هل تقبل أن تحضر عرس حبيبك أو حبيبتك ؟؟؟

[هوى اليحر]

هل تقبل ان تحظر عرس حبيبتك او حبيبك ؟؟؟؟


غالبا لكل شخص قصة حب عاش فيها


وتعايش معها بكل تفاصيلها واحداثها


ضحك منها ايااااااااام


وبكى منها بعض الاحيان


وسعد بهاااا وحلق في عالم المحبين ايام وليالي


ورسم خطوط للحظات اللقاء

ولكن ......!!!!


بعضنا ختم هذه القصه باجمل ا لنهايات


وبعضنا انتهى حبه بالفراق


وبزواج الحبيب ... من شخص اخر


والان توقفوا معي وفكروا بكل جديه


اذا دعتك حبيبتك او حبيبك الى حضور زواجها او زواجه ..؟؟


هل سوف تحضر ..؟؟

وبرر موقفك اذا رفضت ..؟؟

واذكر السبب اذا وافقت الحضور ..؟؟

[سما الشوق]

موضوع حلو ... ما ادري انا ما عشت الموقف و اذا عشت الموقف يمكن يتغير رايي عن الحين ..

اذا تزوج اللي احبه و عزمني على عرسة بسير العرس ...أولا عشان اشوف العروس و اعرف عن تفاصيل عرسه .. يعني فضوووول مني
و ثانيا عشان اطمن علية هل هو مستانس و لا لا؟؟

[$هاويهـ الكروزر$]

>>> جوابي طبعاً لا

ع قولتهم : شوف وحرقة يووووووف

ليش اتعب عمري واسير احرق فوادي ،،
خلاااص كل واحد يمشي في حال سبيله
وعادي عندي اذا كل شي انتهى ،، بس ما دري اذا
كانت الذكريات كانت تنتهي،،،،

<<< مجررررررررد رااااااي لا تتحروني جذي ^^

[عيــــــوز الهير]

اكيد لا والف
نفس رد هاوية الكروزر

[معالي الوزير]

بسير انشاء الله وبقوم بالواجب

دام الله ما اقدر انها تكون من نصيبي يهمني انها تكون مرتاحهه حتى لو ويا غيريي..

احبك لو تحب غيري وتنساني وتبقى بعيد
ومها الهجر يحرقني رح امشي معاك للاخر

[ريف الصبا999]

تسلمين فالبدايه اختيه عالطرح
وحبيت بس اضيف تعليق بسيط
الللي يحب انسان لازم يتمناله الخير

وحتى لو كان مب من نصيبه
واكيد بحظر^___^

لا هنتي الغناه عالموضوع النقاشي

[صقر البدو]

--------------------------------------نو

[صقر البدو]

--------------------------------------نو

[هوى اليحر]

ثانكس ع المرور >>> عيبتني الاجوبه وااااااااايد :biggrin:

بس ان شاء الله كل وااااحد يآخذ الي فخاطره وكل وحده الي فخاطرهااا :biggrin: آمييين

[عشق 84]

شكرآآ ع الطرح......................................

ومن سابع المستحيلات اروح عرس الانسان الى أحبه.................

والاسباب اكييييييييييييييييييييد وايد وما بذكررررهن:wink:

وتقبلي مررررررررررررررووورررري الغاليه

[أم ثاني]

نعام انيه بسير وبابرك له بعد
وبدعاله الله يوفقه

طانكيو

[هوى اليحر]

ثانكس شعشبونه ع المرور الي يشرفني

والله قلبج قوووووي انتي :biggrin: بس ان شاء الله ماتآخذين الا الي فخاطرج :biggrin:

[مشتااقه للهير]

ماراح احظر
مستحيل

لأني بمووووت من القهر

[هملووله]

موضوعش طر يا هوى اليحر يالمبدعه ما كنت توقعش بتبين مواضيع طر ثرش خطيرة

أنا عن رأيي اذا كنت أنا معرسة طبعن بروح بشوف العروس حلوه ولا لا بشوفها احلا مني ولا لا خخخخخخخخخخخ وتستاهل حبيبي الاول ولا لا

