من الماضـ / ــي---} مواقفـ وسوالفـ ---}

[رَحِيْلُ الْودّ]

اللي مالهـ ماضــيـ / مالهـ حاضر ولا مستقــبلـ {زايد بنـ سلطانـ رحمهـ اللهـ }

الماضيـ : مستودعـ الأس ـرار ، حديثـ شج ــون ، تجاربـ وأفعالـ ، قولـ باقٍـ ومؤثر !

الماضيـ : البدايهـ لترعرعـ / وحجر أس ــاس

الماضيـ : الذكرياتـ


الماضيـ: عظاتـ ومواقفـ

الماضيـ : البراءة والعفويهـ والمشاكســهـ

الماضيـ : عيالـ حارتنا


http://www.mofa.gov.qa/images/photogallery/women.jpg


فهلـ تسمحونـ لنا بإقتس ــامـ ذكرياتنا منـ الماضـي بما عاد بالنفعـ ربما عليكمـ فيـ الحاضر أو جلبـ لكمـ فرحـ وسرور


آهــلاً بكمـ:hayar-7:

[الولايات المتحده البدويه]

الي مــاالــه مااضي ماله حاااضر.... صدق زايد يووم قالــهاا.... رحمة الله عليييه....


والله الصرااااحه مووضووعج..طــرر....


ذكرتيينيه... بيااام لول.... اسمييييييييهااا غــرررااااام... خص يووم كنت اسير العيـــن عنــد يدتيــه شكلــهــأاا تكــره حيــاااتها يوم تبغــي امااايه.. ترد احــشر البقعه الا ايلـــس ههه..

وهل.. تعوود بالنفع؟؟؟...


هيهـ الصــررااحهـ لنه علمــووونااا ع الطباااع الزينــه وصــح طفوولتناا قبل مــااكنت شرات الحيينه بس تبين الصــدق احس اياامنااا غيــرر صدق استنااسناا من الخــاطر لو ان مااشي عالم فتــوون وغيره...

وليــــت الزماااان الاولـــي يعــووود


وايد طولـــت عليـــكم صح!!!^-^

ع العـــموووم ي ختيــه مــووضوووعج رقيـــص... والله وديه اكتب واااايد بس مابسكت هه

تقبلي مرووريه... الولاايات البدويه

[شيـ المزاين ـخة]

الصراااحه الموضوووع واايد حلووو
أيااااام أول ماااتتعوض يليت بتعووود
النااااس كااانت مع بعض تروووح وتيي
تسلمين فديت رووحج ع النقل الطيب

[رَحِيْلُ الْودّ]

هلا الولايات البدوية

مشكورة الغالية ع تواجدج في متصفحي بس ماخبرتينا عاد عن شو كان يصير في العين ..شو السالفة اللي تذكرينها من الماضي ..


شيخة المزايين ،، مرحبا بج اتريا تواصلج في الموضوع الغالية ، وتشاركينا ذكرياتج ..

ملاحظة : الموضوع هب منقول (من اختراعي خخخ)

[راعية_ الفتك]

ليت الزمان الاولي يعود ايام السيح والمبيت هناك واللعب والله ايام حلوه

الواحد مايقدر ينساها والله لو ترد للايام اللي راحت جان زين

[رَحِيْلُ الْودّ]

أنا اذكر مرة يوم كنا صغار ، خبرونا ان القهوة وايد مفيدة ومرة حد من الشواب شفناه يحطها ع يرح ريال >>>عاد اونه نتعلم

المهم صارت ضرابه ف البيت وكنا دوم الظهر نلعب لعبة اسمها ضرابه خخخ وننط من فوق الكبت ع السراير وماعرف شو

وهذاك اليوم كان نوع الضرابه ان نتفار بالجواتي ( وانتوا بكرامه) المهم واخوي فره ع اخوي الصغير وطبعاً هالضرابات ماتصير الا الظهر نص النهار العرب تقيل ونحن الشياطيين ناشين
وماما نايمه وانطر راس اخوي ، عاد انا خليت عمري اوني دواء شعبي ..واقول حق اخوي تعال بنعالجه والفلعه صوب عينه تحت حياته ونترسها قهوة خخخخخ

بس ما سلمنا ابوي يوم نش العصر بيصلي شاف الخدمه ، واللعبه المستويه احتشر علينا والضرب ماعنه ناشد خخخخ

المهم ودوده الدختر وكنا نحن 4 اصلا رحنا كلنا وياه زافينه خخخ ، قال الدكتور ايه ده ؟!!

قتله قهوة هاي دواء

تم ساعه وشي ينظف الجرح ، هههههههههه ويمكن لو ماتم الدكتور ينكت ع طريقتنا ف حل المشكلة كان ابوي بيتم معصب علينا وايد
بس عدت ع خير والعلامه بعدها موجوده ف اخوي ههه

[الولايات المتحده البدويه]

هههههه مقلـــوووعهـ انتي هههه حــررام عليج تحطيله قهوى عاد!! هه خباال زمان هاا...


