علموها تسوق الله المستعان !!!

[الرحال]

بسم الله الرحمن الرحيم
/
السلام عليكم ورحمه الله وبركاته
/

الموضوع ربما واضح من العنوان,,

هالايام يمكن من فترة ليست بالقصيرة اعتدنا رؤية الحرمة تسوق سيارة هالشي في البداية كان غريب عند البعض (( علموها تسوق الله المستعان )) يعني تشوف النساء يسوقن سياير, وبدأ المجتمع يتقبل هذا الشي خطوة خطوة

ربما هناك من محتاج والظروف اجبرت الحرمة على تعلم قيادة السيارة, وهناك من الله يهديهن اتخذنها موضة او ترفية للنفس,, مافي اشكال في هالشي,,


اتمنى ان نناقش الموضوع من جميع جوانبه مع اسبابه وتوقع نتائجه!!


شكرا

الرحال

[رَحِيْلُ الْودّ]

نشوف رأي الاعضاء بالاول ..

تسجيل حضور ولي عودة إن شاء الله ،،

لا هنت ع الطرح

[محينه]

موضوع عادي وغير محرج
هو ظاهره عاديه مثل اي ظاهره تحدث في الامارات
لها اسبابها ونتائجها
وهاي الاسباب والنتائج تختلف من منطقه لين منطقه
اسبابها
ترفيه
اعتماد على النفس
عدم وجود رجل او محرم
عدم الاعتماد على الدريول الي هو غير محرم


نتائجها تعتمد على حسب الشخص

وانا من رايي انه الحرمه عادي تسووق مافيها شي
ومثل ما ان هناك رياييل مايسووقون زين ترا هناك حريم مايسووق زين
وكل مكان وزمان له زين وشين
والسموحه

[الرحال]

شكرا رحيل واتمنى رؤية وجهة نظركم في الامر في القريب العاجل

الرحال

[بنـ الأجواد ـت]

السلام عليكم
اخوي الرحال انا اشوفها عادي انه الحرمه اتسوق
ليش ثرهم الشبيبه يتبرضون على حد يوم قالوله : بوشهاب ودنا الجمعيه ناخذ غريضات
قال : اهو ااوف ثره محد الا انا انا مواعد الربع ما اروم ولا انا تعبان ماروم
يغير الا بزا ومافيهم ذرة من المذهب عنبو اذا اهلهم ما اتبرضو الهم عيل لمنو

بس مب كل حد
اللي محتاج لا تلومنه لو البيت ترس شباب ترا بعضهم ما يتبرضون لحد

واللي مب محتاج
الله المستعان على قولتك اخوي


تقبل مروري

[الرحال]

نحن لا نعارض المرأة ولكن بحد معين

صحيح الظروف تجبر ومرات لا يوجد محرم فلا تعارض من هالناحية

ولكن لو كانت الحرمةعندها هل وخوان وتسوق شو ماضني الحرمة اتسوق ماله داعي

وهذا الاغلب هالايام من اللي نشوفه

شكرا محينه واعذرينا على التاخير

الرحال

[الرحال]

اعذريني لو كان هذا الموجود ولاحد طاع يوصلهم

ما هو عذر للحرمة تسوق وحد موجود واذا مابغى يوصلهم ذا الحين يمكن يروق ويوصلهم عقب

شكرا على الاطراء

الرحال

[بنـ الأجواد ـت]

اعذريني لو كان هذا الموجود ولاحد طاع يوصلهم

ما هو عذر للحرمة تسوق وحد موجود واذا مابغى يوصلهم ذا الحين يمكن يروق ويوصلهم عقب

شكرا على الاطراء

الرحال

ترا هن اذا بيسوقن ياخوي مابيسوقن لمكان بعيد
اما للزرب او سوق قريب ربع ساعه ويوصلن

بس انا وبصراحه اعارض شي واحد انهن ايسوووووقون لمكان بعيد
او يسسوقن من غير حاجه

[Bedwien Heart]

وعليك السلام ورحمة الله وبركاته ,,


اممم والله اخويه انا بقولك الصدق !!

الحين اشوف كل اللي يسوقن حريم وينهم الرياييل ؟!!

والله انقهر من هالشي .. كيف جيه راغدين حريمهم ؟!!

ولا القهر الاكبر اذا خطفت عدالك وحده تسوق على 60 وماسكه الخط السريع !! << جلطه

وبعد شوف حدث ولا حرج في شيشة البترول فول ميك اب البنت ومنزله الدريشه تسولف مع فلان وعلان !

كيف الشباب ماتباهن يتحرشون بهن ؟

شي يقهر بصراحه وانا وحده اتمنى انه يقللون من سواقة الحريم في الشوارع لعدة اسباب :

* الواحد لو يبى يسوق في الشارع مايقدر سبت هالحريم فيهن جبن نوعا ً ما ..

* مايعرفن شي في السواقه !!

