مشاهدة النسخة كاملة : هوى الغربي
حمد الكعبي
17-04-2008, 08:58 PM
السلام عليكم ورحمة الله وبركاته
يسعدني تسجيلي في هالموقع اللي يحمل اسم دار فيها الاخو والعم والخال والنسيب والشفوف كلها ...
ولي شجعني اكثر وجود اسامي شعراء لها الروز الكبير في صدري
واسموحو لي بأول مشاركه عسى انها تنال على اعجابكم ....
إذا يابت هوى الغربـى علومـك
تبش النفس من عقـب ابتعـادك
عقب ما رحت وارخصت بلزومك
نسيت اتشـل يـا خلـي فـوادك
تركته بين لـي دارو خصومـك
ولي حثو مسيـرك فـي عنـادك
سمعت الهـم ولا قيّلـت يومـك
وقدت اركابـك امحمـل عتـادك
افااااا ياللي سهر طرفي يحومـك
يلين الصبح ما يوّعـي رقـادك
تسوم اللي ابد ما طـاع سومـك
وترخص بالـذي شاركـكْ زادك
وافااااااا والله مب هذي سلومـك
وسمع الهزر مـا هـو بعتيـادك
ولكن يـا حبيبـي مـا ألومـك
زقرت ، ولا كثير الزقـر فـادك
ما دام اليوم خرت بك عزومـك
برايك دام عـذل الحـب قـادك
ما دام اقفيـت بتقصـى علومـك
يميله مـن فـوادي فـي فـوادك
وسوالم
فتى الوقن
17-04-2008, 09:13 PM
تسوم اللي ابد ما طـاع سومـك
وترخص بالـذي شاركـكْ زادك
في ذي البيت ابدعت خوي بوشهاب
وقصيده ترتقي بنا الى عنان السماء لكي نعانق النجوم من خلال الكلمات السهله واللفاظ التي حبكتها حبكت شاطر
لكي نغير من المعتاد
في النهايه نرحب بك في منتداك ومنتدى كل الشعراء اللي مثلك
اتمنى ان تفيد وتستفيد من الاعضاء في المنتدى
خوك فتى الوقن
Noona
17-04-2008, 09:23 PM
يميله مـن فـوادي فـي فـوادك
صح لسانك
مافيك حيله
ووووووووو شو
و كل شي حلو موجود فالقصيدة
هوى اليحر
17-04-2008, 09:33 PM
ما دام اليوم خرت بك عزومـك
برايك دام عـذل الحـب قـادك
اشكرك ؛؛ وصح لسـآنك ؛؛ كلمـآت في قمة الروعه ؛؛ مـآفيك حيله
يعطيك مليووووووون الف عـآآفيه
ونرحبك في المنتدى نورته بالقصيدة الطرررررررررررررررر
تقبل مروري .. .. ^_^
الشاعر إليازي
17-04-2008, 09:48 PM
ولكن يـا حبيبـي مـا ألومـك
زقرت ، ولا كثير الزقـر فـادك
حمد الكعبي
صح لسانك ملايين يا خوي
قصيده قمه فالإبداع
ونتشرف بتواجدك ويانا ,,, وننتظر منك اليديد
Bedwien Heart
17-04-2008, 11:28 PM
وعليك السلام ورحمة الله وبركاته ,,
مرحبابك اخويه الشاعر حمد الكعبي في المنتدى
واسعدني بصراحه دخولك القوي والمفاجئ لنا ^_^
والقصيده بالفعل رائعه احسنت الاختيار في كلامك .. وماشاء الله بنلاقي منافسه قويه
بين شعراء المنتدى =)
صح لسانك ولا هان منطوقك
وننتظر منك قصايد يديده مكتوبه وصوتيه ^^
المطلعي
18-04-2008, 12:09 AM
حمد الكعبي , يا حيا بك الشاعر
وصح لسانك بالملاييين , اشتراكك فخر لنا كلنا
نورتنا , و لا تحرمنا من نورك
عبدالله بن نعمان الكعبي
18-04-2008, 12:23 AM
ما دام اليوم خرت بك عزومـك
برايك دام عـذل الحـب قـادك
ما دام اقفيـت بتقصـى علومـك
يميله مـن فـوادي فـي فـوادك
تسلم يا بو شهاب على هذي القصيده الجميله وصح لساانك ولا هنت