واذا كنت مب معرسه طبعن مابروح لانه عيب واصلا لو مش عيب ماقدر حظر عرس حبيبي بعتبره عزاء حبيبي مب عرسه من القهر

وتقبلي رأيي ومروري واحترامي لك يا هوانا هوى اليحر

[الكايد]

اما عن نفسي طبعاااا
طبعااا بحضر و بقووم بالوااجب

[الغـــ الحـشـيــمـﮯ ــــر]

::


أكيـــــد إنيــــهـ بسيـــر ,, لـوو إنــهـ هالشــي بيكـوون مـن ورىى خـآآطريــهـ ,,

لأن فرحتــهـ مـن فرحتيــهـ ,,

وووواللــهـ كــآآتـب هالشــي ,, ولـو حتـى زعلـت وحصيـت ف خـآآطريــهـ ,, ومهمـآآ كـآآن مـآآبيتغيــر من الحقيقــهـ شــي ,, وهـذا حــآآل الدنيــآآ ,, :rolleyes:

:

لاهنتــــــي غلاتيــــهـ على هالطــرررح ,,

ونـرقــب كـل يــديــد من صوووبــج _^ ,,


::

[هد اللعب]

انــآ عن نفسي مــآدري اذا ارووووح ولا لآآ


هل سوف تحضر ..؟؟

اذا سمحتلي الفرصه ليييييييش لا ... خآصه انه عرس انسآن غ ــآلي عليييييه


وبرر موقفك اذا رفضت ..؟؟

مريضه ولآ تعبآآنه ولاا اي شي خخخ


واذكر السبب اذا وافقت الحضور ..؟؟

قيــآمي بالوآآجب وشده حبي واخلآصي له


وفي الآخر الزوآآج قسمه ونصييييب

[فديت الوقن]

انا عن نفسي بحضر وبعدني برقص في عرسه و بباركله
واتمنااااااااااااااااله كل خير
ع قوووووووول ركاااااااااااااان
بحظر زفافك يا حيــــاتي وبحظر زفاف اللي هويته
وبرزف عشانك لاتحاتي وبهديك كــــــل اللي بغيته
ومشكوووووووورة اختي ع الموضوووووووووووع طرررررررر

[بنوتهـ الهير]

هلا والله مشكوره ياهوى اليحر عالموضوع

انا معاج يا عشقي البورش ان الزواج قسمه ونصيب

بس هذا رااااااااااااي افكووووووووووووورس ماني بحاظره وع قولت هاوية الكلوزر شوف وحرق يوف لوبسير مابسير مرتاحه حق شو عيل اسير والسموحه منكم مجرد راااااااااااي

[هوى اليحر]

يشرفني مروركن الغـــآليــــــآت


وايد عيبتني الردود ^_^

[وزيرة بني كعبـ]

اناا الصرااحه بكوون متردده
اريد احضر بس عشاان اشووف العرووس مالت عليهاا خخخ
ومااريد احضر لاني بحس بحزن وقهر ومثل ماقالوا شووف وحرقة يووف

يسلموو [هوى اليحر] ع الموضووع
صدج طلعتي خطيره من وين هالابدااع^^ مافالحه اطلعين هالابداع فالكلاااس خخخخ بس فالحه تتاخرين خخخخ(بفضحج)

تقبلي مروري وتحيااتي
[وزيرة بني كعبـ]

[محد مرتاح...]