* فيهن يباسة راس اذا بغيت تسوق على الخط السريع تلقاهن جدامك ويسوقن على 80 او 60 ..

واتمنى وارجو من اولياء الامور يفهمون شوي من اللي يجول في خاطري << ^_^


ومشكور اخويه الرحال على نقاشك في هذا الموضوع ..

[الرحال]

مرحبا بج ختيه بدوين وكنت اتوقع نظرة ثانية لج بخصوص سواقة الحريم

وشاكر لج مداخلتج القيمة وفعلا انا وياج بكل نقطة,, ما شاء الله عليهن يسوقن 80 ع الخط السريع

المشكلة لو بتعطيها ليت ولا بتصيح لها تخاف تفر سيارتها في نخلة ولا ليت الله المستعان

وما شي مانع اذا الحرمة تسوق ولكن بخبرة معينة

موقف صار لي وطبعا تفاجأت الوقت ليل وكان الخط لي امشي عليه سيد رون سيد وانا ابروحي ما انتبهت من اللي يا مقابلني لانه السيارة بلا مصابيح لا والعجب حرمة تسوق بعد

الله يوفقهن ان شاء الله اللي يسوقن ويخدمن مصالحهن واحتياجاتهن الضرورية

شكرا يا ختيه بدوين

الرحال

[Bedwien Heart]

خخخ عادي الرحال انا بغيت اندعم سبت حرمه تسوق اقل من 20 في الدوار << الدنيا بخير عندهن ^_^"

[الولايات المتحده البدويه]

مـــرحــبااا الســـاااعــ...


تسلمـ الشيخ ع المووضوووع...


واللهـ الصراحه عنيه ماحب الحرمه تسووق لنه مهمن كانت ف النهايه هي حرمه وقلبهاا رهييف يعني حركه ولااا حد يزامطهااا رااحت ف خبر خير....

بس شي من الحريم محتايات انهن يسووقن اوكي مايخالف بس افضل انها تسوق لغرض الحايه هب لأشيى ثانيهــ....

والسموحه

تقبل مروووريه الولايات البدويه

[بووحمد]

شكرا اخوي الرحال على طرحك للموضوع.

بالنسبة لي في هذا الموضوع فارى ان سواقة الحرمة مب عيب ولافيها شي بالعكس جزاها الله الف خير بتسد عيالها وبتسد بيتها في غياب الزوج .

اما عن انها تسوق 80 او 60 فهذي حرمة طبيعتها الانثويه غير عن طبيعة الرجل
وانا ويا سواقة الحرمة .
هههههه

المهم في سؤال وجوابه يبين هل انت مع او ضد
ماهو الافضل ان تقود المراْه بنفسها وبصحبتها حد من الاهل للذهاب لقضاء حاجة من حوائج البيت او للدراسة او للمستشفى ام ان تذهب مع السائق وهي بكامل اناقتها ؟

ومشكور على الطرح مره ثانية

[دهن عود]

السلام عليكم ورحمه الله وبركاته

الاخوان اللي معرضين سواقت الحرمه ... ليش يعني الحرمه شو ناقصنها عن الريال عشان ما تسوق

ما اعتقد انه فيه فرق .... ولا الريال فيه عقل زياده خاصه بالسواقه يعني ... خلو عنكم هالتخلف الناس تطوروا ووصلوا القمر وانتو بعدكم تتشاورون ان الحرمه تسوق ولا لاء ....

مع احترامي للجميع

[محينه]

السلام عليكم ورحمه الله وبركاته

الاخوان اللي معرضين سواقت الحرمه ... ليش يعني الحرمه شو ناقصنها عن الريال عشان ما تسوق

ما اعتقد انه فيه فرق .... ولا الريال فيه عقل زياده خاصه بالسواقه يعني ... خلو عنكم هالتخلف الناس تطوروا ووصلوا القمر وانتو بعدكم تتشاورون ان الحرمه تسوق ولا لاء ....

مع احترامي للجميع

انتي رقم 1

[•ミ المكـَـ ح ــلミ•]

وعليكم السلام والرحمه


اذا الحرمه محتشمه وحاشمه عمرها وسواقتها زينة واذا كانت بالفعل لها حاجة ملحة بالسواقة فانا مع سواقة الحرمة وفي نفس الوقت انا اعارض النسوان الي تسوق وعندها دريول فالبيت لانه حد من الشباب لو يشوفون بس حرمه تسوق ولو محتشمه وساير في حال سبيلها بيحطونا سواده

وبس حد من النسوان تلقاها فل مكياج ومنزله الدريشه وتحاوط وتسوي حركات :hayar-22:وهذي دواها حد من يسحب عنها الليسن والسياره والشباب حليلهم مايصدقون يشوفون وحده في مثل هالموقف بيحطونها سواده لين مايوصلون لمبتغاهم وهذيج الساعه ماينلامون:hayar-10:

والسموحه منكم


الرحال

ودمت رحالا ومحلقا في هامة الابداع

وأشكركــ من قلبي لطرحكــ لهذا الموضوع الي يجول في خاطري

ودمت بود.

