محمد عبدالله البريكي
13-03-2008, 12:44 PM
مسافر والحنين اللي بصدري قيد المشوار=وأنا في الطايره جثه وقلبي ساكن بديره
ياعيضه آه لو تشعر بغربتنا مع الأسفار=يمرونا بشر لكن نعاف الناس والجيره
أحس الشمس من كثر الحراره في الشعور تغار=لهب صدر وتعب قلب وسفر ضيق ووجع حيره
تمنيت السحاب اللي كشفنا عن سناه خمار=جعل من هامته طير ورجعت أرضي على طيره
هنا لو للغنا في داخلي ناي وحكي جيتار=تصير الطايره مسرح وإحساسي جماهيره
ولكن المسافر صاحبي محتاج للأذكار=عسى الله ايوصله ويرد سالم من مشاويره
يذكرني رحيلي للسحابه قصة البيدار=سقى نخله زمن واحتاط للأيام من بيره
شجر يكبر.. ثمر يظهر.. فرح يصفر على الأثمار=وجا البيدار في غفله.. حرق نخله بتفكيره
حلمت وتذكر اللي يكسر الجره من الأفكار؟=على راسه يسيح الحلم وايطير عصافيره
عبث يا صاحبي قبل الرحيل انقطف الأزهار=عبث تبحر مراكبنا بلا ربان أو ديره
عبث غصن تدلى بالثمر نرميه بالأحجار=وتلقانا الوجوه اللي رعيناها بتكشيره
وقفنا بمعرفتنا دونهم عن قسوة الإعصار=وهم جتنا نسايمهم خناجر تطعن السيره
فمان السم يا ثعبان علم خطوتي تختار=وأنا لو صابني سمك بقول الله لا يضيره
هلا يا قلبي المفتوح للأحباب والزوار=يعيشوا بالصفا في الداخل ويجنوا أساريره
ولو صارت علومي غصن يابس واستووا له نار=يشبوا فيه والله يسلم اللي ما حرق غيره
ونعم للرمل لو قالوا نسيمه للعيون غبار=فضاي أرحب عن اللي حدني أتبع محاديره
سلام الريح يا عيضه يجي مع موجز الأخبار=حمل قلبي على علمي وحطه وسط لفجيره
محمد عبدالله البريكي
ياعيضه آه لو تشعر بغربتنا مع الأسفار=يمرونا بشر لكن نعاف الناس والجيره
أحس الشمس من كثر الحراره في الشعور تغار=لهب صدر وتعب قلب وسفر ضيق ووجع حيره
تمنيت السحاب اللي كشفنا عن سناه خمار=جعل من هامته طير ورجعت أرضي على طيره
هنا لو للغنا في داخلي ناي وحكي جيتار=تصير الطايره مسرح وإحساسي جماهيره
ولكن المسافر صاحبي محتاج للأذكار=عسى الله ايوصله ويرد سالم من مشاويره
يذكرني رحيلي للسحابه قصة البيدار=سقى نخله زمن واحتاط للأيام من بيره
شجر يكبر.. ثمر يظهر.. فرح يصفر على الأثمار=وجا البيدار في غفله.. حرق نخله بتفكيره
حلمت وتذكر اللي يكسر الجره من الأفكار؟=على راسه يسيح الحلم وايطير عصافيره
عبث يا صاحبي قبل الرحيل انقطف الأزهار=عبث تبحر مراكبنا بلا ربان أو ديره
عبث غصن تدلى بالثمر نرميه بالأحجار=وتلقانا الوجوه اللي رعيناها بتكشيره
وقفنا بمعرفتنا دونهم عن قسوة الإعصار=وهم جتنا نسايمهم خناجر تطعن السيره
فمان السم يا ثعبان علم خطوتي تختار=وأنا لو صابني سمك بقول الله لا يضيره
هلا يا قلبي المفتوح للأحباب والزوار=يعيشوا بالصفا في الداخل ويجنوا أساريره
ولو صارت علومي غصن يابس واستووا له نار=يشبوا فيه والله يسلم اللي ما حرق غيره
ونعم للرمل لو قالوا نسيمه للعيون غبار=فضاي أرحب عن اللي حدني أتبع محاديره
سلام الريح يا عيضه يجي مع موجز الأخبار=حمل قلبي على علمي وحطه وسط لفجيره
محمد عبدالله البريكي