غرام
26-04-2008, 05:53 PM
امس بالليل وانا على وشك إني أنام اتصلتي اخت رفيجتي وهالبنت بعمر 14 سنة تكلمني وهي تبجي وتقول أنا ماحد يفهمني ولاحتى اختي ، مليت من حياتي والله اريد انتحر لو مب حرام جان انتحرت من هالوقت ,,,,و بعد ماهديتها وفهمت منها الموضوع ، عرفت ان عندها شوية مشاكل نفسية وهذا الحوار اللي دار من بيني وبينها :
البنت : أبدا مااقدر أنظم وقتي كله انترنت وتلفزيون واذا ييت على الدراسة او الكتب اضيج ومالي نفس أبدا أدرس ......
رقيقة المشاعر : شوفي حبيبتي هالمشكلة عند الكل مو بس عند بنات المدرسة حتى الكبار وبنات الجامعة اغلبهم يعانون من هالمشكلة وانا بعد فالبداية عانيت من هالشي ,,, خليني اخبرج خلطة انا جربتها ونجاحي بسببها .. شوفي الغالية قبل لاتدريس طالعي عمرج فالمراية او كوني فمكان بروحج وقولي : أنا باجر عندي امتحان واليوم لازم ادرس هالمادة، صحيح بتعب شوي وصحيح مالي نفس، لكن اكيد ومليون بالمية وانا احل الامتحان واذا كنت دارسة عدل راح اطلع من الامتحان وأنا وااايد مستانسة ومابكون خايفة أبدا للامتحان إللي بعده وبالي بيطمن وبيرتاح وبفتك من التوتر والضيج .
البنت :انا فاشلة فالدراسة
رقيقة المشاعر: شوفي الغالية لازم تقولين لنفسج .بدرس زين وهذا وعد على نفسي.... بصك على روحي الحجرة وعلى الاقل 3 ساعات وبدرس عدل ... ليش اللي ناجحين أحسن عني؟ .. طبعا لا انا مثلهم ويمكن بعد اذكى عنهم لكني شوي مهملة وعشان جيه بثبت للكل منو انا بنجاحي وبإذن الله بيشوفون منو انا واذا نجحت برتاح نفسيا وايد.
البنت : طيب انا وايد متسرعة .....رقيقة المشاعر : لازم تفكرين حبوبتي بالأول صح وتفكيرج لازم يكون عاقل وبعد التفكير فالشغلة اللي انا متسرعة فيها باعطي راي بكل صراحه وبكل وضوح والصراحه بعد مطلوبه . وراح تحسين إذا تميني على جيه إنج بديتي تعقلين شوي شوي
البنت : ماصارت عندي مشكلة إلا كبرتها وزدتها
رقيقة المشاعر : قولي لاحول ولاقوة إلأا بالله قبل لاتغامرين بأفكارج.... ودايما رددي توكلت على الله توكلت على الله فالمشكلة واحيانا رأي الواحد يكون الحل للمشكلة حتى لو كبر حجمها وحسن التصرف فيها واعرفي واتأكدي إن كل مشكلة ولازم إلها حل حتى لو طال الوقت ودامت شهور فالنهاية راح تكون إلها حل وتفكيرج لازم يكون إيجابي وإنتي شخصيا حاولي تحليل مشاكلج بروحج وإذا ماقدرتي خلي اختج العودة تدخل فيها
البنت : اعطي الناس سالفة زيادة عن اللزوم.....
رقيقة المشاعر : ماهو عيب تعطين الناس سالفه لكن حتى المعاملة مع الناس لازم تكون بحدود بين الجد والمزح وهذا طبعا ً على حسب كل شخص ومكانته الغالية فقلبج...
البنت : احيانا احس إني سخيفه ,,,,واحس البنات يضحكون علي
رقيقة المشاعر :وهذا يمكن من انج تعطين الناس سالفة وايد وانا اعتبرها طيبة قلب زيادة عن اللزوم (سذاجة) كوني عقلانية وبتنتهي هالنقطة على خير
البنت : واحيانا احس اني مزاجية ,,,,
رقيقة المشاعر :هذا ياعزيزتي الشفا فيه فالابتسامة إذا إنتي تكونين وعلى الرغم من الهموم اللي فيج والمشاكل والمصايب والآلام .دوم مبتسمة ماحد بيقول عنج مزاجية ... بس احفري الابتسامة على شفاهج ,, ارسميها والابتسامة أحلى رسمة لأنها فيها كل الالوان الوردية وسبب انجذاب الناس صوبج
البنت : حساسة وافسر الكلمة على كيفي ميت تفسير...
