنا فالامارات وحتى يوم تشوفهن تقول حرام هذيلا بنات الامارات يسون جذيه .. وبعدين انا شفت بعينيه فالكليه التقنيه بنتين الله لايراويكم هذاك الموقف ماتقول بنتين ..تقول بنت ولد (استغفر الله ) الله يستر علينا وعالبنات العرب ..

وانا الصراحه ابويه ماخلاني ادرس فالجامعه والسبب اللي يسمعه عن بنات السكن الجامعه وقالي دشي التقنيه ولقت التقنيه اخس من الجامعه ,,,

والسموحه ترى لساني مايكتم شي مفضوح

[غلا روحي]

الصراحه الزين زين والشين شين .. واصابعج مب سوى ..

يعني مب سالفة سكن او مب سكن .. يعني في كل مكان تلاقي الزين والشين

والسموحه

[عـــــزام]

صح كلام غلا روووحي الزين زين والشين شين
ومشكوووره اختي ع المووووضوع
والسموووحه

[الولايات المتحده البدويه]

مـــرحــبااا الســاااع....


تسلمييين ع الموووضووووع لااهنتــي....


والله بخبــرج الزيين زين لووو عقوووه آخر الدنياااا....

عنبووو بنااات سااارن ودرسن خاري الدوووله .. ماتشوووهت سمعتن هالكثر....

بس بخبــرج بشــي..... انتشــرت هالكلمــه انه بنااات السكن زيااغ وعلوووم....

وخلاااص الكل يتحذر منهن... ولوووو سووينااا احصااائيهـ وحسبناااهااا صح.. بيظهر العكس... بس خلاص ترااهاا الكلمه انرست عليهن....


والله يصلح حال الجميييع... والي بغت تحفظ عمرهااا بتحفظ شرات ماقلتلج لو انعقت اخر الدنيااا والي تباا اظيييع الباااب طلق...


والسموووووووووووووووووووحه من الجميـــــــــــــــع

[Bedwien Heart]

اذا تبين الصدق ربيعاتي من بنات السكن

والنعم فيهن

واذا تبين تسمعين عن الخياس لا تسيرين بعيد تخبري حد من خوانج وبييب لج التفصيل الممل عنهن !

[محينه]

ميثه : لا ما ابا ابات اروحي ازيغ من بنات السكن
حصه : عيل يلا انقفضي جدامي ..
ميثه : يلا امري لله..

ليش شو فيهن بنات السكن ليش يزيغن ... اظني فيهن سكن ولا شو رايكم




ههههه حلوة القصه واشكر الي كتبت القصه اول شي..>> شكلها كانت تدرس في جامعه الامارات بس ماكانت من بنات السكن..

دهن عود..
تعرفين شو اول سؤال ينسأل فالجامعه بين البنات>>> انتي من بنات السكن ولا العين؟؟
بنات السكن سكّن

لان بنات السكن بنات البطه السودا
يحليلهن مظلومات .. وباسباب وايد:

تنحرم من اهلها خمس ايام فالاسبوع..لمده 8 اشهر فالسنه.. وعاد انتو شوفو الي تكمل 5 سنين فالجامعه..

ياخذون عنها فكره مب زينه..اونها ماخذه راحتها فالسكن .. وهي ياحليلها لو تمرض ماحد سأل عنها..التلفزيون ماتشوف منه غير قناة ابوظبي ولا الامارات.. تلفون بوكاميرا ممنوع..دخون ممنوع..كل شي ممنوع وعليه توقيع وتعهد وانذار..


وفي ناس ماخذين فكره عن بنات السكن اونهن يطلعن على كيفهن.. مايعرفون ان مايدخلن ولا يطلعن الا اذا كان الي بيطلعها اخوها او عمها او اختها ولا عمتها.. لازم الاسم يتشابه فالجواز .. لو ام البنت يت تاخذ بنتها بدون جواز او بطاقه تثبت
انها بنتها بتبطي يعطونها بنتها لو تصيح وهي عيوز..

حتى في ناس يوم يسيرون يخطبون بنت..اذا عرفو ان البنت درست في جامعه يسألون بنتكم كانت فالسكن.. لو قالو فالسكن .. مايبونها

شوذنب البنت اذا كانت بعيد عن العين ..ومجبوره تسكن في سكن؟؟


اذكر موقف عن بنات السكن..

