((يا وجيهن عابسه))

[الشاعر إليازي]

مرحبا أخواني

إسمحولنا ع القصور

عندي لكم هالأبيات وعسى أنها إتنال على إعجابكم



بــاب يــاب الـريــح فـي داري أســدّه وأستــريح
مــا أغــامـــر فـي وجيــه رجــال دايــم عــابسه

كلـّـــن بـرايــه ولكــن مــا يصـــح إلا الصحيـــح
وش نبـــا فــي دار قفــــرا والجـــــداول يــابسـه

يــا وجيهـــن عــابســـه كـــل مـا تقابلنـــا تشيـح
مـا حكمنـــا ع الـرّجـــل مـن ثـوبـــه الـي لابسه

يكفــي الــرّجّــال فـي وقــت اللـّــوازم ما يطيـــح
وإبتســامــه تـوصـــل لقلــب الطفــــل وتـلامسه

يـا كـــذا وإلا فــلا والقــــول قــد ياكــــم صــريح
الطيــب بقلـوب البشــر عيّــا الشجــاع ينـــافسه

يتراكتن الأفكــار في راسـي وهوجـــاسي طريح
ما هو عجب دام العجـب بأفكـــاري المتجــانسه

على الصفيح الساخن وببقى على نفس الصفيح
أهيّــج أفكـار (ن) تنامـت في قلــوب (ن) يائسه

الطفلــه الي صاحــت البــارح ولازالــت تصيــح
يــا خيـــر أمّه أخــرجــت للنـــاس قدهـــا بائسه

إدمــوعهــا ترســم على خدينها قلب (ن) جريح
أحلامهــا ضاعــت معــا ذيــك الليــالي الدامسه

ما تنتظر تحـريــرها من قيــد هالوقــت الشحيح
من يـومهــا وأيــامهــا تقبــل وهــي متنــاحسـه

من يومهـا وإحنا نهيم بعالم وكــون (ن) فسيـح
شفنا العـدو ما هـو عدو نضحك معه وإنجالسه

يظهــر بياض الســن له ونعــد له قــول ومديح
وأطفالنا من دون شـك إلهــم وجيهــن عابســه


أخوكم
الشاعر إليازي

[غــــموض]

كلـّـــن بـرايــه ولكــن مــا يصـــح إلا الصحيـــح
وش نبـــا فــي دار قفــــرا والجـــــداول يــابسـه

يــا وجيهـــن عــابســـه كـــل مـا تقابلنـــا تشيـح
مـا حكمنـــا ع الـرّجـــل مـن ثـوبـــه الـي لابسه

مـــــاشاالله عـــليك وعلى الابيات

روعـــــــــــه الصـــراحه ومافيك حـــيله
صـــح السانك وربـــي لاهانك

وفــي انتظار المـــزيد لا تبــخل علينا

[عبدالله بن نعمان الكعبي]

الطفلــه الي صاحــت البــارح ولازالــت تصيــح
يــا خيـــر أمّه أخــرجــت للنـــاس قدهـــا بائسه

إدمــوعهــا ترســم على خدينها قلب (ن) جريح
أحلامهــا ضاعــت معــا ذيــك الليــالي الدامسه



صراحه ابيات راقيه جدا

صح لساانك على هذا البوح الجميل

تحياتي

[الامبراطور]

الطفلــه الي صاحــت البــارح ولازالــت تصيــح
يــا خيـــر أمّه أخــرجــت للنـــاس قدهـــا بائسه

إدمــوعهــا ترســم على خدينها قلب (ن) جريح
أحلامهــا ضاعــت معــا ذيــك الليــالي الدامسه



اليـــازي
انت شــاعر و مبدع
و هذه الابيــات ما هي الا صياغة شخص
مبدع

صح الســانك يا الشــاعر
و ابصم بالعشـرة انك قلت

لا هنت .. و نرقب يديد بوحك

اخوك
الامبراطور

[جريح الحب]

ابدعت يالشاعر وصح لسانك

لاهنت عاى هالجزلة

احترامي

جريح الحب

[نفحة الهيل]

يتراكتن الأفكــار في راسـي وهوجـــاسي طريح
ما هو عجب دام العجـب بأفكـــاري المتجــانسه



صح لسانك يا الشاااعر والله والله قصيييده قمممه في الابداااع

ووالله اني كنت في انتظار قصيد الشاعر اليازي بفارغ الصبر وبعد هالصبر لقينا هالقصيده البطراانه

وسلمت يمناك لي خطت هالقصيد والله يديم هالابداع

وموضوع القصيد بقولك شي مباشر وموضوع غفله الجميع وعااالم المجامله دون تفكير في مصير هالامه وفي غزو الغرب في عالمها


سلمت يا شاعرنا سلمت


تحياتي لك

[سهم المحبة]

صح السااااانك يااااا الشاااااعر ع هالقصيده الرووووعه وربي لا هااانك ان شاااااء الله..^^

أختك:سهم المحبة..

