الى اليوم والتاريخ يشهد فراق اثنين

[عبدالله بن نعمان الكعبي]

إلى الحين يا عيني على هجرهم تبكين=إلى الحين وتودين لي طول فراقه

إلى الحين يدّيني تشيلي وتحطين=على راحت كفوفك أقاويل ميثاقه

إلى الحين خطواتي على دربه تروحين=تسوقين بقدامج إلى فوحة اعباقه

إلى الحين يا كلي من الحين للحين=فتات الأمل يسقيك من لاضي ابراقه

كفاني عذاب أرجوك يا دنيتي تكفين=يطوف الزمن والعمر تتقلب اوراقه

غيابن مع التبرير تطغيبه السكين=يجرح ولا يرحم محبه ومعلاقه

أحبه وحبه كم عشنا معاه سنين=زمان الطفولة والعشق شبة اشواقه

حلمنا وحلم الغد يكبر بشين وزين=نعايبه العذال لا حد ما شاقه

أماني عظيمه شيدة فالهوى قصرين=قصر عاشقن يعشق قصر عشق عشاقه

ولكن ظروف الوقت تقسى على المسكين=إذا م أنجبر شخصن على شخص ما طاقه

إلى اليوم والتاريخ يشهد فراق اثنين=إلى اليوم والذكرى على البال تواقه

أروح بطريقي وين والله مدري وين=أهاذي بأسمه مثل لي طاح بعواقه

اورح لمكانه كود للعين نظرة عين=أدق دق على بيبان لي طيب اخلاقه

ولكن مزلي باب قصره بلا تليين=على كبر عمدانه على كبر مغلاقه

يرد الصدى ويقول يا هيه م تشوفين=شموخي على شانج بدا ناكس اعناقه

يرد الصدى ويقول يا هيه م تسمعين=ضلوعي على بعدج على القلب خناقه

يرد الصدى ويقول يا هيه ما تدرين=عذابن أذوقه محدّن فالعشق ذاقه

ومسح دموع العين عن لا وجودي يبين=ما ودي يدري لي محلي خذ اشراقه

وتمتم وانا راجع علام الزمان أيشين=اشوف الزمن للورد قد يبس اوراقه

حكاية محبن عاش في حب ذو حدين=وتعزف على القيفان من حزنه ابواقه

[Bedwien Heart]

صح لسانك بوحميد ولا هان منطوقك اخويه ,,

ماشاء الله عليك شاعر ولد شاعر ,, ربي يحفظك من كل عين ,,,

تعيبني اشاعرك وانا من متابعين لشعرك ..

حلوه القصيده ماعليها كلام ,, ووايد مؤثره ,,

لكنك قصرت هالمره ماحطيت القصيده صوتيه :(

[عبدالله بن نعمان الكعبي]

صح لسانك بوحميد ولا هان منطوقك اخويه ,,

ماشاء الله عليك شاعر ولد شاعر ,, ربي يحفظك من كل عين ,,,

تعيبني اشاعرك وانا من متابعين لشعرك ..

حلوه القصيده ماعليها كلام ,, ووايد مؤثره ,,

لكنك قصرت هالمره ماحطيت القصيده صوتيه :(


الله يطول عمرك وصح بدنك واشكرك على مرورك الطيب

اما بالنسبه للصوت .. بصراحه حاولت ادخل الصووت وياا القصيده بس المنتدا ما رضى لان حجم الصوت كبير .. تصدق من البارحه احاول :frown: وخلاف قلت بحطيها بدون صوووت

والسموحه

:smile:

[Bedwien Heart]

ماعليك امر الشاعر ارفع لي القصيده من هالموقع ,,

www.mediafire.com/upload


^_^

[عبدالله بن نعمان الكعبي]

ماعليك امر الشاعر ارفع لي القصيده من هالموقع ,,

www.mediafire.com/upload


^_^

الله يطول عمرج
الصراحه انا غير ملم بأمور الكمبيوتر ورفع الملفات لاني حاوولت ارفع القصيده
ما رضى:12: عطااني رساله ان الموقع مسكر

وانا اعتقد المشكله هب من الموقع المشكله مني انا هب عاارفله

بعدني بحاول في وقت اخر

اشكرج اختي وبيض الله ويهج

:13:

[الامبراطور]

إلى الحين خطواتي على دربه تروحيـن
تسوقين بقدامـج إلـى فوحـة اعباقـه

صح لسانك يا الكعبي
دوم تتحفنـــا بالشعر الحقيقي

ابدعت يا الشاعـــر
دمــت بشعرا و ابداع

اخوك
الامبراطور

[غــــموض]

أحبه وحبه كـم عشنـا معـاه سنيـن
زمان الطفولة والعشق شبـة اشواقـه
حلمنا وحلم الغد يكبـر بشيـن وزيـن
نعايبـه العـذال لا حـد مـا شـاقـه
أماني عظيمه شيدة فالهـوى قصريـن
قصر عاشقن يعشق قصر عشق عشاقه


