المساعد الشخصي الرقمي

مشاهدة النسخة كاملة : مــدمــنين؟!!


غــــموض
14-03-2008, 03:12 AM
الـسلام عليكم ورحمة الله وبركــاته

شحــالكم كـــلن بحاله وماخــص حــد؟؟؟

كلنا نــعرف ان النـــت له دور اساســي في حياتنا ويساعد في امــور كـــثيره يعــني بشــكل عـــام مـــفيد سواً في الدراسه والعـمل وحتى الــبيت

ويمــكن الكــثير استخدمه كهوايه وانه يضيع وقــت فراغه

نــاس تحب اتناقــش ونــاس تحب تيلــس على المــاسنجر وناس كونت صداقات حميمه من خلاله

فوقتنا ستوا كــله بــس للنــت يعني أدمـــان .,,

نــاس استوت بعيده عن اهلها ونـاس استوت تحب الوحده والتفرد.,,

هـــل فعلاً اصبحنا مدمــنين ؟؟ هــل اصــبح النــت سبب في تأخرنا في الدراسه؟؟
هــل اصــبح سبب في تخلينا عن هواياتنا؟؟ ماهــي الاشياء الاجابيه والسلبيه الــتي حصلنا عليها؟؟!!


الــــسموحه من الجــميع واتمــنى التفاعــل


اخـــتكم غــــموض
رحــــــاله
14-03-2008, 02:27 PM
وعليج السلام و رحمة الله و بركاته

الكل في قفص الاتهام اهنيه هب إلا انا ... يلا كل واحد يحلل عمره و يشوف شو علاقته ويا هالآله الفريدة من نوعها :biggrin:

يقولون إني أدمن النت أيام الامتحانات وا لريسيرج بيبرز .. غير جي عادي ،

هذا إلي يقولونه ،،

تبين الصدق ، أحس المدنين على النت شي طبيعي جداً ، الكل يحبه الحين أعرف بنات صف خامس ابتدائي والله ما يخوزن عنه 24 ساعه عليه إلا أوقات الصلاة ينهزوب عشان الصلاة و إلا ما شي غير ..
الكل يحب يستكشف و ما بستثني عمري بس السيطره من قبل البالغين أحسها أكثر ممكنة الحدوث .

والله يهدي الجميع .



شكراً غموض :) جداً نيوو ..

تحياتي لج،
غــــموض
14-03-2008, 04:28 PM
فعلاً رحــاله كلنا متهمـــين

وانا نفــس الــشي يقولون عنــي مدمنه وانــي مـااذاكـــر عشان النــت وياما حـاولو يقطعون النــت عنــي بــس ماشي فايده :1:

واللــي تعود على ها الشــي ماضني يقدر يصــبر
Bedwien Heart
14-03-2008, 06:00 PM
وعليج السلام ورحمة الله وبركاته ,,


مرحبابج اختيه غموض


ههه ضربتي على العوق كلمة ادمان قليلة اشوفها << اذا فيه كلمة اكبر منها حطيها ^.^

تقريبا انا اقعد على الانترنت او الكمبيوتر بدون انترنت 24 ساعه .. بسبت دراستي والتطور

اللي في كليتنا لازم ندرس من الكمبيوتر ,،, الواجبات من الانترنت ,،, من غير البروجكتات

والمواقع اللي لازم نسويها ,, والضرر انه يبعدنا وايد من الاهل .. مانعرف شو يصير شو مايصير

في البيت ,،, كل واحد مع كمبيوتره في البيت .. اممم حاليا ً احاول اني اخفف من القعده جدام

الكمبيوتر ,،, وحاولت والحمدلله فيه نسبة 20% اني استغني من وقتي عن يلست النت ..

وان شاء الله اوصل 100% =)



وبارك الله فيج على الموضوع الحلو ..
غــــموض
14-03-2008, 06:41 PM
بفكـــر بكلمه اكـــبر وإذا عرفتها بخــبرج :1:

صــح الحــين كل شي في حياتنا يتطلب الكمبيوتر حتى لو بدون نــت والله حــتى عيونا بدت تخــترب علينا :1:

وشــي حلو يوم انــج بديتي تبتعدين عنه وانشالله تقدرين ..,, انا صـــح ايلس عليه بس الحمدالله مــب 24 ساعه

وتـــسلمين على المــشاركه
معالي الوزير
14-03-2008, 10:11 PM
السلام عليكم ورحمة الله وبركاته

مثل ما قالت اختي قلب بدوي

المشكله ان شغلنا كله على النت

الواججبات , الدراسه , البروجيكتات وغيره وغيره

ما نقدر نستغني عنه

والسموحه
الكايد
14-03-2008, 10:13 PM
مرحبا الساااع
بغموووض
طرح الصراحه
وااقعي
وانا اعترف اني
مدمن نت
وقاام يلهيني عن الدرااسه وعن وعن ...
بس يت فتره وقطع واختربت مكينه الاتصلات
عندنااا في الهير وكمل فتره
ارتحت الصراااحه
قمت اخالط الشبااب والاهل
ودرست و تنظم وقتي
ومن عدها عرفت
قيمة الوقت
وكيفية استغلاله
وصح انا عندهم في هالنقطه
تعرفين انتي الجاامعه
واستخدااامات النت لهااا
سلمتي الغااليه
على الطرح
المميز والى اعجبني بكل صرااحه
تحيااتي وسمووحه طولت
راعي الدوج ....
غــــموض
15-03-2008, 12:11 AM
السلام عليكم ورحمة الله وبركاته

مثل ما قالت اختي قلب بدوي

المشكله ان شغلنا كله على النت

الواججبات , الدراسه , البروجيكتات وغيره وغيره

ما نقدر نستغني عنه

والسموحه


صــح اخوي الــوزير وانا معاكــم في ها الــشي
بــس انا اللـي اقصده ان نحن حتى لو ماعدنا شغل وماكان عدنا بروجــكت بعد انكون يالسي على النــت يعني بنكون فاضين حق المسن والمنتدى .,, ومانعطي عمارنا مجال للراحــه
غــــموض
15-03-2008, 12:15 AM
مرحبا الساااع
بغموووض
طرح الصراحه
وااقعي
وانا اعترف اني
مدمن نت
وقاام يلهيني عن الدرااسه وعن وعن ...
بس يت فتره وقطع واختربت مكينه الاتصلات
عندنااا في الهير وكمل فتره
ارتحت الصراااحه
قمت اخالط الشبااب والاهل
ودرست و تنظم وقتي
ومن عدها عرفت
قيمة الوقت
وكيفية استغلاله
وصح انا عندهم في هالنقطه
تعرفين انتي الجاامعه
واستخدااامات النت لهااا
سلمتي الغااليه
على الطرح
المميز والى اعجبني بكل صرااحه
تحيااتي وسمووحه طولت
راعي الدوج ....

مــرحبا ملايين راعي الدوج
فعلاً هو يلهينا عن اهلنـا وعن امــور وااايد
بـــس انشالله نلــقى حـــل ومانكــون مدمنين :redface: معني متأكده ان هالشي مستحيل:1:
يعطيك العافيه