المساعد الشخصي الرقمي

مشاهدة النسخة كاملة : $$$:":الـــــــــشـــــــــويــــــــــــب والـــــــــــمــــــــــــدام:":$$$


اماراتي ويكفيني
23-02-2008, 07:24 AM
السلام عليكم

شحالكم الغالييييييين...

طبعا هذي القصيدة لها قصة وهي باني كنت مويه صوب المدام علشان اصور قهوة بن عويس والمستشفى لي حذالها لاني اشتغل على عمل من انتاجي وهو طبعا ما زال قيد الانجاز بس ان شاء الله يوم بيجهز بتسمعون عنه...

وانا اسير في الدرب دار عبالي خويه الكتبي وقلت بتصله يمكن يخاويني ولان تلفوني بروحه يتصل كنه الا حس فيه...

ياغير حليله دوم تلفوني مطفربه بروحه يتصله ويطرش له مسجات فاضيه والسبب بان اسمه اول اسم في اللسته وتعرفون بان التلفون اذا ما تقفله احيانا بروحه يتصل او يطرش مسجات...

وبعدها رديت صوب دار الزييييييييييييين وكتبت هالقصيدة...

تفضلوا القصيدة...

قبل أيام.. هي نعم قبل أيام@@@عزمت ابغي ألوف بعض الدياري

لي خلفوها علينا خوال و أعمام@@@من سالف الوقت والكل داري

من الشويب أبديت سيري والمدام@@@مريتها والقلب معلن طواري

وقبل اتغزر ومقصدي شوي قدام@@@قلت اتصل.. وشوف مكتوب جاري!!

ماعرف تلفوني بلاه يضغط ارقام@@@أثره عرف من قبل لا جيب طاري

سلام يا احمد الكتبي يا نسل لكرام@@@سلام يا شبل الأسود الضواري

يا مرحبا بك يا الخوي عد ما حام@@@طير التبع قنيص طير الحباري

واعداد ما هبت هبايب بالانسام@@@قبل الفجر والا فآخر نهاري

واصلت سيري والتقي بناس احشام@@@وخذت بيميني ومن عقبها يساري

هذي الفايه درب القوافل من اعوام@@@كانت ولا زالت محط الانظاري

وقهوة بن عويس صرحاً وهندام@@@تشهد على تاريخ عربان داري

والسموحة على القصور...

اخوكم

إماراتي ويكفيني
عبدالله بن نعمان الكعبي
23-02-2008, 11:06 AM
سلام يا احمد الكتبي يا نسل لكرام@@@سلام يا شبل الأسود الضواري



سلااام ل احمد الكتبي

وسلاام لك يالشاعر على هذي الابيات الشيقه


صح لساانك

وبيض الله ويهك
الخيل
23-02-2008, 03:07 PM
اماراتي ويكفيني

مرحبا الساع بهل الشويب
وصح الله لسانك يا أخويه على هالمنضومة الشعرية
وان شالله تكثر سيراتك للمدام والذيد بعد لاجل ما تطربنا بحروفك
الرايعه

وفقت ولا تبطي علينا باليديد

الخيل
Bedwien Heart
23-02-2008, 03:30 PM
صح لسانك اخويه اماراتي ويكفيني

ولا هان منطوقك .. عيبتني القصه ^_^



يا مرحبا بك يا الخوي عد ما حام@@@طير التبع قنيص طير الحباري



احلى بيت ^,^
سهم المحبة
23-02-2008, 06:31 PM
صح الساااانك ملاااين اخوووي وربي لا هااانك ان شاااء الله..

أختك:سهم المحبة..
اماراتي ويكفيني
23-02-2008, 06:43 PM
تسلمون يا الغاليييييييييييييييييييييين على مروركم الطيب

واشكركم على مشاركاتكم ويايه...

ولا تحرمونا من هالطله إللي تسعد...

اخوكم

إماراتي ويكفيني
محد شراتي
23-02-2008, 06:44 PM
صح لساان الشاعر ولاهنت
اماراتي ويكفيني
23-02-2008, 07:41 PM
تسلمين يا الشيخة على مرورج الطيب

واشكرج على مشاركتج ويايه...

ولا تحرمينا من هالطله...

اخوكم

إماراتي ويكفيني
غــــموض
24-02-2008, 12:44 AM
من الشويب أبديت سيري والمدام@@@مريتها والقلب معلن طواري

مرحــبابك الــشاعر وبكــل اهل الشويب والمدام

صــح السانك على الابيات
ويعطيك العافيه
تقــبل مروري البسيط
غــــموض
اماراتي ويكفيني
24-02-2008, 12:53 AM
تسلمين يا الشيخة على مرورج الطيب

واشكرج على مشاركتج ويايه...

ولا تحرمينا من هالطله...

اخوكم

إماراتي ويكفيني