مادري بس صراحتن ابا اروح اشوف العروس كيف شكلها بيضربني فضول بس أن شاء الله مايصير هالشي لاني بموت والله يعله يكون من نصيبي يارب العباد
ويفرحني ويفرحكم هع هع ^_*

[منصوريه دلوعه]

بحظر زفافك يا حيــــاتي وبحظر زفاف اللي هويته
وبرزف عشانك لاتحاتي وبهديك كــــــل اللي بغيته


اكيد لو سمحتليه الفرصه بسير عرسه

اول شي خاطريه اشوف العروس,,

ثاني شي ابا اكون موجوده في احلى يوم للانسان الي انا حبيته ,,

واكيد قلبيه بيكون محتررررررررق بس لزم اسير ولزم اباركله ,,

يسلموو ع المووضووع

[الكعبي0]

اكيد لا ما اريد اعكر الجو ههههههههه

[مقلوع الهير]

عن نفسي

بسير العرس وبيبلهم عيينيه للعرس

وعله مبروك عليهاا

اذا هي ترضا انها تعرس بواحد ثاني

ني عندي رضاها بالدنيا كلهاا


ومشكوره هواااااااااااااانا على الموضوع المميز .

[الريم العزيب]

(( لي يحب عمررره ما يكره..))


(( وشراات ماا كنت احبه واتمنى له الخير..
(( بتمنى له الخير بزوااجه ...


(( مب كل قصة حب تنتهي بالزوااج ..))


وهذاا رايي

والسموووحه

[بصووول]

أنا عن نفسي بسير بس مب فضول بسير بخليه يعرف قدر من تركهااا لجل وحده ماتسوى نعال ريلي ..
وبباركله ولا عليه .. واللي خلقه خلق غيره .. ومامتحنت منه .. ومثل مادخل قلبي بشور بيطلع من قلبي بشوري ..:5:

ويسلمووو ع الطرح .. لاهنتي :11:

[الولايات المتحده البدويه]

الي يحب من خاااطره اكيييد بيتمناااااله الخيير



بس الصراااحه لووو كانت الفرصه تسمحليه اسير مستحيييل اسيرررر اخااف يصييبنيه عوووق والله يصبرنيه يوووووفجه



وربيه يووفوج الجميييع ويجمعهم بالخيير ومحد يتعرظ لهالمواااقف

[ناعم العود]

اذا دعتك حبيبتك او حبيبك الى حضور زواجها او زواجه ..؟؟


هل سوف تحضر ..؟؟
لا مستحيييييييييييل ماقدر اصلن

وبرر موقفك اذا رفضت ..؟؟
لانه مستحيل ماقدر اتحمل كيييف اشوف الشخص الي حبيته ياخذه غيري
واذكر السبب اذا وافقت الحضور ..؟؟

[محروم الهـير]

أنا بروح وبغني

العروسه ياهلي وين ودوها

خبرو المحروم عن بنت الأجوادي

فز قلبي وأحترق يوم زفوها

ورقصوا في عرسها كل حسادي


ومشكوره هوى اليحر ع الموضوع

[فديـت الهـير]

لا تـــعـــلـــــيــــــــــــــــــــــــق

"
فديـــت الهـير

[هوى اليحر]

ثـآنكس على المرور الطيب ^_^

[اماراتي يلين الموت]

حلاو الموضوع مشكوره على طرحه
انا اذا دريت انه بيعرس هدية عرسه
موت ماروم اتحمل واشوفه لغير
هيه تتهنا وانا ميته مكاني

[فـــــزاع]

خخخخخ الغاليه تشوفين افلام
شاروخان واااايد

تسلمين على الموضوع
سمحيلي ترى كله سوالف :2:

[ذياب العامري]

اسميني برووح وبيوول وبدبك وبموت من الفرحه ع اللي احبها >> الله بغالها الخير ويمكن تشوف الخير بريال اللي بتاخذه > والله يكتب الخير للعرب كلهم

[هوى اليحر]

مـآشاء الله لاحظت الحين الشبـآب فرحـآنيين << مثل ذيـآب العامري ؛؛ ومحروم الهير ومقلووووع الهير @@!

يعني عـآدي عندكم صح انه يمكن نصيبهـآ عند واحد ثـآني ؛؛ بس لازم بتحزنون ؛؛ عن الكبريـــآآ هع هع هع


مشكوووووورين كلكم ع المرور الي ينور الصفحه

وان شاء الله كل واحد يـآخذ الي في خــــــآآطره ^_^ .. ..

