قصيدة مهداة للشيخ محمد بن زايد ربي يحفظه

[ابن ترابك يا فلسطين]

قصيدة كتبها الشاعر محمد بن مريبد العازمي

في سمو الشيخ محمد بن زايد ال نهيان





يابو خلف بلغ سلامـي كحيـلان
معك امانـه وانـت قـد الامانـه
ماللحمـول الا مناكـب بليـهـان
اللي جمال الحمـل تبـرك وزانـه
قل لبو خالد منبر العـز والشـان
الله يرفـع عنـد مـولاه شـانـه
بضيافتـه ماكـن حنـا بضيفـان
كنـا عيـال الشيـخ والا اخوانـه
بحر الكرم نهر العطاء ذرب الايمان
عون الضعيف اللي غدربه زمانـه
يجيه له مديـون ويـروح ديـان
دايم لفعـل الخيـر يشـر بنانـه
ابو اليتامى مشبعـا كـل جيعـان
حتى كلامه فيـه لطـف وليانـه
مني لبو خالـد محبـه وعرفـان
شيخا له نفوس النشامـى مدانـه
قلـه محمـد راح منـي مسيـان
ويبلغـك شكـره وجـل امتنانـه
لاهو بمتضايق ولاهـو بخسـران
حرٍ مع المركاض صـف اربعانـه
هنا جمع له عقد لولـو ومرجـان
واهدى لجمهوره من الشعر دانـه
وهنا كسب رفقة معازيب واخـوان
وصارت على ماقيل طيب وميانـه
نعم طمرت وطمرتي طمرت حصان
ماقصرت عـوج الايـادي عنانـه
صفق لي الجمهور في كل ميـدان
رغم اختـلاف الذائقـه والديانـه
والفضل للي كون الانس والجـان
والفضل بعـد الله لـراع المكانـه
اليا عبر طاريه في بعض الاحيـان
اقول مابـه مـن يحـل بمكانـه