أكسجين الفؤاد

[دهن عود]

محلاك وانت اتحـرّك اشـجاني
كنـّك تعزْفَ اللحـون ولا تغنّيها

داعب حديثك عواطـف قلبي الحاني
قلبٍ يودّك و روح ٍباح خافــيها

وانت تدلّع وقصـدك تمـحن ايماني
واللي تولّع بك الآهات يطــريها

علّمتك الحبّ هـاك اليوم واعـياني
انـّك تريد الليالي ســهد ما فيها

واليوم تبهرني ابعطــفك و تدراني
وروح الشقاوي اتحقـّق لي أمانيها

صنت الغرام العفيف ولا حـدن ثاني
يملا عيوني سـواك و لا يساويها

وانت اكسجين الفواد و شربي الهاني
يالله عسى ماانحرم شوفتك وابكيها