[الشاعر إليازي]

كلـّـــن بـرايــه ولكــن مــا يصـــح إلا الصحيـــح
وش نبـــا فــي دار قفــــرا والجـــــداول يــابسـه

يــا وجيهـــن عــابســـه كـــل مـا تقابلنـــا تشيـح
مـا حكمنـــا ع الـرّجـــل مـن ثـوبـــه الـي لابسه

مـــــاشاالله عـــليك وعلى الابيات

روعـــــــــــه الصـــراحه ومافيك حـــيله
صـــح السانك وربـــي لاهانك

وفــي انتظار المـــزيد لا تبــخل علينا



غموض

يعطيج العافيه إختي على هالطله

ولج جزيل الشكر على متابعتج

والروعه بمرورج ,,, وإن شاء الله ما بنبخل عليكم لا بقديم ولا يديد

أخوج
الشاعر إليازي

[الشاعر إليازي]

الطفلــه الي صاحــت البــارح ولازالــت تصيــح
يــا خيـــر أمّه أخــرجــت للنـــاس قدهـــا بائسه

إدمــوعهــا ترســم على خدينها قلب (ن) جريح
أحلامهــا ضاعــت معــا ذيــك الليــالي الدامسه



صراحه ابيات راقيه جدا

صح لساانك على هذا البوح الجميل

تحياتي



صح الله بدنك ياخوي

وتسلملي على هالطله الحلوه

وصدقني أنه هذا من ذوقك

[الشاعر إليازي]

الطفلــه الي صاحــت البــارح ولازالــت تصيــح
يــا خيـــر أمّه أخــرجــت للنـــاس قدهـــا بائسه

إدمــوعهــا ترســم على خدينها قلب (ن) جريح
أحلامهــا ضاعــت معــا ذيــك الليــالي الدامسه



اليـــازي
انت شــاعر و مبدع
و هذه الابيــات ما هي الا صياغة شخص
مبدع

صح الســانك يا الشــاعر
و ابصم بالعشـرة انك قلت

لا هنت .. و نرقب يديد بوحك

اخوك
الامبراطور



صح بدنك يا خوي

وتسلملي على هالمرور وهالطله الحلوه

وهذا كله من ذوقك

[راعي المنطوق]

إبدااااااع
كلمه إبداع قليله عليك ..
أشهد إنك طرررررر إبداع و زوووووووود

لك أسلوب جميل و طريقة تعبيرك لشي رووووعه
..
و لك مجموعة مصطلحات جميله تعف طبت هذا بذاك ..

وياااااااا صح لسانك ولا هان منطووووقك يا الغالي ..

القصيد ع مستوى عااااااااااالي أشووفه ..

ونتريا منك زوووووود
ولا هانك الخالق
وتشكر ع القصيد
والله يحفظك ويبقيك ..

[الولايات المتحده البدويه]

الطفلــه الي صاحــت البــارح ولازالــت تصيــح
يــا خيـــر أمّه أخــرجــت للنـــاس قدهـــا بائسه

إدمــوعهــا ترســم على خدينها قلب (ن) جريح
أحلامهــا ضاعــت معــا ذيــك الليــالي الدامسه




الشااعر


صح الله السااانك

الصراااحه ابدعت... مافيك حيله


ونترقبك ربيه ايمل حاالك

[حمد الكعبي]

تحيه وسلام مكنفات بأعبق انوع الزهور والعطور لصاحب الابيات

صح لسانك يالشاعر


قصيده ما عليها غبار ، قصيده على العوق ولكن

ليت القصايد لو تحرك دماهم ....


اخوك

حمد الكعبي

[Noona]

صح لسانك
............
اممممممممممممممم
ما اعرف شو اقول بعد

[حرم الــذيب]

ما عليك زود يالشاعر والكلمات روووووعة ربي لايهينك

[المتفيج]

صح لسانك يالشاعر
ونتريا يديدك وبتوفيق




تحياتي : المتفيج