احبك

[قمر العين]

دفتـــــــــــــــــــــــر الغيــــــــــــــــــــــــــــــــــــــــــم


البرق حبك والحشـا دفتـر الغيـم

من لاح صبيـت الرعـد فالحنايـا

هذا انت ترحل لأيسر الصدر وتقيم

تلبـس نهـاري والليالـي عرايـا

قبل أمس رمشك في قلوب المعازيم

واليوم كحلك في عيـون المرايـا

دامك تقود الريم في مرتـع الريـم

دوك الضلوع اللي وراهـا سرايـا

ترى الغلا يرخص مقامه لياسيـم

ويزيـد لاصكـت عليـه المنايـا

من وين أوجه والزمن بوصله ضيم

والقلب طيرٍ في يـد يـن النوايـا

إن قلت أحبك ضّج عطر الملازيـم

وإن طال صمتي تستجـن الزوايـا

أشرب قراحك عزم وأضماه تصميم

يوم أعذب أنفاسـك تمـد الهدايـا

لاجيت أسافر في مزايـاك وأهيـم

ألقى عيوبك فـي عيونـي مزايـا

من صغر سنك يكبـرن المفاهيـم

ومن كثر حسنك ينـدرن الحلايـا

جيد ك يوزع للغصـون الترانيـم

وعيد ك يجمّـع فرحتـه للصبايـا

حبك برق واثر الحشا دفتر الغيـم
من لاح صبيـت الرعـد فالحنايـا

[عنود الصيد]

تسلمين اختي ع الطرح الحلو
ولا تحرمينا من يديدش

[الشاعر إليازي]

مشكوره ع نقل القصيده

وأعتقد القصيده للشاعر // طلال صالح العتيبي

ما أقول غير صح لسانه ملااااايين

[عبدالله بن نعمان الكعبي]

إن قلت أحبك ضّج عطر الملازيـم

وإن طال صمتي تستجـن الزوايـا

قصيده كسررر تيم

صراحه ابدااع وبياض ويه

صح لسااانج اختي الشاعره

[معالي الوزير]

إن قلت أحبك ضّج عطر الملازيـم

وإن طال صمتي تستجـن الزوايـا

الله عيلج

كلمات حلوه

وتعبير ولا اروع

احلى بيت عيبني

دامك تقود الريم في مرتـع الريـم

دوك الضلوع اللي وراهـا سرايـا


صح لسانج اختي

وربي لا هانج

[سهم المحبة]

يسلمووووو الغلاااا ويعطيج الف عااافيه ان شاااء الله..

أختج:سهم المحبة..

[بو حمدان]

تسلمييييييييييييييييين اختي وعساج ع القوه

[قمر العين]

مشكورين على المروور والله لايحرمني من طلتكم الحلووه

[قمر العين]

مشكوره ع نقل القصيده

وأعتقد القصيده للشاعر // طلال صالح العتيبي

ما أقول غير صح لسانه ملااااايين


هيييييييييييه صح القصيده لطلال صالح العتيبي اموووت في قصيده ايي على الخاطر وتسلم على المروور