مشاهدة النسخة كاملة : ((ســـنين عـــذاابي))
vip_11
25-01-2008, 02:19 AM
السلام عليكم
هذي اول مشاركه لي في هذا المنتدى الجميل وحبيت اطرحلكم هذي القصه اللي من تأليفي واتمنى انها تعجبكم
.......
...
..
.
((ســـنـــيــن عــذاابـــي))
الجزء الأول
في المكان نفسه بعد مرور عشر سنوات رجعت للمكان الذي انطلقت منه رصاصه الغدر والخيانه والعذاب لم يتغير منه شي بل زاد في فوضته وزحمته
جلست في الكان نفسه الذي جلسته مع اصدقائي منذ عشر سنين جلست لوحدي اتذكر الكابوس الذي لم يفارقني طوال تلك السنين لم تفارقني لم تفارق عبدالله طوال عشر سنواته اللي مضت
لطالما حلمت ان يكون مجرد كابوس ليله ظلماء عاتمه تذكرت تلك الأيام اللي دمرت حاضري ومستقبلي ,ادمت جروحي لم تترك لي سوى هذه الأيام التي سإمت مصاحبها ولم تسأم مصاحبتي فأنا لم اتخاوز والثلاثون من عمري يإست من دفنها بين اضلاعي بعد أن كشفت الأستار وانكشفت الأسرار أود أخبركم بها لتكون عضه وعبره لجميع الشباب سواء كان شاباً أم فتاه صغيراً كان أم كبيراً .
.
.
.
.
.
رجع عبدلله بذاكرته لعشر سنين ورى
يوم الخميس
في السنتر
الكوفي بالتحديد
عبدالله : هلا والله
....: اهلين حبو وينك
عبدالله متملل : انا في المول حبيبتي انا مشغول الحين بعدين بتصل فيج اوكي
البنت : اوكي بااااي
على طول سكر بدون ما يرد عليها
سالم ((ربيع عبدالله )) : شوي شوي على البنت مب زين عليك خف عليها شويه
عبدالله : مب فيج لها والله انه لاعت جبدي منها
سعيد ((ربيع عبدالله بعد)): عن منو تتكلمون
عبدالله : هاي امممم شو اسمها؟؟؟ هيه فطوم
سعيد: من حقك تلوع جبدك منها سخيفه
ناصر((ربيع عبدالله العاقل) وكان يكلم عبدالله): والله حرام عليك جي تسووي في بنات الناس عنبوه الحين من يلست فوق ال10 مرات رن تيلفونك وكل مره وحده غير عن اللي قبلها عاد استح شويه
مايد وكان محرج :اييييييه هذا بدأ محاضراته
في هذا الوقت مرت بنت شكها بنت عز وحلوه
سعيد: اف اف انا ساير
عبدالله وكان واقف : لا اخويه عنك افا عليك
كلهم كانو يضحكون على اسلوب عبدالله اللي مايفوت
سعيد: يله شو اسوي عشان خاطرك بس
وسار عبدالله ولحقها لين ما رقمها
ووقف قريب منها ويلس يمليها الرقم : *******
ورد اييلس وي ربعه
سعيد: ها بشر ؟
عبدالله : اكيد خذت الرقم وهي تضحك بعد
مايد: الله الله عليك منو قدك
ناصر : والله محد قاص عليكم اللى عبود وبعد اونه منو قدك الله يهديكم بس
يلسو شويه وي بعض لين الساعه عشر في الكوفي وبعدين كل حد سار بيته
عبدالله توه داخل البيت
عبدالله : السلام عليكم
ام عبدالله+محمد : وعليكم السلام عليكم والرحمه
عبدالله وحب امه على راسها ويلس عدالها
محمد: ها عبدالله شحالك ؟((محمد اخو عبدالله العود وهو حسبت ابوهم الانه ابوهم متوفي وهم صغار ومحمد هو اللي تكفل بتربيتهم وهو معرس وعايش وياهم في البيت ووعنده ولد اسمه خليفه تقريبا عمره 14وبنت صغيره عمرها سنتين اسمها شما ))
عبدالله : الحمدلله
عبدالله : عيل وين قوم نواف ؟؟
ام عبدالله : توه نواف طالع وي خليفه سايرين عند اليران
((نواف اخو عبدالله الصغير اصغر عنه بثلاث سنوات تقريبا عمره 16 سنه))
ام عبدالله: ابويه عبدالله خالد اخوك وينه من طلع عقب الغدى ما رد البيت اتصلبه اطمن عليه
عبدالله: اطمني امي خالد اليوم دوامه شفتات يعني بيرد البيت على الساعه 2 او 3 الفجر
>>
>>
على الساعه 2 الفجر عبدالله يالس في حجرته ((عبدالله وخالد في حجره وحده))يطالع فلم وحاط المبايل عداله
فجأه رن المبايل
قرى الرقم غريب على طوول شله
ــــــــــــ:السلام عليكم
عبدالله : وعليكم السلام
ـــــــــــ:............. منو
عبدالله :انا منو؟؟ انتي بغيتي منو ؟؟
ـــــــــــ : مادري بس انته اللي
عبدالله هذي الساعه فهم منو هاي: هيه انا اطمني
البنت: ........
عبدالله: ليش ساكته
ـــــــــ: ما شي بس
عبدالله:........
البنت: ممكن سؤال؟؟
عبدالله: آمري
البنت: شو اسمك ؟
عبدالله: عبدالله خليفه ال....ي
البنت: والنعم
عبدالله : الله ينعم بحالج اللى انتي شو اسمج
البنت: آمنه
عبدالله: والنعم والله بس شو ها الدلع كله شو ها الرقه
امنه بكل دلع: ههههههههه تسلم
ويلسو يسولفون شويه
هذا الوقت دخل خالد
خالد:السلام عليكم
عبدالله وحط صبعه عند بوزه :اششش
خالد:هههههههه
امنه : شو بلاك
عبدالله : ماشي حبيبتي كملي
خالد:لا حول ولا قوه اللى بالله
عبدالله ابتسم : امنه انا بخليج الحينه اوكي
امنه :اوكي
وسكر عنها
وعبدالله وهو يتحرطم :يا ويهك خربت عليه
خالد ويبتسم : ليش منو كنت تكلم
عبدالله: آمنه
خالد: آمنه؟؟؟؟
عبدالله :هيه هذي اليوم مرقمنها في الغرير بس شو جمال شو حلاه اففففف محلاتها قمر ما شا الله عليها
خالد :استغفر الله انته قولي متى بتودر هذي السوالف
عبدالله: خلود خلك من منها لاه انته شحالك
خالد : والله تعبان بس ابا ارقد
عبدالله : انزين شو تتريا ياللله خلنا نرقد باجر ورايه كليه
على صباح اليوم الثاني ام محمد((اللي هي ام عبدالله)) سايره صوب حجرت عبدالله وخالد عشان توعي عبدالله حق الكليه
ام محمد ودخلت الحجره وسارت صوب عبدالله: عبدالله الغالي قوم وراك جامعه
عبدالله ولا يدري بالدنيا سهران طول الليل
ام محمد: عبدالله قوم بتتأخر عن الجامعه يالله قوم
عبدالله: انزين بنش
وبعد فتره نش وتسبح وتلبس وسار الجامعه
في الجامعه بعد البريك الأول عبدالله تذكر آمنه وتصلبها
آمنه: الوه
عبدالله: هلا والله بها الصوت
آمنه : هلا فيك شحالك؟؟
عبدالله: تمام وانتي عساج مرتاحه
آمنه : الحمدلله
ويلس يسولف وياها عن عمره وهي بعد ما قصرت قالتله قصه حياتها
عبدالله: امون انتي عندج خوان وخوات؟
آمنه : لا انا وحيده امي وابويه وابويه متوفي من فتره طويله
عبدالله: الله يرحمه
آمنه: ومامي دوم وي عزايمها وربيعاتها ما اشوفها دوم
عبدالله : اها
امنه: وانته
عبدالله :وانا شو؟
آمنه : شو حياتك يعني عندك خوان وخوات
عبدالله :هيه نحنا اربع شباب وبنت
آمنه: انته اكبر واحد ؟؟
عبدالله : لا انا قبل الاخير
آمنه : عبادي انا الحين بخيلك الكلاس بيبدأ
عبدالله : يالله مع السلامه
آمنه : مع السلامه
وخلص ها اليوم وعبدالله يكلم آمنه
مرت ثلاث شهورعلى علاقه آمنه بعبدالله كل يوم تقوى علاقتهم أكثر من اليوم اللي قبله
خالد كان يبا يعرف شو نهاية هذي العلاقه اللي بين عبدالله وآمنه
في الحجره كانو عبدالله وخالد بيرقدون
خالد: عبود رقدت
عبدالله : لا ليش
خالد : عبود ما تلاحظه انك تعلقت هذي اللي اسمها امنه بزياده
عبدالله و يلس اونه محرج : خلود شو قصدك
خالد:عبود انا اخوك واعرف كل شي عنك ترى مب تقص عليك هذي ترى هذي ماتنعطى ويه و......
عبدالله ما خلى خالد يكمل كلامه وعلى طول استسلم لأخوه توأم روحه اللي كل اسراره بين ايديه
عبدالله : بس احس اني اح ....
خالد وهو محرج: عبودلا لاتقولها والله انك بتندم طول حياتك ما تعرف كم مكلمه غيرك والله العالم
عبدالله:.........
خالد:اتنه ترضى تاخذ وحده ما تعرف شو مسويه من البلاوي
عبدالله: بس انا احبها والله اني احبها
خالد وهي محرج : عبووود انته اللى خربت نص بنات دبي وتعلقهن وتقص عليهن الحين هاي تقص عليك وبسهوله ياي تقولي احبها ومنو وحده تكلمها من وين تبغيني اصدقك هذى الكلام ما يدخل العقل انته عبدالله اخويه تحب ومنو من هاللوث (ويأشر بأيده ) اللي ما تعرف شو تسوي في حياتها
عبدالله : خلود انا كأي انسان يحب وينحب ومثل ما انا احبها هي تحبني
خالد ما قدر يرقد نش وشغل اللييت : اوكي انا ما قلتلك لا تحب حب بس مب اي حد ترى كل اللي كلميتها كانن يحبونك ويمووتن فيك ليش ما حبيت اللى هذي بذات
عبدالله: انا مب جي قصدي
خالد: شو قصدك عيل وينك وين عبد الله اللي يقص على بلد ياييه هذي تقص عليك بكلمه من هني وكلمه من هناك
عبدالله :خالد افهمني انا احبها مب عشان هي قالتلي انها تحبني ولا عشان شفقه عليها ولا شي من هذى ....
خالد: بس لاتكمل انا بسألك سؤال
عبدالله:اسأل
خالدبكل جديه:يعني انته ناوي تاخذها وتعيش وياها
عبدالله تغير ويهه وما عرف ايرد عليه
خالد: ها ليش سكت
عبدالله : لا ما سكت بس
خالدوهو يقاطع اخوه : عبدالله انا اعرف بشو تفكر ادريبك انك تحبها بس يا عبدالله فكر فيها عدل ممكن إذا خذيتها تستوي ام لعيالك
عبدالله :اوكي خلاص بس تعبت وانا افكر ابا ارقد بند الليت
وبندخالد الليت بس محد رقد فيهم كل واحدطايح ويفكر بالسالفه نفسها
............
.....
..
.
العيناويه..
25-01-2008, 11:27 PM
بصرااحه القصه واايد حلوه..
وننتظر الجزء الثااني.
vip_11
28-01-2008, 12:11 AM
((سنين عذابي ))
الجزء الثاني
.
.
.
يوم الجمعة الكل متيمع في البيت
بعد الغداء
مها((اخت عبدالله )): ها عبادي شحالك?
عبدالله : الحمدلله يسرج الحال بس انتي وين قاطعتنا من كم اسبوع ما ييتي ما جنه عندج خوان
مها:لا والله انته تعرف العيال يبون حد يجالهم ومدارس وحاله
ها الوقت رن مبايل عبدالله وهو يكلم مها سوى عمره ما يسمعه
مها : عبدالله مب جنه هذا تيلفونك اللي يرن
عبدالله ارتبك:هااا ههيه
طلع في الحوي
ورد عليها
عبدالله : هلا والله بالورد
آمنه: هلا فيك
عبدالله: شحالج حبيبي
آمنه : مب بخير
عبدالله : خير ما من شر
آمنه : من متى اتصلبك ما ترد
عبدالله :حبيبي ما كنت اقدر ارد عليج كنا متيمعين ونسولف ومها اختي يايه من بوظبي فكانت اسولف وياها
آمنه ها الوقت حست بالقهروحسد في قلبها من ترابط عبدالله وي اخوانه وهي حتى امها ما تشوفها بالأيام: انزين هذا من عذر
عبدالله يحاول يغير السالفه :انزين شو رايج اعزمج اليوم
آمنه فرحت : والله
عبدالله: هيه انا كم امنه عندي
آمنه : وحده وهي انا
عبدالله:هههههههه ها شو رايج
آمنه : موافقه بس وين
عبدالله : في مطعم على عشا شو رايج
آمنه : اوكي
عبدالله: يالله عيل نتلاقا هناك الساعه 8 الفليل
امنه: اوكي
وسكر عنها ودخل الصاله
ويلس يكمل سوالفه وي مها وخوانه
على الساعه 6 طلع عبدالله وي ربعه وسارو يتمشون
مر الوقت بسرعه وي ربعه ويت الساعه سبع ونص
رن موبايل عبدالله
سار بعيد عن ربعه
سعيد: ما لاحظتو انه الريال متغير علينا
سالم : هي والله من هاك اليوم اللي تعرف فيها على هذيج اللي اسمها امنه وهو متغير علينا
اما عند عبدالله
عبدالله: هلا حبيبي
امنه : عبدالله هلا وينك
عبدالله : شو وصلتي؟
آمنه: هيه
عبدالله : احجزي مكان وانا الحين ياي
امنه : اوكي حيبيبي
وسكرت وسرت عند ربعي
عبدالله: انا اترخص يله مع السلامه
الكل : الله يحفظك
وسار البيت وتعدل وتكشخ وادخن وتعطر وطلع جنه معرس
وسار صوب المطعم ويوم دخل المطعم شافها جدامه يالسه تترياه
عبدالله تخبل يوم شافها جنه اول مره يشوفها
يلس مجابلنها
عبدالله: شو ها الجمال كله وشو ها الحلاه
آمنه اونها مستحيه : تسلم عيونك الحلوه
ويلسو يسولفون شويه وياهم الجرسون وطلبو الاكل ويابوه
بعد ما خلصو العشا
امنه :عبادي حبيبي يالله خلنا نروح
عبدالله : يله قمنا
ودفع الفاتوره وسارو
وطلعو من المطعلم ووصلها لين السيارتها
عند سيارتها
عبدالله : شو رايج نسير على البحر
امنه :واااو انا من زمان مارحت
عبدالله : يالله تعالي سياتي عشان اوديج
آمنه وسارت وياه
ووداها سيارته اللي كانت سيارة خالد كان ماخذنها عشان يكشخبها وسارو كانو يالسين على البحر ويسولفون
آمنه : عبادي ممكن اسألك سؤال
عبدالله: امري
آمنه : متى بتخطبني ؟؟
عبدالله : لو تبين من اليوم
آمنه واونها مستحيه وبدلع: عباااادي
عبدالله: عيونه
آمنه:انااتكلم جد
عبدالله :انشا الله اول ما احصل الوضيفه بخلي قوم امي ايسيرون عند امج يخطبونج شو تبين بعد
آمنه : والله
عبدالله: والله
ما كمل عبدالله كلمته اللى صبح اليوم الثاني حصل وضيفه في مكان حكومي في دبي
عبدالله فرح من قلبه وسار المقابله ويوم رد كان راد البيت بعد العشى حصل محمد وخالد يالسين وي امهم في الصاله
عبدالله: السلام عليكم
الكل : وعليكم السلام
محمد: عبود شو الجامعه اليوم؟؟
عبدالله : اليوم ما سرت الجامعه
محمد: عيل وين سرت ؟
عبدالله : سرت المقابله
محمد : مقابله شوو؟
عبدالله : مقابله عشان اشتغل وانشالله يوضفوني في اقرب وقت
الكل انصدم من كلام عبدالله
محمد وهو محرج : عبود نحنا مقصين وياك بشي
عبدالله : لا والله
محمد: عيل ليش تشتغل ؟
عبدالله :بس بغيت اعتمد على عمري
محمد: انزين اعتمد على عمرك بس مب تعتمد على عمرك تسير تقدملك على وضيفه
عبدالله : عاد الحين قدمت وخلاص
ام محمد : ودراستك
عبدالله :بحولها مسائي
محمد حرج : وليش ها كله
خالد كان يعرف السالفه كلها عبدالله مسوي ها كله بس عشان خاطر امنه بس تم ساكت ((خالد اكبر عن عبدالله بأربع سنوات بس هم الثنينه واايد وي بعض))
عبدالله ونش عنهم : هذا اللي يسويلكم سالفه ويلس يسولف وياكم
((وسار الحجره عنهم وتسبح ويوم طلع من الحمام حصل خالد يترياه وكان منقهر ))
عبدالله بكل برود : شو بلاك بعد انته
خالد وبدأ يحتشر: شو بلايه انته تخبلت ولا صاحي
عبدالله : لا والله ليش شو سويت
خالد: عبوود انته من صدقك بتاخذ هذي الخايسه
عبدالله :هيه ولاتقول عنها خايسه لأنها عقب كم شهر بتستوي حرمت اخوك
خالد ما قدر يتكلم من القهر وطلع من الحجره اما عبدالله فما اثر فيه كلام اخوه واتصل بآمنه يكلمها لين ما رقد
وكمل ارقاده لين اليوم الثاني ونش وسار الجامعه في الجامعه اتصلوبه وقالوله تعال على بدايه الشهر في الدوام
على طول سار وحول دراسته مسائي وخلص الأجراءات عشان الشهر الياي يداوم ويشتغل
ومر هذا الشهر بسرعه وتوظف عبدالله
اللي في البيت ماقامو يشوفون عبدالله بالأيام اذا بيي البيت بيرقد او بيتلبس وبيطلع
في يوم من الايام كان الكل متيع في البيت
ام محمد: ها يا خالد متى ناوي تعرس
عبدالله : امي ما عليج من خلود ما يبا يعرس اخطبيلي انا قبله
ام محمد : انته حرمتك جاهزه
عبدالله : ليكون فطيم بنت خالي علي
ام محمد : هيه شو بلاها غاويه وما عليها قصور
عبدالله : لا ما اباها يوزيها خلود ولا نواف
ام محمد : انزين انته حاط وحده في بالك
خالد ها الوقت سكت يتريا شو رد عبدالله
عبدالله سكت شويه : هيه
ام محمد: انزين منو
عبدالله : لا مب وقته الحين كل شي بوقته حلو
ام محمد: يالله ماشي بيوزك بنت خالك علي غاويه محد مثلها
عبدالله : وانا ما اباها
ام محمد: كيفك البنت ألف واحد يتمناها غاويه وما عليها قصور
عبدالله : اكيد كيفي يعني كيف منو هاي حياتي وما ابا حد يدخل فيها
محمد ما عيبه رد اخوه : عبود اصطلب هاي امك جي تكلمها
عبدالله تم ساكت وسار الحجره
عبدالله اتصل بآمنه
آمنه: هلا حبيبي
عبدالله: هلا
آمنه: حبيبي شو بلاك صوتك متغير حد مضايجنك
عبدالله : لا بس توه كنت بتضارب وي محمد اخوي
آمنه حست بفرحه في قلبهامن اللي سمعته من عبدالله ممكن تسمونه حسد الأنها ما عنها اخوان ولا اهل يسألون عنها بس في نفس الوقت كانت تحاتي عبدالله
عبدالله: تخافين عليه
آمنه: اكيد واذا انا ماخفت عليك منو بيخاف عليك
عبدالله : فديت اللي يحاتيني
وطلع من البيت جدامهم ولا سوالهم سالفه وهو يكلمها بس ما كان ينعرف انه يكلم بنت
في البيت
ام محمد: الله يهديه طول اليوم معلق هذي السماعه في اذنه ما اعرف يكلم منوه هالكثر
خالد ويحاول يستر على اخوه: ما عليج منه هذا يكلم ربعه
محمد: اونك تستر على اخوك اصلاً معروف يكلم منو
خالد: لا تحط في ذمتك يا محمد عبدالله ويايه في احجره واعرف منو يتصلبه
محمد: استغفرالله
ومرت3 الاشهور وعبدالله محد يشوفه من الدوام للكليه
في الدوام عبدالله يالس في المكتب يخلص شغله رن تيلفون الكتب
عبدالله: الو السلام عليكم
السكرتيره: وعليكم السلام اخويه عبدالله
عبدالله: هلا
السكرتيره : المدير ينضرك في غرفته
عبدالله : يعني اسيرله ؟؟
السكرتيره : هيه
عبدالله: مشكوره
السكرتيره : العفو
وطلع عبدالله وسار على طول مكتب المدير وهو يفكر"شو يبابي هذا بعد الحين ؟"
ودخل عبدالله على المدير
عبدالله : السلام عليكم
المدير: وعليكم السلام تفضل
عبدالله : دام فضلك يقولون تباني في موضوع خير
المدير : خير انشالله
ويلس عبدالله يسولف وي المدير شويه لين ما دخلو في الموضوع
عبدالله والصدمه على ويهه: وليش ؟؟؟؟؟؟
المدير مستنكر من رده فعل عبدالله : وليش؟؟؟!!!!
