*** أغلقوا موبايلاتكم ***

[الظبي]

السلام عليكم,.,,
حبيت أطرح موضوع " الاستخدام السيء للموبايل "
وبخاصة استخدامه لأخذ الناس مهزلة عن طريق التحدث للناس بلهجات مختلفة وبطرق غريبة لاثارة الضحك والفتن بين الاشخاص الباقين...
على سبيل المثال :
الاتصال بشخص غافل عما يحدث حوله والتكلم عن أمور غريبة والثرثرة المفرطة عن أمور العزبة أو عن أمور أخرى تثير حفيظت كل من يسمع لهذا التسجيل ...

ثم أخذ التسجيل والجلوس في المجالس وتشغيله للباقين للانصات على مجرى المكالمة والضحك الذي ليس من فائدة له.......

إن كان سبب استعمالكم للهاتف النقال هذا الاستعمال السيء فأغلقوا موبايلاتكم أفضل...

يا ليت نشوف آراء عن هذا الموضوع وأن تكون الآراء نابعة من القلب وعن قناعة

[معالي الوزير]

الى التيلفون

اصلن كل شي نستخدمه خلط

كل شي يديد

[رحــــــاله]

وعليكم السلام و رحمة الله و بركاته

خلونا انكون صريحين اشويه .. أنا وحده أضحك على هالسوالف يوم في تنكيت و ضحك أما السب فهاذا شي ثاني ، ماعرف شو أقول أحس إني أحد المتهمين .. همممم .. كلامج صح بس مافي أشياء تمنع سوالف الضحك بموافقة اصحاب الشأن إلي لولاهم أصلا ً ما انتشرت !,,

أنا وياج إنه في استغلال ( وقح ) لـ هالمسجات أو وماعرف شو اسميهم إلي تكون عباره عن سب !
يعني ماعرف شو شعور الإنسان يوم يسبونه وينتشر المسج و يرد هو يسمع صوته و هو يرمس و ينسب .. !

مثل هذاك اليوم أسمع ولد مواطن يسب باكستاني و الناس يسمعون .... حد عارض و ما عيبته السالفه و قال - قلة أدب - و حد استانس و تم -يضحك- !

ماحد فكر لو كنت انا مكان هالباكستاني إلي قاصيين عليه و مسجلين صوته و راعي التسجيل ناقع من الضحك..ليش لانه تافه ويتحرى عمره بيضحك الناس ، وها الشي ما نختلف عليه هو صدق نجح في هدفه ..

مادري في شو بينفعنا ( غلق الموبايل ) دام الأخلاق مغلوقه قبله..



تحياتي لج،

[غــــموض]

وعــليكم السلام

أخــتي الظـبي اشــكرج على طــرح الموضوع

وفعلاً تستوي واايد وانا من الناس اللي يضحكون على ها المقالب ويمكن الضحك يكون لا إرادي :redface:

والـشخص يوم بيسوي ها الـشي وبينشره لكـل حد اكــيد انه مافكـر بشي غير انه يضحك الناس

ومثل ماقالت اخــتي رحــاله مادري في شو بينفعنا ( غلق الموبايل ) دام الأخلاق مغلوقه قبله

[محد شراتي]

صح كلامج ولاهنتي الغلاا

وهاذي العاده منتشره هالاياام وهذاا شي غلط بغلط

وعلى قولتكم اغلقوا المبايل احسن

[محد مرتاح...]

صح غلط بس ضحكناا وفيه ناس تعرف انهم يسجلونهم وهم راضين وعادي

اذا هم ماقالو شي ليش احنا نحكم عليهم وونقول غلط وماغلط والله مايخصناا

بس من رأي اخر هالشي غلط بس ماقول غير الله يهديهم

ومشكوره ع الموضوع ولاهنتي ^_^

[بدويه عذاب]

صح كلامج أختي ماجذبتي

بس أقولج الحين تمو يقصون على ألي مايفهمون وخاصه الشواب>>يعني مخلينهم مثل المسخره عشان يظحكون عليهم الناس...

فيستحسن أنهم مايسون هالحركه لأنه هب حلوه وأنهم يستخدمن تيلفونات صح هب للعب

[[ قلب مضنوني ]]

صحيح كلامج اختيه ،.

بس في ناس يكون برضاهم ,, او يكون شي عادي مافيه سب والا شتم ..

وانا اشوف اذا جذيه عادي ،،

بس صح اذا كان في سب ومصخره .. انا وياج ،، واقول احسن .. سكروا تلفوناتكم ..

[الظبي]

يا هلا ومرحبا,,,,,,,,,
اكتشاف بسيط اقدر اقوله عن العينة الموجودة في الردود أن الأغلبية ما همهم غير انهم يضحكون عن الناس,,,,,,
وهذا دليل على عدم تقدمنا وأنا بنبقى دائماً في القاع.......

