هل تؤيدون الزواج بابن العم او من الغريب

[بنوتة 123]

هل تؤيدون الزواج بابن العم او من الغريب

انا برايي انه الزواج من الغريب افضل لانه بنتفادى الكثير من المشاكل الاجتماعية والصحية

وعشان الاحترام الغريب بيحترم حرمته اكثر وبيدلعها اكثر اما اذا كانت بنت عمه مابسيويلها سالفة

[الرحال]

شكرا على الموضوع ولي عودة ,

[الولايات المتحده البدويه]

مرحـــبا الســاعــ


تسلميينـ عـ الطرحـ

واللهـ تبينـ الصدقـ هوو لهـ تأثيراتـ صحيهـ ونفسيهـ واجتماعيهـ منـ المشااكلـ اليـ بتصير


بسـ فـ النهايهـ اولى منـ الغريبــ.. وبيحشمـ الوحدهـ... ولوو ستوى مشاكلـ مبينهمـ يروومونـ هلهمـ يحلونهاا بلا طلاقـ بسـ الغريبـ !!!!!!!!!!


و فالنهااايهـ التوفيجـ للكلــ...


تقبلي مروريهـ الولايات البدويه

[Bedwien Heart]

السلام عليكم ورحمة الله وبركاته ,,

امم قريت ردود الاعضاء حد كان بيين مؤيد للزواج من ابناء العمومه وحد بدى الغريب ,,

الشائع بييننا انه القريب اولى من الغريب .. في فكر الاهالي دامهم رابين معاكم وتعرفون اطباعهم

يوزوهم واللي فيه الخير بيصير ! .. ومن الناحيه العلميه زواج الاقارب هو اللي يولد من بعده

امراض تسكر الدم وامراض اخرى شائعه لا تجول في بالي .. واذا نظرنا من الناحيه الدينيه

لقول الرسول صلى الله عليه وسلم بما معناه انهم يزوجون الابناء من الغرباء .. ولو رجعنا

لقول النبي صلى الله عليه وسلم للتمسنا منه نتايج كثيره ومنها الامراض والمشاكل والخ ..

فيه رد من الردود ذاكرين انه لو خذت ولد عمها وحصلت بينهم مشاكل مابيطلقها ! من قال ؟؟

لو تلاحظون الحينه اغلب اللي مطلقين القرايب والسبب من الاهل او من الشاب نفسه او من

الحرمه نفسها ويترتب على هذا كله انه المشاكل بتزيد اكثر واكثر بين الاهل ..

وهذا رايي والسموحه منكم ..

[محروم الهـير]

أحب أرد على كلام زعيمة الهير

أنتي تقولين أذا شاف عليه غلط بيفظحني ...

وأنتي ليش تسوين الغلط ؟ أكيد محد يرضى حرمته تسوي غلط ؟بس مستحيل يفضح حرمته


وتقلبي مروري

[لتب الظبابي]

مممممممممم انا اؤيد الزواج الغريب

ع قولتهم سيـــــر بعــــيد وخلك سالم...


وتقبلووو مروريه....

[بٍنٍـٍ اٍلٍعٍوٍاٍمٍرٍ ٍـٍتٍ]

اممممممممم موضوع مافيه حيله صراحة وحلو وأيد

بصراحة أنا أبغي الريال لي يشحمني ويحترمني سوا كان ولد عمي ولا غريب عني
وهو يبغي مني بعد هذا أشي والمشاكل ترى مالها لازم بين الطرفين أحلى شي التفاهم والريال قدام ما يعرس يفكر أنه أذا خذ تقرب له يحترمها ويقدرها وحتى لو كانت غريبة نفس أشي بس في أشياء وأيده ترى الكل ما يعرفها

يمكن يأخذ وحده تقرب له ولا يسوي لها سالفة بس بتلقاء واحد يقولها رمسه حلوه وجيه هي بتصدقه وبن عمها مايدري بهاااااا وعايش في الأمان بس المفروض الريال يحافظ ع حرمته وولايخليها تفكر تشوف غيره

لنه وأيد من الشباب يعرسون وانتو تدرون بهذا أشي وبكون صريحة وياكم يأخذ تقرب له ولا غيرها ويروح يرمس غيرها وحرمته يا حليلها لابسهاااااا اللهم آي البيت يشوف عياله ويقعد وياها ساعة وأذا رقد في البيت تراه وإذا في الدوام تراه في دوامه ويرمس وحده لايعرف أصلها من فصلها ويعيشها الحنان وإلي أخره وحرمته شي عادي بنسبه له بس فتره لها معين وتكون إنسانه عاديه أنا أقول هذا الكلام لني أعرف وأيد متزوجات من الأهل ولامسوي لها أي اعتبار

(( وأنا ماشملت الكل البعض ))

وفي ناس عايشين أحلى حياه وهم عيال عم يعني مب شرط والزواج قسمه ونصيب أول أخر شي

وفي مقوله تقولها دوم ربيعتيه الأقارب عقارب مادري شوه تعني بس يعني قالت ما فكر أخذ ولد عمي

هذا رأي لها وكل واحد له رأيه والله يسعد الجميع ويفرحهم وأهم شي أنهم يكونون أسرة سعيدة

ومشكور أخويه ويعطيك العافية ولأهنت

السموحه طولت عليكم بس قلت لي في خاطري ولي فهمته من الموضوع

تحياتي :: بنت العوامر

[الشاطرة]