>>>>>>>>>>>>>>>>>
>>>>>>>>>
>>>>>
>>
>
شو تتوقعون عبدالله بيخطب امنه ؟؟
شو يبا المدير من عبدالله ؟؟ وليش انصدم ؟
العيناويه..
28-01-2008, 10:21 PM
بليييز كملي بسرعه
معالي الوزير
29-01-2008, 12:16 AM
حلوووووووووووووه
اترايا باقي الاجزاء.
العيناويه..
30-01-2008, 09:35 PM
ننتظر الباارت الثالث
vip_11
30-01-2008, 10:20 PM
السلام عليكم
اسمحولي على التأخير
وتسلمون على الردود الحلوه
وهذا الجزء الثالث بين ايدكم واتريا ردودكم الجميله
..
..
..
..
..
..
الجزء الثالث
عبدالله ومب متقبل الموضوع: الله يهديكم انتو تدرون اني ادرس
المدير وبكل برود: انزين وقف ها الكورس
عبدالله وهو محرج شويه وبيضرب المدير بس حاول يكون هادي
عبدالله: انزين كم شهر ؟؟
المدير : خمس او ست شهور
عبدالله : شووووووو?? واايد؟؟
المدير: هيه بس شو انسوي عاد هذا حظك
وطلع عبدالله من مكتب المدير مععب ومتضايج وعلى طول اتصل بآمنه تخفف عنه
آمنه : هلا عبادي
عبدالله وصوته متغير من القهر: امون
آمنه وهي زايغه : شو بلاك؟
عبدالله : الدوام
آمنه : شو بلاهم ؟
عبدالله : عندهم دوره في لندن ويبوني اسير على الاسبوع الياي
آمنه وشويه وبتصيح: لــــيــش؟؟
عبدالله: وخمس شهور بعد
آمنه : كم ؟؟
عبدالله: خمس شهور وممكن يمددونها اكثر
آمنه ودموعها على خدها : حراام ليش ؟؟
عبدالله بقهر : شو اسوي مب بيدي
عبدالله كان يسمع امنه تصيح
عبدالله : امونه لاتصيحين
آمنه بدلع : انزين لاتوافق
عبدالله وبحسره : يالييت
آمنه وتسوي عمرها زعلانه : انزين انا شو اسوي يوم انته بتسرين عني والله
عبدالله : تذكرنيني واتصليلي كل يوم
امنه اونه بعدها زعلانه :.......
عبدالله : انزين شو رايج امر عليج اليوم
امنه: ..........
عبدالله : يالله بلا ها الدلع
امنه وابتسمت : انزين
عبدالله : هيه جي اباج
امنه :........
عبدالله : انا بمر عليج انتي لا تعبين عمرج
امنه : اوكي بس متى
عبدالله : شو رايج على عشا
امنه : لا انا اليوم بسير عرس ما اقدر
عبدالله : اوكي عقب العصر بمر عليج واي مكان تبين تسيرينه بوديج اياه كله لا زعلج
امنه: تسلم والله انا ما اعرف شو بسوي بدونك
عبدالله :ههه انا الحين بخليج بكمل شغلي
وسكر عنها ويلس يشتغل لين ما خلص الدوام وبعدين سار البيت
دخل الصاله لقاهم كلهم موجودين
عبدالله : السلام عليكم
الكل : وعليكم السلام
ام محمد: عبدالله الغالي شو بلاك
عبدالله : ماشي اميه تعبان بسير ارقد
ام محمد : ما تبى غدى
عبدالله : لا
محمد ويكلم امه: هذا من داوم لا نشوفه ولا اييلس ويانا ولا ياكل ويانا
عبدالله ويقول في خاطره" عقب اسبوع ما بتشوفوني صدق مب الحين اونك تنغزني بالكلام " ودخل الحجره ولا رد على محمد
ورقد لين العصر
خالد كان توه ياي من الدوام وكانت الساعه 5 العصر
خالد : عبود قوم نش الساعه5 وانته اكيد ما صليت
عبدالله تذكر انه متواعد وي آمنه
عبدالله: خلود ابا سيارتك اليوم
خالد: انزين خذها
عبدالله: هيه خلود بيطرشوني دوره في الدوام
خالد : وين ؟؟
عبدالله : لندن
خالد: زين
عبدالله : وين زين بيطرشوني خمس شهور اذا مب اكثر
خالد وانصدم وبطل عيونه: خمس شهووور؟؟؟؟؟
عبدالله : هيه
خالد: انزين جان اعتذرتلهم
عبدالله : ما اقدر
خالد: انزين فنش انته توك مشتغل
عبدالله : ما يستوي نسيت انه العقد اللي موقعنه وياهم لازم اتم في الدوام سنتين على الاقل
خالد : انزين قلت حق اميه ومحمد
عبدالله: لا طبعا
خالد: ليش ؟؟
عبدالله : كنت اتريا خلود حبييبي الغالي عشان اقوله اول وبعيد بقولهم
خالد: اها تباني ادافع عنك
عبدالله: اكـــيــد
خالد : ها شو سوت حبيبت القلب يوم عرفت عن السفره ؟
عبدالله : قول شو ما سوت
خالد : ليش ؟
عبدالله : وحليلها صاحت صياح
خالد ويستهزء: بعد وحليلها ههه
عبدالله : اونك تضحك
خالد ويستهبل : لا حشى
ها الوقت رن تيلقون عبدالله
شل عبدالله المبايل
عبدالله بصوت خفيف :هلا والله
امنه:اهلين شحالك
عبدالله :الحمدلله يسرج الحال
آمنه: ها وينك من متى اترياك
عبدالله : دقايق بس
آمنه:بترياك انا وبطالع الدقايق مالتك هاي كم ساعه
عبدالله ضحك : اوكي يالله احسبي
آمنه: يالله انا بخليك عشان احسب عدل
عبدالله:هههه اوكي حبيبي مع السلامه
بعد ما سكر عبدالله من آمنه
خالد: ها ليكون بتطلع وياها؟؟
عبدالله هز راسه انه ههيه بطلع وياها : براضيها
خالد:وليش اونهازعلانه عشان انته بتسافر عنها ؟؟
عبدالله : هيه ولا تقول اونها لو سمحت
عبدالله وسار يتسبح وصلى اللي عليه وتلبس وتعدل وخذ سياره خالد وطلع من البيت واتصل بآمنه
آمنه: هلا
عبدالله : اهلين ها وينج انا اترياج برع
آمنه: انا مخلصه الحين بطلع
وطلع آمنه وركبت السياره
عبدالله: توها نورت السياره
آمنه مستحيه : منوره بوجودك الغالي
عبدالله: الحلو وين يبانا نسير الحين؟
امنه......
آمنه: بنحوط بالسياره احسن لأني ما ابا اتأخر
عبدالله منقهر :اففففف يا ها الأعراس اللي ما تخلص لا تسيرين مب لازم
آمنه: لا شو مب لازم اسير يا ويلي اذا ما سرت شو بيقولون عني
عبدالله :ليش عرس منوه؟؟
آمنه: وحده من اهل ابويه الله يرحمه
عبدالله: الله يرحمه انزين انتي مب وايد وياهم مب لازم تسيرين
آمنه عشان تقهر عبدالله: لا بسير عشان يخطبوني
عبدالله ويطالعها: لا والله
آمنه وتضحك : لا تخاف انته حبيبي وكل شي في دنيتي مستحيل اتخلى عنك بسهوله
عبدالله : اتحرى بعد
آمنه: يعني انته تشك في حبي لك
عبدالله : يمكن ؟
آمنه : لا والله
ويلسو يسولفون ويضحكون وبعد أذان المغرب ردت امنه البيت عشان تتعدل حق العرس وعبدالله سار عند ربعه
اما في بيت ام محمد
ام محمد : يالله يا ساره تأخرنا
ساره : عمو توه الناس ليش نسير من الحين محد في العرس القاعه خاليه الحين
ام محمد : لاشو خاليه اطاليي الساعه
ساره متعوده على حركات ام محمد : انشا الله يالله انا بسير اتلبس
بعد ساعه تقريبا سارو ام محمد وساره العرس
كان عرس وحده تقرب حق ام محمد
في العرس
ام محمد : ساره امي شوفي البنت اللي يالسه مجابلتنا ما شا الله عليها غاويه
ساره : هي ما شاء الله غاويه ما عليها كلام
ام محمد: يوم بتي صوبها بسلم عليها وبطالعها هي من قومه ؟
ساره: ليش عموه انتي بتخطبينها
ام محمد: هيه جانها بنت ناس وانتي شو رايج
ساره : زين بس حق منو؟؟
ام محمد: حق خالد الغالي
وها الوقت اخت العروس كانت واقفه عدال البنت وعقب نشو هم الهنتين ويلسن يتمشن ومرن جدام محمد (( ام محمد تعرف اخت العروس فزقرتها وسلمت عليها وعلى البنت عاد ام محمد خذتها فرصه))
ام محمد وهي تكلم البنت: شحالج امي؟
البنت : الحمدلله خالوه يسرج الحال انتي شحالج
ام محمد: الحمدلله الى الغاليه انتي من بنته ؟
البنت : انا بنت محمد بن سعيد ال....ي
ام محمد وتحاول تتذكر: انتي يدتج امنه بنت مبارك
البنت : هيه خالو يدتي امنه الله يرحمها وانا سميتها
ام محمد : الله يرحمها كنا يران بيتنا حذال بيتها
امنه: الله يرحمه
ام محمد: اللى انتو الحين وين سكون ((ساكنين))
امنه : هيه في دبي
ام محمد: عيل رديتو من راس الخيمه
امنه: هيه تقريبا من خمس سنين نحنا مستقرين هني
ويلست تسولف وياها شويه ويعدين روحت
اليوم الثاني الكل متيع و مها يايتنهم من بوظبي
عبدالله ويالس عدال خالد
عبدالله وبدون مقدمات: امي الدوام بيطرشوني دوره خمس شهور لندن
ام محمد : يالله خمس شهور شو يوديك
محمد وهو محرج وقاله مثل شعبي (شلك على البحر وأهواله... وارزاق الله على السيفه )) احنا من البدايه قايليك لا تداوم مب قاصرنك شي
خالد"وبدأ المحامي الرسمي عن عبدالله" : لا عادي اللى خمس شهور بيطوفن بسرعه
مها : وين بيطوفن بسرعه خمس شهور مب خمس ايام
خالد: انزين خلوه على كيفه شو يعني اللى خمس شهور
مها : لا مب على كيفه ولا شي
خالد: عيل انتي سرتي بوظبي تعيشين محد قالج مب على كيفج
ها الوقت عبدالله عيبه رد خالد كان وده يسير يحبه على راسه
ساره حبت تغير السالفه : خالد البارحه عموه حصلتلك حرمه غاويه
خالد ويصد صوب امه : امي صدق
ام محمد: هيه ما شا الله عليها هذيج النبت الغاويه وطلعت اعرفهم ناس والنعم
خالد: انزين شو تتريين اخطبيها
ام محمد : اصبر عليه باخذ رقم امها من فطيم هي تعرفهم
عبدالله : هيه امي حتى انا بعرس انشا الله اول ما ارد من لندن بخليج تخطبيلي
ام محمد : انشا الله انته بس سير ورد بالسلامه و اشر على البنت اللي تباها وانا بخطبلك اياه
عبدالله يسير يحب امه على راسها : هاي الام ولا بلاش
مها : انزين ما قلتلنا منو هاي اللي تباها
عبدالله : لا تستعيلون بتعرفونها يوم برد من السفر
نواف : انزين عبود لا تنسى الصوغه
عبدالله : افا عليك انته بس اطلب وادلل وانا جاهز
عبدالله رن مبايله وطلع برع يرمس
ام محمد: الله يستر من ها الولد
خالد : لا امي ما اعليج
ام محمد: وين ما عليه وهو اربع وعشرين ساعه ملصق هاي السماعه على اذنه ما يندرى يكلم منو؟
خالد: امي عبود منو بيكلم يا ربعه ولا الدوام
اما عند عبدالله
عبدالله: هلا حبيبي وينج تولهت عليج
امنه : وانا اكثر بس انته تعرف البارحه ييت من العرس على طول رقدت من التعب
عبدالله : ليش متى رديتي؟؟
امنه: جي على الساعه وحده ونص او هنتين ما اذكر
عبدالله : ابا اعرف ها الكثر شو تسووون انتو الحريم في العرس
امنه : ما شي
عبدالله : اللى على طاري الكشه عاد حد سوالج سالفه البارحه تتخققين عليه
امنه : هيه كلهم كانو متخبلين عليه
عبدالله وهو منقهر:..........
امنه: شو تغااار؟؟
عبدالله :يمكن
امنه: عبادي حبيبي شو بلاك انا احبك يعني مب اي واحد يعوضني عنك وانته كل شي بالنسبه لي في هالدنيا
عبدالله : هيه الحين ريحتيني
بعد يومين ام محمد سألت عن البنت اللي شافتها في العرس وخذت رقم امها عشان تخطبه
واتصلت ام محمد بأم البنت وتعرفو على بعض واهل البنت قربوهم وقالو انه بيسوون خطبه حريم عشان هم ما عندهم رياييل مر هذا اليوم على خير ومرت الايام اللى بعدها بسرعه
ووصل يوم اللي بيسيورون الحريم يخطبون البنت رسمي
وسارت ام محمد ومها وساره وطبعا خالد هو اللي كان مودنهم
اما في البيت عقب ما وصلهم خالد شاف نواف وعبدالله وخليفه يالسين يسولفون
عبدالله : المعرس تعال ايلس ويانا شويه ولا خلاص تكبرت علينا
خالد وسار ويلس وياهم: ها عبود متى بتسير المطار
عبدالله : جي يمكن عقب ساعه
نواف : مب تقطعنا من توصل اتصل وطمنا عليك
عبدالله : افا عليكم
خليفه : عاد مب تردلنا وياك إنجليزيه يا ويلك
عبدالله ويضحك : اصلا انا بخلي قلبي هني وسير عنه
نواف : عاد بتخليه عند منوه بالضبط ؟؟
عبدالله : ان شاء الله يوم برد من لندن بقولكم
خالد ويكلم عبدالله : بعدك وياها
عبدالله وتغير ويهه الانه ما جد رمس جدام نواف وخليفه عن هذا الموضوع: هيه
خالد: الله يهديك
عبدالله وما حب كلام خالد : الله يهدني??!!!??
و سار الحجره واتصل بآمنه ويلس يرتب الشنطه ويطلعله لبس حق المطار
اما عند قوم ام محمد فتعرفو على اهل البنت بسرعه
مر الوقت بسرعه ويلست امنه وي ساره ومها اللي اونها كانت مستحيه كانو يسولفون وياها
ها الوقت رن مبايلها
آمنه : اسمحولي اشويه دقايق
مها : خذي راحتج
وطلعت برع
شافت الرقم وتقول في خاطرها" واخيرا شفت امك واخت يا عبادي "
امنه: هلا حبيبي
عبدالله: اهلين وينج
امنه : عرب يايينا ويالسه وياهم
عبدالله : انزين انا ابا اشوفج قبل لا اسافر
امنه ارتبكت: ها وكيف اطلع والناس بعدهم ما روحو
عبدالله : مب لازم تطلعين انا بمر عليج بسلم وبروح
امنه عيبتها الفكره: اوكي انا اترياك يوم بتي اتصلبي
عبدالله :اوكي كوني جاهزه عشان ما اتأخر
وسكر عنها وتلبس وتجهز وطلع من الحجره
خالد : ما شا الله من الحين متلبس
عبدالله : بسير بسلم على الربع وبيي اباك توديني
خالد : انزين لا تتأخر
وطلع عبدالله وصدق سار سلم على ربعه وبعدين سار عند بيت امنه واتصلبها
امنه: الو
عبدالله : يالله انا برع
امنه: اوكي
ويلس يترياها في السياره لين ما تي
,,,,,,,,,,,,,,,,,,,,,,,,,,,
,,,,,,,,,,,,,,,
,,,,,,,,
,,
شو تتوقعون امنه بتوافق على خالد؟؟
عبدالله بيدري عن هذي الخطبه ؟؟
شو نهايه هذي الخطبه ؟؟
العيناويه..
30-01-2008, 10:51 PM
القصه واايد حلوه
وبلييز نزلي الباارت الراابع بسرعه
معالي الوزير
30-01-2008, 11:01 PM
واااااااو قصه حلوووووووه
اضني انها بترفضضضضضض؟
ميبي؟؟؟؟؟؟
عشق 84
31-01-2008, 05:14 AM
انتررررررريااااااااااااااااااااااااااااااااااااااا اااااااااااااااااااااااااااااااااا
العيناويه..
31-01-2008, 03:01 PM
نحن في الانتـــظار..
هيبة بدويهـ
02-02-2008, 02:47 PM
نتريااا البااارت الياااي ..
الصراااااااااحه القصــــــــــــــــــــــــــه حلوووووووووووة ..
و تسلم يدينج ...
لا تتأخرين علينا ..
العيناويه..
02-02-2008, 10:31 PM
ننتظر الباارت اليديد....
هيبة بدويهـ
05-02-2008, 09:41 AM
اظن انهاا بتواافق عشاان تخرب امبينهم ...
نهااايتهااا عبدالله بيندم انه كلمهاا و حبهاا ..
^
^
^
هآآ ألي اتوقعه بس لا تتأخرين علينا فديتج ..
vip_11
05-02-2008, 06:13 PM
السلام عليكم ...
شحالكم ؟؟
هذا الجزء الرابع بين ايديكم واتريا ردودكم الحلوه
.
.