[الشــيوخــيه]

احـــم احـــم ... انا عن نفسسسسي عااادي مداامـــــه بــغاا غييرييه يمكن يشوووف رااحته وسعاادته ويااهـأأ

وانا اكيييييد بكووووون فررحاانه من فررحته لانه اللي يحــــب يفرررح من فررح حبييبه ..^^
والعرررررررروووس انا بزززفـــــــــهااا له هديييه منــــــــي له ^_*

[زامـ خشمه]

آآآآه شوووه هالمووضوووع ...؟؟

بحـــضر زفاافك يا حيااتي بحضر زفااف اللي هوييته وبررزف عشاانك لا تحااتي وبهدييك كل اللي بغييته ...

اسميينيه بيوووول فعررسهاا من الخـاطر ... وعندي ايمان وقناعه مداام انييه حبيتهاا من صاافي نييه اكييد انه بيي يووم وبنتلااقى .. وانا برررقب هاليووووووووووم

[هوى اليحر]

ثـآنكس ع المرور

زآم خشمه << شكله وآآيد الموضوع حسـآس بالنسبه لك


ا ن شاء الله تـآخذ الي في خـآطرك ^_^

[الشاطرة]

بحضر زفاافك يا حياتي بحظر زفاف الي هوويته
يسلموووووو ع الطرح

[فرحة الزمان]

ميرسي اختي ع الموضوع والرد تبعي لأ طبعا لأنه لايمكن ان يتصور الإنسان حبيبه في يد شخص ثاني
تقبلي مروري فرحة الزمان

[يقطع الحب وسنينه]

بحضـر نعمـ .. وبنعــشششش هـ][ـٌ]ـًٍَعًٍَُ‘]ٍـعَُِـعٍَُِ

[عبدالله بن نعمان الكعبي]

صراحه جذبني هذا الموضوع للمشااركه فيه ولكن بترك القصيده تحكي عني

ليتها ما يأت ما بين الحضور
ليتها في يوم عرسي ما درت

ليت ضحكتها تبناها السرور
وألبست ثوب الفرح وتباشرت

ليت دمعتها أمنعتها م الظهور
وليتني ما شفت عبرتها أظهرت

جان ما بان المخبئ فالصدور
وهزمت عيني دمعها وعبرت

لين بانت للملا دمعت صبور
واسألوني ليه عينك اهمرت

قلتها هذي ترى دمعة سرور
ما دروا أنها على شانه جرت

بس قالت عينها حس وشعور
وأفهمت عيني معانيها وقرت

قالت أبارك زفافك ومعذور
يا حبيبي يوم لأقدار أجبرت

قلت تكفي سامحيني عالقصور
كان نفسي مع حياتك قصرت

قالت الحب المخبئ ما يبور
وأنت نفسك كم لجلي بادرت

غير أهلي صابهم بعض الغرور
وامنعوك من التقرب واحترت

قلت ودي اقترب منك ودور
بس تدري لمت الناس أكثرت

يا عذابي منك يا بدر البدور
يا عذابي من حظوظي تعسرت

شفت غيرتها تعذبها وتثور
لين لاحت بالوداع وأشرت

وانتبهت ولن من حولي الحضور
يسألوني وش بدا عينك جرت

قلت يعني وش تكون إلا السرور
ما دروا أنها على شانه أعبرت






اخوكم الشاعر/ عبدالله بن نعمان الكعبي

[فديت ماماتي]

وشعلييهـ نعـــــم اني بحضر وجاانه يقربلي عدني برقص في عرسهـ (وبرزف عشاانك لاتحااتي وبهدييك كل الي بغيتهـ)

الزوااج قسمهـ ونصييب

ويسلموو على الطررح الغلا

[محينه]

عادي بحضـــــــــر شو يعني
اذا اقدر احضــــــــــــــــــــــر
يوم هو عرس وقلبه بــــارد
انا بحضر وقلبي ابـــــــــــرد

ويسلموووووووووووووو