الفروق الكبيرة

[اماراتي ويكفيني]

السلام عليكم

شحالكم الغالييييييييين...

هذي القصيدة هي رد على ادارة الموقع الشعري الاماراتي واللي كانت قصيدة (( انا ابدوي )) رد على احد مشرفاته او بالاحرى احدى الاداريات في الموقع...

طبعا هالقصيدة فيها قصتي ويا هالادارية ومدير المنتدى اللي هو خالها...

تفضلوا القصيدة...

تدري الفروق اللي بيني وبينك كبيره@@@وانته تحسب بان لعبك يمشي بشطاره

ظنك بمشي والا بساير لاعندي غيره@@@انا ابدوي صدري رحوب وناري شراره

جيت احسبج يا بنت اختي الصغيره@@@وقلت احذفي الموضوع لاتصير غاره

من بعدها فسرت يابنت وانتي مديره@@@يعني انتي بروحج تمثلين الاداره

وردج عليه بان مواضيعج ترى كثيره@@@وانج تختارين مواضيعج بفن وجداره

وانج بخالج اتصلتي وعطى الامر سيره@@@ وفعل الامر يفرق عن الاستعاره

يومن اعزج ولج قدر فقلبي وانتي خبيره @@@بس يا للاسف ردج وصلني شعاره

والا دقايق وجد حدر المنتدى فلان مديره@@@قلت يمكن يغير لي جرى من الاداره

قلت ترى فلان معروف في اصله خيره@@@اكيد بيحذف الموضوع مابه كباره

ياغير رد وقال خخخخخخخ طبعا كبيره@@@وزاد بكلامه انتي سوالف هذي عباره

هذي عباره تنكتب لانسان صافي ضميره@@@هذي عباره..؟؟؟ بئسها من عباره

والله تملكني شعور ومن بعده حيره@@@يعني شو تقصد يافلان بهذي الاشاره

يامن بغيت تقهرتي ترى نفسي صغيره@@@ماحيد ضريتك فليش انته ليه كاره

ما حيدني فيوم قصرت فيكم قصيره@@@لكن الظاهر تجازون المعروف بدماره

والله يا فلان والله لتوصلك المريره@@@يوم تشوف الدنيا دارت عليك بمهاره

وبيوصلك رد البدوووو من كل ديره@@@يامن تحسب انك جبل صعب انكساره

نحن البدو عز وشموخ واصل وخيره@@@ورجال في كل المواقف في الصداره

ولو بـــــــا تفكر... في السنين العسيره@@@قبل الاتحــــــــــــــاد وقبل أية وزاره

تلقى البدو كانوا نـــــــــــــواة المسيره@@@من بعد زايـــــــــــد عسى الخلد داره

والسموحة على القصور...

اخوكم

إماراتي ويكفيني

[عيوز مزوده]

مسموووح طال عمرك

وصح الله لسااااااااااااااانكـ

والله لاهان منطوقكـ خويه

أبيات جميله تستحق الاشاده

تحياااتي لكـ

وتقبل مروري

[اماراتي ويكفيني]

تسلمين يا الشيخة على مرورج الطيب

واشكرج على مشاركتج فموضوعي

ولا تحرمينا من هالطله

اخوكم

إماراتي ويكفيني

[الخيل]

اماراتي ويكفيني

مرحبا الساع ,,,,

بالرغم من تشعب الاهداف بهذه القصيدة
ووجود بعض الكسور المتواضعه الا أن روعه الصياغة
وهدفها السامي قد اجبرني على تسجيل اعجابي بطرحك
المميز ايها الرائع
تسلم يمينك يا اخويه ولا تبطي علينا باليديد


الخيل

[اماراتي ويكفيني]

تسلمين يا الشيخة على مرورج الطيب

واشكرج على مشاركتج فموضوعي

ولا تحرمينا من هالطله

اخوكم

إماراتي ويكفيني

[غــــموض]

امــاراتــي ويكفــيني

يعطـيك العافيه وصــح السانك

كــتبت القـصيده بأسلوب تخــلي القارئ يقراها لنهايه

وفــي انتظار المــزيد

[نـد يـم العيــن]

أماراتي

صح لسانك ومثل ماقالوا ..هناك بعض الخلل

ولكنك بين أهلك .. هنا

وقد تكون وجهات النظر مختلفة قليلاً

ولكنك بينت لنا ولهم وجهة نظرك

وكان ها البوح الرائع

دمت بود

[فواز خالد]

معاني راقيه ورائِعه ..


الله يسلمك ويوفقك ...

[اماراتي ويكفيني]

تسلمون يا الغاليييييييييييييييييييييين على مروركم الطيب

واشكركم على مشاركاتكم ويايه...

ولا تحرمونا من هالطله إللي تسعد...

اخوكم

إماراتي ويكفيني

[محد شراتي]

ولااااهنت ياللغلاااا تسلم يمنااااااااااااااااااااااااااك

ابددددددداااااااااااااااااااااااااااااع بذمتي