الجزء الرابع
طلعت آمنه من البيت وسارت السياره
في السياره
عبدالله : الله الله شو ها الزين كله
امنه: وانته بعد مستوي كيووووت بالجينز
عبدالله: امونه حبيبي شو تبين اييبلج من هناك
امنه وبدت دموعها تنزل بدون ما تحس الأنها تحب عبدالله من قلبها : لاتسير وتخليني روحي انا ما اسوى شي بدونك
عبدالله وكان شويه بيصيح وياها ويمسح دموعها : حبيبي لاتصيحين بسير وبردلج بالسلامه
امنه وتصيح: اول ما توصل اتصلبي طمني عليك
((عبدالله كان يحبها من الخاطر وما يتمنى يفارقها ))
عبدالله وحضن آمنه
عبدالله:امونه حبيبي لاتوصيني انا بدون ما تقوليلي بتصلبج كل يوم
امنه ابتعدت عنده : اوووه نسيت اللي داخل اخاف امي تطلع ادورني يالله في حفظ الرحمن
عبدالله ابتسم: مع السلامه
ودخلت امنه البيت وسارت حجرتها وعدلت مكياجهااللي اخترب من الدموع
ونزلت تيلس وياهم
اما عبدالله فسار البيت وحط اغراظه في سيارت خالد
في طريجه للمطار
عبدالله : خلود تدري توني ياي من عند منو
خالد: منو؟؟
عبدالله: امونه فديتها بتوله عليها وايد كسرت بخاطي يلست تصيح
خالد : انزين وسرت تسلم على الربع
عبدالله : هيه كانو متيمعين كلهم في بيت نصور
خالد: هيه ما شاالله شكلي عقب ما اوصلك بسير اتيلس وياهم
عبدالله : هيه والله اليلسه وياهم حلوه وما تنمل
خالد: هيه والله
ووصلو المطار
عبدالله ويسلم على خالد
عبدالله: ما اوصيك يا بو وليد سلملي على اميه ومها ومحمد
خالد: يبلغ ان شالله وانته تحمل على عمرك
عبدالله: وانته بعد لا تقطع
خالد: ان شاء الله
وخلصو الاجراءات ودخل عبدالله داخل ويلس يتمشى في سوق الحره
وبعدين سار ويلس في الكوفي بترى النداء الاخير لطيارته
ويلس يلعب بمبايله ويطرش مسجات حق ربعه
وطرش مسج حق امنه وكتب فيه
من مطار دبي ودعت البلاد عبرتي شنت على قلبي الزعل
ضايقن بالي وما جاني رقاد اكتأب والجوف يدميه الملل
مصعب الفرقى عليه والبعاد وش يكون اللي عن الغالي رحل
صرت احبك والمحبه لك تزاد وشوقي المقهور يترجى الأمل
انته كل الحب وكله المراد وانته في قلبي ولا غيرك بدل
قصب عني رحت وما فاد العناد القدر يحكم معى ضروف العمل
هذا الوقت ام محمد وساره ومها روحو من بيت امنه
امنه وامها كانو يسولفون علنهم
ام امنه: والله يا امنه اشوفهم عرب زينين والريال زين لا تفوتيه
امنه : اميه ايصير خير انا بسير ارقد
وسارت الحجره وفتحت تيلفونها ويلست تقرى المسج
آمنة وتقول في خاطرها " ياربي شو اسوي بالمصيبة اللي ستوت اليوم شو ارد على العرب ياربي انا اموووت في عبادي ما اقدر اعيش بدونه بس خالد ريااال والنعم فيه "
امنه تعبت من كثر التفكير فرت المبايل على السرير وطلعت من الحجره وسارت الصاله
ام امنه: امونه ما رقدتي
امنه : لا ما ياني الرقاد
ام امنه: اشوفج تفكرين في السالفه
امنه : لا اميه بس ابا اسير عند قوم خالي هاي الايجاره شو رايج
ام امنه : والله زين من زمان ما سرنالهم
امنه: هيه بس انا ببات ما اروم اصك درب لين راس الخيمه و ارد
ام امنه: انزين على هواج
امنه: وانتي ما بتين ويايه
ام امنه: والله ما ادي لين باجر يصير خير
ام امنه : انزين اتصليلهم وقوليهم انج بتباتين عندهم
امنه : انا الحين بتصل بميوووه ((بنت خالها)) بقوللها اني باجر بييهم
وسارت حجرتها واتصلت بمي
مي: هلا والله بالقاطعه
امنه : وحليلي انا القاطعه ولا انتي اللي اللي ما تسـألين
مي : انا كل يوم اتصلبج اللى انتي ما تسألين اللى اليوم يوم سافر حبيب القلب فكرتي فيه
(( مي ربيعه امنه الوحيده من يوم كانو صغار ومي تعرف اسرار امنه كلها وامنه تعرف اسرار مي))
امنه : ميووه عندي وااايد سوالف لج
مي : انزين قولي
امنه: لا شو رايج باجر اييكم وابات عندكم واقولج الانه بتعب وانا اقولج بالتيلفون
مي كانت فرحانه : الله ??
امنه: اكيد يعني مثلا برد دبي
مي : اتحرى بعد
امنه: اللى شحال سعيد
سعيد ربيع عبدالله امنه معرفتنه عليه
مي : تعالي وبسولفلج عنه
امنه: هيه انا بعد عندي لج مفاجأه
مي: ياربي يالله قوليها ولا سكري
امنه:ههه بسكر احسلي
مي : وال ماصدقت
امنه : هيه بعد شو بطالع عبادي حبيبي ركب الطياره ولا
مي:اها اوكي سلمي عليه
امنه: يبلغ
وسكرت عنها واتصلت بعبدالله لقته مغلق يعني اكيد طارت الطياره
ورقدت امنه من وقت عشان تنش الصبح وتسير بيت خالها اللي في راس الخيمه
وعلى الفجر رن مبايلها
امنه: الو؟
عبدالله:هلا بها الصوت
امنه :هلا فيك ها وصلت
عبدالله :هيه توني نازل من الطياره
امنه:الحمدلله على السلامه حبيبي
عبدالله: انتي شحالج ؟
امنه : تمام اليوم بسير بيت خالي
عبدالله : روحج؟
امنه:هيه ما عليه شر
عبدالله : لا لا تسيرين روحج لين راس الخيمه
امنه: شو اسوي لو انته موجود جان وصليتني ولا
((الانه عبدالله دوم كل ما تسير راس الخيمه روحها يلحقها بسيارته لين ما توصل بيت خالها ويرد عنها ))
عبدالله: اكيد وصلا انا لي غيرج
امنه اونها استحت :..........
عبدالله : اقول حبيبي انا الحين بخليج مع السلامه
امنه : باااي
وعلى طول من سكرت عنه كملت رقادها
اما عبدالله فتصل بأمه عشان يطمنها انه هو وصل ومن كلم الام يلست اتصيح
عبدالله: اميه ليش تصيحين انزين انا اللى البارحه طاير عنكم
ام محمد : انزين يا عبدالله بتيلس خمس شهور وين ما تباني اصيح
عبدالله: اميه بيطوفن بسرعه واذا رمت اخلص الشغل بسرعه بييكم بسرعه انتو بس ادعولي
ام محمد: بدون ما توصي انا ادعيلك ليل وانها
عبدالله : انزين اميه تامرين بشي
ام محمد: فديتك لا تعب عمرك وتصلبي كل يوم طمني عليك
عبدالله :انشالله انا الحين بسكر عنج بسير اييب الشنط وبسير الفندق
ام محمد: يالله في حفظ الرحمن يا الغالي
وسكر عنها وسار الفندق وارتاح شويه وبعيد سار يطالع نضام الدوره اللي مطرش عشانها وحصل الشباب اللي بيكونون وياه طول ها الفتره كانو تقربيا من كل الدول وحصل كم واحد من دول الخليج والوطن العربي بس اللي تعرف عليه ولد بلاده ويلس يسولف وياه
عبدالله : زين اني حصلت حد من البلاد
منصور : هيه والله انا من ييت وانا ادور وااحد من ولد البلاد
عبدالله: ليش انته من كم يوم ياي
منصور : تقريبا من ثلاث ايام
عبدالله :زين ما شا الله
منصور: وانته
عبدالله:انا يعني قبل شويه ياي
منصور: وحليلك
وبعدين بدأ الاجتماع اللي الأنه ها اول يوم في الدوره عشان يقولوهم شو بيسوون وبعد ما خلصو الاجتماع سارو وياكلون في البوفيه اللي مسوينه حقهم طول الفتره اللي بييلسونها
بعد الاكل
عبدالله : منصور شو رايك نسير نتمشى برع
منصور : لا انته سير ارتاح وبعدين بنسير نتمشى
عبدالله : لا تحاتيني انته قوم نتمشى
منصور :يالله قوم
وسارو برع يتمشون ويتكلمون مع بعض
اما عن امنه فسارت بيت خالها وتغدت عنهم
ام مي : والله تولهنا عليكم وينكم ؟
امنه: مجودين بس تعرفين الكليه وحاله بس انا تولهت عليكم عشان جي ييت ابات عندكم اليوم
ام مي : الصراحه هذا احلى خبر سمعته اليوم
ها الوقت دخل ولد خالها واسمه عيسى عمره 23
عيسى : هلا توه البيت منور
امنه وسارت تسلم عليه : منور بوجود اهله
امنه ما تلبس عن عيسى شيله ولا تلبس عن خوانه الباقين مع انهم كلهم كبار
مي وتسحب امنه: امون تعلي الحجره بنسولف
عيسى: بسم الله خليها بنسولف وياها
امنه: هي والله انا من زمان ما شفت عيسى خليني اسولف وياه
مي : انزين بس خمس دقايق
امنه : عيسى عيل وين قوم حمود وفصووول
عيسى : ما ادربيهم سايرين يتحوطون
امنه ويلست تسولف وي عيسى وبعدين يو حمود وفصووول ويلسو يسولفون ويحكون وبعدين عيسى قال انه بيطلعهم وطلعو وي بعض وما ردو لين عقب العشى تعشو البنات وكانو ميتات من النوم
وسارن الحجره عشان يرقدن
امنه: ها ميوه شحال سعود
مي : والله خلاص انا من زمان مودرتنه وخلاص عاهدت نفسي انه سعود هو اول واحد واخر واحد اكلمه
امنه: انزين انتي اصلا ما طولتي وياها بس كم شهر
مي : احسن
امنه: والله انج غريبه اصلا انتي ما كلمتيه عشان تهدينه
مي : المهم شو السر اللي كنتي تبين تقوليلي اياه
امنه وتلعب بخصله من شعرها : في وااحد خطبني
مي : منو عبادي
امنه: لا
مي : منو؟؟
امنه: خالد
مي : منو خالد؟
امنه: خالد خليفه ال......ي
مي وهي مصدومه : اخو عبدالله
امنه :هيه
مي : وانتي شو رديتي عليهم
امنه: لا بس شكلي ها الاسبوع برد عليهم
مي : اكيد مب موافقه
امنه: ومنو قالج
مي وانصدمت اكثر: ليش ؟؟
امنه : انا موافقه على خالد
مي : وعبدالله ما تحبيني
امنه: احبه وامووت عليه وما قدر على فراقه بس بعد احب خالد
مي : وانتي من متى تعرفين خالد عشان تحبينه
امنه: ما اعرفه بس من كلام عبدالله وشفت صورته في بوك عبدالله
مي وبدت تحرج على سخافة امنه: يعني لها الدرجه خالد احلى عن عبدالله بصوره حبيتيه
امنه: لا على فكره خالد وااايد يشبه عبدالله كأنهم توأم وعبدالله احلى
مي وشويه وبتصيح : امون انتي تدرين شكثر عبدالله يحبج وانه بيخطبج اول ما يرد من السفر
امنه : اف من كلامج انزين اوكي انا بعد احبه بس بغير عنه
مي : امون انتي تخبلتي شو بغير عنه يعني انتي بقرارج هذا بتخسرين عبدالله
امنه: يا مي انا عشت وي عبدالله سنين حلوه بعد ابا اعيش وي غيره
مي : يا امنه يا حبيبتي انتي خالد بتعيشين وياه طول حياتج مب كم سنه وبعدين تغيرن
امنه : انزين انا اعرف اني بعيش وياه حياتي كلها اللي بتي
مي : وعبدالله اللي سوى المستحيل عشانج تغرب عشان يرضيج
امنه : يا ربي يا محاضراتج يا ميوه
مي : امون بطريقتج هاي انتي بتفرقين بين عبدالله وخالد وانتي تدرين هم شكثر وي بعض
امنه وتبتس ابتسامه خبيثه : ادري
مي وتيود امنه من جتفها : انتي تخبلتي ولا بعدج صاحي اقولج بيتفرقين بين عبدالله وخالد وتقوليلي ادري
امنه: انا بكامل قوايه العقليه وانا احب عبدالله بس باخذ خالد
مي وخلاص وصلت عندها : صدق انج متعقده ما رضيت يوم كانو بيودونج يعالجونج عن ها الخبال اللي فيج قلتلهم امنه بخير ما بلاها شي بس ما توقعت انه الحقد والغيريه اللي في قلبج بتوصلج هالمستى الواطي
امنه : مي انا ما اسمحلج
مي ما سوتها سالفه: خلاص انتي الحقد عمى قلبج ما توقت انه حياتج وانتي ياهل بتأثر فيج لها الدرجه وبتخليج تحقدين على كل واحد او وحده عايشين وي اهلهم في بيت واحد ومستقرين في حياتهم
((امنه امها ابوها كانو مطلقين وكانت عايشه بين المحاكم واذا سارت عند ابوها ما تشوف امها اذا سارت عند امها ما تشوف ابوها لين ما كملت 13 سنه وبعدين توفى ابوها وعاشت وي امها اللي ما كانت تسأل عنها كل يوم من عزيمه لين عزيمه ومن عرس لين عرس))
امنه: مي انا مقتنعه باللي اسويه
مي : اوكي اذا انتي مصممه انج تاخذين خالد انسي انه عند بنت خال اسمها مي كانت في يوم من الايام ربيعتج روحج الثاني امسحيها من بالج
امنه : اذا هذا كلامج انا عادي عندي
مي كانت بتنهار الصياح والقهر: انزين خلينا نرقد وباجر يصير خير
وكل وحده حطت راسها بترقد ماياها الرقاد يلست تفكر في السالفه
وعلى اليوم الثاني الصبح نشت امنه وحطت اغراضها وسلمت على خالها وحرمته وروحت
امنه في الطريج
اتصلبها عبدالله من بطاقه بريطانيه
امنه: الو؟
عبدالله: هلا بها الصوت
امنه من سمعت صوت عبدالله يلست تصيح
عبدالله : امون حبيبي شو بلاج ليش تصيحين شو مستوي
امنه: ماشي
عبدالله : شو ماشي وانتي تصيحين جي
امنه: ماشي تضاربت وي ميوه
عبدالله: وليش
امنه: ما شي سالفه سخيفه
عبدالله: مستحيل تكون سالفه سخيفه وانتي تصيحين
امنه: قاليتي انسى انها بنت خالي
عبدالله : فديتج لا تصيحين ما تسوى دموعج الغاليه انج تصيحين عليها امسحي دموعج الحين وتعوذي من بليس
امنه وتمسح دموعها وتعوذت من بليس
.
.
.
التابع في الصفه التاليه
vip_11
05-02-2008, 06:40 PM
تابع الجزء الرابع
الانه طويل ما يستوي انزلت مره وحده فنزلته على دفعتين
..
..
