لو الجروح اكبار لكن ما مت .. أعيش طودا" هامته مستقره

[الامبراطور]

السلام عليكم و رحمة الله

احيانا" يكون الصمت نعمه .. و احيانا" نصل الى مرحلة الصراع معه
اقدم لكم هذه الابيات و ان شا الله ترق لمستوى ذائقتكم الراقية


الصمت يذبح عاشق الصمت في صمت = لو ما يقول اللي في صدره يحره
و انا مع اسراري ابد ما توالمــت = ميت فوادي الف مرة و مره
و على فراق احبابيه مااا تندمت = ما ني من اللي كل شيـا" يغره
و من التجارب في حياتـي تعلمـت = ان التفاهـة ما سوت ربع ذره
و ان الرجل لي يكسر الصمت بالسمت = و ان الحياه بطبعهـا مستمره
لو الجروح اكبــار .. لكن ما مــت = أعيش طود(ن) هامته مستقره
الوقت يااخذني و انا ما ترددت = اقطع مساره في بحوره و بره
هذي حياتي عشتهــا كيف ما شئــت = ما كل شامخ لـه حيات(ن) تســره


و سوالم

[رَحِيْلُ الْودّ]

لو الجروح اكبار .. لكـن مـا مـت
أعيـش طـود(ن) هامتـه مستقـره

\
/
\

رائعة ومتألقة كلماتك دائماً

وأنيقة كأناقة حضورك في منتديات الهير ومن اللحظة الاولى ..

صح لسانك الشاعر ، ماعليك زود

وفالك التوفيق

/
\
/

[Dhn aL_3o0od]

و على فراق احبابيـه مـااا تندمـت
ما ني مـن اللـي كـل شيـا" يغـره
و من التجارب فـي حياتـي تعلمـت
ان التفاهـة مـا سـوت ربــع ذره
>>>>>>>>>>>><<<<<<<<<<<<<
سلآآآآآمي علييك يآآآ الامبرطوور طرطرطر وصــح الله لسآآآنكــ,, وتسلم يمنآآآكـ ع القصيده الغآآآويه ونت رغب كــل مآآآ هووووو~~ جديد من صووووبكــ تقبل مرووري البسيط}~~~ خويتكـ~~Dhn aL_3o0od

[^.^]

:hayar-12::hayar-12:

صح لساااااااانك الشاعر

في ذمتيه انهاا طر القصيده:hayar-7:

بنتظاار قصايدك

[عبدالله بن نعمان الكعبي]

لو الجروح اكبار .. لكـن مـا مـت
أعيـش طـود(ن) هامتـه مستقـره
الوقت يااخذنـي و انـا مـا تـرددت
اقطع مسـاره فـي بحـوره و بـره
هذي حياتي عشتها كيـف مـا شئـت
ما كل شامخ لـه حيـات(ن) تسـره


صح لساااانك يا امبراطور الشعر

ابيات رااائعه جدا


ما فيك حيله والى الامام

[المتفيج]

صح لسانك يالشاعر وماقصرت


ىتحياتي : المتفيج

[محينه]

و على فراق احبابيـه مـااا تندمـت
ما ني مـن اللـي كـل شيـا" يغـره


صح لسانك
قصيده ابداع
وعيبتني الصراحه
ونتريا الزود

[جريح الحب]

ابيات راقية برقي حضورك يالامبراطور

صح لسانك على هالزين يا خويه

لاهنت

احترامي

جريح الحب

[اللحظة الأخيرة]

السلام عليكم

سيدي..

متألق دائماً بحرفك ..

صح لسانك و لا هان يمينك على ما خطه ..

دمت متميز .. تقبل مروري

[Bedwien Heart]

وعليك السلام ورحمة الله وبركاته ,,


صح لسانك ولا هان منطوقك اخويه الامبراطور على القصيده اللي تحمل معنى الصمت ^^

وعيبني كذا بيت من القصيده ,،, واكثر بيت عيبني لو الجروح اكبار لكن مامت =)

ابدعت ودام ابداعك مستمر ..

[الامبراطور]

لو الجروح اكبار .. لكـن مـا مـت
أعيـش طـود(ن) هامتـه مستقـره

\
/
\

رائعة ومتألقة كلماتك دائماً

وأنيقة كأناقة حضورك في منتديات الهير ومن اللحظة الاولى ..

صح لسانك الشاعر ، ماعليك زود

وفالك التوفيق

/
\
/

حضوركم الأروع
ما عليج زوود ادارتنـــا

صح بدنج
و لا هنتي عالمرور العذب

لكم خالص التقدير

[الامبراطور]

و على فراق احبابيـه مـااا تندمـت
ما ني مـن اللـي كـل شيـا" يغـره
و من التجارب فـي حياتـي تعلمـت
ان التفاهـة مـا سـوت ربــع ذره
>>>>>>>>>>>><<<<<<<<<<<<<
سلآآآآآمي علييك يآآآ الامبرطوور طرطرطر وصــح الله لسآآآنكــ,, وتسلم يمنآآآكـ ع القصيده الغآآآويه ونت رغب كــل مآآآ هووووو~~ جديد من صووووبكــ تقبل مرووري البسيط}~~~ خويتكـ~~Dhn aL_3o0od

ما عليج زوود ياا دهن العوود المعتق
صح بدنج
و لا هاان لج قدر و شاااان
شاكر لكم الحضور المتميز

لا خلا و لا عدم

[الامبراطور]

:hayar-12::hayar-12:

صح لساااااااانك الشاعر

في ذمتيه انهاا طر القصيده:hayar-7:

بنتظاار قصايدك

صح بدنج ياا .... ^.^ :hayar-12:
و ما عليج زوود ختيه

شكرا" عالمرور العذب

[الولايات المتحده البدويه]

هذي حياتي عشتها كيـف مـا شئـت
ما كل شامخ لـه حيـات(ن) تسـره



صــــح اللـه الســاااانكـ ي الشـــاااعــررر ولاااهـــااان منـــطوووقــك...


دوومـــك متمـــيز في قصيـــــدك.......

ع قوولتـ حمد السعييد لك حظور مميز.... ونااا اقووولك لك اعظاااء ومتااابعييين لقصيدك المميز....


تقبل مروووريه البسيط ... الولايات البدويه