*!i!*مجنونة عيونك*!i!*
13-04-2008, 02:40 PM
السلام عليكم أخواني وأخواتي...
شحالكم؟؟ عساكم طيبين؟؟ :11:
الصراحه وايد تولهت عليكم وعالمنتدى :14: وصارلي فتره ما أدخله بس تعرفون ظروف الحياة، تمنع الناس من أشياء وايده، بس الحمدلله الحين رديتلكم بصحه وعافية وأحسن عن قبل وحبيت أشاركم الظرف إلي استوالي وأباكم تتعلمون منه وتاخدونه عبره فحياتكم... ولو لا حبي لكم وخوفي عليكم ما كنت بقولكم الموضوع بس دخيلكم تعلموا منه... :10:
في تاريخ 12-12-2007 كنت في مدينة العين عند أهل أبويه وكان عنديه في اليوم الثاني إمتحان نص السنه فقلتهم "أنا برد دبي عسب الإمتحان" قالولي "لا لأنج تعبانه وفيج رقاد فارقدي هني" وشلوا عنيه مفتاح سيارتيه وقالوالي "سيري ارقدي باكر ردي دبي وقولي حق مديرة المدرسة إنج سويتي حادث بسيط وتأخرت الشرطة لين ما يت مكان الحادث وما رمتي تسيرين الإمتحان لأنج تأخرتي وبعيدونه لج لأنه عندج ظرف" وساروا يرقدون بس أنا ما دشت الفكرة عقليه... المهم في الليل وهم رقود شليت المفتاح وشردت الساعه 4:00 الفجر عسب ألحق أرد دبي وأشل أختيه الصغيرة ونسير المدرسة نسوي الإمتحانات...
الصراحة كنت وايد تعبانه وفينيه رقاد وكنت بروحيه قابضه الخط وكل شويه أغفي وأوعي عمريه... المهم يوم وصلت صوب الفقع رقدت وأنا هب حاسه... وعقب مادري وش إستوى نشيت من الرقاد ولا أنا في المستشفى فخفت وصارخت لين ما دشوا عليه الممرضات والدختر المناوب وقالوليه إني سويت حادث سيارة خطير من شهرين وكنت فغيبوبة طول فالفتره، ويوم سألت الدختر ليش ما أروم أتحرك قالي أنه فقرات عامودي الفقري متكسره وسألته وش بعد متأذي فينيه قالي أنه يتنيه ضربه في الراس فقدتنيه الذاكرة وأفقدتنيه الوعي وإنقطع تنفسي فتنفست صناعي لمدة شهر وعنديه عصب منطر في إيديه اليسار فما أروم أتحكم فيها مره وقالي الدختر أنه لو الإسعاف تأخر نص ساعة عن المستشفى شان يانيه شلل نصفي (يعني ريولي تنشل) لأن الفقرات إلي إنكسرت تتحكم في الريول بس الحمدلله وصلت المستشفى بسرعة وعالجونيه بسرعة والحمدلله مايانيه الشلل... المهم بعد ماطلع الدختر والممرضات من الغرفة تميت أصيح وما كنت أدري إنيه بسوي حادث بس سبحان الله قضاء وقدر...
المهم اليوم الثاني أبويه وأمايه حدروا عنديه المستشفى وأول شي ما عرفتهم بس عقب ذكرونيه من أنا ومن هم، فتذكرت ويوم سألونيه "حسيتي في الحادث؟" قلتلهم "لا أنا آخر شي أتذكره شفت لافته مكتوب عليها دبي وند الشبا وعقب نشيت وحصلت عمريه في المستشفى" وأنا على باليه رقدت بس يوم، أثاريه كنت فغيبوبة شهرين... :3:
المهم بعد ما قمت من الغيبوبة تميت أسبوع في المستشفى وعقب ظهرت من المستشفى وردونيه البيت... طبعاً ما كنت أقدر أمشي وكنت كله على كرسي متحرك... وبعد بأسبوع سرنا مركز الشرطة عسب ياخذون أقوالي ويعطوني أغراضي إلي حصلوها... ويوم سألت الشرطة "كيف استوى الحادث؟" قالوليه إني كنت مسرعه ودعمت عامود الكهرباء وجلعته من مكانه (طعباً فهذا الوقت كنت راقده) وانجلبت السيارة 8 جلبات على الشارع الثاني وقال الشرطي أنه كملوا 4 ساعات لين ما ظهرونيه من السيارة وقال إني كنت واعيه وأصارخ بس أنا طبعاً ما أذكر وقال "قلت حق ربعيه الشرطة هاذي البنت بتوصل المستشفى ميته لأنه إصاباتها وايد خطيرة"... بس الحمدلله عشت والله سبحانه وتعالى كتبليه عمر يديد... :1:
المهم حبيت أقولكم شي... حنا كلنا شباب صغار وما شفنا الدنيا عدل والدنيا تعلمنا من تجاربنا وأنا تعلمت من هذه التجربة وحبيت أقولكم وش تعلمت عسب تستفيدون منيه وما توقعون في الخطأ... :mad:
1- تعلمت أن السرعة تؤدي إلي الهلاك والموت.