تابع الجزء الرابع
امنه وتمسح دموعها وتعوذت من بليس
عبدالله : انتي وين
امنه: انا في الطريج قبل شوي طالعه من بيت خالي
عبدالله : يالله بما انج تسوقين انا بخليج
امنه: لا تم بكلمك
عبدالله : مابا اخرب عليج يوم بتوصلين اتصليلي على هذا الرقم اوكي
امنه: اوكي
وسكر عنها وسار عند منصور عشان يسيرون يتغدون وبعيد يكملون شغلهم كانت الساعه وحده ويبخلص شغلهم الساعه خمس المغرب
اما عن امنه فوصلت البيت وحصلت امها يالسه تطالع التلفزيون
ام امنه: امنه ليش رديتي من وقت
امنه: بس جي تولهت عليج وبعدين خفت اتأخر وياهم وتلهيني السوالف واتم لين الفليل وبعدين انا في الظلام ما اقدر اقطع درب
ام امنه: زين سويتي
امنه: ادري انه زين (( وسارت فوق بدون نفس وغيرت لبسها واتصلت بعبدالله في لندن))
عبدالله اول ما قرى الاسم سار بعيد عن منصور
ويلسو يسولفون هو امنه وبعدين سكر عنها الانه منصور يالس روحه
منصور : ما شاء الله عليك منو يتصلبك هالكثر
عبدالله: الاهل
في بيت ام محمد((ام عبدالله))
خالد: ها امي ردو عليج العرب
ام محمد : لا انا اليوم بتصل بأمها وبطالعها
خالد : انزين لا تتأخرين في الرد اول ما تسكرين من عندها اتصليلي
وحب امه على راسها وطلع
على الغدى في بيت امنه
ام امنه : ها امونه حبيبتي فكرتي في السالفه
امنه :هيه
ام امنه: شو ردج
امنه : موافقه
ام امنه وكانت فرحانه : هذي الساعه المباركه مبروك الغاليه
امنه بدون نفس : الله يبارك فيج
وعلى العصر اتصلت ام محمد بأم امنه عشان تطالع الرد ويوم عرفت انها موافه فرحت وعلى طول اتصلت بخالد وخالد من الفرحه على طول اتصل بعبدالله يخبره
عبدالله : عاش من سمع صوتك
خالد: عاشت ايامك
عبدالله : ها شحالك
خالد: الحمدلله تمام وانته
عبدالله : الحمدلله تعرفيتلي على واحد من البلاد اسمه منصور والله ريــال والنعم
خالد : زين الحمدلله
عبدالله : خلود عندك شي تبى تقوله صح
خالد : هيه بس انته ما عطيتني المجال
عبدالله : يالله الحين ارمس على كيفك
خالد: الناس اللي خااطبين عنهم واافقو
عبدالله : والله زين مبروووك الغالي
خالد: الله يبارك فيك
عبدالله : ها متى الملجه انشاالله
خالد: والله ما ادري انا اباها ها الاسبوع ولا الياي
عبدالله : زين بس ما بتتريانا اشهد
خالد: لا حبيبي انته تم مكانك وغيرك اللي بيشهدون
عبدالله :هههههه يالله اهون عليك
خالد: لا بس انته الحين مشغول
عبدالله : ما علينا الحين انته شحالك
خالد: تمام بس مضايج
عبدالله : ليش؟
خالد: اذا عرست وين اسكنها ؟
عبدالله ويضحك : من الحين تفكر وين بتسكنها
خالد : هيه انته تعرف نحنا شارطين عليهم انه الفتره اللي بتكون بين الملجه والعرس قصيره
عبدالله : يعني العرس بعد ما بلحق عليه
خالد : لا انشا الله بتلحق
عبدالله : انشاالله انته لا تشل هم عن سالفه وين بتسكنها سكنها في حجرتنا انا وانته وانا بسير ارقد عند قوم نواف يعني ما شي مشكله موول اهم شي انته تكون مرتاح
خالد : لا شو مايستوي انتو ثلاثتكم في حجره
عبدالله : عادي ولا تسير تأجرلك شقه
خالد حس بطيبه عبدالله وقلبه الكبير: مشكور اخويه ما تامرني على شي
عبدالله : لا الغالي بس سلم على الجماعه والربع
خالد : يبلغ
وسكر عبدالله عن خالد ويلس يكمل شغله
منصور : ها شحال اللي في البلاد
عبدالله: الحمد لله بخير خالد اخويه خاطب وان شالله على الاسبوع الياي بيملج
منصور : ما شاء الله الله يسرله
عبدالله : امين
منصور : عبدالله يمكن الربع ايوني زياره كم يوم
عبدالله : زين بنستانس وياهم بس متى بيوون
منصور : على الاسبوع الياي انشا الله
اما عند خالد
خالد: امايه
ام محمد : هلا
خالد: اميه قوليلهم نبغي الملجه على الاسبوع الياي
ام محمد : يا خالد ما جنك مستعيل
خالد : اميه اتي قوليلهم
ام محمد: انا بقولهم
خالد : انزين انا بطلع الحين وانتي لا تنسين تتصليلهم
وطلع خالد واتصلت ام محمد بأم امنه وقالتها
ام امنه عقب ما سكرت من ام محمد سارت عند امنه
ام امنه : امنه توه ام خالد متصله وتقول يبون الملجه عقب اسبوع شو رايج
امنه : زين انا عادي عندي انتي شو رايج
ام امنه : والله انا احس انه واايد قريب لو نأجل موضوع الملجه على الاقل سبوع زياده
امنه: ما ادري انا اشوف انه هذا الاسبوع احسن الانه الاسابيع اليايه عندي وااايد اشغال
ام امنه:عيل انا بقولهم انه نحنا موافقين
امنه: زين
وطلعت ام امنه ويلست امنه بروحها تفكر
امنه" زين احسن تكون الملجه الاسبوع الياي على الاقل ما يكون عبادي موجود "
امنه" اوووه صح لازم اسير اطلعلي بطاقه ايديده ما يعرفها عبدالله بس تكون حق خالد "
وتلبست وتعدلت ولبست عباتها وطلعت برع
ام امنه : ها امونه وين بتسيرين؟
امنه وتقول في خاطرها "وانتي من متى تسأليني وين اسير ولا وين ايي؟"
امنه: بسير السوق شويه
ام امنه : الله يحفظج
وطلعت امنه من البيت وسارت صوب الاتصالات عشان تطلعلها رقم يديد
وهي في الطريج اتصلت بعبدالله
امنه :الوه؟
عبدالله وكان عدال منصور ونسى عمره : هلا بحبيبي
امنه: عبادي تولهت عليك وااايد
عبدالله : انا اكثر انتي شحالج ؟
امنه: الحمدلله تمام وانته
عبدالله : والله اني متوله عليج وعلى البلاد
امنه: مدام انته متوله عليه ليش ما تتصل بي تخليني احاتيك
عبدالله : فديتج والله انه الشغل لين راسي ما عندي وقت موول
امنه: حتى ما عندك وقت حقي
عبدالله: افا عليج من اليوم وساير تيلفونج ما بيسكت من كثر ما اتصلبج بعد شو تبين
امنه: سلامتك
ويلسو يسولفون شويه وبعدين سكرو
منصور استغرب من عبدالله وتم يفكر هل عبدالله معرس وماقالي ولا هو خاطب؟؟؟"
عبدالله : منصور شو بلاك
منصور: عبدالله انته معرس ؟
عبدالله استغرب من سؤال منصور صح انهم ما كملو اسبوع وي بعض يعني مايعرفون بعض عدل
عبدالله: لا
منصور: ولا حتى خاطب؟؟
عبدالله هذا الوقت فهم منصور وابتسم : لا , هذي اللي اكلمها هذي وحده احبها من كم سنه وان شاء الله يوم برد البلاد بخطبها
منصور: زين ما شا الله
عبدالله : و انته
منصور : وانا شو؟
عبدالله : ما تفكر في العرس
منصور : لا والله بعدني
مر هذا الاسبوع بسرعه وقرب يوم ملجت خالد
ربع منصور وصلو عندهم وكان عبدالله وااايد مستانس وياهم حس بهم مثل خوانه وربعه
امنه كانت مرتبكه وخالد كان فرحان
المهم مر هذا اليوم بسرعه ويا يوم الملجه
الكل كان مرتبش وخاصه خالد
كانو مسووين حفله صغيره
امنه عزمه مي بنت خلها بس طبعا مي ما سوتلها سالفه بس خوانها قوم عيسى وي امهم وابوهم
ام امنه : عيل وين مي ليش مايت
ام عيسى((اللي هي ام مي)): والله قالتلي انها تعبانه وما تقدر تي ويانا
ام امنه : الله يعافيها
وخلصت الحفله ودخل خالد يسلم عليها انبهر بجمالها وانعجب فيها من اول نظره كانت ساحره الكل بجمالها
بعد السلام يلس عدالها
خالد : شحالج امنه
امنه : الحمدلله وانته شحالك ؟
خالد: الحمدلله
خالد كان مرتبك اول مره يشوفها بس آمنه تعرف كل شي عن خالد كانت عاديه بس كانت تسوي عمرها مستحيه
بعد فتره من الصمت
دخل خال امنه اللي هو ابو مي
وسار يسلم على امنه وخالد
ويلس يسولف وياهم
ابو مي : ها خالد ما اوصيك على امنه تراها بنتي
خالد : لا توصي حريص يا بو عيسى
وها الوقت رن مبايل ابو مي
ابو مي : الو
مي : هلا ابويه وينكم
ابو مي : نحنا بعدنا في بيت عمتج
مي : انزين متى بتون
ابو مي : انا الحين دخلت اسلم على امنه وخالد والحين بنطلع
مي: اها
ابو مي : مي خذي كلمي بنت عمتج
مي حالوت تتهرب بس ما قدرت وامنه نفس الشي
امنه : الو
مي : هلا
امنه: اهلين
مي : اسمحيلي ما اقدر اباركلج وانتي تعرفين ليش
امنه: هيه الله يبارك فيج
مي : الله لا يسامحج بديتي حياتج على حساب حيات غيرج عطيني ابويه احسلي
امنه : خالي يود مي تباك
وخذ ابو مي التيلفون وطلع وخذ حرمته وسار راس الخيمه
وبعد فتره طلع خالد من بيت قوم امنه وي قوم امه ومها وساره
خالد: انا بتصل ببشر عبود
ام محمد : فديته اتصل به خلني اكلمه
وتصل خالد بعبدالله
عبدالله يوم قرى اسم خالد اخوه على طول شله
عبدالله : مبرووووووك
خالد: الله يبارك فيك عقبالك الغالي
عبدالله: امين الله يسمع منك
خالد:عبود اميه تبا تكلمك بس لا تسكر عنها بكلمك
عبدالله :عطني اياها شو تتريا
خالد : اصبر شوي
ام محمد:هلا بالغالي
عبدالله : هلا فيج شحالج الغاليه
ام محمد : الحمدلله عساك مرتاح
عبدالله :الحمدلله
عبدالله: امي هذوه منصور اربيعي بيسلم عليج
وعطى منصور ربيعه التيلفون
منصور منصور ارتبك : الو؟؟
ام محمد: هلا بمنصور شحالك ابويه
منصور:شحالج خالوه عساج مرتاحه
عبدالله يكلم منصور
عبدالله:بسك بسك عطني اكلمها
وخذ السماعه
عبدالله : ها اميه شحالكم بعد
ام عبدالله : الحمدلله نترياك تي البلاد عشان نخطبلك بنت الحلال
عبدالله : فديت ويهج يا امي اللى كم شهر وانا في البلاد
وتكلم وي امه شويه
عبدالله : امي عطيني خلود
عبدالله : ها يا المعرس شو شعورك
خالد : والله فرحان
عبدالله : انشا الله دوم
عبدالله : اقولك خلود يالله مع السلامه انا بسكر عنك
خالد : بسم الله شو بلاك بتسكر خلنا نسولف
عبدالله : بسير اتعشى الاني بموت من اليوع
خالد: عيل مع السلامه وانته بعد سلم على اللي وياك
ويلس عبدالله يسولف وي منصور
اللي كانو يتعشون
في حجره عبدالله
عبدالله : منصور تصدق تولهت على ربعك
منصور:هيه حليلهم والله مكانهم خالي
عبدالله : تصدق بقول حق الربع ايون كم يوم بنستانس وياهم
منصور :هيه والله بتسوي زين بروحنا يالسين ملل
عبدالله ويتذكر امنه:اوووووووووووه نسيت
منصور: وشو اللي نسيته
عبدالله : نسيت اتصلبها
منصور: منو هاي؟
عبدالله : خطيبتي
منصور:اها اتصلبها انزين
عبدالله : لا بتصلبها بعدين
منصور: انزين بيتأخر الوقت عندهم
عبدالله : لا عادي هيه تسهر
منصور : اها
ويلسو يسولفون وي بعض وبعدين منصور سار يرقد
وعبدالله تجهز لنوم واتذكر امنه واتصلبها
ها الوقت امنه كانت تكلم خالد على رقمها اليديده ورن مبايلها الجديم
امنه: خالد
خالد: هلا
امنه : انا بسير ارقد
خالد: تصبحين على خير
امنه: وانته من اهله
وسكر خالد بكل هدوء
وعلى طول من سكت من خالد وتأكدت انها سكره من خالد ردت على عبدالله
امنه: هلا والله
عبدالله : هلا والله بها الصوت الحلو
امنه : تسلم
عبدالله : امونه حبيبتي تدرين اليوم شو استوى ؟
امنه: شو؟
عبدالله : خالد اخويه ملج
امنه ها الوقت تغير ويها وارتبكت وسوت عمرها عادي عندها
امنه: والله ??? مبرووك عقبالك حبيبي
عبدالله : امونه
امنه: هلا عبادي
عبدالله : تحبيني
امنه : اكيد احبك اللى امووت في هواك
عبدالله : عيديها
امنه اونها مستحيه :..............
عبدالله : الله يخليج عيديها عشان خاطري
امنه: احبك امووت فيك
عبدالله: تدرين حتى انا احبج واموت فيج بعد
امنه : ادري
عبدالله : تدرين اني يايب صورتج ويايه وحاطنها في الكبت يوم اتوله عليج اطالعها
امنه: والله
عبدالله : هيه يبت صوره وحده والباقي خليتهم في كبتي
امنه وها الوقت زاغت انه خالد يطالع الصور
امنه : عبادي اخاف حد يطالع الصور
عبدالله : ما عليج الصور في الحفظ و الصون الانه حاطنهم في ظرف في الصندوق والصندوق مقفول
امنه ها الوقت ارتاحت : هيه الحين اطمنت عبادي حبيبي انا الحين برقد اكلمك باجر
عبدالله: اوكي حبيبي تصبحين على خير
وسكر عبدالله عن امنه
..
.
.
هل بتستمر علاقة عبدالله وامنه مثل قبل ولا ؟؟
هيبة بدويهـ
05-02-2008, 07:33 PM
مشكوؤوؤوؤوؤوؤرة ع التكملـــــــــــــــــه ,,
الصرآآآحــــــــــــــه آمنــــــــــــــــه تقهـــــــــــــــر ..
و عبد الله الللله يعينــــه ..
مـآآظــــــــــــــــن تستمر مثل قبـــــــــل يوؤوؤم يعرف انها حرمـة اخووه ...
العيناويه..
06-02-2008, 10:38 PM
ننتظر الباارت الخاامس
العيناويه..
08-02-2008, 12:18 AM
ننتظر الــتكمله
محد شراتي
09-02-2008, 03:03 PM
ثااااااااااانكس على القصه الحلوووووووووووووووه
العيناويه..
09-02-2008, 09:46 PM
ننــتظر الباارت الخاامس..
vip_11
19-02-2008, 08:58 PM
السلام عليكم
اسمحولي طولت عليكم
يالله نتريا ردودكم
..
..
.
.
الجزء الخامس
مرت الايام وامنه بعدها وي عبدالله ولا كأنه مالجه على خالداخوه
وخالد وايد تعلق امنه
بعد مرور شهر تقريباعلى ملجه خالد وامنه
يوم السبت بالتحديد
خالد وامنه كانو بيطلعون يحجزون القاعه حق العرس وسوون الكوشه
وصل خالد عند بيت امنه
واتصل بها
خالد: امنه اطلعي برع انا اترياج
امنه وكانت تشوف سيارته من الدريشه
امنه : خالد دخل السياره في الحوي وادخل البيت وانا الحين بيي
خالد: ان شاالله بس لا تتأخير
امنه : اوكي
ودخل خالد البيت وسلم على ام امنه ويلس يسولف وياها وبعد ربع ساعه نزلت امنه وطلعو
في السياره
كان الجو هادي خالد كان ساكت الانه مب معود عليها
اماعن امنه فكان عادي عندها ومتعوده على السياره الانه عبدالله كان يمر عليها دوم بسياره خالد
امنه شافت صورت عبدالله على المنضره اللي جدام
امنه تستهبل : خالد هاي صورت منو؟؟
خالد: هاي صوره عبادي اخويه
امنه : هيه هذا اللي في بريطانا
خالد: هي
امنه : متى بيرد من بريطانيا ؟
خالد : والله مادري بس تولهت عليه
امنه وبحركه لا اراديه حطت السيدي اللي تحطه كل ما تطلع وي عبدالله
خالد : هذا السيدي اللي حطيتيه من اعز سيديات عبدالله ما ادري ليش مب من زينه
امنه: حرام عليك واايد حلو
خالد ويطالع امنه : عيبج ؟؟
امنه: وااايد
خالد: خذيه حقج
امنه : حرام عيك مال اخوك
خالد: عادي مب من زينه
امنه : هههه اوكي
ووصلو الفندق اللي بيحجزون فيه
ويلس خالد يتفاهم وياهم على تاريخ حجز القاعه
خالد : امنه الريال يقول في عقب شهرين وشي عقب اربع شهور
امنه: الشور شورك
خالد: والله انا ودي اللي عقب شهرين انتي شو رايج
امنه ها الوقت يلست تفكر وتقول في خاطرها " اممم عقب شهرين يعني بيكون شهرين على رده عبدالله زين "
خالد:امنه وين رحتي ؟؟
امنه:ها اوكي خلاص بعد شهرين
.
.
اما عند عبدالله
فكان ناصر اربيعه متصل به ويسولف وياه
عبدالله : نصور شو رايكم توني هني كم يوم
ناصر :والله زين بس بقول حق الشباب
عبدالله : بنستانس وياكم واايد الجو الحين حلو
ناصر : انزين شحالك انته الحين
عبدالله:الحمدلله والله مستانس.والربع شحالهم عساهم بخير
ناصر:والله كلهم بخير وسهاله
عبدالله : سلم عليهم
ناصر:يبلغ أن شا الله عبود انا الحين بخليك يالله مع السلامه
عبدالله: مع السلامه الغالي
وسكر ناصر عن عبدالله وقال حق الشباب وعيبتهم الفكره وقررو انتهم يسيرون بريطنا عند عبدالله .
مرت الايام وصلو ربع عبدالله بريطانيا وسار استقبلهم من المطار هو ومنصور
كانو مستانسين وااايد كل يوم يطلعون ويحوطون
في يوم من الايام كانو كلهم يالسين في شقه الشباب ويالسين يلعبون بته ويسولفون
في ها الوقت رن مبايل عبدالله شاف رقم امنه بس مارد عليها واتصلت اكثر من مره
سالم:عبود ليش ما ترد ؟؟
عبدالله:مب لازم
سعيد((ويكلم سالم)) :انزين يمكن ما يبا يكلمها جدامك
ناصر: عبود انته بعدك ويا اموون ؟؟
منصور انصدم انه كل ربعه يعروف ربيعه عبدالله اللي صدمه اكثر انهم يعرفون اسمها
سالم :انته شو تقول الريال يفكر يوم يرد من السفر يخطبها
ناصر وانصدم من كلام سالم: عبود صدق اللي اسمعه??
عبدالله حرج على ربعه وفر الورقه اللي في ايده وشل مبايله وطلع عنهم
سعيد(ووقف عشان يلحق عبود): انا بسير اطالعه
ناصر: سعود لا تسير خله بعدين بيهدى وبيينا روحه
منصور:انتو اصلا ليش تفتحون وياه هذا الموضوع وانتو تعروفن انته ينزعج منه
ناصر: لا نحنا مب مقصدنا نزعجه بس والله اني انصدمت من اللي يقولونه و انا من زمان غاسل ايدي منه
مايد: خلوه عنكم الحين عاد انتو ما تعرفون عبود يعني
ويوم كان عبدالله يبطل باب شقته رن مبايله
شله عبدالله وكان صدق محرج
عبدالله:انتي شو تبين هالكثر متصله شو عندج يعني ما تعرفين انه يوم ما ارد عليج ربعي عدالي لازم تحجيني لين ما اشله
امنه زاغت من لهجه عبدالله اللي اول مره يحرج عليها من كلمها
امنه ويلست تصيح :عبادي والله اني خفت عليك يوم ما شيلته
عبدالله : ارتاحي انا بخير ما بلاني شي وخليني الحين يالله مع السلامه
وسكر عنها الانه صدق كان محرج
بعد دقايق عبدالله انتبه لنفسه انه قلط على امنه ورد اتصلبها كم مره بعيد شلته
امنه: نعم ؟!
عبدالله: حبيبتي انا اسف ما كان قصدي ازعلج بس كنت محرج شويه
امنه : انزين ليش تبرد حرتك فيه
عبدالله: والله اسف قلتج اسف عاد يالله عن الدلع
امنه:...........
عبدالله: خلاص عاد بسج دلع
امنه: عبادي
عبدالله:عيونه
امنه:عبادي ليش كنت محرج؟؟
عبدالله:هاذيل قهروني
امنه:اها ما عليك منهم خلهم يولون
ويلس يسولف وياها لين ما نسى السالفه ورد يلس عند ربعه ولا كأنه شي مستوي
منصور: شو رايكم باجر نسير الهايد بارك
سالم : والله زين
منصور: هيه والله من كم يوم ما سرنالها
ناصر: اقولكم الوقت واايد تأخر خلونا نرقد
عبدالله: هيه والله نحنا ورانا نشه من الفجر
اليوم الثاني نشو عبدالله ومنصور من الصبح وسارو وخلصو اللي عليهم وطلعو بعد الظهر وسارو عند الشباب يوعونهم
منصور : يالله قومو نحنا بنتسبح وبنغير لبسنا واذا ما نشيتو بنروح عنكم
وسارو منصور وعبدالله تسبحو تلبسو
منصور : عبود نحنا بنسير نركب السياره انا والشباب لا تتأخر
عبدالله : اوكي
وتلبس عبدالله وتذكر انه امه انه متصلتله وهو كان في الشغل ومارد عليها اتصلبها على تيلفون البيت
ردت عليه شما بنت محمد
عبدالله : الو
شما: الوو
عبدالله فرح يوم سمع صوتها الانه وااايد متوله عليها : شموووه شحالج
شما: بخير
عبدالله : عرفتيني
شما: هيه
عبدالله : منو؟
شما: عمي عبادي
عبدالله : فديتج والله اني تولهت عليج
شما: ابا هديه
عبدالله :عنبوه انتي منو معلمنج الطلبه بس من عيوني ما طلبتي
ساره وشافت شما ترمس في التيلفون : انتي منو تكلمين
ساره: الو
عبدالله: السلام عليكم
ساره : وعليكم السلام شحالك عبدالله
عبدالله : الحمدلله وانتي شحالج عساج مرتاحه
ساره : الحمدالله يسرك الحال
عبدالله : ساره امي وين ?
ساره: هذيه اصبر بعطيك اياها
عبدالله: هلا بأم المعرس
ام محمد: يا هلا فيك شحالك الغالي
عبدالله : الحمدلله مرتاح بس والله اني متوله على اليلسه وياج
ام محمد ها الوقت صاحت : وانا اكثر يا الغالي وانا قلتلك لا تسافر بس انته ماطعت شو اسويبك
عبدالله : امي انا الحمدلله مرتاح قوم نصور وسلوم سعود كلهم موجودين عندي وانتي مسحي دموعج مضى الكثير وما بقى غير القليل
ام محمد : ...........
عبدالله ويبقي يهديها : امي بس عاد انا مب متصل عشان اسمع صياج اباج تسولفين ويايه ولا بسكر
ام محمد ومسحت دموعها ويلست تسولف وي عبدالله
عبدالله : اميه انا بخليج الحين الشباب يتريوني
ام محمد : في حفظ الرحمن يا الغالي تحمل على عمرك
عبدالله : انشا الله بس انتي لا تحاتين
وسكر عن امه وسار عند الشباب اللي كانو بيسيرون بالسياره الانها بعيد عنهم
مايد:جان ما ييت بعد من متى نترياك في السياره
عبدالله : والله كنت اكلم امي لين ما سكرت
منصور : يعني انته ما تولهت بأمك اللى الحين
عبدالله:عاد انا وكيفي
ناصر: عبود شو رايك ترد ويانا باجر وتيلس في البلاد كم يوم
عبدالله: تصدق والله فكره حلوه باجر السبت ايجازه والاحد بعد ايجازه بتم ثلاث ايام وبعدين برد
>>>>>>>>>>>>>>>>>>>>>>>>>>>
>>>>>>>>>>>>>>>>>>>>>>>
>>>>>>>>>>>>>>>>>>
>>>>>>>>>>>>
>>>>>>>
>>>>
>>
>
هل تتوقعون عبدالله يرجع البلاد ؟؟
العيناويه..