[رحــــــاله]

يا هلا ومرحبا,,,,,,,,,
اكتشاف بسيط اقدر اقوله عن العينة الموجودة في الردود أن الأغلبية ما همهم غير انهم يضحكون عن الناس,,,,,,
وهذا دليل على عدم تقدمنا وأنا بنبقى دائماً في القاع.......

وجهة نظر و نحترمها :rolleyes:

وجهة نظر أخرى : تقدم أمه بيكون في غلق موبايل ! ..


تحياتي لج،

[الظبي]

هلا
أنا ما أقصد في كلامي أن التقدم بيكون في غلق الموبايل أو في فتحة المغزى من كلامي عمركم ما بتتقدمون وانتوا همكم بس تضحكون على خلق الله ........

كلامي أكبر عن سنكم عشان هالسبب مش قادرين تفهمون قصدي واذا دل هالشيء فيدل على انكم صغار وبعده هالكلام مش واضح عندكم فبتريا 10 سنوات لين ما تستوعبون كلامي

وفي الختام تحية

[جريح الحب]

اثنتان ,,

ابتعد عن تلك المهاترات قبل ان تكون ضحية احداها

فالموبايل وضع لغرض معين ليس الا

فنحاول استخدامه بالطرق الصحيحة

احترامي

جريح الحب

[رحــــــاله]

هلا
أنا ما أقصد في كلامي أن التقدم بيكون في غلق الموبايل أو في فتحة المغزى من كلامي عمركم ما بتتقدمون وانتوا همكم بس تضحكون على خلق الله ........

كلامي أكبر عن سنكم عشان هالسبب مش قادرين تفهمون قصدي واذا دل هالشيء فيدل على انكم صغار وبعده هالكلام مش واضح عندكم فبتريا 10 سنوات لين ما تستوعبون كلامي

وفي الختام تحية

:smile:

الظبي! ماله داعي هالكلام ختيه .. الصراحه تنقال و احنا ما قلنا إنه هالشي عايبنا... منو قالج إنا مستانسين ونضحك على الناس ! قلنالج برضاهم ..حطيها بين قوسين يطول بعمرج..

عقب عشر سنين بنفهم ! :smile: - الله يطول بأعمارنا .. بس ما ظني كل إلي ردو عليج بيتمون عشر سنين لين ما يفهوم المغزى من موضوعج

يعني الناس تنقاس بالعمر! .. معلومه يديده :wink:

لو أنا منج بحط ملاحظه عشان أتأكد من العقول الواعيه إلي بترد علي و بكتب ( إلي أقل عن 19سنه لا يشارك في هالموضوع )

و يبقى الموضوع قيد الفهم فـ الصراحه لا تفسد الرأي و الفهم



احترامي و تحياتي لج :rolleyes: ،

[فديـت الهـير]

السلام عليكم
كل واحد عنده وجهة نظر والكل يحترم وجهة نظر الطرف الاخر
وجهة النظر لازم تدعم بالادلة
وجهة نظري ان حركة التسجيل الصوتي في التلفونات
هي حركة "غبية" اذا استخدمت في غرض غبي
يمكن "مفيدة" اذا استخدمت في غرض مفيد
ردا ع ان الواحد لازم يكون كبير ع شان يفهم ,هذا مب شرط
لانه في اولاد صغار يفهمون اكثر بكثير من اللي يفهمونه بعض الكبار"البالغين"
توضيح
هذا الكلام ماهو موجه للظبي
بس شرح لوجهة نظري
ارجو تقبل مروري
والـــــــــســـــــلامـــــــــ خــــــتـــــــــامـــــــ

[غــيــر الــبــشــر]

يزاج الله خير وصدفتي انا اوافقج الراي
ودمتم سالمين

[هملووله]

بسم الله الرحمن الرحيم


وعليكم السلام ورحمة الله وبركاته


أختي الظبي صراحة صدقج في وايد يستخدمون الهواتف النقالة استخدام خاطئ خاصتن في هذا الأيام وتعرفون أن دولة الأمارات أكثر دولة تستخدم الهواتف النقالة لأن في دولة الأمارات كل أفرادها يستخدمون الهواتف النقالة من أطفال ومن شباب ومن بنات ومن شيبان ومن عيز وحتى الخدامات يستخدمن الهواتف النقالة لا وبعد كل بيت في 4 خدامات وكل خدامة عندها موبايل خاص
وأكثر الشباب والبنات قليلات الأدب يستخدمونه استخدام خاطئ في المقالب والتسلية ....
وتعرفون أن اليابان

وإن شاء الله الكل يستفيد من موضوعج ويفكر فيه

تقبلي مروري واحترامي

أختج هملووله