2- تعلمت أنه لا يمكن للمرأ أن يسوق السيارة وهو تعبان.
3- تعلمت أنه علينا أن نسمع كلام الأهل دائماً.
4- تعلمت أنه لم ينقهر علي أحد أكثر من أهليه وبالذات أمايه.
5- تعلمت من هن صديقاتيه من غيرهن.
6- تعلمت أن الله تعالى يحمي الإنسان إذا كان مطيعاً وبعيداً عن المعاصي.
7- وتعلمت أن أذكر إسم الله دائماً أثناء ركوبي السيارة والنزول منها.
فأتمنى إنكم تتعلمون منيه... وأنا الحمدلله بخير الحين وأروم أمشي وأتحرك والفضل كله يعود لله تعالى ومن دعاء الأهل الله يحفظهم ومن الناس لأن أهليه كانوا في الحج وقت الحادث، فدعاء الناس كله مستجيب ومن ثم المستشفى (مستشفى راشد - مركز العناية والإصابات الجديد - دبي)... :United_Arab_Emirate
وبحط لكم فيديو عن السياره في الحجز وأنتوا أحكموا أنه في حد يقدر يطلع منها بخير ولا ميت!!!!
وهذا فيديو السيارة:-
http://www.4shared.com/file/40659696...ified=7d7552a6
والسموحه منكم والسموحه من الأعضاء إلي طرشوليه رسائل يسألون عن غيابي بس هذا إلي استوابي... وتقبلوا مني فائق الإحترام:redface:
شحالكم؟؟ عساكم طيبين؟؟ :11:
الصراحه وايد تولهت عليكم وعالمنتدى :14: وصارلي فتره ما أدخله بس تعرفون ظروف الحياة، تمنع الناس من أشياء وايده، بس الحمدلله الحين رديتلكم بصحه وعافية وأحسن عن قبل وحبيت أشاركم الظرف إلي استوالي وأباكم تتعلمون منه وتاخدونه عبره فحياتكم... ولو لا حبي لكم وخوفي عليكم ما كنت بقولكم الموضوع بس دخيلكم تعلموا منه... :10:
في تاريخ 12-12-2007 كنت في مدينة العين عند أهل أبويه وكان عنديه في اليوم الثاني إمتحان نص السنه فقلتهم "أنا برد دبي عسب الإمتحان" قالولي "لا لأنج تعبانه وفيج رقاد فارقدي هني" وشلوا عنيه مفتاح سيارتيه وقالوالي "سيري ارقدي باكر ردي دبي وقولي حق مديرة المدرسة إنج سويتي حادث بسيط وتأخرت الشرطة لين ما يت مكان الحادث وما رمتي تسيرين الإمتحان لأنج تأخرتي وبعيدونه لج لأنه عندج ظرف" وساروا يرقدون بس أنا ما دشت الفكرة عقليه... المهم في الليل وهم رقود شليت المفتاح وشردت الساعه 4:00 الفجر عسب ألحق أرد دبي وأشل أختيه الصغيرة ونسير المدرسة نسوي الإمتحانات...