19-02-2008, 09:55 PM
في انتــظاار الــتكمله...
دمعي جرح خدي
20-02-2008, 04:41 PM
بصراااحه قصه حلووة
نتريا باقي الاجزاااء
عااد لاتطولين علينا
هيبة بدويهـ
20-02-2008, 06:16 PM
ميـــــــــــــــــــــــــرسي ع التكملـــــــــــــــــــه ..
اتريآآآ التكملـه ..
تحيآآتـــــــــي ..
العيناويه..
20-02-2008, 10:04 PM
في انتظاار التــكمله..
محمد الكعبي
24-02-2008, 06:50 PM
ننتظر التكمله
العيناويه..
28-02-2008, 03:54 PM
في انتظاار التكمله
بنت بوخالد
29-02-2008, 01:00 AM
قصه واااااااااااااااااااايد حلووووووووووووووه
ونتري التكمله
يسلموووووووووووو ^^
بنت بوخالد
29-02-2008, 01:00 AM
قصه واااااااااااااااااااايد حلووووووووووووووه
ونتري التكمله
يسلموووووووووووو ^^
دمعي جرح خدي
29-02-2008, 09:34 PM
طولتي علينا
نتريا باقي الاحداااث
بنت بوخالد
01-03-2008, 03:47 PM
طولتي علينا نبي نعرف الفضووول بيضبحنى
vip_11
01-03-2008, 11:49 PM
السلام عليكم
اسمحولي اذا طولت عليكم بس الضروف ما سمحتلي انزل الجزء
بس هذا الجزء واايد طويل
واتريا ردودكم الحلوه
الجزء السادس
منصور: لا والله وانا اتم روحي ويا الله اشوفك سير المطار والله اكسرها ريولك
عبدالله : ول ول خلاص هونت
مرت الاوقات الحلوه بسرعه وردو ربع عبدالله البلاد وتمو منصور وعبدالله روحهم
عبدالله ومنصور تحسنت علاقتهم وايد استوز اكثر من ربع سكنو في شقه وحده
قرب عرس خالد وامنه
بعد يومين العرس
امنه وكانت تكلم خالد
امنه: خالد
خالد:هلا امنه
امنه وكانت تقص عليه : خالد انا اليوم طلعيتلي بطاقه يديده"الانه اذا عرف انها عندها مبايل ثاني بعد العرس وهي ما قالتله يا ويلها "
خالد:ليش؟
امنه : بس جي طلعيتلي رقم احلى عن هذا
خالد:وهذا الرقم شو بتسويبه
امنه:بخليه عندي
ها الوقت خالد يا خط ثاني
خالد: امنه حد يتصلبي بخليج بعدين برد اتصلبج
امنه:اوكي
بعد ما سكر
امنه وكانت تقول في خاطرها"الحمدلله انه سكر لو يدري انه قصييت عليه وانه هذا رقمي اليديد وهذاك رقمي الجديم يا ويلي منه "
امنه:هيه صح بتصل بميوه من رقمي الثاني اللي مطلعتنه يوم ملجتي عشان اعزمها على العرس الانها ما تعرفه
واتصلت
مي:الو
امنه وهي مستحيه ومالها ويه تكلمها:هلا مي
مي يوم عرفت انها امنه: نعم؟
امنه: مي شحالج ؟
مي وبدون نفس: الحمدلله
امنه: مي بعد يومين عرسي
مي:انزين وبعدين؟
امنه وشويه وبتصيح :ميوه بعد يومين عرسي واباج تكونين اول المعازيم
مي :امنه سمحيلي
امنه وشويه وبتصيح : ميوه خلاص انسي عبادي اذا زعلتي ولا لا انا بعد يومين عرسي
مي : امون لا تخليني اذكرج انج فضلتي خالد عليه صح انه خالد ما عليه كلام بس لا تنسين انه اخو عبدالله اللي تغرب عن اهله عشان يرضيج امون انتي ما تعرفين المشاكل اللي بتيج عقب العرس تخيلي عبدالله يقولهم كل شي
امنه وتتهرب : ميوه انتي تعرفين انه عبادي اصغر مني
مي: شو اصغرمني اقل من سنه وتقولين اصغر مني من ومتى؟
امنه: اذا خطبني ادري انه امي ما بتواقف عشان جي انا وافقت على اخوه
مي: منوه دوري جذبه غير هاي الانها ما تدخل العقل الحين عموه من متى تدخل فيج وتدخل في حياتج وعبدالله مب اصغر عنج بوايد عبدالله اصغر عنج بكم شهر يعني قدج
امنه:اف انزين
مي :امون انا لو ما احبج واعتبرج مثل اختي جان ما زعلت عليج وما كلمتج
امنه:ميوه احبه والله اني احبه
مي بستهزاء :ومنوه فيهم
امنه انصدمت من سؤال مي وماعرفت تجاوبها:.................
مي :والله انج ما تحبين اللى عمرج لو تحبينه على قولتج جان ما سويتي اللي سويتيه غرج جمالج والخير اللي عندج وتتحسبن انج بتمشينهم على كيفج
امنه:..............
مي: على فكره عبدالله ما حبج عشان الفلوس اللي عندج ولا عشان جمالج يمكن يكون حبج شفقه في حالج لا ابو ولا ام تسأل عن بنتها حب يكون لج الاخو والحبيب والام والابو وكل شي بها الدنيا بس انتي طلعتي ما تستاهلينه خنتيه بأقرب خوانه له وخذتي خالد روحه الثانيه انا ابا اعرف هل انتي تبين تنتقمين واذا تنتقمين منه هو شو سوالج كرمج وحبج وعطاج قلبه هذا جزاه ؟
امنه ولا كأنه الكلام كان لها : انزين انتي بتين العرس ولا
مي وحاولت تتهرب: بفكر امون انا الحين مشغوله مع السلامه
امنه: مع السلامه
امنه يلست تفكر باللي قالته مي بس ماتأثرت واايد بكلامها وسارت تيلس في الصاله عند امها كانو عادي ولا كأنه عندهم عرس
اما عن بيت ام محمد كانت ام محمد وساره مرتبشين
يوم العرس عالمغرب
امنه كانت في الفندق يسولها تسريحه ويحطولها مكياج
رن مبايلها
امنه : الو
عبدالله: هلا
امنه ها الوقت ارتبكت بس مب من عوايدها : هلا
عبدالله حس بصوت امنه: امون شو بلاج
امنه: ماشي ليش؟
عبدالله : ما ادري صوتج متغير
امنه:لا شويه تعبانه
عبدالله: حبيبتي شو بلاج سيري المستشفى خلي حد يوديج لا تسيرين روحج
امنه: لا ما عليك بس راسي يعورني الحين بخوز
عبدالله : الله يعافيج
امنه: امين
عبدالله: امون اسمع عندج حشره انتي وين
امنه ارتبكت: ها نحنا مسوين عزيمه عوده امي عازمه ربيعاتها وانا عازمه ربيعاتي وانا الحين في الصالون يحطولي مكياج
عبدالله: ليش تحطين مكياج انته قمر بدون مكياج
امنه: وبمكياج ؟
عبدالله: احلى واحلى
امنه: تسلم
عبدالله : اللى شو مناسبه العزيمه
امنه:اميه هاي تحب تسوي عزايم لازم بين فتره وفتره تعزم ربيعاتها
عبدالله : امون بموت من الضيج
امنه: ليش؟
عبدالله: ما ادري من البارحه وانا حاس بضيج فضيع ما ادري من شو ؟؟
امنه: انزين يمكن متوله على اهلك والبلاد
عبدالله : ويمكن متوله عليج
امنه: هههه يمكن
عبدالله :والله الحمدلله انه اليوم السبت وماشي دوام
امنه: زين عيل اطلع وتفرج لا تيلس جي
عبدالله : وين اسير كل شي مبند انا اليوم من اصبحت ما طلعت من الشقه
امنه:ومنصور ربيعك وين؟
عبدالله:منصور ما عنده ايجازه اليوم بعده ما خلص شغله
امنه:انزين سير ساعده يعني عشان تشغل عمرك
عبدالله: مايستوي الانه شغلتي غير عن شغلته
امنه:اها
عبدالله: خلينا من سالفتي انتي شحالج
امنه: الحمدلله
عبدالله: وحليله خلود اليوم عرسه والله كان ودي اكون موجود وياه
امنه وتقول في قلبها"الحمدلله انك مب موجود " :وحليله تدري لو امي ما سوت العزيمه اليوم جان سرت العرس اشوف خالد وحرمته
عبدالله : الله يسعدهم
امنه : امين
عبدالله : اقولج انا الحين بخليج بتصل بمنصور بطالعه متى بيي
امنه : اوكي
على الساعه تسع ونص خلصت امنه ولبست فستانها ودخلت القاعه كانت قمر الكل انبهر بجمالها
ويلست على الكوشه ادور بنت خالها
ما وعت اللى مي يايه تسلم عليها
مي: مبرووك امونه
امنه وكانت فرحانه : الله يبارك فيج عقبالج
ويلست مي عدال امنه وصورت وياها
مي:يالله انا الحين بنزل عنج
امنه: لا تمي شويه
مي:لاالحين بيون الحريم يسلمون عليج خليني انزل
ونزلت مي وبعدين ساروالحريم سلمون على امنه وبعد ما خلصن الحريم سلامهن
قالو حق المعازيم انه المعرس بيدخل ولبسن الحريم شيلهن ودخل خالد امنه هالوقت تذكرت عبدالله الانه خالد كان نسخه منه في كل شي في الكشه والمشيه والبسمه والنضره ها الوقت بس اللي حست انه نسخه من عبدالله كانت تدري انهم يشابهون بس ها المره غير حست بشعور غريب في خاطرها
خالد دخل وسلم على امنه ويلس عدالها
اما عند عبدالله
عبدالله : منصور احس بعمري بموت
منصور زاغ: عبود ليش شو بلاك
عبدالله : ما ادري تعبان انا بسير ارقد
منصور ويغمز لعبدالله: بتسير ترقد ولا
عبدالله: لا والله اليوم مب فيج بسير ارقد لا يروح فكرك بعيد عندها عزيمه اليوم
منصور: اها عيل نوم العوافي
عبدالله : تصبح على خير
منصور : وانته من اهله
وسار عبدالله يرقد وتم منصور شويه وسار رقد بعد هو الثاني
فاليوم الثاني
العرسان سارو عند اهل خالد يسلمون عليهم
ام محمد: توه نور البيت
امنه: منور بأهله عمو
ويتهم ساره ومها
ساره +مها: السلام عليكم
وسلمت على امنه
خالد + امنه: وعليكم السلام
ساره: شحالكم عساكم مرتاحين
خالد : الحمدلله
مها: ها اخويه متى طيارتكم
خالد : جي عقب الظهر على الساعه وحده
ام محمد : عيل غداكم اليوم عندي
خالد : وين الغدى وين نحنا امي لازم نكون في المطار الساعه 11
مها: امنه شفتي حجرتج ؟
امنه: لا
مها : خالد ليش ما راويتها حجرتها
خالد: نسيت انتي سيري راويها
مها وودت امنه تشوف حجرتها
امنه : هيه ما شاا لله حلوه
مها: ذوق ساره
امنه : حلوه
امنه وتقول في خاطرها "هذا كانت حجره عبدالله وحليله مايستاهل يرد من بريطانيا يلقا اقراضه في حجره ثانيه"
ويلس خالد يسولف وي امه اما امنه فكانت يالسه عداله سرحانه وتقول في خاطرها" وينك يا عبادري دخل بيتكم وما ستقبليتني دخلته وشفت امك وخواتك وخوانك وصالتكم اللي تتيمعون فيها وتسولفون بنشوف الحين منوه اللي بيسولف فيها هه"
خالد: يالله امنه
ام محمد : وين توه الناس
خالد: بعدها بتسير تسلم على امها
ام محمد : امنه سلمي على امج
امنه : الله يسلمج
وسارو بيت اهل امنه ويلس خالد شويه وسلم على ام امنه
خالد : امنه انا بسير شويه وبيي انتي ايلسي
امنه: اوكي
على طول من طلع خالد
امنه : امي انا بسير الحجره شويه برتاح
ام امنه : سيري الغاليه البيت بيتج
وسارت امنه الحجره وقفلت الباب وعلى طول اتصلت بعبدالله
عبدالله اول ماشاف رقمها شله
عبدالله : هلا والله
امنه : اهلين
عبدالله : انتي وينج البارحه مبايلج كان مقلق
امنه: والله ما ادري المهم انته شحالك
عبدالله : الحمدلله امونه حبيبي انا الحين عندي شغل بتصلبج بعدي
امنه : اوكي مع السلامه
وسكر عنها ويلس يكمل اللي عليه
وبعد فتره خالد سار وخذى امنه وسارو المطار عشان يسافرون
امنه: كم بنتم ؟
خالد : ما تدرين؟
امنه: لا نسيت
خالد: عشره ايام
امنه : هيه احسن يوم ما بنطول
خالد : امنه حبيبتي انتي اللي قايلتلي بنتم عشره ايام
امنه : صدق
خالد: هيه
امنه: والله نسيت
vip_11
01-03-2008, 11:51 PM
هاي تكمله الجزء السادس
...............................................
امنه ما كلمت عبدالله طول السفره الانها ما حصلت فرصه كانت طول الوقت وي خالد
خالد و امنه كانو وايد مستانسين وفوق كل ها امنه ما نست عبدالله كان وياها طول الوقت
تفكر فيه
اتصل بهم عبدالله على رقم خالد
خالد: الو
عبدالله : هلا والله بالمعرس
خالد: هلا فيك
عبدالله : مبروك الغالي
خالد : عبود توه الناس جان ما اتصلت بعد
عبدالله : والله انشغلت المهم انته شحالك وشحال الحرمه
خالد: الحمدلله كلنا بخير ومستاسين
عبدالله : الحمدلله ها متى الرده؟
خالد: على السبوع الياي انشاالله
عبدالله : انشا الله يالله انا الحين بخليك استانس بوقتك
خالد: يالله مع السلامه
بعد ما سكر عبدالله
خالد : وحليلك يا عبدالله
امنه : ليش شو بلاه
خالد: ما بلاه شي
امنه يلست تفكر وتقول في خاطرها "اكيد الحين بيتصل بي "
خالد: امنه
امنه:هلا عب...
خالد وهو يضحك:منو عبد
امنه ارتبكت وما عرفت شو تقول
خالد وكان شويه وبيضحك على شكل امنه اللي كانت زايغه: ها اعترفي
امنه تداركت الوضع:انته توك مسكر من عبدالله اخوك وتم الاسم في بالي
خالد: انزين شو رايج نرد الفندق الحين بنرتاح شويه وبعدين بنسير نتعشى
امنه: رااي من رايك
عند عبدالله
عبدالله : منصور شو اسوي من يومين اتصلبها كله مقلق
منصور: ليش؟
عبدالله :والله وما ادري البارحه طرشتلي مسج كتبت فيه انها سايره يبت عيال خالها وبتيلس عندهم اسبوع فما تقدر تكلمني
منصور: خلاص عيل يوم بتي من بيت خالها هي بروحها بتتصلبك
مرت الاسبوع بسرعه وردو المعاريس من السفر
اول ما رد خالد من السفر طلبوه في الدوام وقطع ايجازته وداوم وطبعا هو دوامه شفتات امنه كانت كل يوم تكلم عبدالله
يوم الخميس الفليل كان خالد عنده ايجازه وخالد كان راقد
امنه كانت تعبانه وتحس انها مريضه: خالد خالد
خالد:...
امنه وشويه وبتصيح : خالد حرام عليك قوم نش انا تعبانه
خالد وبطل عيونه ويلس: شو بلاج ؟؟
امنه: خالد ما استحمل ما اعرف ودني المستشفى
وتلبس بسرعه ووداها المستشفى سووها تحليل دم وحطولها مغذي وخالد كان يالس عدالها
خالد وكان محرج عليها: سمعتي الدكتور شو قالج ليش ما تاكلين
امنه : ما اقدر آكل تلوع جبدي
خالد: انزين والحل ؟
ها الوقت يتهم النيرس وهي مبتسمه
النيرس: مبرووك امنه حامل
خالد من الفرحه ما قدر يرد عليها تم ساكت
امنه : الله بيارك فيج
النيرس : بس يا امنه تغذي عدل الانه فيكي بدايه فقر دم هذا خطر على الجنين
خالد : افا عليج لا توصين
وطلعت النيرس
خالد كان فرحان من قلبه
خالد:امنه مبروك
امنه : الله يبارك فيك
خالد: بس ياويلج ان ما تغذيتي عدل
امنه وتبتسم : انشاالله
وطلعو من المستشفى قراب الفجر صلو الفجر ورقدو
على الظهر سار خالد يصلي وتيمعت العايله كلها في الصاله وامنه كانت في الحجره اتصلبها عبدالله
امنه : هلا والله
عبدالله : هلا فيج
امنه : شحالك عبادي
عبدالله: الحمدلله وانتي
امنه : الحمدلله
عبدالله : امون بقولج شي
امنه : شو ؟؟
عبدالله : بعد يومين بيي البلاد
امنه انصدمت من اللي سمعته بس سوت عمرها مستانسه
امنه : والله هذا احلى خبر سمعتي اليوم
عبدالله : انزين ابا اشوفج عقب ما ايي
امنه : لا تخاف بتشوفني انا ما بطير
عبدالله : يالله عيل انا بخليج الحين اشوف منصور يزقرني
امنه : اوكي باااي
عبدالله : مع السلامه
في الصاله خالد يالس عدال امه
خالد : امي امنه حامل
ام محمد : مبروك يا وليدي
وها الوقت امنه طلعت من حجرتها شافتهم كلهم يالسين في الصاله سارت ويلست عدال خالد
ام محمد: مبروك الغاليه
امنه : الله يبارك فيج عموه
ام محمد: خالد اليوم عبدالله اتصلبي وقالي عقب يومين بيرد البلاد
خالد : انشا الله يوصل بالسلامه
مرن اليومين بسرعه ووصل عبدالله البلاد طبعا هو وصل اخر الليل كان نواف ساير اييبه من المطار
على الصبح ام محمد ما قدرت تترياه لين ما ينش سارت ووعته وسلمت عليه ويلست وياه شويه وبعدين رد وكمل رقاده
وعلى الساعه وحده نش عبدالله من الرقاد
عبدالله: السلام عليكم
الكل : وعليكم السلام (ويلس يسلم عليمهم بس يوم وصل عند خالد كان سلامه غير)
عبدالله: هــــــــــــــــــــــلاااااوالله بالغالي
خالد: هلا فيك توه نور البيت
عبدالله : منور بوجود اهله
عبدالله وخالد نسو كل اللي في الصاله ويلسو يسولفون ويضحكون
خالد : عبود امنه حامل
عبدالله : اي امنه ؟
خالد : اي امنه بعد حرمتي
عبدالله : ما شالله مبرووك
خالد : الله يبارك فيك
عبدالله : عيل وينها هيه خلنا نبارك لها
خالد : عند اهلها اليوم قالت بتتغدى عندهم
بعد الغدى
عبدالله:انا بسير عند الشباب بسلم عليهم خالد بتي ويايه
خالد:لا انا بسير اييب امنه من بيت اهلها
عبدالله:انزين نواف وخلوف حد بيي ويايه
نواف:هيه بني وياك
عبدالله:يالله انا اترياكم في السياره
وهو في طريجه لين السياره اتصل بآمنه
امنه : هلا والله
عبدالله :اهلين
امنه:الحمدلله على السلامه
عبدالله: الله يسلمج
امنه:متى وصلت؟؟
عبدالله :الفجر على طول ييت ورقدت
امنه:اها
عبدالله:امون انا متوله عليج وابا اشوفج اليوم
امنه ارتبكت:اليوم!!