صـــح السانك وربــي لاهانك
والله يعــينك على الحــب :1:

ابيــات رائعه ومعــانيها اروع

[ولهة الشوق]

[align=center]http://www.alamuae.com/gallery/data/media/123/0100.gif

صح لسااااااانك
ابياااااااات رائعـــه

اخوي

عبدالله بن نعمان الكعبي


كفاني عذاب أرجوك يـا دنيتـي تكفيـن
يطوف الزمن والعمـر تتقلـب اوراقـه
غيابن مـع التبريـر تطغيبـه السكيـن
يجـرح ولا يرحـم محبـه ومعـلاقـه
أحبه وحبه كـم عشنـا معـاه سنيـن
زمان الطفولة والعشق شبـة اشواقـه

http://ejraam.com/up/uploads/11d6ee5e0e.gif

[عبدالله بن نعمان الكعبي]

الله الله عالكلمات الرائعه

ماشالله عليك

مشكور وماتقصر ,., وصح السانك

ولك الرب حافظ

سمحل عالرد البسيط لان الصراحجه كلماتي عاجزه عن وصف قصيدك

صح بدنج ولا هنتي

اشكرج على هذا الاطراء الجميل

تحياتي

[عبدالله بن نعمان الكعبي]

إلى الحين خطواتي على دربه تروحيـن
تسوقين بقدامـج إلـى فوحـة اعباقـه

صح لسانك يا الكعبي
دوم تتحفنـــا بالشعر الحقيقي

ابدعت يا الشاعـــر
دمــت بشعرا و ابداع

اخوك
الامبراطور


صح بدنك واشكرك على المرور والاطراء الجميل

تحياتي

[¸•||§اطـٍيـٍب قـٍلـٍبٍ§||]

ما شاءالله ما شاء الله عليك والله ما فيك حيله طالع ع ابووك
الله يخليلك لهلك ويعميي كل اللي بايعينك يا ربي
الصراحه ماعرف رد على القصيده ولا اقوول شي فيها
وان تريااااء يدييييييييييييييييييييييك
اخوـك¸•||§اطـٍيـٍب قـٍلـٍبٍ§||

[عبدالله بن نعمان الكعبي]

أحبه وحبه كـم عشنـا معـاه سنيـن
زمان الطفولة والعشق شبـة اشواقـه
حلمنا وحلم الغد يكبـر بشيـن وزيـن
نعايبـه العـذال لا حـد مـا شـاقـه
أماني عظيمه شيدة فالهـوى قصريـن
قصر عاشقن يعشق قصر عشق عشاقه


صـــح السانك وربــي لاهانك
والله يعــينك على الحــب :1:

ابيــات رائعه ومعــانيها اروع


صح بدنج اختي

والله يعين الجميع

وما عليج زوووود


تحياتي

[الخيل]

عبدالله الكعبي




شاعرنا .. فالإبداع يستمد منك جماله ورعته

أُفُقُ الأحاسيس .. وفضاءات الثراء اللغوي والموسيقي

معك نهر الشعر أعذب .. والأسطر أجزل

نتاعبك لنبحر بمحيط الروعة والأحاسيس الصادقة

صح الله لسانك وربي يديم هالحضور يالكعبي

الخيل مرت من هنا ,,,, :13:

[عبدالله بن نعمان الكعبي]

[align=center]http://www.alamuae.com/gallery/data/media/123/0100.gif

صح لسااااااانك
ابياااااااات رائعـــه

اخوي

عبدالله بن نعمان الكعبي


كفاني عذاب أرجوك يـا دنيتـي تكفيـن
يطوف الزمن والعمـر تتقلـب اوراقـه
غيابن مـع التبريـر تطغيبـه السكيـن
يجـرح ولا يرحـم محبـه ومعـلاقـه
أحبه وحبه كـم عشنـا معـاه سنيـن
زمان الطفولة والعشق شبـة اشواقـه

http://ejraam.com/up/uploads/11d6ee5e0e.gif

وعليكم السلام


صح بدنك وما قصرت

اشكرك على تواجدك

تقبل تحياتي

[عبدالله بن نعمان الكعبي]

ما شاءالله ما شاء الله عليك والله ما فيك حيله طالع ع ابووك
الله يخليلك لهلك ويعميي كل اللي بايعينك يا ربي
الصراحه ماعرف رد على القصيده ولا اقوول شي فيها
وان تريااااء يدييييييييييييييييييييييك
اخوـك¸•||§اطـٍيـٍب قـٍلـٍبٍ§||

اشكرك على هذا الاطراء وما عليك زود

صح بدنك وبيض الله ويهك

وجودك شرف لي طول عمرك

تحياتي