رقيقة المشاعر : هذي نفس نقطة انج تكبرين حجم المشاكل .... وسبب المشاكل تصيب مصائب هو التفكير السلبي الزائد فيها والحل موجود بعد فأسلوبج وعقلانيتج لأنج وعدتيني راح تكونين عقلانية التفكير من اليوم رايح .
البنت : اهتم وايد للآراء الناس....
رقيقة المشاعر :.اظن ماعندج ثقة بالنفس بالكمية المطلوبة ,,,, راي الناس لازم مايكون بالمقام الأول فحياتج لأن ياصديقتي راي الناس يدمر النفسية احيانا واحيانا سبب المشاكل وسبب الكآبة ,..... كوني واثقة من نفسج أكثر مما تكوني واثقة من آراء الناس والأساس من ثقتج فنفسج ثقتج برب العالمين وإنه سبب تنزيل السراء بأنواعه والضراء بأنواعه وراح تكون عندج القناعة فكل شي بإذن الله .
البنت : تصرفاتي احيانا ماتكون من شخصيتي لكن بس عشان أرضي اللي حاوالي ,,,,
رقيقة المشاعر: صديقتي الغالية اللي بيرضي الناس بكل شي مابيموت إلا من هالهم وهذا بيكون همة الأكبر وحتى لو جربتي بس 3 أيام انج ترضين الناس باللي يبونه راح تحسين بالكآبة الشديدة وراح تختفي شخصيتج والسعادة من روحج ... ارضي رب العالمين وارضي الوالدين وراح تكونين سعيدة والناس أكيد بترضى واللي مايبي يرضى على الشي الصح يروح يشرب من ماي البحر ...
البنت : ماعندي جرأة كافية..........
رقيقة المشاعر : انا انسانة واثقة من نفسي وبسبب ثقتي فنفسي راح أبني مستقبلي بكل نجاح لأني واثقة من قدراتي ورب العالمين مابيضيع تعبي أبدا أبدا لأني واثقة فرب العالمين ,,,, دايما رددي هالكلمات بينج وبين نفسج وشوفي النتيجة وجربيها
البنت : بعد انا خجولة وايد ,,,
رقيقة المشاعر : اغلب البنات يعانون من هالمشكلة ومب عيب الواحد يكون عنده خجل وخاصة فالبنات ياحلات الخجل فالبنات ولكن مب زايد عن اللزوم لأن هالصفة تخلي حتى اللي بحجم الذبابة ياكل حقج وياخذ أبسط حقوقج من ايدج وانتي مابتقدرين تسوين شي ,,,, الثقة فالنفس ثم الثقة فالنفس ثم الثقة فالنفس . اشتركي ففعاليات ومسابقات او روحي مثلا امسيات حتى لو ماببتكلمين لكن هذي هي البداية شوي شوي بتتعودين على الناس وبعدين هم بيطلبونج تطلعين وياهم وحتى رفيجاتج مابتحلالهم القعدة إلا بوجودج .
البنت : افكر وايد .... رقيقة المشاعر : والتفكير مو شي سلبي خاصة إذا كان هالتفكير بشي يستاهل ,,, يعني تفكرين باجر كيف بيكون امتحاني ؟ اخاف يكون صعب وعشان جيه بروح ادرسه مرة ثانية ... هذا تفكير منطقي جدا رائع ويحفز النفس لكن انج تقولين انا مب فاهمة وانا فاشلة اصلا من وانا صغيرة وانا وانا وانا ,,,, الخ
لاعزيزتي لاء والف لاء ... إذا كان اهلج يقولون عنج فاشلة وربيعاتج يقولون عنج فاشلة واللي حواليج هذا لسبب إنتي سمحتي لهم جي يحكمون عليج .
خلاص من اليوم ورايح ومن هالدقيقه راح أثبت للكل وأول واحد اللي راح اثبته إني انسانه جدا ناجحه فكل شي في حياتي هو أنا وحتى لو بتعرض لمضايقات فالبداية وحتى لو ماحد شجعني لكن فالنهاية أنا انسانة ناجحه وناجحه وناجحه وماراح أبدا حد يتجرأ من بعدها يقول عني فاشلة بعد مايشوفون نجاحي على الأقل فشغلة وراح تكون بداية جدا رائعة .
هذا الحجي اللي دار بينا وانا اتطلع للنتيجة والحمد لله البنت أول ماسكرت التلفون وهي تضحك ومستانسة واااايد وكأنها لأول مرة فحياتها تكتشف إنها تستحق أكثر من اللي عندها . ولأول مرة ومن بعد هالمحادثة اكتشفت وتأكدت إن الكلمة الطيبة أقوى سلاح لمواجهة مشاكلنا.....