عبدالله:هيه اليوم اجلي كل مواعيدج عشان خاطري
امنه وهي مرتبكه:عباادي!
عبدالله :عشان خاطري ولا خلاص مالي خاطر عندج
امنه:اوكي بس عشان خاطرك بسرعه ما بنطول
عبدالله:انزين بس الساعه كم تبين اشوفج
امنه:اممممم شو رايك بعد المغرب
عبدالله :اوكي شو ورايه بعد انا ما عندي شغل
امنه:اوكي اشوفك بعد المغرب
عبدالله: اقولج امون قوم نواف يايين انا بخليج الحين اوكي
امنه:مع السلامه
عبدالله : مع السلامه
عقب فتره عبدالله سار ياخذ امنه من بيت اهلها
اتصلبها عشان تتجهز
خالد: يالله امنه اتجهزي انا الحين عند الباب
امنه: خالد ليش ييت انا يمكن اطلع وي امي
خالد : انزين والحل انا الحين برع شو اسوي
امنه : يا ربي اوكي انا الحين طالعه
وسارت ركبت السياره
خالد: شو بلاج
امنه: ماشي
خالد: امون صدق اذا بتمين خلاص انزيلي
امنه: لا عادي بس انا كنت ابا ايي بسيارتي
خالد : امنه انا كم مره قاليللج انسي سيارتج الحين
امنه : ......................
خالد: بس ها الفتره يعني على الاقل لين ما يبتدي دوامج
امنه: اوكي
وسارت بيتهم وشافت شنط عبدالله في الصاله
امنه وهي تستهبل خالد: منو ياي من السفر
خالد: عبود اخويه يا من بريطانيا
امنه : ما شا الله عليه ما طول
خالد : امون وين ما طول كمل خمس شهور
امنه: ما ادري نسيت
وسارت حجرتها تفكر كيف بتلتقي بعبدالله
امنه" خلاص مب لازم هو اذا متوله عليه بيشوفني في بيتهم اليوم على نفس الموعد وبترياه في الصاله "
امنه بعد المغرب اتصلت بعبدالله
عبدالله : هلا
امنه : وينك انته
عبدالله : انا الحين عند الربع بسير البيت بتعدل وبمر عليج اوكي
امنه استانست : اوكي
امنه ويلست تتعدل وتتلبس وهي كانت تتعدل
سمعت صوت عبدالله توه داخل البيت
عبدالله: السلام عليكم
الكل : وعليكم السلام
خالد : وين ساير تعال اييلس شويه
عبدالله: اصبر اصبر(وسار صوب الجحره عشان يتسبح ويتلبس )
عبدالله: امي خلي البشكاره تلبقلي فحم حق العود
ام محمد: انشا الله
امنه وبعد ما خلصت طلعت برع في الصاله ويلست وي خالد وامه
وها الوقت عبدالله تلبس وتعدل وسار الصاله عشان يطلع يبسير يشغل سيارته
عبدالله اول ما طلع من حجرته لمحد وحده شكلها مب غريب يالسه عدال خالد بس سلم وهو ساير صوب الباب
عبدالله : السلام عليكم
الكل : وعليكم السلام
عبدالله سمع صوت امنه اللي مب غريب عليه مووول
وقف في مكانه وصد صوبهم عشان يتأكد من حرمت خالد
عبدالله يوم تأكد من اللي شافه ما قدر يستوعب
عبدالله والصدمه باينه على ويهه :ااااااامنه؟
شيوخ الامارات
02-03-2008, 01:31 PM
باااااااااااااااااااااااااااااااااال
الله يكون فعونه
بس انا مش فخاطري اوقول الله يكون فعونه
فخاطري اقول يستاهل الله ما يضرب بعصى
vip_11
02-03-2008, 03:54 PM
حرام عليج ما يقمضج ؟؟
شيوخ الامارات
02-03-2008, 06:24 PM
حرام عليج ما يقمضج ؟؟
*·~-.¸¸,.-~*الصراحه لا ماغمضني يمكن فالاجزاء اليايه اغير راي*·~-.¸¸,.-~*
دمعي جرح خدي
07-03-2008, 03:29 AM
والله تقهر
حراام شو بيصير ف عبدالله
بصرااحه انا بكرهه لو ما فضحها
هيبة بدويهـ
08-03-2008, 04:00 AM
آآآآآآآه يويلي على ضربهـآآآ هالبنت ..
الصرآآحـــــــــه تقهــــــــــــــــــــــر ..
الله يكوون فعوون عبد الله .. !!
و نتريـآآ البـآآرت لا تبطيين علينـــــــــــــآآآ ..!!
تحيـآآتــــــي ..
vip_11
19-03-2008, 02:20 AM
السلام عليكم
شحالكم ؟؟
هذا الجزء السابع بين ايدكم اتمنى انه يعجبكم
.
.
.
الجزء السابع
امنه اول مره تحس بالخوف من ناحيه هذي السالفه ومن كثر ما هي زايغه مب رايمه تتكلم ولا تتحرك
امنه وبصوت مرتجف: شحالك عبدالله؟
عبدالله: شووووووووووو؟
الكل كان مستغرب من عبدالله ليش جي يكلم امنه
خالد : عبدالله شو بلاك امنه تقولك شحالك
عبدالله ومب رايم يستوعب الموضوع: ها ماشي بس ما كنت اسمعها
خالد وحس انه اخوه مب قادر يشل ريوله
خالد: عبود شو بلاك ؟
عبدالله ارتبك : ماشي انا الحين بطلع يالله مع السلامه
ام محمد : في حفظ الرحمن
عبدالله كان بيموووت هذيج الساعه وجسمه كله يرتجف مب عارف شو بيسوي طلعت من البيت وشغل سيارته بس مارام يحركها بندرها و دخل البيت
خالد استغرب : ليش رديت
عبدالله: بس ما ابا اطلع هونت
دخل الحجره وقفلتها
ويلس على شبريته ويلس قول في خاطره ودموعه بدون مايحس تنزل على خده
" انا شو سويتلها??? هاي جزاتي حبيتها من قلبي واثرها تخطط على اخويه ااااااااه شو اسوي الحين مصيبه والله انها مصيبه.......انا اذا تميت جي بموت عادي تصيبني سكته قلبيه من القهر خلني اتصل بميود اقوله السالفه احسلي "
(عبدالله اسراره كلها عند مايد ربيعه)
واتصل بمايد
مايد:هلا والله بعبدالله
عبدالله: ميود وينك ؟
مايد:عبدالله شو بلاك فيك شي
عبدالله : ميوود انته وين ؟
مايد : انا موجود
عبدالله:ميود مر عليه ما استحمل
مايد : عبود قولي شو بلاك
عبدالله: تعال وبتعرف كل شي
عبدالله ما كمل خمس دقايق اللى مايد عند الباب واتصل بعبدالله وقاله انه وصل
عبدالله طلع من الحجره ما كان يروم يحط عينه بعيد خالد كان يحس انه خاين ونذل وحقير وفي نفس الوقت اخوي خطف عنه الانسانه اللي يحبها
وركب السياره
مايد : عبود شو بلاك خوفيتني
عبدالله : اموووون اموون
مايد يعرف امنه وتقريبا كل ربعه يعرفون امنه الانهم كانو وياه يوم يرقمها
مايد: شو بلاها
عبدالله: عرست
مايد انصدم : عرست؟؟
عبدالله : هيه
مايد : ومنوه خذت ؟
عبدالله : ...............
مايد ويصرخ: عبود منوه خذت
عبدالله: خالد
مايد مب قادر يستوعب الموضوع: اي خالد؟
عبدالله والدموع في عينه : خالد اخووويه اخوويه فهمت
مايد وكان صدق منقهر : اه يا الخاينه جان فظحتها وقلت لخوك كل شي جدامها خليتها تموت من القهر
عبدالله ويمسك دموعه: كان ودي بس لو ما كانت حامل
مايد: وبعد حااامل !!!!؟؟؟؟
عبدالله : ميود شو اسوي ما اقدر احط عيني بعيد خالد
مايد : والله انها مصيبه انته شو ناوي تسوي
عبدالله : انا قلت بسك ما با اخرب حياه اخويه عشان وحده كنت في يوم من الايام احبها
مايد : والحين ؟
عبدالله ويضحك بستهزاء: هه والحين الحين ودي اذبحها بإيدي كرهتها كرهت طاريها بس
مايد: بس شو؟
عبدالله: بس انا بعدني مب مصدق انه امنه تسوي جي
مايد : ليش؟؟
عبدالله : الانها مواعدتني اليوم
مايد:شووووووووووووووووووووووووو؟
عبدالله: انا ما حسيت انها ملجت ولا عرست مول ما تغيرت معاملتها ولو ما شفتها بعيني في بيتنا جان ما صدقت
مايد بحسره : شو بقولك عبود اصبر شو بتسوي
عبدالله : الله يصبرني
مايد: اقولك انته الحين انسى السالفه
عبدالله : وين انسها وهي مجابلتني في البيت
مايد : ما عليك منها ما تروم تسوي شو رايك نسير عند الربع
عبدالله : والله ما لي بارض عليهم
مايد : مب على كيفك انا بوديك وبنسولف وياهم يمكن تنسى شويه
وسارو عند ربعهم
ومر اسبوع وعبدالله ويحاول ينسى امنه من حياته
يوم الخميس الفليل عبدالله كان متيمع وي ربعه في البر كانو يسولفون ويظحكون
عبد الله حاول ينساها في الرحله ويفتح صفحه يديده بس للأسف ماقدر الانها كانت تتصل به كل خمس دقايق وهو ما يسويلها سالفه ويسكر على ويهها
خلاص وصلت حده وهو من عرف السافله لا اتصلبها ولا كلمها
وهي كانت تتصل
سالم : عبود رد اذونا هذيل اللي يتصلوبك
عبدالله :الحين برد((وسار وركب السياره ))
عبدالله بكل برود : نعم!!!
امنه : عبادي شو بلاك ليش جي تكلمني
عبدالله هذا الوقت كان بيموت من القهر وفجأه قام يزاعج ويفاتن عليه : شوووووو ما تعرفين شو بلايه يا الخاينه ياللي ما تعرفين المعاني جي تسوين تاخذين اخويه المشكله العتب مب عليج علي انا اللي حبيتج وفديتج بروحي بس احذرج اذا اتصلتي على هذا الرقم مره ثانيه يا ويلج فاهمه
وسكر الخط على ويها
ويلس شويه في السياره عشان كان صدق محرج وعقب ما هدت اعصابه شويه طلع ايلس وي ربعه
وحط الموبايل في السياره عشان اذا اتصلت ما يرد عليها بس هي اول ما سكر عنها طرشتله مسج
بعد ثلاث ساعات كل الشباب ردو بيوتهم عبدالله اول ما ركب السياره شغل المسجل واطالع مبايله وقرى والرساله اللي طرشتنها وكانت كاتبه فيها( انا ادريبك انك تحبني وتمووت فيه ولين اليوم وباجر تفكر فيه وحتى انا احبك وامووت فيه والدليل اني اترجاك عشان اسمع صوتك وانته ما تسويلي سالفه ما جني حبيبتك بس عادي انته متى ما احتاجيتلي انا موجوده ) عبدالله يوم قرى المسج حط راسه على السكان ويلس يضرب راسه بالخفيف من الحسره والندم
الساعه وحده ونص الفليل عبدالله كان توه واصل البيت
دخل الصاله لقا امنه يالسه روحها تطالع التيلفزيون((خالد عنده دوام شفتات فكان شفته في الليل)) تقطع قلبه كان وده يذبحها ويروغها من البيت بس ما سوالها سالفه ولا صد صوبها حتى اما عنها يوم شافت وقفت
امنه : وعليكم السلام
عبدالله : ........ (( ما رد عليها ولا كلمها
امنه : عبدالله اصبر اشويه ابا اكلمك
عبدالله ما سوالها سالفه وكان ساير صوب حجرته قبل ما يفتح باب الحجره يودت ايده
امنه : عبدالله اسمعني بس كلمه وحده
عبدالله دز ايدها : جب ولا كلمه انتي المفرووض تسكتين ما تنطقين بكلمه وحده ياالخاينه
امنه :عبدالله والله اني احبك والله
عبدالله ها الوقت ما قدر يمسك عمره عطاها كف ما تبا غيره يلست على الارض
عبدالله : بس انا اكرهج تدرين واكره الساعه الي الشوفج فيها بس تدرين ليش انا لين الحين ما قلت لخالد شي من خيانتج يالخاينه الانه ولده في بطنج ما اباولد اخويه او بنته يعيشون مثل حياتج
هالوقت امنه يلست تصيح : ما عليه يا عبدالله والله انك بتندم
عبدالله : انا خلاص الندم اللي فيه خلص من عقب ما عرفتج بس خلاص وااايد ندمت بما فيه الكفايه اللي بيي ما بيكوون اكثر عن اللي فات ما بندم كثر اليوم اللي عرفتج فيه
ودخل الحجره انصدم انه نوااف اخوه كان موجود في الحجره عبدالله صك الباب
عبدالله ارتبك : نواف سمعت شي
نواف وكان محرج : قول شو ما سمعت عبدالله شو اللي بيتك وبين امنه
عبدالله : ما شي انته انسى السالفه
نواف وكان محرج : والله العظيم ما تدرقد الى وانته قايلي السالفه كلها
عبدالله وقال السالفه لنواف نواااف انصدم من اللي سمعه
نوااف: وانته ليش ساكت لين الحين ارمس قولهم عنها وعن سواياها ال
عبدالله : وين اقول وهي الحين حامل ما ابا اخرب بيت خالد
نواف : والحل نخليها جي تخون ريلها وهو على عماه
عبدالله : نواف احذرك هذي السالفه ما تطلع وما ابا حد يعرفها
نواف : افا عليك يا عبدالله سرك في بير يا اخويه
امنه كانت تصيح على طول اتصلت بمي بنت خالها
مي : هلا امون
امنه : ميوه شحالج
مي : الحمد لله تمام وانتي
امنه : ....
مي : امون شو بلاج صوتج ما يطمن طمنيني
امنه : ميوه عبوود ظربني
مي : ليش؟؟
امنه:........
مي : الصراحه تستاهلين
امنه: ميووه الحين شو اسوي
مي : اكيد انتي الغلطانه اسكتي احسلج
امنه وتظحك بخباثه: هه
مي: اموون شو بتسوين ؟؟
امنه :هههه بعده ما عرفني عدل
مي: ميوه حرام عليج
امنه : عيل مب حرام عليه يوم ضربني
مي: على العموم كيفج هاي حياتج وانتي حره فيها انا الحين بخليج الاني برقد
امنه : اوكي تصبحين على خير
ويلست امنه طول الليل تفكر في خطه كيف تخلي عبدالله يندم على الكف اللي عطاها الياه
.
.
.
شو تتوقعون آمنه بتسوي ؟؟
شيوخ الامارات
19-03-2008, 01:45 PM
افـــــــــــــــــــــــــــــاااااااا ليش ما كملتي
vip_11
19-03-2008, 07:29 PM
تسلمين شيوخ الامارات على الرد
دمعي جرح خدي
21-03-2008, 03:34 AM
هاااي عقربه
اتوقع منها اي شي
سوري بس عبدالله مب رياال
لو رياال مابيخلي عياال اخوه يربوون عند وحده شراات هااي
والله قاااهرتني
الولايات المتحده البدويه
21-03-2008, 03:48 PM
القصه غرااام
وامنه هاي قليلة ادب تلعب ع الحبليين
حلييله خالد مايستااهل ان شاالله خوه الي سمعه يخبر عليهاااا
ونرقبج
vip_11
22-03-2008, 08:44 PM
تسلمون دمعي جرح خدي والولايات المتحده البدوي على الردود الحلوه
هيبة بدويهـ
23-03-2008, 12:09 AM
و الـلـهـ لوو انـآآ عبد اللـهـ يغسلهـآآ غســــــآآآل هالـعنز ..~>> سووري يعني ..~
هـــــــع بس تقهر ..~
نتريــآآ التكملـهـ ..~
vip_11
30-03-2008, 08:33 PM
السلام عليكم
شحالكم ؟؟
هذا الجزء الثامن بين ايدكم اتمنى انه يعجبكم
.
.
.
الجزء الثامن
امنه غلبها الرقاد ورقدت
على الصبح خالد رد من الدوام ودخل البيت
خالد: السلام عليكم
ام محمد :وعليكم السلام والرحمه
خالد وسار سلم على امه وحبها على راسها
خالد : شحالج امي
ام محمد : يسرك الحال وانته ابويه شحالك ؟
خالد :الحمد لله بس انا بموت من اليوووع
ام محمد : بسم الله عليك انا الحين سايره احطلك الريوق
خالد : انزين اميه انا بسير اغير لبسي وبيي
ونش خالد وسار صوب حجرته وفتح الباب واتفاجئ انه مب مقفول الانه دوم امنه تقفله وحصلها راقده وكل شي مشتغل في الحجره اليت والتلفزيون يعني مب من عواايدها
خالد زاغ على امنه: امنه شو بلاج ؟؟
امنه وتسوي عمرها زعلانه : ماشي
خالد: امونه حبيبي امنه شي يعورج
امنه وتدمعلها دمعتين : ............
خالد ويتحراها مريضحه : قومي بوديج المستشفى
امنه وتعتدل في يلستها وتمسح دموعها : انا مب مريضه
خالد: عيل ليش تصيحين
امنة كانت ترتجف من الخوف:..........
خالد: امون شو بلاج والله انج زيغتيني
امنه وتجرأت : عبدالله اخوك
خالد هذا الوقت كان بيموت من الخوف بس اللي خفف من الخوف اللي فيه انه امه كانت طبيعية يوم دخل البيت : شو بلاه
امنه : ضربني (( ويلست تصيح ))
خالد ما صدق اللي يسمعه من امنه : شوووووووووووو عبادي اخوويه ؟؟
امنه وهي تصيح : هيه عبادي اخوك
خالد كان محرج والنوم اللي في عينه كله طاار: انزين ليش ضربج ؟؟
امنه : عبدالله اخوك يغازلني ويطرشلي رقمه يبا يكلمني وكل ما يشوفني يلمحلي انه يبا رقمي عشان يكلمني وانا ما اسويله سالفه والبارحه الفليل عقب ما طلعت انته وسرت الدوام انا كنت سايره اشرب ماي هذا الوقت دخل اخوك ويلس يكلمني ويهددني ان اخذ رقمه ياويلي بس انا ما رضيت قالتله حرام عليك انا مرت اخوخ خالد قالي عادي ومنو خالد بيرضا بكلميتن بس انتي خذي الرقم ويوم ما طعت اخذ الرقم ضربني ((دموع التماسيح تجري على خدها ))
خالد كاان محرج : انتي متأكده انه عبدالله اخويه؟؟
امنه : هيه هو عبادي اخوك
خالد وقف من الحرجه ما قدر ايلس: وانتي ليش ساكته ما رمستي من زمان ليكون عايبنج اللي يستويلج
امنه :انا ما يخصني ما ابا اسوي مشاكل بس اخوك زودها وانا الحين قلتلك
.
خالد ومب رايم يشوف اللي جدامه من الحرجه وسار صوب باب الحجره وقبل لا يفتحه
امنه : خالد لا تسوي مشاكل بينك وبين اخوك طوفها هالمره بس عشان خاطري
خالد ودزها :..............
