ليتك بجنبي

[المطلعي]

ليتك بجنبي البارحه بأوّل الليل
وتشوف وضعي بعد ما الروح ناحت

أحيان ألقى لقصّة الدمع تعليل
وأحيان مدري ليه الأعيان صاحت ؟!

الي أعَرْفه بيدك تصف وتشيل
أوجاع فِي فـَيّ الضلوع أستراحت

إن جيت كنّي حاكم الجدي وسهيل
وإن رحت أبسط بهجتي معك راحت

يا ألطف من النسمه وأعذب من النيل
وردتك في روض المعاليق فاحت

لك نبره أجمل من لحون المواويل
تفتح شعوري لو مع الليل باحت

لقنتني معنى الهوى بالتفاصيل
وأنهكتني لو بعض سيرتك لاحت

وعلمتني إن الشعر والمناديل
أصحاب ,, لو روحي من البعد ناحت

,
,
,

إرشيفيه بسيطه حبيت أسجل تواجدي فيها بعد الغيبه
عساها تنقبل ,, وعساكم بألف خير

[جريح الحب]

اتشرف باول رد سيدي

ابيات قمة في الروعة وتغفر لصاحبها غيابه

صح لسانك يالمطلعي لاهنت على هالابيات

تقبل مروري

جريح الحب

[Bedwien Heart]

السلام عليكم ورحمة الله وبركاته ,,


حلووو شعركـ اخويه المطلعي لو انها ارشيفيه لكنها حلوه ^^

صح لسانك ولا هان منطوقك .. ونترقب يديدك

[هوى اليحر]

صح لسـآنك طرررررررر الصرآآحه

والابيـآت واايد حلوه عيبتني


تقبل مروري البسيط ^_^

[M!$s.uAe]

صــــــــح لســــــــانك يالمطلعي ع الأبيـــــأأت الحلوووووه ..

ويعطييييييك العــــآآفيهـ ..



ولا تحرمناا من يديدك ..

[غــــموض]

صـــح السانك اخي المطــلعي

ويعطيك العافيه على الابيات الجــميله

[اللحظة الأخيرة]

شاعرنا المطلعي

ذكرى جميلة و شوق لما مضى.. هذا ما شعرت به في حروفك

صح لسانك.. دائماً متميز في طرحك

دمتَ بود :smile:

[عبدالله بن نعمان الكعبي]

المطلعي


قصاايدك ما عليهن كلاام اشهد انها قصيده وافيه من رااس وافي

صح لساانك ولا هنت

[الخيل]

المطلعي

تغيب وتعود إلينا بأرقى المشاعر وأصدقها

لا هنت ع القصيد الطيب

وابعد الله عنك الحزن والهم

وصح الله منطوقك على هالمنضومة الأدبية الرائعه

وما عليك زوووووووووود

وانا اشهد انك مبدع وبكل ما تحمله الكلمة من معنى

الخيل كانت هنا ,,,,,,

[الامبراطور]

أحيان ألقى لقصّة الدمع تعليل
وأحيان مدري ليه الأعيان صاحت ؟!



صح لسانك يا المطلعي
تستاهل لقب شاعر الهير
و عن جدااارة

كلمات جزلة ما تظهر الا من بوح شاعر جزل
لا هنــت يا الشاعر

و خالص الشكر على هذه الابيات
اخوك
الامبراطور

[الشاعره!]

من بعد غيبه ،،، عن منتدانا الغالي ،،، اعود ،،، وبدايةً اعلق على قصيدتك ،،، اقول صح الله لسانك يالمطلعي ،، شاعريتك لا تزيدها جمالاً كلمة صح لسانك ،، ولا يقلل من جمالها تساؤلي عن معنى
مابين القوسين
لك نبره أجمل من لحون المواويل
تفتح شعوري لو مع الليل (باحت)

[المطلعي]

جريح الحب , شاعر الحزن , يا هلا بك الغالي ملاييين ,, انا الي اتشرف بمرورك المبهج والروعه هي ذائقتك وقرائتك يالشاعر ,, الله لا يهيينك وعساني ما خلا من تواجدك .
,,

بيدون هيرت ,, يا مرحبا ملايين ,, شكرا على الكلام العسل هذا ,, من ذووقج ,, وما حلو الا مرورج .

,,

هوى اليحر ,, حيا الله وسهلا , صح بدنج شيختي , ولا عدمنا متابعتكم الحلوه

,,

M!$s.uAe ,, صح الله بدنج واليديد ان شاء الله دوووم عندكم دام أمثالكم يتريونه , لا عدمنا هالحضور .

,,

غموض ,, صح بدنج عضوتنا المتميزه ,, لا هنتي ,, ومن ذوقج الشيخه .