هههههه عــاااده انــااا يوم صغــييره امــوووت والعــب بالنــااار

اي جريده اشووفها ولاا دفتــرر اولعبهاا.. ومــره كنت مخلصه لعبتيه تدرين شو سويت عقيت الجريده من فوق وطااحت جدام امايه ويت هي شكت فيه بس قلتلها لاااء انا ماليه خص هااي ختيه وعقيت عليهااا وطبعن يوم شفت ختيه السااحره هع اعترفت باالصدق...^-^

ولااا مــره خالتــيه كفختنيه ههههههه تعــرفيـــن الملــطف... يبته ورشيت الارظيه فيه عشان يوم اييب الولاعه سيده يولع وعلمت الكل عليهاا وانكفخــت ومن عــدهاااا تبـــت هههه

[رَحِيْلُ الْودّ]

يسميه ضرب يطيحج ع شغل الحرايق هذا ، ضحك من خاطري ههههههه

نتريا الباجين ومواقفهم ولي عوده مع احداث وايد مازالت عالقة بالذاكرة ..

[Bedwien Heart]

خخخ انا كذا مره ادخل واطلع من الموضوع مافهمت المقصود من الموضوع بعدين فهمت ^_^"


//


امم لا تضحكون ^^

يوم كنت في الروضه >> تعرفون روضة هيلي كيف كانت صفوف وعلى الطرف حديقه

كنا مقصه حليلنا اونه بيودونا الحديقه ونحن نتشقق اخر شي يودونا حديقة الروضه *_*

المهم كانت معلمتي اسمها حلوه .. هالمعلمه ودت صفي الحديقه .. الحديقه كانت ضيجه وايد

على الطرف درفانات والطرف الثاني باسكو .. كنت امشي على الباسكو والا بنت ييرانا تزقرني

وهيه تلعب بالدرفانه .. صديت صوبها والا طاخ ضربتني بالدرفانه على ويهي ( مادري شو يسمون هالمنطقه

بس يقولون الذقن هع ) وانطر المكان وصب الدم والمعلمه تحط كلينكس والكلينكس من لونه يستوي

احمر ماوقف الدم ودرت حرمت خالي بالسالفه (حرمت خالي كانت المديره ^^) ودتني عيادة هيلي ههههههههه

اذكر كان هناك دكتور سوداني هههه اسمه نور وحليله خاط لي اليرح بابره وانا اصييييييح خخخخخخخخخخخخخ

بعدين ماحسيت بعمري الا العب في حوي بيتنا ههههههههههههههههههههههههههههه

وللحين ويهي معلم من هالخياطه هع

على كل ما اشوف الخياطه اتذكر زمان اول :(

[شيخة البــدو]

موضوع في غاية الروعه

ربي لاهانج يالغاليه على الموضوع الطرررررررررررررررررررررر واللي يتيح الفرصه للاعضاء البوح بماضيهم او الحدث اللي حل وياهم فالماضي ...


لي عوده للصفحه ان شاءالله


مرحباني

شيختهم

[فديت الوقن]

الموضووووووووع حلوووووووووو وهذا الشي مب غريب عليج

كنا يوم النروح البر لازم نطلع مشالله عايله كاااامله ونيلس هناااااااك لمده اسبووووووع في البر
و نلعب لعب لول قوم كروووووك و ميت ونسوى تجمع كلنا ونلعب لعبه الصرااااااااحة والله كااان يجنن

[راعية معاني]

والله موضوعج طر الغالية

بس ما اتذكر واايد

وسلمتي على الطرح

[رَحِيْلُ الْودّ]

[B].. كنت امشي على الباسكو والا بنت ييرانا تزقرني

وهيه تلعب بالدرفانه .. صديت صوبها والا طاخ ضربتني بالدرفانه على ويهي ( مادري شو يسمون هالمنطقه

بس يقولون الذقن هع )


بعدين ماحسيت بعمري الا العب في حوي بيتنا ههههههههههههههههههههههههههههه




يعني ما تبتي بعدج رديتي تلعبين خخخ ، قري شوي :hayar-17:

انزين نبى نشوف العلامة :hayar-8:

تسلمين يالغالية نورتي ..

[الولايات المتحده البدويه]

مـــرحــبا الســااع...


بخــبركم عن مووقف ماااا انساااااااااه ههه

مـره كنت ف بيت يدتيه.. وكان يوم اليمعه... العرباان كلهم ف المسيد.. المهم سرت صوب الكراج.. سمعت صوت سيااره تشتغل... كان خاليه يالس يحر سيارته.. وسار بس خلا السياره تشتغل... والحبايب ف المسيد.. وهليه لاهيين .. ونا برع... تعرفووون سرت ويلست ادوووس ع البريك ورووووح.. ههه وشرت سرت الحجره.. يوم يه خاليه من المسيد قال حد صك سيارتيه..ونااا بموووووووت لنه عصبي ..واقولكم من الزيغه صحت ويوم سار خبرت امايه جان تقول انتي ماتيووزيين مره ثانيه بخليج عن الخدامه ولا بشلج .. حلييليه حاطيين عليه... بس الحيينه فهميم ههه من عقب القلاعه....