ها الوقت ام محمد كانت توها تتريق وي محمد
طلع خالد من حجرته ساير صوب حجره قوم عبدالله
ام محمد :خالد ابويه شو بلاك تعال ريوقك زاهب
خالد ولا رد على امه
خالد ويدق الباب بأقوى ما عنده كان شويه وبينكسر في ايده
طبعا نواف وخليفه (ولد محمد اخوهم ) ما نشيتو رقاكم ثجيل ولو قصفو الحجره ما تحسون
خالد: عبووووووووووود افتح الباااب ولاوالله لا اكسره
ها الوقت امنه كانت في حجرتها ومبتسمه وتقول في خاطرها (( احسن ))
عبدالله انتبه وسار بسرعه ويطل الباب
اول ما بطل عبدالله الباب خالد يلس يضرب عبدالله وام محمد تصيح ومحمد يفرق بينهم
عبدالله وحليله مايدري بشي كان شبه نايم وخالد طايح ضرب فيه نش محمد وامي يحايزون بينهم
عبدالله توه انتبه لنفسه انه خالد يضربه عبدالله دز خالد
عبدالله ويقول في خاطره " ها اكيد كله من ورى راس هاي الحيه ": اييه انته شو بلاك
محمد وهو معصب :خلووود شو فيك
خالد : اسألو عبادي حبيب القلب شو مسوي من البلاوي
ام محمد : خالد استهد بالله وفهمنى السالفه
خالد: اليوم يا انا يا عبدالله في البيت
ام محمد وهي تهزبه: خلوووود قول شو السالفه
خالد : ولدكم يغازل حرمتي والبارحه ضاربنها عشان ما خذت الرقم
عبدالله كان محرج على غباء اخوه : وانته تصدق كل اللي ينقال لك
ها الوقت امنه تمت تصيح من الخوف تخاف عبدالله يفظحها
خالد : طبعا بصدقها الانه عادي عندك تكلم بنات الناس ومب بعيده تغازل مرت اخوك
كانت كل كلمه يقولها خالد مثل الصاعقه تنزل على عبدالله كان وده يصرخ ويقول كل شي بس ...تذكر انها حاامل وها هي المصيبه ...
عبدالله : انزين صدقها بس بنتدم والله بتندم
خالد : تهبي وتخسي اندم على خاين شراتك
عبدالله : انا الخاااين بس عادي انته اخويه واللي تقوله على العين والراس
خالد : تخسي لا انا اخوك ولا انته اخويه تفهم انسى انه عندك اخو اسمه خالد
نواف كان بيموت من القهر
نواف ومحرج: خااالد
خالد وعبدالله يصدون صوب نواف مره وحده
عبدالله ويطالع نواف بنضره معناها انه اسكت
خالد بلهجه حاده : نواف ابعد عن هذي السالفه
عبدالله حمدربه انه يت من خالد الانه اذا رمس نواف خالد ما بيسكته
ام محمد: الله لا يوفقك يا عبوود فضحيتنا في البنت وفي الناس شو بيقولون عنا اهلها الحين
خالد: امي يا انا يا عبوود في البيت انا مب مستعد ايلس وي واحد خاين في البيت
تنهدعبدالله بالقو وشاف اللي في البيت ولا نطق بكلمهوطلع عنهم وطلعت من البيت وركب سيارته مب عارف وين يسير كان يمشي في الشارع بسيارته ومايشوف شي منكثر الدموع ما كان متوقع خالد يقول هالكلام ما اتوقع من خالد يضربه وكان مقهور ويقول في خاطره "يا غبي ليش ما رمست ليش؟ ليش؟ والله اني غبي الحين شو بيفيدني الندم خلاص سوتها الحقيره "
عبدالله ما لقا عمره الى مجابل بيت اخته مها في ابوضبي
نزل من السياره ودخل البيت
مها وكانت مستغربه : عبدالله ؟؟
عبدالله: .....
مها وسارت تركض صوب اخوها : عبدالله شو بلاك ؟؟
عبدالله : ماشي وكلهم بخير بس ابا ارتااح ابا ارقد خلييني ادخل اي حجره ارقد فيها
ودخلته مها الحجره ورقد عبدالله على طول من التعب والصدمه
في ها الفتره اللي رقد فيها عبدالله اتصلت مها بأمها تطمن عليهم وام محمد قالت حق مها السالفه كلها
على الظهر نش عبدالله من النوم وطلع سار الصاله سلم على ريلها اللي كان توه يااي من الدوام
ريل مها (( هزاع )): ماشا الله عبدالله اليوم عدنا
عبدالله : هيه متوله عليكم قلت بيي ايلس وياكم شويه
مها: وين تيلس ويانا انته من ييت وانته راقد
هزاع: خليه يرتاح شويه الحين بنتغدى وياه وبنسولف
بعد الغدى يلسو يسولفون شويه وبعدين سار هزاع يرقد عنهم
مها: عبود امي قالتلي كل شي
عبدالله : مها الله يخليج سكري الموضوع ما ابا اسمعه
مها : عبود قولي السالفه الاني مب مصدقتنها
عبدالله : اسمحيلي يا مها ما بقولج اللي يصدق يصدق واللي ما يصدق لا يصدق
مها: انزين ليش ما تقول شي
عبدالله : يا مهاشو تبيني اقول وهي حامل شو تبيني اقول تبيه يطلقها والياهل يعيش وياها خليها مستوره
مها : ليش لها الدرجه السالفه جايده ؟؟
عبدالله : مها كل شي بوقته حلو
مها: والحين وقته
عبدالله : مها انا قلتلج سكري الموضوع ما ابا اسمعه
مها : اوكي خلاص
اما عن اللي في بيت ام محمد
امنه كانت تحط اغراضها
خالد : امنه هدي اعصابج خلاص انا قلتلج اقرب وقت احصل فيه شقه زينه بنأجرها
امنه : خالد اسمحلي انا مالي يلسه في بيتكم عقب اللي ستوى اليوم انا بسير بيت امي
خالد : قلتلج اصبري كم يوم
امنه : خالد حبيبي ليش نأجر شقه وامي ساكنه روحها في البيت وتتريا الساعه اللي نقولها بنسكن وياج البيت عود وهي روحها
خالد : بس
امنه : لا بس ولا شي ولا تنسى انه هذاك البيت مب بيت امي بيتي انا وابويه قبل لا يتوفى كتبه حقي روحي يعني عادي اذا سكنا فيه انا وانته
خالد: ............
امنه : خلاص عاد انا برتب اغراضك والمغرب بخلي دريولنا ايي ياخذهن
خالد: انزين امي واايد بتزعل
امنه : ايييييه امك بسرعه بترى يعني شو نسوي جان ولدها عبود حقير
طلع خالد وسار الصاله ويلس عدال امه
خالد: امي عقب اللي استوى اليوم يا انا يا عبدالله في البيت
ام محمد (ما قدرت تستحمل كلام خالد الانه مهما يكون ما تقدر تشوف عيالها يضاربون وما تقدر تسوي شي الى انها تدعي ربها وتصيح): الله يهديكم يا وليدي شو تبوني اسويلكم ربيتكم وانتو صغار ما فرقت بينكم ولاحبيت واحد اكثر عن الثاني ولا جد اضاربتو في حياتكم ربيتو ربع واخوان بس الله يسامح اللي كان االسبب
خالد تأثر من كلام امه بس شو بيسوي : امي انا وامنه بنسكن في بيتهم لين ما نحصلنا شقه ولا بيت نأجره
ام محمد : الله يحفكم لا تقطعونا ترانا ما نصبر عنكم
خالد: انشا الله
وحب امه على راسها وطلع من البين وعلى المغرب يا الدريول وشل اغراهم ووداها بيت ام امنه
vip_11
30-03-2008, 08:33 PM
تابع الجزء الثامن
وبعد فتره خالد رد بيتهم وخذ امنه عشان يسيرون بيت امنه
في بيت ام امنه
طبعا امنه قالت لأمها نفس الكلام اللي قاله حق خالد
ام امنه : توه نور البيت
خالد : منور بوجود اهله
اما عن عبدالله الي كان في بوظبي عند اخته
مها : عبدالله ما بنا عشى؟؟
عبدالله : لا مشكوره انا بسير ارقد يالله تصبحين على خير
نوره بنت مها عمرها عشر سنوات: ماما خالي عبدالله شو بلاه
مها: تعبان شويه بيرتاح
عبدالله دخل الحجره بس ما رقد يلس يفكر في السالفه كان كابوس بنسبه له ما يعرف متى يصحى منه
مرن يومين كان يوم الخميس عبدالله رد دبي وردت وياه اخته وعيالها
وصلو دبي ودخلو البيت بالتحديد
مها : عبادي ماا بتنزل البيت
عبدالله : لا انا بسير عند الشباب شويه وبيي
في بيت ام منه في الصاله
ام امنه : امنه
امنه : هلا
ام امنه : باجر مرت خالج ومي بيون بيتعشون عدنا تزهبي
امنه وكانت فرحانه : الله كشخه
وصدت على خالد: خالد عيل انا باجر ما بقدر اسير وياك بيت اهلك الانه بكون وايد مشغوله انشاالله يوم السبت بسير وياك
خالد: انزين بنيلس شوب عند قوم امي وعقب بردج ما بتتاخرين
امنه وتقول في خاطرها "اففففففففف " : خالد عشان خاطري ما اقدر وانا من زمان ما شفت قوم خالي تقريبا من قبل العرس وانا اعرفهم هم دوم يوصلون عدنا الساعه ثلاث الظهر وانته سير باجر وانشا الله يوم السبت بسير وياك
خالد ما عيبه كلام امنه نش عنهم وطلع من البيت
امنه : اويه ليكون زعل ؟؟
ام امنه : ما عليج منه ما زعل ولا شي واذا زعل مرده بيرضى
عبدالله مل من الحواطه في الشوارع رد بيتهم عشان يتسبح ويتلبس ويطلع
اول مادخل البيت
عبدالله: السلام عليكم
الكل: وعليكم السلام
وسار يحب امه على راسها او ما حبها حظنته ويلست تصيح من قلبها
عبدالله : الله يهديج يا امي ليش تصيحين
ام محمد : ليش يا عبدالله ليش تسوي جيه ليش تفظحنا في الناس
عبدالله تضايج من كلام امه على طول فج عنها وسار حجرته
ويوم الجمعه الساعه 11 الضحى خالد نش من النوم وتسبح وتجهز حق الصلاه وطبعا امنه سابع نومه وهو ما حب يوعيها وطلع من البيت وسار صوب المسيد
وعقب ما طلع من المسيد على طول سار بيت امه ويلس وياهم
عبدالله ونواف وخليفه كانو سايرين المسيد بسيارة عبدالله
عبدالله يوم شاف سياره عبدالله عند الباب ما رضى ينزل
نواف : عبادي انزل
عبدالله : ما عليه يمكن حرمته داخل وانا مب فيج على المشاكل
خليفه : انزين وين بتسير انته الحين
عبدالله : بسير ميلس قوم ميود هم كل جمعه يتيمعون في الميلس بسير ايلس وياهم
ونزلو من السايره وسار عبدالله ميلس قوم مايد
في بيت ام محمد
ام محمد وهي تكلم خالد: انشالله مرتاحين في بيتكم
خالد : الحمدلله
نوره بنت مها : خالي وين امنه
خالد: امنه في البيت عيال خالها بيونهم ويتريونهم
مها : ما شا الله انزين سلم عليها
خالد : الله يسلمكم
ويلسو يسولفون لين اذان العصر وبعدين كل حد سار يصلي وخالد رد بيتهم
خالد يوم وصل البيت حصل سيارتين عند الباب فعرف انه عيال خالها وصلو
اتصل بها ما شلته فدق باب الصاله
خالد : هود هود
ام امنه : هدا اقرب محد غريب
خالد ودخل البيت : السلام عليكم
الكل : وعليكم السلام
وشاف خالها ابو عيسى وولده عيسى وياه بس عيسى كان ياي يسلم وبيروح يتحوط
وسار سلم عليهم بس انصدم من اللي شافه ما قدر يستوعب الموقف
خالد وهو ساير فوق صوب حجرته
خالد: امنه تعالي شويه اباج
امنه ولحقت خالد لين الحجره
خالد كان محرج بس كاتم غيظه : وين شيلتج ؟؟
امنه : خالد شو بلاك ؟؟
خالد: وين شيلتج يالسه جدام ولد خالج جي انتي ما تستحين
امنه : خالد حبيبي عواس مثل اخويه انا ما جد لبس عنه شيله
خالد : انتي قلتي مثل اخوج مب اخوج يعني ما تعقين الشيله عن راسج فااهمه
امنه : ويعني شو اسوي الحين انا من استويت ما لبست عن شيله عنهم تباني الحين البس عنهم
خالد : هذاك اول يوم ما وراج حد الحين انا وراج يعني اذا قلتلج شي قصبا عنج تقوليلي انشا الله
امنه وكانت منقهره من خالد ومب عايبنها كلامه : ويعني الحين شو تباني اسوي
خالد : غيري لبسج هذا والبسي جلابه والبسي شيله وبعدين اطلعي اييلسي وياهم جان تبين
امنه : اففففففففف يا ربييييي انته شو بلاك عيله اليوم بلبس شبله بس ما اروم اغير لبسي
خالد : عيل ماشي طلعه من اهنيه
امنه وتصييح : افففففف انته شو بلاك
خالد محرج وشويه بيضربها : انا شو بلايه ما شفتي عمرج لابسه هذا اللبس الراص ولا شي شيله وتسولفين ويا عيسى جنه اخوج ولا ريلج وتبيني اضحك واصفق طبيعي بحرج
امنه وهي تصرخ عليه : افففففففففف منك والله انك متعقد
امنه وطلعت من الحجره وكانت سايره صوب الدري
خالد ويودها من ايدها : وين اصبري
امنه : شو تبى
خالد : امون لا تكلميني جي
امنه : انزين يالله شو تبى
خالد وصدق حرج : والله انج ما عرفتيني عدل امون اسطلبي وسيري غيري لبسج والبسي شيلتج احسلج بازين
وسارت الحجره تركض وهي تصيح
ويلس في الصاله اللي فوق اللي عدال حجرته يطالع التلفزيون
اما في الحجره امنه اتصلت بمي عشان تيها فوق
مي سارت فوق وشافت خالد زاغت من الشبه اللي بين خالد وعبدالله
مي: السلام عليكم
خالد : وعليكم السلام
مي: شحالك خالد
خالد : الحمد لله وانتي شحالج ؟؟
مي : الحمدلله اللى وين امنه
خالد : في الحجره
وسارت مي الحجره عند امنه
مي : امون شو بلاج ليش ما متصلتلي
امنه وتتحرطم : هذا يقهر اونه يغار عليه من عواسووه اونه ليش مب لابسه شيلتج ليش لابسه هذا اللبس وليش وليش
مي : انزين وشو بتسوين الحين
امنه : اونه يباني اغير لبسي والبس شيلتي عشان انزل واذا ما غيرت لبسي ولبست الشيله ما بنزل
مي : انزين سوي اللي يقولج اياه
امنه : يخسي يمشيني على كيفه منو يتحرى عمره
مي : امون حرام عليج اسكتي عن يسمعج هذا ريلج وابو عيالج
امنه :خليه يسمع شو يعني
مي : امون عيب عليج اسمعي رمسته بس ها المره شو يعني اصلا اني لين ما تغيرين لبج جد روح عواس لأنه اصلا هو ياي بس بيسلم بسرعه وبيروح
امنه: بعد ها خلود يقهر ما بقى اي الى يوم يا عواس يسلم علينا
مي: ههههههه هذا حظج يالله تلبسي وانزلي
امنه كانت منقهره وبدلت لبسها جلابه راقيه وشيله وطلعت
خالد: هيه جي اباج
امنه :............
خالد: امون حبيبتي لا تزعلين انتي حرمتي وانا اغار عليج ما ابا حد يشوفج
امنه : انزين عيال خالي مب اي حد هذيل اخواني
خالد : هذيل مب اخوانج للأسف هذيل تربييتي وياهم على اساس انهم خوانج
امنه :انزين انا شو اسوي اذا انا تربيت جي
خالد: بس انتي مب ياهل عندج عقل تعرفين تميزين الحلال من الحرام
امنه :...............
خالد حضنها : يالله عاد اضحكي مب حلو عليج الزعل
امنه اتبسمت ابتسامه مستنعه ونزلت تحت
ومرت الشهوور وخالد في بيت اهل امنه ومايزور اهله مثل قبل يعني قام اييهم في الاسبوع مره او في الاسبوع مرتين
الولايات المتحده البدويه
30-03-2008, 08:59 PM
اكررررررررررررررررهاااا امنه .. حقييره عنلااتهاا
وخالد شحقا يصدقهااا فرقت زوولهاااا
مسكيين حاااالك بووحمييد صدقوو النذله وخلوووك
تسلميين في اي بي
vip_11
30-03-2008, 10:19 PM
تسلمين الولايات المتحده البدويه
خالد اكيد بيصدق زوجته الانه اصلا عبدالله عنده سوابق في هذي الحركات يعني من غيربه عليه بس
مهما سوى عبدالله مستحيل يغازل مرت اخوه
vip_11
05-04-2008, 08:19 PM
السلام عليكم
.
.
الجزء التاسع
بعد 3 شهور من ضرابه خالد وعبدالله
خالد كان ساير وي امنه المستشفى عشان عندها موعد عن الدكتور
في المستشفى
الدكتوره : والله انا ما اعرف كيف ابدأ بس
خالد: شو؟؟
الدكتوره : طلع هذا الحمل حمل كاذب
امنه + خالد: كاذب؟؟؟
خالد: وشو يعني حمل كاذب؟؟
الدكتوره : يعني تظهر اعراض الحمل كلها بس ما يكون في حامل
امنه كانت مصدومه ولا نطقت بكله
خالد : يعني هذا طبيعي ؟؟
الدكتوره : هيه طبيعي جداً
بعد ما اطمن خالد على صحت امنه طلعوا من المستشفى وركبو السياره ولا حد منهم نطق بكلمه
امنه وكانت تفكر وتقول في خاطرها " شو ها المصيبه اللي حلت عليه هذا الجنين كان حامني من المشاكل كلها الحين شو اسوي اذا خالد قال حق اهله ووصل الكلام لعبدالله يا ويلي على طول بيخبره ويقوله السالفه كلها "
امنه واونها زعلانه : خالد!
خالد: هلا
امنه : خالد لا تقول حق اهلك عن هذي السالفه
خالد: ليش؟؟
امنه وبدت تصيح :..........