,,

عكس قانونه ,, يا الله حيه الشيخ :) اسمحولي ع الغيبه لين الحين بعدني في الخارج ما رديت البلاد , شغل وانتقالات خذتنا عنكم لكن ما نقدر نقاطعكم وايد لازم عيونكم ترجعنا :) تسلم على كلماتك المشرفه

,,

عبد الله بن نعمان الكعبي ,, مبروك ع الاشراف يالشاعر ,, عز الله انك تستاهل
والف شكر على إطراءك الطيب , بعض الناس مانهتم بتعليقاتهم , وبعض الناس الي هم أمثالك بهذي الشاعريه والجزاله , مش بس نفتخر بمرورهم الا نحطه على روسنا ونعتبره دفعه معنويه لاكمال المشوار , دمت بجمالك

,,

الخيل , يا هلا هلا هلا بالشاعره مليوووون ولا يسدن ,, لكم وحشه بمروركم وقصايدكم وتواجدكم الجميل
صح الله بدنج , وكم يسوى هذا الاطراء والتشجيع , وانتي أدرى انه دايما حضورج غير عن أي حضور
أعتز صراحه بمتابعتج بكل أمانه , ومالنا غير الشكر على تواضعج بمتابعتنا وتشجيعنا دايما
دمتي بحفظ الله وتوفيقه

,,

الامبراطور , انته بعد حطوك مشرف ؟؟ تستاااااهل :) مع اني ما اعرفك بس قريتلك قصيدة المسنجر :) والملعون الي سوالك بلوك :) وعجبتني .
صح الله بدنك وانا مب شاعر الهير , مجرد مبتدي طامح بالاستفاده منكم
والحمد الله اني حضيت بثناءكم الي رفع قدر القصيده عندي , ما كنت ناوي أنزلها لان دايما القصايد الي ع الطاير ما اقتنع فيها بس قلت عشان ما نقاطعكم :) خلينا نشوفك دوم مراقبنا

,,


شاعره! ,, بقولج شي بتصدقين ؟؟ انتي دايما مرورج يخوف الصراحه
أكبر غلط في مسابقة شاعر الافين اقصد شاعر المليون ( الي سويتوها ) انهم ما حطوج ضمن لجنة التحكيم
مع انه مستواج في المسابقه ما عجبني وايد , انتي تكتبين أحسن من كذا وكنت متأمل أشوفج ماخذه الالفين :) بس خيرها بغيرها والاختيار مرات يخون .
بخصوص كلمة ( باحت ) هي من البوح اعتقد انها واضحه! ولو عندج ملاحظه عنها حياج الله .
وصح الله بدنج شاعرتنا الجزله , ووولكم باااك ,, ونتريا قصيده منج تعدل الراس :)

[الشاعره!]

تعقيباً على كلامك يا شاعرنا المتألق ،،
انا معاك 100٪ بخصوص مشاركتي في المسابقه ،،
واشكرك ع الملاحظه العجيبه :)
احب الملاحظات المباشره ارض جو >> صارت صواريخ المسأله
صح الله لسانك يالمطلعي

[المطلعي]

المهم نحن نباج تبدعين في شاعر المليون الحقيقي , هلاله الحمداني مب أحسن عنج :)
وفي الأخير عادة المسابقات يكون الحظ لاعب دور فيها والدليل البارحه مع ربعنا في مسرح الراحه :)
شكرا على مرورج الثاني وقبولج الملاحظه , وتأكدي ان دايما الملاحظات من المعزه لا أكثرولا أقل

[الولايات المتحده البدويه]

ليتك بجنبي البارحه بأوّل الليل
وتشوف وضعي بعد ما الروح ناحت





صح اللهـ الساانكـ يالشااعر



وصرااااحتن يظربن ع العوووق هالابياات


مافيهن حييله


ونترقبك دووووم ي الشاعر

[المطلعي]

حيا الله الولايات البدويه , حضورج يغطي على حضور القصيده
سلمتي ,, ولا عدمناج

[راعي المنطوق]

لا لا .. حليوووو القصيد الصراحه
أبدعت والله
القصيد ع مستوى عااالي أشووفه
ويااااا صح لساانك يا الغالي
عرفت تختار الكلمات والمصطلحات و موضعها بتعبيرالإحساس روووعه

ولا هانك الخالق
ونتريا منك زووووووووود
والله يحفظك و يبقيك

[المطلعي]

ياخي دلعتني بهالمرور :)
تسلم يا راعي المنطوق السكر , وصح بدنك ملايين
لا خليتك

[الشاعر إليازي]

الي أعَرْفه بيدك تصف وتشيل
أوجاع فِي فـَيّ الضلوع أستراحت

بيت يسد عن القصيده كلها

المطلعي

شاعر ويشار لك بالبنان

صح لسانك على هالأرشيفيه

وتقبل مروري

[المطلعي]

الشاعر اليازي ,, يا حيك الشيخ , وين الغيبه ؟ غايب عنا , ما نشوفك هني ولا في عنابي :)
دايما مشرف شاعري , صح بدنك ويعطيك العافيه