ولربما احنا غافلين عن نفسنا وتأثير الكلمة الحلوة فنفوس الغير وكيف تقلب الموازين
**تم االحوار بقلم : رقيقة المشاعر**
البنت : أبدا مااقدر أنظم وقتي كله انترنت وتلفزيون واذا ييت على الدراسة او الكتب اضيج ومالي نفس أبدا أدرس ......
رقيقة المشاعر : شوفي حبيبتي هالمشكلة عند الكل مو بس عند بنات المدرسة حتى الكبار وبنات الجامعة اغلبهم يعانون من هالمشكلة وانا بعد فالبداية عانيت من هالشي ,,, خليني اخبرج خلطة انا جربتها ونجاحي بسببها .. شوفي الغالية قبل لاتدريس طالعي عمرج فالمراية او كوني فمكان بروحج وقولي : أنا باجر عندي امتحان واليوم لازم ادرس هالمادة، صحيح بتعب شوي وصحيح مالي نفس، لكن اكيد ومليون بالمية وانا احل الامتحان واذا كنت دارسة عدل راح اطلع من الامتحان وأنا وااايد مستانسة ومابكون خايفة أبدا للامتحان إللي بعده وبالي بيطمن وبيرتاح وبفتك من التوتر والضيج .
البنت :انا فاشلة فالدراسة
رقيقة المشاعر: شوفي الغالية لازم تقولين لنفسج .بدرس زين وهذا وعد على نفسي.... بصك على روحي الحجرة وعلى الاقل 3 ساعات وبدرس عدل ... ليش اللي ناجحين أحسن عني؟ .. طبعا لا انا مثلهم ويمكن بعد اذكى عنهم لكني شوي مهملة وعشان جيه بثبت للكل منو انا بنجاحي وبإذن الله بيشوفون منو انا واذا نجحت برتاح نفسيا وايد.
البنت : طيب انا وايد متسرعة .....رقيقة المشاعر : لازم تفكرين حبوبتي بالأول صح وتفكيرج لازم يكون عاقل وبعد التفكير فالشغلة اللي انا متسرعة فيها باعطي راي بكل صراحه وبكل وضوح والصراحه بعد مطلوبه . وراح تحسين إذا تميني على جيه إنج بديتي تعقلين شوي شوي
البنت : ماصارت عندي مشكلة إلا كبرتها وزدتها
رقيقة المشاعر : قولي لاحول ولاقوة إلأا بالله قبل لاتغامرين بأفكارج.... ودايما رددي توكلت على الله توكلت على الله فالمشكلة واحيانا رأي الواحد يكون الحل للمشكلة حتى لو كبر حجمها وحسن التصرف فيها واعرفي واتأكدي إن كل مشكلة ولازم إلها حل حتى لو طال الوقت ودامت شهور فالنهاية راح تكون إلها حل وتفكيرج لازم يكون إيجابي وإنتي شخصيا حاولي تحليل مشاكلج بروحج وإذا ماقدرتي خلي اختج العودة تدخل فيها
البنت : اعطي الناس سالفة زيادة عن اللزوم.....
رقيقة المشاعر : ماهو عيب تعطين الناس سالفه لكن حتى المعاملة مع الناس لازم تكون بحدود بين الجد والمزح وهذا طبعا ً على حسب كل شخص ومكانته الغالية فقلبج...
البنت : احيانا احس إني سخيفه ,,,,واحس البنات يضحكون علي
رقيقة المشاعر :وهذا يمكن من انج تعطين الناس سالفة وايد وانا اعتبرها طيبة قلب زيادة عن اللزوم (سذاجة) كوني عقلانية وبتنتهي هالنقطة على خير
البنت : واحيانا احس اني مزاجية ,,,,
رقيقة المشاعر :هذا ياعزيزتي الشفا فيه فالابتسامة إذا إنتي تكونين وعلى الرغم من الهموم اللي فيج والمشاكل والمصايب والآلام .دوم مبتسمة ماحد بيقول عنج مزاجية ... بس احفري الابتسامة على شفاهج ,, ارسميها والابتسامة أحلى رسمة لأنها فيها كل الالوان الوردية وسبب انجذاب الناس صوبج
البنت : حساسة وافسر الكلمة على كيفي ميت تفسير...
رقيقة المشاعر : هذي نفس نقطة انج تكبرين حجم المشاكل .... وسبب المشاكل تصيب مصائب هو التفكير السلبي الزائد فيها والحل موجود بعد فأسلوبج وعقلانيتج لأنج وعدتيني راح تكونين عقلانية التفكير من اليوم رايح .