خالد قمضته امنه : خلاص ولا يهمج ما بقول حق حد بس لا تصيحين
امنه مسحت دموعها
عبدالله تغير وااايد بعد المشكله اللي استوت بينه وبين خالد كانت هذي السالفه شاغله حياته كره كل البنات حقد عليهم
حالته النفسه واايد تغيرت تغير 180 درجه ويه شاحب وظعف واااايد والهالات اللي تحت عيونه يعني واايد تغير حتى ربعه ما قامو يشوفومه مثل قبل
مرت الايام ودخل الصيف الجو حااااار الشمس عموديه
فترت الضحى
عبدالله كان يالس برع في الحوي يكلم منصور ربيعه اللي من استوت السالفه لا كلماه ولا شافه كان اللي يشوف عبدالله يتغمض على حاله كيف كان وكيف استوى الكل كان يقول(هذي عقوبته في الدنيا قبل الاخره على اللي سواه في مرت اخوه ))
عبدالله بعد ما سكر عن منصور يلس شويه بروحه وبعدين دخل البيت اول ما فتح باب الصاله اغمى عليه ووكان جايسن تشنج و بوزه بنفسجي و جسمه ينتفض اول مره جيه يستويله الكل النصدم محد عرف يتصرف في هذي الحاله
محمد على طول سار يركض صوبه يطالع شو بلاه وام محمد ما قدرت تتحرك من مكانها ومها ونبتتها يصحون الوحيده اللي كانت في وعيها ساره مرت محمد واتصلت بالاسعاف وعلى طول يت سيارت الاسعاف شلو عبدالله وكان وياه محمد اخوه وودوه المستشفى اما ام عبدالله اتصلو بنواف ووداهم المستشفى
دخلوه قسم العنايه المركزه وعقب ساعه طلع الدكتور
محمد : ها دكتور بشر
الدكتور : الحمدلله بخير بس هو من متى فيه هذي الحاله ؟؟
محمد : والله اليوم اول مره نشوفه بهذي الحاله
الدكتور : الحمدلله انكم تلاحقتوه ويبتوه المستشفى بسرعه الانه كانت حالته خطيره
محمد: انزين دكتور هو شو فيه
الدكتور : بدايه انهيار عصبي
محمد : وشو سببه
الدكتور : والله هو له عده اسباب ويمكن يكون عنده مشاكل نفسيه وصلته لهذي الحاله
محمد(تذكر انه عبدالله واايد تغير عقب المشكله) : هو من شهرين وهو متغير بهو متى بيطلع من العنايه ؟؟
الدكتور : احنا الحين بنطلعه من العنايه وبننقله غرفه خاصه
محمد: مشكوور والله انك ما قصرت
نواف كان قلبه يعوره على الخوه سار بعيد عن اهله واتصل بخالد
خالد: هلا
نواف وكانه قنبله توها نتفجر : ارتحت عقب ما عذبت اخووك ارتحت
خالد: اي اخو
نواف : اي اخو عبدالله عبوود في المستشفى وجايسنه انهيار عصبي والسبه انته وحرمتك
خالد انصدم وقلبه عوراه على اخوه وكان شويه بيصيح بس داس على مشاعره:انا؟
نواف : هي انته
خالد: انا ما يخصني تعرف ولاتتصل تقولي اخباره اوكي مع السلامه
سكر على ويه نواف طبعنا امنه لها دور في التأثير على خالد
نواف انقهر بس سكت الانه كرامته فوق كل شي
ومرن يومين على هذي السالفه وعبدلله منوم في المستشفى
الدكتور قرر يرخصه بس
الدكتور: السلام عليكم
محمد: وعليكم السلام والرحمه
الدكتور : ترومون تطلعون الحين
عبدالله : والله
الدكتور : هي بس عندك مراجه بعد اسبوع ( وكتبله دوى ) ويوم بتسير مر الصيدليه وخذلك هذا الدوى
عبدالله : مشكوور
الدكتور : صح لازم اوصيك ابتعد عن التدخين الانه وااااايد مضر لصحتك وبذات في هذي الحاله الانه حالتك ما تستحمل لو استمريت على التدخين وقلت النوم والاكل وكثرت التفكير راح تطور حالتك وفي هذيك الساعه ما بيفيد العلاج.
وطلع عبدالله من المستشفى شبه مريض
بعد ثلاث ايام
عبد الله كان يلعب بنت اخوه محمد شما
شما : عمي شو فيك
عبدالله : ماشي
شما : لا شي تحت عيونك اسود
عبدالله تجاهل سؤالها
خليفه : عبدالله نش اطلع تحوط بسك يلسه في البيت مب زين
عبدالله :مب متفيج
خليفه : ليش ؟؟
عبدالله : مزاجي متعكر
ويلسو يسولفون شويه بس عبدالله سار حجرته ويلس روحه يدخن ويطالع التلفزيون
وعقب اسبوع مثل ما قال الدكتور انه عنده مراجعه
ام محمد سارت عند عبدالله الحجره : عبدالله قوم بنسير المستشفى عندك مراجعه
عبدالله :ما ابا اسير
ام محمد: لازم تسير شوتقول انته
عبدالله : ما ابا اسير انا بخير الحينه
ام محمد: وين بخير ما تشوف عمرك
عبدالله : اميه خلاص ما ابا اسير يعني ما ابا اسير
طلعت ام محمد من حجرت عبدالله تصيح على حال ولدها وتصيح وتتصل بمحمد
ام محمد: السلام عليكم
محمد: وعليكم السلام هلا امي
ام محمد : عبدالله معذبني مب راضي يسير المستشفى شو اسويله
محمد: مب على كيفه انا الحين ياي اوديه
وياهم ودخل الحجره عليه كانت الحجره ظلام وهو يالس على على الغنفه ويطالع التلفزيون ويدخن
محمد وياخذ السيجاره من ايده ويطفيها : عبود قوم نش بوديك المستشفى
عبدالله ولا كأنه حد يكلمه
محمد هو يزاعج : عبود انته مب ياهل يله قوم
عبدالله : انا مب ياهل بس ليش تعاملوني كأني ياهل ما ادري انا ما ابا اسير المستشفى انا اعرف مصلحتي
محمد ولا رد عليه وطلع من الحجره وصك الباب بالقو حتى كان بينكسر
ام محمد:ها شو
محمد : مب طايع كيفه
ام محمد تصيح : ياربيه شو اسوي بها الولد
محمد ويلاويها : ادعيله
ام محمد: كل يوم ادعيله وادعل لخالد اللي مايمر يسلم عليه حتى
((للأسف عبدالله قام يتأخر عن الدوام وساعات ما يسير طرشوله انذارات خصمو من راتبه بس الولد ما عاد يهمه قدم استغالته وعلى طول فنشوه
محد كان يشزفه كله يطلع روحه واذا بسير البيت بييلس روحه في الحجره
هذي كانت حياته الكل مايعرف ليش عبدالله جي عشان انكشفت فضيحته ???? بس لا والله مب عشان جي عشان الزمن جاير وفرقه عن اهله و ناسه وما كان حد يسال عنه غير نواف بس عقب طيحته حست امه شويه وقامت تسأل عنه بس همها الوحيد خالد وتقول كله من عبود اللي ما عرفت اربيه وعبدالله يته حالات نفسيه كان يكسر الخاطر بس ما باليد حيله))
كانت الساعه 9 الصبح كان هاك اليوم عبدالله بيموووت من الملل وفخذ مفتاح سيارته وطلع يتحوط كان يسرع ساعه وساعه ويقف السياره كان تعبااااان ينوود وطلع على الشارع العمومي وكان مسرع دعم سياااااااره وانجلبه سيارته في صوووب والسياره الثانيه في صوب ثاني
تيمعو الناس علييهم وواحد من اهل الخير اتصل بالاسعاف ووصلت الاسعاف ونقولوهم المستشفى كانت حالتهم وااايد خطيره اما عن عبدلله اللي على طول نقلوه غرفه العمليات اتصلت الشرطه بأخر مكالمه له كانت قبل اسبوع عشان يقولوهم عن عبدالله
سعيد:هلا والله بعبوود
الشرطي :السلام عليكم
سيعد استغرب: عليكم السلام ؟؟
الشرطي : انتي شو تقرب لعبدالله
سعيد: ربيعه
الشرطي :ربيعك سوى حادث والحين هو في مستشى ........وحالته خطره انتمى انك تبلغ اهله
سعيد : شوووووووووو
الشرطي :اسمحلي على هذا الخبر بس هذا اللي صار
في بيت قوم عبدالله كان خالد اول مره ايهم من 4 شهور
ام محمد: هلاا والله بالغالي شحاك
خالد والبتسامه على ويهه :بخير وسهاله انتي شحالج
ام محمد:بخير امنه انتي شحالج
امنه : بخير
خالد: اميه الحمل اللي كانت حاملتنه امنه قبل كان حمل كاذب بس الحين هي امنه حامل
ام محمد: مبروووك اميه
امنه : الله يبارك فيج
ام محمد: اي شهر
امنه: الرابع
ام محمد : ما شاالله
في هذا الوقت نواف دخل
نواف : السلام عليكم
الكل: وعليكم السلام
خالد: شحالك نواف
نواف ويلس ايجامل اخوه :الحمدلله انته شحالك
خالد: بخير
نواف: ها يقولون من طول الغينات ياب الغنايم
خالد:هههههههههههه
ورن تيلفون البيت الام كانت بتنش تشله
نواف :اميه خلي عنج انا بشه
ام محمد: يزاك الله خير
نواف وساير يشله
نواف : الو
سعيد وصوته مرتجف ويصيح:الو
نواف :منو سعيد؟؟
سعيد: هي انا سعبد نواف عبدالله في المستشفى
نوااف :شووووووووووووووووووو
سعيد : هيه انا الحين في المستشفى عبدلله حالته خطيره
نواف :ااي مستشفى
سعيد: مستشفى********
نواف :يله اناالحين ياي
ام محمد: شو منو متصل وشو السالفه
نواف وشويه ويبصيح :عبدالله
ام محمد: شو بلاه
نواف وهو يطالع خالد: عبدالله مسوي حادث وحالته خطيره
ام محمد وتصيح: يا ربي شو اسوي لها الولد عذبني
خالد ويلاوي امه :استهدي بالله
نواف :الله يسامح اللي كان السبب
ها الوقت تغيرويه امنه 360 درجه
خالد:شو قصدك
نواف:ماشي اناسايرالمستشفي
ام محمد:ودني وياك
نواف :اميه تمي انتي هني وانا بسير وبعدين تعالي (ويكلم خالد) خالد بتي ويايه
خالد:........................
ام محمد: اتصلي يوم بتوصل
نواف : انشاالله
خليفه : نواف بسير وياك
نواف: يله تعال
وسارو المستشفى واتصلو بمحمد
وياهم المستشفى كان سعيد ومايدونواف وخليفه يتريون خبر من الدكتور
سار محمد صوبهم
وكان الدكتور توه ظاهر من غرفه العمليات
محمد:هادكتور بشر
الدكتور ............
نواف وخده كله دمووع: دكتور تكلم شو صار لعبدالله قول انه عبدالله بخير
الدكتور: انشا الله بخير بس كسر في الجمجمه ونزيف داخلي
محمد:لا حول ولا قوه الى بالله
الدكتور :وكسر في الرجل اليسرى
مايد سار صوب غرف الانعاش شاف ربيعه كله اجهزه
ومايد وسال دمع عينه على حال ربيعه
روح الدكتور
نواف ودموعه على خده :انا براويه هذا النذل الحقير
محمد:منو هذا اللي بتراويه مب وقته الحين
نواف ولا كأنه حد يكلمه
ويركض يبا يطلع من المستشفى
محمدوهو يزاعج :نواف نواف (وصد صوب الشباب ) حد منكم يلحقه
مايد ويركض صوب ويوده: وين ساير??
vip_11
08-04-2008, 04:04 PM
?????????????????????????????????????????????????? ?????????????????
vip_11
13-04-2008, 12:16 AM
السلام عليكم
شحالكم ؟؟
هذا الجزء العاشر بين ايدكم
ونتريا ردوودكم
.....
الجزء التاسع
ويركض يبا يطلع من المستشفى
محمدوهو يزاعج :نواف نواف (وصد صوب الشباب ) حد منكم يلحقه
مايد ويركض صوب ويوده: وين ساير??
نواف :البيت
مايد:انا بوديك
نواف : لا مافي داعي عندي سياره
مايد : لا والله ما تسير اللى انا موصلنك
وساروالبيت نواف ما صدق يوصل البيت نزل من السياره يركض لين ما وصل الفله بطل الباب بالقو
مها والخوف باين على ويها يوم شافت نواف وقفت : ها بشر??!!
نواف وشويه وبيصيح : تعبان تعبـــــان
ام محمد وتصيح : لا حول ولا قوه اللى بالله
خالد واايد تأثر انه اخوه واايد تعبان حتى امنه يلست تصيح
نواف يتكلم ولا كأنه حد عداله
نواف ويكلم امنه وبصوت عالي : لازم بتصيحين
مها : نواف عيب
نواف ويكلم خالد :سير شوف اخوك كيف حالته سير
خالد مب عارف شو يسو:.......
نواف :ليش ساكت ??
خالد: اسمحلي انا ما عندي اخو خاين مثل هذا
نواف :وبس عندك حرمه خاينه مثل هاي (وهو يأشر على امنه)
خالد:لو سمحت مايخصك في حرمي
نواف : انا مايخصني فيها صح بس خلها تقولك ولا والله انا بقولك كل شي وجدامهم كلهم وكلهم شهود على اللي بقوله
امنه تغير ويها وكانت زايغه
نواف: حرمتك اللي اونها تحبك هي الخاين وانته الغبي الاهبل اللي مصدقنها
خالد وهو محرج : ايه انته ثمن كلامك احسلك
نواف :انا اعرف اللي اقوله عدل ومثمننه قبل ما تقولي بس اخاف يضيع الوقت وهذيج الساعه مايفيد الندم(ويأشر على امنه ) هذي هذي كل منها هي ساس البلاوي
امنه بحقاره وقوه ويه:لو سمحت احترم نفسك
خالد:قومي خلينا نروح
نواف :خالد تريا ما خلصت كلامي
خالد : وشو بقى من الكلام انته خليت شي اصلا
نواف: انته اسمع واحكم بعدل
خالد: يله قول اللي تباه بسرعه
نواف: هذي حرمتك هي نفسها اللي كان يكلمها عبدالله هذي امنه اللي كان عبدالله يحبها في يوم من الايام وانته تنصحه هذي هي جدامك واسألها اذا مب مصدقني
خالد ومحرج على نواف: شوووو؟؟
نواف: اسألها جانك مب مصدقني
خالد:...............
نواف: اسألها الحين جدامي
خالد ويطالع امنه بنظره انه يالله قولي شي
نواف : ها امنه قولي يالله
امنه وشويه وبتصيح:..............
نواف ضحك بستهزاء: عبدالله سكت وااايد ولا قال حق حد وتجاهل السالفه عشان مايخرب بيت اخوه حبيبه لكن الحيه السوسه قامت الطرشله مسجات وتترياه وتتغزل فيه هو ما كان يسويلها سالفه ولحسن حظهم اني سمعت كم حوار من حواراتهم واذا مب مصدني سير و شوف صندوق عبدالله اللي في كبته كلها صورها وبطاقته الجديمه اللي غيرها والسبه هاي الحقيره سير وشوف بعينك واحكم منو الخاين
(وسار خالد حجره عبدالله وهو مب مصدق نواف وفاتح الكبت وحصل الصندوق جدامه يلس على الشبريه وفتح الصندوق وانصدم صدمت العمر شاف الصور نصهم مطرورات ونصهم عبدالله حارقنهم من القهر خالد كان وده يصرخ بس الصوت ما يطلع)
امنه وشويه وبتصيح :نواف لو سمحت ابتعد عن حياتنا لا تخرب بيتي
نواف : انتي مب حرام عليج خربتي بيتنا خربيت بين خوان ماجد فترقو في حياتهم
امنه : بس
خالد وقاطع امنه والشرر يطاير من عينه: اموون اسكتي بس خلاص لعبتج انتهت وداج عندي بعدين انا الحين بسير عند عبدالله قبل لا يفوت الفوت
وسار عند اخوه في المستشفى ودموع الندم على خده
سار قسم الطوارء الكل فرح يوم شاف خالد
خالد وعيونه حمرا من الدموع: وينه وين عبدالله
محمد:خالد؟؟؟
خالد: وينه قولولي
خليفه ويأشر على الحجره : داخل
خالد وساير صوب الحجره وقفاه الدكتور
الدكتور : من انته
خالد ويصرخ على الدكتور : وانا اخوه يعني منو بكون مثلا يعني
الدكتور :مايستوي تدخل الانه حالته ماتستحمل
خالد: مب على كيفك وانا بطخل قصباً عن اللي يرضا واللي ما يرضا
الدكتور :انا اسف
خالد: وين اصرفلك اياها اسف اونه انا السبب في اللي يستويله الحين خلني اشوفه
الدكتور:.................
الدكتور قمضه خالد
الدكتور :شويه بس
وسار خالد ودخل على اخوه وشافه
خالد اول ما شاف عبدالله دموعه نزلت على خده كانت حالت عبدالله واايد خطيره:عبدالله رد علي
عبدالله بطل عيونه حاول يتكلم بس ما كا ينفهم
خالد:عبدالله انا عرفت كل شي كل شي وسامحني يا اخوي
عبدالله وتسيل ودموعه تسيل من عينه
خالد ومسك ايد عبدالله
خالد : عبدالله سامحني والله اني ما عرفت عم شي اللى توه والله لو ادري دقايق ما اخليها في ذمتي
عبدالله ما استحمل كلام عبدالله فجأه قلت دقات قلب عبدالله في الجهاز
خالد ويصرخ :دكتور??? عبدالله نش نش
الكتور والنيرسات تجمعو وحطلوه مكينه الكهربه لين ما ارتفع مؤشر جهار دقات القلب
طلع عبدالله برع وما قدر يتحرك يلس مكانه عند الباب ويلس يصيح ويتذكر كيف الدكاتره تيمعو عليه وحطوله جهاز الكهربه طاوعه قلبه يبعد عن اخوه كل هالشهوور الحين بيكمولون سنه
تيمعو عليه الشباب
محمد وكان قلبه شويه وبيوقف : خالد عبود شو بلاه
خالد :........
محمد : خالد طمني علييه الله يخليك عبود بخير
خالد ويهز راسه انه عبدالله بخير
..................
في البيت بعد السالفه امنه مصدومه من اللي استوى ويلست تصلح وام محمد كانت تصيح على اولادها
مها حست انه عقب اللي ستوى امنه مالها يلسه في بيتهم :امنه قومي اوديج بيتج
امنه : وخالد
مها: بقوله اني وديتج البيت
وودتها البيت
الكل طلع من المستشفى اللى خالد كان يالس برع يتري الدكتور بس الدكتور واايد تأخر
خالد كان سرحان يفكر كيف يوم عبدالله كان يكلمه عن امنه وهو يسبها ويضحك على اخوه انه يحبها
خالد سار عند الدكتور
خالد: السلام عليكم
الدكتور :عليكم السلام
خالد: شو اخبار عبدالله
الدكتور :حالته مثل ما هي ماتغيرت ويمكن تسووء اكثر
خالد: لا حول ولا قوه اللى بالله انزين عادي اذا سفرناه للخارج
الدكتور: هيه عادي بس اذا استقرت حالته
خالد: بس متى بستقر حالته؟
الدكتور: والله ما ادري بس انشا الله قريب
وطلع خالد وسار بيت اهله
مها : ها شو الاخبار
خالد: مثل ماهو
مها: هيه صح انا وديت امنه البيت
خالد وتوه يتذكر انه عنده حرمه لازم يحاسبا : انا الحين ساير
ووصل بيتهم وسار صوب الحجره وفتح الباب بس حصلاه مقفول
خالد بصوت جامد يكسر الصخر: امنو منووووه افتحي الباب
امنه زايقه مب رايمه ترد عليه
وبطلت الباب
خالد: مدام انج زايغه ليش تسوين ها كله ليش?
امنه وحروووف متقطله ووقفت :...........
خالد يودها من جتفها يالقو كان جتفها بينخلع من مسكت خالد
خالد:انا ماضربتج ولا بظربج الانج بنت وانا ما امد ايدي على حريم واذا ظربتج ما بيكون اكثر عن الضرب اللي ضربته عبدالله عشانج وانا بقولج هي الكلمه وانا مرتااااااااح
امنه : خالد
خالد: جب ولا كلمه انتي طالق طالق طالق وبتوصلج ورقت الطلاق لين عنج
الولايات المتحده البدويه
14-04-2008, 09:24 PM
oh my go0o0od
اخييرن عرف معدنهاااا الجلبه الحماره
وعبدالله الله يعوظه
شيوخ الامارات
22-04-2008, 12:49 PM
انظر بااااااااااقي القصه
بس الله يخليج لا تتاخرين
vip_11
26-04-2008, 04:51 PM
تسلمين اختي الولايات المتحده البدوويه وشيوخ الامارات على الردود الحلوه
"فخر بني كعب"
28-03-2009, 12:17 AM
يسلمو على القصة شكلها حلوة
بس بعدني ماقريتها
برد وبقراها عقب
تحياتي
"فخر بني كعب"
Powered by vBulletin® Version 4.2.3 Copyright © 2025 vBulletin Solutions, Inc. All rights reserved