كان عندنا محاضره عن حل المشكلات.. كان الدكتور ألماني.. قالو عطوني مثال عن مشكله .. قالت بنت واذكر انها بنت من العين يعني مب من السكن مشكله بنات السكن.. انا امبوني مايخصني فالمحاضره.. ايي واطلع ومابطل حلجي.. المهم من قالت مشكله بنات السكن انا بطلت حلجي.. والدكتور بطل حلجه وذنيه بعد..
قالت البنت اونه اهالينا يقولون لنا لاترمسون بنات السكن .. ولا تيلسون وياهن..قلتلهن عيب تقولن جي جدام الدكتور.. الحين الدكتور بياخذ فكره عن بنات السكن.. ها مايعرفنا.. بيرد بلاده وبيحط ان بنات الامارات مب اوكي..


الحين قولولي شو ذنب بنت السكن..
وشو الحل وياها..
تسحب بيتها لين عدال الجامعه..عشان ماتسكن فالسكن


وانا عني ماامدح ولا اذم بنات السكن لان حالهن مثل حال بنات العين.. فيهن الزين وفيهن الشين
والي تبا تخترب بتخترب لو في بيتها..

وانا يوم قلت بنات العين مااخص بنات العين بالتحديد.. لا
لان الجامعه فيها ..بنات السكن وبنات العين
بنات العين الي مايسكنن في السكن بس يدرسن فالجامعه

والسموحه

[الدبدوبه]

أنا عن عمري ماشوف الخراب بس في السكن لا الخراب في كل مكان والى بتحشم عمرها ماعليها من الرمسه ولاتظلون بنات السكن لانهن مب كلهن نفس الشي واللع يستر عليهن.,..,

[قلب_بدويه]

حافض علا رمسج يامحينه في ذمتي.
ومشكوره دهن عود علا هل مشاركه الفنانه الصراحه وتسلمين.
والحين عاد بقول لى عندي السكن تراه حاشم البنات من الرغده خير من لى فى بيوتهن يحاوطن هذا مع أحترامي للي مايرضا وانا ماعنيت حد بس بنات السكن فى جد منهن ماحد أحشم عنه وبعدين هن ماخالطن رياييل علشان الناس تفهمهن غلط ولي بتغلط تغلط حتي فى بيت ابوها والبنت الحشيم والله لو خالطت ميت ريال . هوب ميت بت فى سكن. كل شي ممنوع وعايشه جنها فى سجن ومتغربه عن أهلها وترد اخر الاسبوع اتقرقع فى الباص عند الله اربع ساعات ولا اكثر .
تراكم والله ظالمين البنات.ووالله يربعت بنات السكن ماشي خير عنها يتفازعن فى كل شي وكل وحده تستوي اخت للثانيه. وجان عن الاشيا الغلط لى فبالكن تراها تستوي حتي فى المدارس عيل المدارس كلها ازيغ الحين ولا شوه رايكم؟؟؟؟؟؟؟؟؟؟؟؟؟؟؟؟؟؟؟

[دهن عود]

مشكورين ع الردود اللي ما كنت اتوقعها ...

قلت الحين الكل في المنتدى بيشن حمله على بنات السكن .. واللي ما يشتري يتفرج...

الحمد الله انه فيه انصاف ..وصدق انه في كل مكان الزين والشين ...

مشكورين ع المرور .. والله لا هانكم ..

[المزاجــــي]

حلو هالموضوع

[الكتبيه]

الصراحه الموضوع حلو
ويحتاج للنقاش...


أنا أشوف البنت بسير الجامعه

عشان تدرس وما يخصها بالقيل والقال

هيه يايه تدرس عشان تاخذ الشهاده

مب يايه عشان الرمسات وبنات السكن ولا غيره

والبنت لازم تحشم عمرها ..............وأداري

ومشكوره دهن العود ع الطرح

[أموت برزة عقاله]

تسلمين ع الطرح ... ربي يعطيج العافيهـ

ف كل مكان الزين والشين والبنت لازم تحشم عمرها سوا ان كانت ويا بنات السكن ولا بنات العين

هذا رايي وتقبلي مروري

[فديت meme]

صرحه موضوع جميل

[رحــــــاله]

و عليكم السلام و رحمة الله و بركاته ،


حركات بعد ميثه ...

تبين الصدق يا دهن العود .. هذا هب بس راي ميثه .. هذا انطباع عام بنات السكن بغض النظر عن اي جامعة .. الفكره اكيد من الرمسات و جي .. و لهذا السبب انا ما بقدر اعمم رأيي على الكل و بخليه مقتصر علي انا ..
بنات السكن بالنسبالي مثل أي بنات ولا شي يختلف و ان كثرت الرمسات فهدا ما همني البنت لي لها اخلاقها ما بتتغير لا مبادئها و لا شي منه لو حطوها عند يهود هب إلا عند بنات الخوف منهن يخربنها ..

شكراً لج دهن العود

تحياتي

رحاله :)