البنت : اهتم وايد للآراء الناس....
رقيقة المشاعر :.اظن ماعندج ثقة بالنفس بالكمية المطلوبة ,,,, راي الناس لازم مايكون بالمقام الأول فحياتج لأن ياصديقتي راي الناس يدمر النفسية احيانا واحيانا سبب المشاكل وسبب الكآبة ,..... كوني واثقة من نفسج أكثر مما تكوني واثقة من آراء الناس والأساس من ثقتج فنفسج ثقتج برب العالمين وإنه سبب تنزيل السراء بأنواعه والضراء بأنواعه وراح تكون عندج القناعة فكل شي بإذن الله .
البنت : تصرفاتي احيانا ماتكون من شخصيتي لكن بس عشان أرضي اللي حاوالي ,,,,
رقيقة المشاعر: صديقتي الغالية اللي بيرضي الناس بكل شي مابيموت إلا من هالهم وهذا بيكون همة الأكبر وحتى لو جربتي بس 3 أيام انج ترضين الناس باللي يبونه راح تحسين بالكآبة الشديدة وراح تختفي شخصيتج والسعادة من روحج ... ارضي رب العالمين وارضي الوالدين وراح تكونين سعيدة والناس أكيد بترضى واللي مايبي يرضى على الشي الصح يروح يشرب من ماي البحر ...
البنت : ماعندي جرأة كافية..........
رقيقة المشاعر : انا انسانة واثقة من نفسي وبسبب ثقتي فنفسي راح أبني مستقبلي بكل نجاح لأني واثقة من قدراتي ورب العالمين مابيضيع تعبي أبدا أبدا لأني واثقة فرب العالمين ,,,, دايما رددي هالكلمات بينج وبين نفسج وشوفي النتيجة وجربيها
البنت : بعد انا خجولة وايد ,,,
رقيقة المشاعر : اغلب البنات يعانون من هالمشكلة ومب عيب الواحد يكون عنده خجل وخاصة فالبنات ياحلات الخجل فالبنات ولكن مب زايد عن اللزوم لأن هالصفة تخلي حتى اللي بحجم الذبابة ياكل حقج وياخذ أبسط حقوقج من ايدج وانتي مابتقدرين تسوين شي ,,,, الثقة فالنفس ثم الثقة فالنفس ثم الثقة فالنفس . اشتركي ففعاليات ومسابقات او روحي مثلا امسيات حتى لو ماببتكلمين لكن هذي هي البداية شوي شوي بتتعودين على الناس وبعدين هم بيطلبونج تطلعين وياهم وحتى رفيجاتج مابتحلالهم القعدة إلا بوجودج .
البنت : افكر وايد .... رقيقة المشاعر : والتفكير مو شي سلبي خاصة إذا كان هالتفكير بشي يستاهل ,,, يعني تفكرين باجر كيف بيكون امتحاني ؟ اخاف يكون صعب وعشان جيه بروح ادرسه مرة ثانية ... هذا تفكير منطقي جدا رائع ويحفز النفس لكن انج تقولين انا مب فاهمة وانا فاشلة اصلا من وانا صغيرة وانا وانا وانا ,,,, الخ
لاعزيزتي لاء والف لاء ... إذا كان اهلج يقولون عنج فاشلة وربيعاتج يقولون عنج فاشلة واللي حواليج هذا لسبب إنتي سمحتي لهم جي يحكمون عليج .
خلاص من اليوم ورايح ومن هالدقيقه راح أثبت للكل وأول واحد اللي راح اثبته إني انسانه جدا ناجحه فكل شي في حياتي هو أنا وحتى لو بتعرض لمضايقات فالبداية وحتى لو ماحد شجعني لكن فالنهاية أنا انسانة ناجحه وناجحه وناجحه وماراح أبدا حد يتجرأ من بعدها يقول عني فاشلة بعد مايشوفون نجاحي على الأقل فشغلة وراح تكون بداية جدا رائعة .
هذا الحجي اللي دار بينا وانا اتطلع للنتيجة والحمد لله البنت أول ماسكرت التلفون وهي تضحك ومستانسة واااايد وكأنها لأول مرة فحياتها تكتشف إنها تستحق أكثر من اللي عندها . ولأول مرة ومن بعد هالمحادثة اكتشفت وتأكدت إن الكلمة الطيبة أقوى سلاح لمواجهة مشاكلنا.....
ولربما احنا غافلين عن نفسنا وتأثير الكلمة الحلوة فنفوس الغير وكيف تقلب الموازين
**تم االحوار بقلم : رقيقة المشاعر**