ابيات لها قيمتها الشعريه
جميل هذا المنتدا والذي قاام يستقطب شعاااار لهم وزنهم الشعري الكبير بمن عو مثلك وشرواك
بيض الله ويهك
الى الامام
تحياتي
غــــموض
18-04-2008, 03:06 AM
ما دام اليوم خرت بك عزومـك
برايك دام عـذل الحـب قـادك
صـــح السانك يا الكعــبي على الابيات الرائــعه
ومـــرحبابك فمنتدانا
وفي انتظار مشاركاتك
مقلوع الهير
18-04-2008, 03:59 AM
ماشاءالله كعبي
كل بني كعب شعرااا ويش ذي السر بينا نعرفه
الي يعرفه يخبرني
مشكور الغالي تقبل مروري
راعي المنطوق
18-04-2008, 10:29 AM
يا مرحبا بـك يا الغالي
و يا حي الله من يانا
القصيد ع مستوى والله
أبدعت و زود
و يا صح لسااااانك
والله يحفظك ويبقيك
حمد الكعبي
19-04-2008, 05:32 AM
اخواني واخواتي الكرام
اقدم لكم جزيل الشكر على هذه الردود اللي اضفت النور على القصيده وصاحبها
واشكر لكم ترحيبكم الحار بوجود بينكم انتم اخواني واخواتي
وصح الله بدونكم جميع
وترقبوا جديد حمد الكعبي
اخوكم
حمد الكعبي
الولايات المتحده البدويه
19-04-2008, 11:25 AM
صح الله الساانك الشاعر
ومرحبااابك مليووون
حمد الكعبي
19-04-2008, 01:05 PM
الولايات المتحده البدويه
تشرفت بمرور الجكومه بكبرها ع قصيدتي المتواضعه
صح بدنج ملاييين
اخوج
حمد الكعبي
الخيل
20-04-2008, 07:21 PM
حمد
مرحبا الساع بك شاعر نفتخر بحضوره بقسمنا المتواضع
وصح الله لسانك على هالنظم البطران
وربي يوفقك ونشوف مواضيعك تتألق بقسم الشعر
لان حضورك غنيمة لقسم الشعر
الخيل
حمد الكعبي
22-04-2008, 08:50 AM
الخيل
مرحب باقي يالشاعره وما عليج زود
وصح الله بدنج وربي يوفقج ويوفق كل المسلمين يا رب
وابشري بكل يديد ان شاء الله
جريح الحب
22-04-2008, 04:35 PM
صح لسانك يالشاعر
ابيات قمة لاهنت عليها
احترامي
جريح الحب
سهم المحبة
23-04-2008, 08:07 AM
صح السااااانك ياااا الشاااعر وربي لا هااانك ان شاااااء الله..
أختك:سهم المحبة..
يقطع الحب وسنينه
23-04-2008, 12:13 PM
تسوم اللي ابد ما طـاع سومـك
وترخص بالـذي شاركـكْ زادك
صح للسانك .. ابدعت يالشـاعـر
في انتظـار جديدك
تقبـل مــروري .!
حمد الكعبي
23-04-2008, 09:12 PM
جريح الحب
صح بدنك اخوي وتسلم ع المرور
سهم المحبه
صح بدنج ولا هنتي ع المرور الطيب
وما عليج زود اختي
يقطع الحب وسنينه
صح بدنك يا خوي وتسلم ع المرور
اخوكم
حمد الكعبي
الشاعره!
24-04-2008, 01:48 PM
صح السانك يالكعبي ،، قصيده تعزف على اوتار القلب بخفّه،،
اهنيك على جمال النص وو اهنيك اكثر على انسيابيته ،،
حمد الكعبي
26-04-2008, 08:52 PM
شاعره !
صح بدنج وما عليج زود اختي
تسلمين ع المرور الطيب
حمد
عجبتني كتاباتك وهالقصيدة كأني لمحت فيها حزن وعشت مع أبياتها
تسلم يالطيب على طرحك الحلو ونتمنى منك المزيد
ولاتحرمنا من شعرك الغاوي
كون بخير
Powered by vBulletin® Version 4.2.3 Copyright © 2025 vBulletin Solutions, Inc. All rights reserved