طفرةغلا.جديدي

[الشاعره!]

لاتشتكي ياخافقي من صده،،
يعني انت ماقلت انه اقرب ناسك؟؟

بالامس خبري بك تموت بوده
وشفيك؟ ماهو مستقر احساسك.

تناقض افكارك تخطى حده
ارجو السموحه،وش بلا هوجاسك؟!

يقول: "متظايق انا لي مده
شكك صحيح وصادقٍ وسواسك

يوم ان قلت الخط مابه رده
الزم يسار ودوس منهو داسك"

ياقلب ،،يااللي قد هويت بشده
خبّ المشاعر عن نظر جلاسك..

وارسم ملامح بسمةٍ محتده،،
بالغصب كود انّها تخفّي باسك

واقول صالِح واقعك ع خده
ياانك تبوسه والا هو ماباسك

راسك قبل لاتوسده لمخدّه
اصفح،مدام اتواجدت انفاسك!

هذي نصايح جت بسعر الشَدّه
في ظل وضعٍ ماهو ابمتماسك

اوحت لي اسعار السلع في جده
وطفرة غلا،، ماهو الغلا الي براسك


وسلاااامتكم
ارجو من المراقبين الغالين توسيط النص وتكبير الخط! الخاصيه ماتعمل عندي!!
:Bahrain:

[المطلعي]

ياقلب ،،يااللي قد هويت بشده
خبّ المشاعر عن نظر جلاسك..

وارسم ملامح بسمةٍ محتده،،
بالغصب كود انّها تخفّي باسك

واقول صالِح واقعك ع خده
ياانك تبوسه والا هو ماباسك

راسك قبل لاتوسده لمخدّه
اصفح،مدام اتواجدت انفاسك!

,
,
,

الشاعره البحرينيه , شاعره!

صح لسانج ملايين ,, ولا هنتي

أجزم أنني قابلت الجمال , وعاشرت الروعه في هذا النص

دمتي للشعر ولهذا المنتدى , ( شاعره ولا الفين شاعر ) .

[الشاعره!]

تسسسسسسسسسسلم ياشاعر المشاعر ،،، تصدق توي من سوي كتبتها ماخذت مني 6 دقايق ،، ترددت لان ماحسيتها بالمستوى لكن ،، شاعر المليون هيض مشاعرنا :)
تسلم يالمطلعي مرورك ولا الفين مرور

[Bedwien Heart]

السلام عليكم ورحمة الله وبركاته


الشاعره مرحبابج اختيه بج وبشعرج الفنان

اعجبني بصراحه ومالي عليه اي تعليق

غير اني اوقف واصفق لج على الكلام الرائع اللي خطه قلمج المبدع

وموفقه اختيه ..

[مبارك العامري]

صح الله لسانج شاعره

ابيات رائعة من شاعرة رائعة تقبلي مروري وننتظر الجديد

[الشاعره!]

قلب بدوي ترواجد جميل اتمنى دواااامه ولاهنتو ع المرور :) والتعليق الطيب

[الشاعره!]

الشاعر العاااامري ،، تواجد ولا اروع من سيد الجزاله ،،، :)

[هملووله]

صح لسانج يا الشاعره شاعره وصدق انج شاعره ع هالقصيدة

تقبلي مروري واحترامي

[! حلو المزوحي !]

صح الله لسانج يا الشاعره

وبيض الله ويهج

والسموحه منج

حلو المزوحي

[معالي الوزير]

يوم ان قلت الخط مابه رده
الزم يسار ودوس منهو داسك"

عتابج قويي اختي الشاعره

صح لسانج

ولا هنتي

[غــــموض]

بالامس خبري بك تموت بوده
وشفيك؟ ماهو مستقر احساسك.

تناقض افكارك تخطى حده
ارجو السموحه،وش بلا هوجاسك؟!

يقول: "متظايق انا لي مده
شكك صحيح وصادقٍ وسواسك

صــح السانج على الابيات الجميله
ويــعطيج العافيه شاعــرتنا المتميــزه

[رحــــــاله]

صح إلسانج الشاعره!

:)

تتحفينا دوم بجديدج من المشاعر المكتوبة

لا هنتي


تحياتي ،

[الشاعره!]

يالله حيهم .. كل من مر ع قصيدتي المتواضعه ،، من مراقبين واعضاء وشعار ،،،
على راسي كلكم تسلمووووون :) :)

[عبدالله بن نعمان الكعبي]

جميل جميل جميل


صح لساانج يا الشاعره

وبيض الله ويهج


قصيده رائعه استمتعت بقراءتها


لي رجعه اخرى تحياتي

[الشاعر إليازي]

صح لسانج إختي

وتسلمين على هالإبداع

[الخيل]

شاعره

بالرغم من حزن الحشا والشده
,,, وليعات قلبي هايمٍ بإحـــساسك



صح لسانها الغالية
لي فاقت بالطرح والحضور والتميز
أراك رائعه ورعه هذه السطور تزيد من قوة
توجداكي الغالي هنا بساحة الهير الادبية

تقبلي كل الحب والاحترام من
أختج
الخيل

[الشاعره!]

الكعبي ،، و اليازي ..
هلابكم يالشعار ،، وماعليكم زود ، ، صحت ابدانكم ..

[الشاعره!]

الخيل ،، الشاعره ومروضة القاف العنيد .
ياهلا بج مليار نورتي يالغلا ،،،
في انتظار جديدج ،،
وخلينا نواصل مشاكساتنا في المحاوره ههههه
لا اخلا

[نـد يـم العيــن]

عزف منفرد

معاني مميزه

واسلووب خطير

شاعره

دمتي بود

نديم العين

[همس قلبي]

/
\
/

هذي نصايح جت بسعر الشَدّه
في ظل وضعٍ ماهو ابمتماسك

اوحت لي اسعار السلع في جده
وطفرة غلا،، ماهو الغلا الي براسك


.

.

شاعره!

.

.

القلم لو كتب لج من قده ،، يخط ما حوى صدق احساسك

صح لسانج يالشاعره! ولا هان ذا المنطووق

اشهد ان مافيج حيله يالغاليه

ما شاء الله محتكره الساحه عن الشعراا

نرقب كل يديد لج

.

.

همس قلبي


\
/
\