واالسمــــوحهـ

[بروغه]

الله يرحم زمان اول
مشكورين للكل

[رَحِيْلُ الْودّ]

الولايات المتحده

تقولين علي مقلوعه

ماخليتي شي انتي !

يحليلي طلعت برئيه عندج ،،

[Bedwien Heart]

يعني ما تبتي بعدج رديتي تلعبين خخخ ، قري شوي :hayar-17:

انزين نبى نشوف العلامة :hayar-8:

تسلمين يالغالية نورتي ..


خخخخخخخخخخخخخخ

بصورلج العلامه :hayar-10:

[الهواوي]

مشكوووووووووووووره على ذي الطرح


صدق يووم قاال حياات زاايد الله يرحمه ويغمد رووحه الجنه

الي ماله ماظي ماله حاظر


وعليه انه غرااامـ كسر تـــــــــيمـ

والسمووحه .

[رَحِيْلُ الْودّ]

شاكرة لكم هالمرور الرائع وطرح مواقفكم الجميلة ،،

اتذكرت مرة ايام صف خامس كنت ابى اروح رحلة وماما ما طاعت لان في الرحلة بنبات في هذاك المكان وحاولت حاولت حاولت ما طاعت ،،

يبت الورقة وقعت عنهم ، والمديرة اصلاً صديقة ماما فخبرتها بالفون قالت لها كنت اظنج ما بتوافقين قالت ماما طيب انا هب موافقة اصلاً ، قالت بس اليوم الرحلة وهي بتروح !!

يؤؤؤؤ ماما اتصرطت شوي ، قالت يمكن ابوها وافق ،

وابوي ماهوب هنا اصلاً ..

صح عصبت علي وهزئتني وضربتني ضربتين بس رحت خخخخخ

ع فكرة بعد قلت اني طالعه الاولى عشان جيه هالتكريم وانا طالعه الثالثة هههههههه

بس في خاطري اقول زين انها عرفت عطتني بيزات حق الرحلة ، ورتبت اغراضي انا مدري وش كنت بسوي بالهروب اللي ناوية عليه ..

وسلامتكم

[فتى الوقن]

والله انك يا البنات طماشه

وما خليتن شي للشباب من القلاعه

ما نلوم عمارنا يوم كنا صغار

اذا انتن سويتن هالاشياء نحن ويش بنسوي بلاوي


اذا ذاك اليوم قايمين الصبح
ايام اجازة (الصيف )

بس ما ذكر صف كم كنا المهم في الابتدائيه

لقينا حمار الله يعزكم وربطناه وتمينا نركب على ظهر

والي يطيح على راسه واللي يطيح على ظهره
المهم ركبناه لين سدنا من يوم الوقت ضحى يعني الساعه 11 يمكن

سرانا صوب التناكر الماي وشلينا البترول منهن

وصبينها حشاكم في ذيل الحمار

و شبينا فيه الكبريت

وتم حليله يربع شرق غرب متبهذل مسكين والله حرام علينا بس كنا صغار ما ندرك شو انسوي اهم شي نتطمش

[اللحظة الأخيرة]

:hayar-17: عيبني الموضوع

أحيدنا (أنا و أخويه اللي أكبر عنيه) نسهر ويا اخوانيه الكبار ، و هم طفرانين ودهم يصفعونا بس ما يرومون >> بنوعي البيت كامل

عاد شو الحل عشان يفتكون ! ، يقولون تعالوا بنلعب حاكم جلاد ، و اللي ينضرب يسير يرقد >> حليلنا مقصه

المهم ، و طبعاً يستخدمون جميع أنواع الغش ، و كل حين واحد منا يزخونه من ريوله و يصفعونه

و نحن سايرين نرقد خلاص انتصروا علينا ، نخطف الصالة الثانية >> أكيد حد منهم طابخ و يخلونه آخر السهره
عاد نحن من القهر ناكل الموجود و نجب الباقي فالزبالة ، و نرقد مرتاحين عقب الانتقام

وووو هذا ما في جعبتي حالياً...

[ميسي الاهلي]

الله يرحم شيخنا زايد بس صدق كل الناس يبغون يعيشون مثل قبل كلهــ شغلـ بدال المدارســـــ

[الولايات المتحده البدويه]

مرحبااا السااااع,,,,,,


اشتقت للموضووع^-^


اذكر مره يوم كنت صغيره كان عمريه 11سنه,,,,, وامايه كانت في المستشفى,, يايبه خويه ونا من سمعت الخبر قعت اصييح ماابااه,, ماباه يخرب عليه ,, ابااهم يعقونه ف الزبااله ههه,,,, وبالباجر يه ابويه يودينيه صوب امايه قلتله لحظه بسير وبرد,,, تدروون وين كنت سايره ااييب سجينه عشان اذبحه هههههههههههههههههه,,,,,,, زين انه الوالد انتبه ولااا خويه المسكين الحينه ف خبر خير,,,,,,,