الله اعلم
بس الي يكتبه الله خيررر
تستخير البنت سوا ولد عمهاا او غيره
بس ما يجبروونهاا لان ما ينجبر قلب ع قلب
لووول
يسلموووووووو

[بنـ الأجواد ـت]

السلام عليكم
حسب يا ختي بعض الناس ينجبرون انهم يتزوحون من ابن العم والمعروف انا البنت مالها شور يوم يشاور عليها عيال عمها
بس الله كريم
انا لا اؤيد الزواج من ابن والعم ولا الغريب

انا وسط
احيانا ابن العم احسن عن الغريب
واحيانا الغريب احسن عن اب العم
لكن الله كريم

تقبلي مروري البسيط
بنـ الأجواد ـت

[~ حيزفونه ~]

بسم الله الرحمن الرحيم

السلام عليكم ورحمة الله وبركاته

في هذي الدنيا كلن ياخذ نصيبة

والزواج قسمة ونصيب

لكن من رأي أنا إن البنت تاخذ ولد عمها

احسن لها مش سالفه ان ولد عمها مابطلقها لا بالعكس.

بس هذا اللي عرفناه من اهلنا ان البنت مالها غير ولد عمها ؟؟!!

واللي يقوول ان ولد العم مايسوي سالفه لبنت عمه لا بالعكس

كل بنت مهما كانت قرابتها لريلها هييه اللي تسوي لعمرها قدر ومكانه عنده

والحرمة اللي تحشم عمرها والبيت اللي فيه

تراها بتحصل القدر والحشيمه في المقابله

وخلوو (( دهنا في مكبتنا ))

والحياة قسمة ونصييب

السمووحه تفلسفت واايد عليييكم

تقبلو مرروري وأيي ^^

[هد اللعب]

انــآ افضل زواج الغريب

لانه احس ولد العم نفس خويه .. ناخذ ونعطي عندهم

لو اننا مانشوفهم دوم عيال عمي هم ويييين واحنا وين يعني في الـ 3 مرتين

بس بعد احس غييييييييير ..

اناا عن رايي افضل الغريب

ولج الشكر ع الطرح

[【رآعيهـ النآقهـ الخقآقهـ™~]

انـــآآ اشــووف الغريب آحسن

لان الحين صآرت تأثر الحالهـ الصحيهـ بشكل كبير على عيآل العم
ومنــوو اللى بيروح فيهـآآ اخر شى >>العيــآآل<< اللى مـــآلهم ذنب
بس طبعـــآآآ كل هذآآ قسمهـ ونصيب سوآ كان ولد عمج أو غريب

خآطريهـ آرمس وآآيد بس مـيهودهـ مـآروم ـههه

وهذآآ رآيهـ =)
ويعطيج الع ـآفيهـ ع الطرررح الحلوو

[دهن عود]

الريال الطيب اللي يخاف ربه بيحشم حرمته سوا كانت قريبه ولا غريبه ...

اما عن المشاكل الاجتماعيه اللي تصير بين عيال العم (الزوجين) فسببها مش من الريال اعتقد انها من اهل الزوجين خلافات قديمه بين الاقراب تخليهم يصيرون عقارب وتنتقل من جيل لين جيل في العايله ...

وبالنسبه للمشاكل الصحيه الحمد لله نادر ما نشوفها

تسلمين ع الطرح

[الفتى المدلل]

ولا واحد شكرا

[عذبة الأطباع]

يقولون أسأل مجرب ولا تسأل طبيب....
فانا أقول وأبصم أن الوحده تأخذ غريب أحسن لها وااااااايد وبتفتك من الحشره .....

[راعية معاني]

والله انا اشووف نص البنات الغريب

ليش عاد وشووه فيه ولد العم والله ليحشم بنت عمه
ولد العم زين انج يوم تعرسين
تاخذين وااحد تعرفينه وتعرفين طبعة
وتصرفاته

ولا انج تاخذين واحد ما تعرفينه

والصرااحة احسلكن ولد عمكن

وهذا الي عندي

ومشكووره على الطرح

[الشــيوخــيه]

لآآآآآ هـــــــــذآآآ ولا ذآآآآآكـ

[يقطع الحب وسنينه]

السلام عليكم ورحمه الله وبركاته


يقولون الأقاارب عقـاارب

وما انصح بالأقارب انا وذلك لماا تفوه به بعض الأعضاء من مشاكل صحيه و.. الخ

والطلاق مب شرط يكون من الأقارب او ولد العم وغيره ..

يعني إذا كانت الزوج والزوجه عايشين حياتهم ومتفاهمين وممشيين امورهم ليش الطلاق

يعني الطلاق بيكون سببه ياا من الحرمه او الريال

وماله دخل ف الاقارب ولا غيره

[هوى اليحر]

عن نفسي قول >> ان اذا فيه علاقه بين البنت ولد عمهـآ يعني كلن بغـآ الثأني نـآآيس يعني افضله

امـآ عن سأآلفة الغريب بعد احلى احس انهم يتفـآهموون ؛؛ وغير

وتقريبـآآ الكل اخير عنده الزوآآج من الغريب


ثـآنكس ع الطرح النـآيس

تقبلي مروري الغ ـلآآآ ^_^ .. ..

[نبض دبي]

أنا رايي من راي بنت الأجواد