الصراحة كنت وايد تعبانه وفينيه رقاد وكنت بروحيه قابضه الخط وكل شويه أغفي وأوعي عمريه... المهم يوم وصلت صوب الفقع رقدت وأنا هب حاسه... وعقب مادري وش إستوى نشيت من الرقاد ولا أنا في المستشفى فخفت وصارخت لين ما دشوا عليه الممرضات والدختر المناوب وقالوليه إني سويت حادث سيارة خطير من شهرين وكنت فغيبوبة طول فالفتره، ويوم سألت الدختر ليش ما أروم أتحرك قالي أنه فقرات عامودي الفقري متكسره وسألته وش بعد متأذي فينيه قالي أنه يتنيه ضربه في الراس فقدتنيه الذاكرة وأفقدتنيه الوعي وإنقطع تنفسي فتنفست صناعي لمدة شهر وعنديه عصب منطر في إيديه اليسار فما أروم أتحكم فيها مره وقالي الدختر أنه لو الإسعاف تأخر نص ساعة عن المستشفى شان يانيه شلل نصفي (يعني ريولي تنشل) لأن الفقرات إلي إنكسرت تتحكم في الريول بس الحمدلله وصلت المستشفى بسرعة وعالجونيه بسرعة والحمدلله مايانيه الشلل... المهم بعد ماطلع الدختر والممرضات من الغرفة تميت أصيح وما كنت أدري إنيه بسوي حادث بس سبحان الله قضاء وقدر...
المهم اليوم الثاني أبويه وأمايه حدروا عنديه المستشفى وأول شي ما عرفتهم بس عقب ذكرونيه من أنا ومن هم، فتذكرت ويوم سألونيه "حسيتي في الحادث؟" قلتلهم "لا أنا آخر شي أتذكره شفت لافته مكتوب عليها دبي وند الشبا وعقب نشيت وحصلت عمريه في المستشفى" وأنا على باليه رقدت بس يوم، أثاريه كنت فغيبوبة شهرين... :3:
المهم بعد ما قمت من الغيبوبة تميت أسبوع في المستشفى وعقب ظهرت من المستشفى وردونيه البيت... طبعاً ما كنت أقدر أمشي وكنت كله على كرسي متحرك... وبعد بأسبوع سرنا مركز الشرطة عسب ياخذون أقوالي ويعطوني أغراضي إلي حصلوها... ويوم سألت الشرطة "كيف استوى الحادث؟" قالوليه إني كنت مسرعه ودعمت عامود الكهرباء وجلعته من مكانه (طعباً فهذا الوقت كنت راقده) وانجلبت السيارة 8 جلبات على الشارع الثاني وقال الشرطي أنه كملوا 4 ساعات لين ما ظهرونيه من السيارة وقال إني كنت واعيه وأصارخ بس أنا طبعاً ما أذكر وقال "قلت حق ربعيه الشرطة هاذي البنت بتوصل المستشفى ميته لأنه إصاباتها وايد خطيرة"... بس الحمدلله عشت والله سبحانه وتعالى كتبليه عمر يديد... :1:
المهم حبيت أقولكم شي... حنا كلنا شباب صغار وما شفنا الدنيا عدل والدنيا تعلمنا من تجاربنا وأنا تعلمت من هذه التجربة وحبيت أقولكم وش تعلمت عسب تستفيدون منيه وما توقعون في الخطأ... :mad:
1- تعلمت أن السرعة تؤدي إلي الهلاك والموت.
2- تعلمت أنه لا يمكن للمرأ أن يسوق السيارة وهو تعبان.
3- تعلمت أنه علينا أن نسمع كلام الأهل دائماً.
4- تعلمت أنه لم ينقهر علي أحد أكثر من أهليه وبالذات أمايه.
5- تعلمت من هن صديقاتيه من غيرهن.
6- تعلمت أن الله تعالى يحمي الإنسان إذا كان مطيعاً وبعيداً عن المعاصي.
7- وتعلمت أن أذكر إسم الله دائماً أثناء ركوبي السيارة والنزول منها.
فأتمنى إنكم تتعلمون منيه... وأنا الحمدلله بخير الحين وأروم أمشي وأتحرك والفضل كله يعود لله تعالى ومن دعاء الأهل الله يحفظهم ومن الناس لأن أهليه كانوا في الحج وقت الحادث، فدعاء الناس كله مستجيب ومن ثم المستشفى (مستشفى راشد - مركز العناية والإصابات الجديد - دبي)... :United_Arab_Emirate
وبحط لكم فيديو عن السياره في الحجز وأنتوا أحكموا أنه في حد يقدر يطلع منها بخير ولا ميت!!!!
وهذا فيديو السيارة:-
http://www.4shared.com/file/40659696...ified=7d7552a6
والسموحه منكم والسموحه من الأعضاء إلي طرشوليه رسائل يسألون عن غيابي بس هذا إلي استوابي... وتقبلوا مني فائق الإحترام:redface: