ليه شروط البنت والولد قبل الزواج تافهه وسخيفه يستحق..( النقاش)

[السفاحة تفاحة]

نلاحظ وللأسف شروط الصراحه بايخه سواء من الولد ولا البنت
اجيبلكم مثلا
( 1)الولد يشترط شبيهة هيفاء وهبي !!
( 2) ويشترط عيون نانسي عجرم !!
(3) ويشترط شفايف اليسا!!
(4) ويشترط تكون بيضاء ، شعرها ناعم ، وصوتهايذوب !!
خير ان شاء الله البنت مواصفات سيارة واحنا ماندري ..اولا مافي احد كامل ياشباب ..واذا جينا لشروط البنت والله ارحم من شروط الولد بس فيه اشياء سخيفه مثلا:

(1) غـــني !!ولا وتتشرط يكون موظف مرموق وراتبه مايقل عن 7الاف ريال
ولا مو موافقه ..

(2) ولا تشترط يكون رومانسي 24 ساعه دايم يقولها يابعد عمري وياروحي وياقلبي هذا شي مستحيل 24 ساعه لمدى الحياة النفسيات تعرفونها متقلبه ماتثبت على شي معين ..

(3) وتشترط انه مايدخن اذا كان يدخن لا ماابغاه !! طبعا انتي اذا تزوجتيه تقدرين تغيرينه بشويش والله الهادي ..

(4) ولا تكون بجد سخيفه سيارته ايش نوعهاددسن غمارتين ولا فورد موديل 2000 لاماابغاه !! انا اركب ددسن مستحيل ولا انا اركب هالسياره!! انتي تتزوجينه ولا تتزوجين سيارته...ســــؤالي يقووووووول لـــيه الشروط هذي بالذات موجوده بكثره مع العلم ماكان موجود سابقا؟؟؟!

ارجو منكم ان تتقبلوون موضوعي بـــرحابه صدر بدون اي تعصـــب
وراح اكون شاكره للي يردووون

تقبلو تحياتي

[Bedwien Heart]

اسمحي لي لكن هاذي الشروط مش في مجتمع دولة الامارات ,,

[غــــموض]

شــكراً سفاحه تفاحه

انا بـــصراحه ماجوف هذي الشـــروط
وإذا بتـــكون موجوده اعتقد انها نادره

تحـياتي لـــج

[الولايات المتحده البدويه]

الشيخه الصراااحه انا عيالنا عرسووو ماجدو طلب هالشروووط .... احس الدول الثانيه يطبقون هالشي هب عندنااا

والسمووووحه منج

[رحــــــاله]

اهنيه عجب العجاب ..

أنا ما كد سمعت بهالشروط الخطيرة ..

بس فهمت المغزى :)

شوفي ، المظهر شي مهم إنه الواحد يعرفه عن إلي بيشاركه في حياته و هذا أولويات البعض ..

و يبقى الإنسان بأخلاقه و دينه ... مادري شو بيفيدهم الجمال في هالدنيا .. ماحيده إلا دليل مظهر و لا له علاقة تخص علم و لا شهادة ولا حتى دين ..

الله يعقل هالناس و يهديهم

شكراً السفاحة ، شاكره لج تفاعلج في قشم النقاش *_^ لا تحرمينا منه ..

[كيفي بدوية]

بس هذي الشروط مب في دولة الامارات

وتسلم يمناج غناتي

[وزيرة بني كعبـ]

اكيــــد بنتقبل الموضووع بصدر رحب وبدوون تعصب لان نحن فقسم الحواار بعيداا عن التعصب

اعتقــــد ان هذه الشرووط موجووده بس ناادره
واللهـ يهدي الجميع << جاان هذي شرووط البنت بيطفر الريااال
الله يعيناا

يعطيـــــــج العافيه سفااحه ع الطرح

[عشقي قصيدك]

يعطيج العافيه ..

ههههههههه صرااحه شروط مالهاا معنى .. ولوسمعت ولد ولا بنت تقول جيه كف ع ويهاا شووه هااا شروط عزالله عيالناا وبناتنا عنسووو إن كاان جيه الشروط ..

تشكرين ع الطرح :11:

[فديت ماماتي]

ههههههههههـ الا موجوودهـ في الامارات

يوم الرياال اي لمهـ (امي اباهاا بيضاا وشعرهاا طوويل وضعييفهـ وشعرها اسوود مادري احمر هههههههـ)>>ماايهتم عنده اذا محترمهـ عادي بيصلبها عقب العررس

والبنت يوم امهاا تشاورهاا ( همممم امي شوو سياارتهـ انزيين هووه حلوو ولا حليوو انزيين قصيير ولا طوويل امي انا مابااهـ سوييد اباهـ ابيض ) ههههههههههههههههههههههههههههههههـ والله واايد من بناتناا جييهـ يرمسن والله مااغلطت موجووده هرمسه في مجتمعناا ..


ويسلمو على الطرح

تقبلي مروري

[يقطع الحب وسنينه]

يعطيج العافيهـ ع هالموضوع

طبيعي ومثل ما قال الأخ .. ان الواحد يهتمـ ف جمال ومعرفه مظهر اللتي سوف تصبح شريكه حياتهـ

ف المستقبل طبعا ً .. بس هالشروط مبالغ فيهـا طبعا ..

يمكن كتب الموضوع بهذه الطريقهـ .. حتى تبين لنا راعية الموضوع كم اصبح الاهتمام بالمظهر مهم جدا

سوا كان لدى الشاب ام الفتاه .. << مجرد تبريـر

دمتِ بود وفي انتظار ما هو جديد

[بنوته جتبيه]

لا تعليق






ماعندهن سالفه لو عيال الامارات جي

بس نحن نعرف عمارنا عدل مانتشرط هالشروط البايخه


سوري اذا كلامي يغثكم

بس هذا منتدى النقاش

وهذا راييه

[محروم الهـير]

بصراحه هذا الشيء الحملله مب موجود في الأمارات


ومن حق البنت أنها ترفض الريال أذا مايشتغل لأنها تأمن مستقبلها


وتقبلو مروري

[السفاحة تفاحة]

مشكووووووووووووووووووورين ع التفاعل

بصراحة كل الخليج عندها هالشي يمكن مثل ما قالت الأخت يقطع الحب وسنينه بالغت غ كتابة الشرووووووووط

كان ودي أرس هالفكرة قل أرد ع أي حد رد شافي إن المجتمع الحين يهتمووووووو ف المظهر

وانا مع راي محرووووووم الهير البنت من حقها تأمن مستقبلها بس هذا مو هو محور الموضوع!!!!

السموووووووووووووووووووووووووووووووووووووووحة

[دهن عود]

الله يعين عيل هبابهن البنيات يسون عمليات تجميل عاد من زينهن عيون نانسي عجرم عليه رفجه انكم لو شفتوا نانسي ع الطبيعه تقولون انها مب هي اللي ع الشاشه

اما عن شروط البنات ::

تروم البنت تفج حلجها وتتشرط جدام اهلها ( يالله بالستر) صدق انهم اللي ختشوا ماتوا يعينا الرب بعونته

[رَحِيْلُ الْودّ]

لان النفس البشرية جبلت عل حب الجمال وهذي هي الفطرة !

ربما هذة التشبيهات غير موجودة ( لانها سرية) وليست جهرية !

هم لا يرفضون ولكن يتوقون لأن يكون الطرف الثاني جميل >>>>بغض النظر عن الشخصيات المذكورة !

ليس اشتراط بقدر ماهو رغبة فقط !

تحياتي وشكري لصاحبة الموضوع