المرحلة الثانية ، القسم الأول

[رَحِيْلُ الْودّ]

بسم الله الرحمن الرحيم

الس ــــلام عليكم ورحـم ــة الله وبركاته ،،

http://www3.0zz0.com/2008/01/11/20/122079076.gif



استفتاح وخبر سار:smile:

الاوهي تشريف الشاعر والصحفي والاعلامي الرائع : محمد البريكي هذه المسابقة ليكون احد أعضاء اللجنة!

والشاعر الشاب العماني الجميل صاحب أعذب تنغيمات الحرف ، بلا شك خميس المقيمي ليكون عضو اللجنة الثاني ،،

http://www3.0zz0.com/2008/01/11/21/626843420.gif




المنتدى :http://206.225.93.48/bin/images/heart1.gif الهير
الساحة : http://206.225.93.48/bin/images/heart1.gifنبض القصيد
المسابقة :http://206.225.93.48/bin/images/heart1.gif شاعر المليون لمنتدى الهير
اللجنة :http://206.225.93.48/bin/images/heart1.gif الشاعر : خميس المقيمي / الشاعر : محمد البريكي
التصويت :http://206.225.93.48/bin/images/heart1.gif حق لجميع الاعضاء بإستثناء الشعراء أنفسهم



http://www3.0zz0.com/2008/01/11/20/441199919.gif



♥إنتهاء المرحلة الأولى جاء باحدى عشرة شاعر وشاعره :smile: ♥

1- الشاعر إليازي
2-عبدالله بن نعمان الكعبي
3-اماراتي ويكفيني
4-سيف
5-الشاعر القحطاني
6-الفلاسي
7-مبارك العامري
8-جريح الحب
9-نديم العين
10-شاعره
11-خالد النهدي
12-صاحب الود

ثانياً المرحلة الثانية /مرحلة كتابة النصوص الشعرية (اللهجة المحلية)


http://www3.0zz0.com/2008/01/11/21/454565084.gif


القسم الاول : وهو كتابة أي قصيدة شعرية لا تتجاوز العشرين بيت ولا تقل عن عشرة أبيات وللشاعر الحرية في اختيار الجانب الذي يريد في كتابة القصيدة غزلية وطنية عتاب ...الخ



يستطيع الشاعر المشاركه بأي قصيده حتى وإن طرحت من قبل في منتدى الهير أو أي منتدى آخر

مدة ارسال النصوص فقط (أسبوع)


:rolleyes:







كلي أمنيات وأماني بالتوفيق للجميع وربي يقويكم ويعطيكم العافية

في حالة وجود أي أستفسارات الرجاء وضعها في الموضوع الرئيسي وهنا فقط القصائد ،




آهاتhttp://206.225.93.48/bin/icons_chat/icon762.gif

http://www3.0zz0.com/2008/01/11/20/654316413.gif

[خالد النهدي]

حلم الغــرفه


قفلت العـين في قصدي أريّح فكري المهدور
----------ومن همسة بطا كنه رعـف فكري بسيـرتها


وصبت الحارة اللي جيتها حافي بلا دستـور
----------أطارد صوت يـندهـني ويسحـبني لشـوفـتها


عطيت الحلم افكاري وسيرني على المقـدور
----------وكـتـَّف فيـني ألسانن تـوقـف عـنـد غـفـلتها

دخلت الغرفه ألي عانقت مع مسكها وبخور
----------ومياسه علـى الدرفه تـناظر وقـت ساعـتها


ذكرت الله وخالطني فـواحة عطرها المنثور
----------وفــ اطراف الزوايا حـيـّـر البـرواز لفـّـتـهـا


عرفت الصورة اللي واقفه ماغيرها مشهور
----------حبيبت عمـري الماضي ومستقبل مسيرتها


ولديت النظر قبله على دفتر مَلـَتـْه أسطـور
----------وعـنـوانه خـواطـرها وتـلخـيـصة بـنوتـتها


قريت (الأه) في ليله وتاريخه بعـد مظهور
----------ورسمة قلب متشقق تشدك صوب صفحتها


واسمي يحفرالصفحه بدمعاتن عليها قطـور
----------وأسمي خالـد الاول وآخـر عشـق عـيـشتها


وجدرانن عليها ورد من أسطـورت الديكور
----------تنـّـمة فـي ستايـرها وأحـية طـقـم غرفـتـها


ومرئاتن لها عجـزت تطبق صـورة المذكور
----------تـغـلـط كـل مـتحـاول تـقـلـد بس صـورتـها


وترجع هي تحاول صنعة الصورة قبل لتبور
----------وتـخـطـي فـي ملامحـها وتتعجـّب مرايـتهـا


وتعجزثم تقول الوصف يابنت الحلال أخطـور
----------أخاف أتكذب الخسفات بعـد اليـوم صورتها