[@الكتبي@]

الله يسلمن منهن بيدعمنا ما يعرفن السواقه

[الرحال]

دهن عود,, شكرا لج على المشاركة وهذي وجهة نظركم انتوا ولكن لو ننظر للماضي ما كانت الحرمة تسوق ابدا

وهذا يسمى منقود عند العرب ولكن متطلبات اليوم غيرت نظرة المجتمع واصبحت الحرية فوق طاقة اللزوم

ومافي اي مانع نفس ما قلنا للحرمة انها تسوق ولكن لظروف معينة وهناك فئة من الحريم يسوقن ويسون ما قد سواه الرجال ايضا

واتمى منج سيدتي الفاضلة بان لا ننعت الجميع بالتخلف ,, بل ناخذ الموضوع بمجال اكبر وارجوا اني وفقت في توصيل المعلومة !!



محينة في شو رقم واحد؟؟ اتمنى وضع النقاط على الحروف فهذا موضوع نقاشي ليس موضوع في قسم الالعاب

اتمنى الارتقاء منكم

شكرا جزيلا

الرحال

[الرحال]

سيدي الفاضل المكحل تواجدك وحوارك معنا اثرى الموضوع

شكرا جزيلا لك سيدي

الرحال

[راعية_ الفتك]

انا الصراحه ضد الحرمه اللي تسوق احسها مب عدله صح انا تعلمت اسوق بس مراح اطلع الشوراع واطلع ليسن بعد لانه اعرف رد فعل الناس اكيد بيتكلمون عليه

[غزال ما ينصاد]

شوف يالغالي ..بصراحه اولااا مشكور ع الموضوع الحلو والي يستتاهل الواحد يناقش علشانه ..

من ناحيه وجهة نظري انا ..اقول أأيد الحرمه انهاا تسوق اذا مظطره لأن تعرف هالزمن الشباب كل واحد لاهي ويا اشغاله ومب مهتم للبيت ..فتطر انه الحرمه الي تتعلم وتخلص امورهاا احسن من التكسي والدريول ..


من ناحيه النتائج اذا كانت بنت او شي جي ..

ترا الله يستر ع اليميع يارب..

شي بنااات يبون حق اللعب والترفيه ..وهالشي غلط طبعاا ..اذا كان عندهاا امور ولاشي جي تقدر تتعلم السواقه ..

اماا تستخدمها بطريقه غير مشروعه والله ما يرضا فيهاا ..الصراحه هذا شي ثاني ..

والله يكون بالعون ان شاء الله


والسموحه

[دهن عود]

دهن عود,, شكرا لج على المشاركة وهذي وجهة نظركم انتوا ولكن لو ننظر للماضي ما كانت الحرمة تسوق ابدا

وهذا يسمى منقود عند العرب ولكن متطلبات اليوم غيرت نظرة المجتمع واصبحت الحرية فوق طاقة اللزوم

ومافي اي مانع نفس ما قلنا للحرمة انها تسوق ولكن لظروف معينة وهناك فئة من الحريم يسوقن ويسون ما قد سواه الرجال ايضا

واتمى منج سيدتي الفاضلة بان لا ننعت الجميع بالتخلف ,, بل ناخذ الموضوع بمجال اكبر وارجوا اني وفقت في توصيل المعلومة !!



محينة في شو رقم واحد؟؟ اتمنى وضع النقاط على الحروف فهذا موضوع نقاشي ليس موضوع في قسم الالعاب

اتمنى الارتقاء منكم

شكرا جزيلا

الرحال

مثل ما فيه تطور فيه تخــــــــــلف .... هذا الشي ما يعم الجميـــــــــع ...

والاختلاف لا يفسد للود قضيه

فلا تاخذ الامور بهذه الحساسيه يا حضره

مشرف منتدى الحـــــــــــــــوار

[الرحال]

مثل ما فيه تطور فيه تخــــــــــلف .... هذا الشي ما يعم الجميـــــــــع ...

والاختلاف لا يفسد للود قضيه

فلا تاخذ الامور بهذه الحساسيه يا حضره

مشرف منتدى الحـــــــــــــــوار



؟؟؟

شكرا

الرحال

[محينه]

محينة في شو رقم واحد؟؟ اتمنى وضع النقاط على الحروف فهذا موضوع نقاشي ليس موضوع في قسم الالعاب

اتمنى الارتقاء منكم

شكرا جزيلا

الرحال


هذا يعني اني موافقه اختي دهن عود فالرأي
والحمدلله اعرف اقرأ واميز قسم الحوار مب الالعاب
ماله داعي هالكلام

[الرحال]

حاضر سيدتي ولا يهمكن وعشان خاطركن ولتلافي مثل هالمهاترات سيغلق الموضوع لاخذه كفايته من النقاش

شكرا

الرحال