وتضحك للمـرايا عاذرتها من كـثير أقـصـور
----------تـصبرهـا على بلوة تهـدّد فـي وضـيـفــتـها


وتسريحـة تـجـالسها تـعـبـرها جمـال الحـور
----------عليها من العـقـود أشكـال والفضه خـويتها


وساعاتن تمنـَّت تنلبس لو كل ثلاث أشهـور
----------ولعبه من دويل الـزام سـمـتـها عـروسـتها


وبكلة شعر مسجونة بنسيانن عليها أغـبور
----------تمنت حيـل تطـلقـها وتربطـها بـخـصلـتـها


وتمسك ميلها الغامض كنها من عصات اسحور
----------تـحـددبه نـواظـرها وتـسقـيـني بـشـوفـتـها


وتمسح خدها البارق بمنديلن عليه أزهـور
--------- وتشرق شمس غرفتها ويبرق ضو جبهتها


وتنثرشعرها الهايت على طلعن يشيل أثمور
----------سـواد اللـيـل مـتمكن ويـتـلـبس ظـفـيـرتها


وعنقن للملوك ألـي تربـو في بلاط أقصـور
----------يسمـي ومايميل ألا وقـد حـضـرو بغايـتـها


وطولن مايهدد في طويل الطـول والمقصـور
----------ولو تدريبها المستهـترة كانـت رخيصتـها


ترش عطور. تنثر فل .فليله صابها ديجور
----------كـنها تنتظـر ضيفـن بيقـبل فـي ضـيافـتها


طويت ألاه في جوفي وجوفي والنظر مقهور
----------تسـرب مـن عـيـونن ماتلـيـن ألا بـشدتـها


قفلت الباب فـي صمتي .وسنـدته كثير أنذور
----------وغيبـته عـن أفكـاري .. ولفـيته عمامتها


وصحيّت المناظـر لـي تبلّت شوفها المحظور
----------ورشيت الحـروف اللي تسمعكـم قصـيدتها


على ذكرى مرورالعمر بكتب ذكرها لعصـور
----------وخـلــّد سيـرت المشـتاق لاحنت لقـصـتهـا


عليك الله يقاري شعري المنكب فهذي سطور
----------تهلل مـن قـرايـتها .. تهـلل مـن قـرايـتـها


أخاف اليوم تتبين وتكـشف سـرها المـستـور
----------وتطـلع في شوارعنا وتعكس سيـر مشيتها


تقولوسحر في ارضي.وأقول السحربه مدثور
----------تقولو سببت بلـوه .. وأقـول الزين بلوتها


سلام الله عـليها ثم سلام الله على المفـتـور
----------إذا هي نسنست فكره وكزت شوق غيبتها


قفلت العين في قصدي أريح فكري المهدور
----------ومن همسة بطا كنه رعف فكري بسيـرتها




خالدالنهدي
الوهــــــم

[نـد يـم العيــن]

.


كثر الطناشة

http://www.naseemalrooh.net/old/music/sakan_alrooh/02.rm
تدرين أكثر شي يكدّر.. مزاجي!=كثر الطناشة خص من ناس غالين
دام المحبه شي غير ..أزدواجي=والشوق يجرح بس.. ماهوب جرحين!
ونتي ولا همّش ..كثرأنحراجي!=لاسايله عني ولافيّ .. تدرين!
يرفض شموخي إنه أيكون.. لآجي=الحرّ يبقا بين وكر ..الشواهين
ياليّ تظني ودّ لقلوب ..عاجي!=ودّ القلوب العاشقة لآخر..سنيين
مسكين قلبك واقعه صار راجي=مسجون لاكن غير كل المساجين
لي ماشرّب قلبه من الشوق ساجي=سيجه يسوجه سايجه للمقفيّن
طبعه يحدّه للحزن دون حاجي=يمشي بعموه لين يضعف بعد حين
دامه على شطّ الغرام.. المواجي=هايم ولابه من ملبيّ ..على وين!!
أيضيع برهانه وفكره ..يناجي=نجوة ذليلا ًً ماخذه وقتنا الشين
ونتي على منتي كذا ويش حاجي=تبطين ونتي ماوصلتي ..الملبيين
أما سعه ولا يبووس السواجي= طشـّة رذاذاً.. بعدها كيف تحيين!!
العمر فاني يازهوّ .. الغناجي=تذبل ذبول الورد ..وتصير بعدين
عوداً تخلّت عنه زهر.. الرواجي=وتيابسة أطراف جلده ..وليدين
ولا انا راضي وكل .. أحتياجي= أنتي ولا غيرش ..الى آخر الدين
نديم العين

[عبدالله بن نعمان الكعبي]

بسم الله الرحمن الرحيم


يقول الشاعر :smile:

امتطي خيل فكري والقصايد عيون=يهتدي من قراها قصتي بالهوى

عاشقٍ للقوافي والشعر واللحون=والمزامل معاني ومفرداته دوى

خص لأمن كتبته في حبيبي المصون=كن شاعر زمان الجاهلية ضوى

دار جيلي وداور واعتلى عالمزون=لين حل وتلاقى مع حبيبي سوى

وانتظرته يرجع م الخبر وش يكون=وانشده كيف حاله صاحبي وما حوى

يا ترى كيف كان وكيف بعد السنون=كيف حبه حبيبي كيف حبي استوى

قال بين الأماني واللقا والشجون=والهوا يس تهبه مثل هب الهوى

صاحبك بين زهرٍ يافلٍ والغصون=يرتع بروض حبك فايزنً بالغوى

أعفري تحلى حاز شكلً ولون=شل ثوب الجمال اليوسفي والتوى

بالزجنجل تمخطر بالعطر بألد خون=مايسن يوم يقبل مايلن لا نوى

سل سيف اليماني بين شف وجفون=لين منه شعآع الشمس زاد الضوى

والعجب كن ليل الكون عنده زبون=بين خصلات شعره يوم فله أوى

قلت تكفى تمهل لا تزيد الجنون=لا تزيد بمآسي ظامين م ارتوى

بس بشر محبي صاحبك ع الفنون=يرتقب نور خدك كل ليله نوى

والأمل لين تفرج هالظروف وتهون=لين يبقى التواصل ما تغثه قوى




وسوالم الحاضرين

[الشاعر القحطاني]

السلام عليكم ورحمة الله وبركاته
مشاركة الشاعر القحطاني بالمسابقة

ياهاجسي ردد صدى قيفاني=من شان يسمعها القصي والداني
رتب معانيها بفن اسلوبك=والشعر في راسي يهز اشجاني
تاتي حروفه في نسق متجانس=والحرف الاول مرتبط بالثاني
نبض الشعور احساس فن الشاعر=وابيات حكمة في نسق واوزاني
لولا حروف الشعر مازرناكم=افكار شاعر حركت وجداني
انا افتخر اني من اهل الديرة=لانا بشي هندي ولاطلياني
والمعرفه عندي بها خلفية=اعرف غريمي والمحب والشاني
واقبض طريق النصف وارفع راسي=هذة وصية والدي وصاني
وقال لاتغتر بمال الدنياء=دنياء دنيئه من عليها فاني
اكرم ضيوفك بالذي في دارك=واشفق على المسكين والجيعاني
واعمر بيوت الله وادخل فيها=قيم السنن والخمسة الاركاني
عوّد لسانك عالكلام الطيب=ووزع البسمات بالمجاني
لاتستغل الناس فيما عندك=لآن ربك كرّم الانساني
وعامل ابنائك سوى بالدنياء=ولاتحط افلان فوق افلاني
الوزن عندك والعبر مطروحه=وانته عليك الحكم بالميزاني
اوصيك ايضا في صلة لرحامي=شف وصلهم هو وصل للرحماني
والجار لاتنسى حقوقه عندك=اهم شي والله رضاء الجيراني
هذة وصايا والدي مكتوبه=والفايدة تعم كل اخواني
كتبتها في نص واحد يكفي=والزور ماحبه ولا البهتاني
اقنع بذي مقسوم من عند الله=الي من المولى كفى كفاني


وسلمتو

[الشاعر إليازي]

بيّحــت مـن ضيــم المقــاديــر مكنــون
هــمّ (ن) حشــا ما رام قلبــي يشلـّـــه

من يــوم قدنـي ياهــل صغيــر مفتــون
في دنية (ن) فيهــا الخــوي باع خلـّــه

دارت بي الدنيا وقـد ضـاق بي الكــون
وأمسيت أخــاوي ليــل زاهــي بحلـّــه

عتمة ظـلام وحفـّهـا صمــت وسكــون
أمســـي بخيـــر وأصبــح بكـــم علـّــه

يا علة (ن) فيهـا هواجيــس وظنـــون
يكفـــي تـــراه الليــــل قــد مــر كلـّـــه

وش فايـدة لعتـــاب ودمـــوع لعيـــون
كلـّـن ولــه يـا ليـــل هفـــــوه وزلـّـــه

لك أعتــرف يا ليــل إن كنــت بتهــون
كثــر إعتــرافــي بالخطــــا مـا أملـّــه

ما أشوف أنا بآسف مخاسير وطعون
كلمــــه ولا حسّيــت فيهـــــا بمــذلـّــه

يا زينها بعيني لهــا طعــم (ن) ولــون
كــن إعتـــذاري شــي أسعــى لظلـّــه

إن كنت مخطي أعتذر وأستــوي دون
مـا يـــوم زدت الطيـــن يا ليــــل بلـّــه

زهّب دهن عودك معا عطــر ودخــون
وإنكــس فناجيـلك علـــى راس دلـّـــه

ييتك يا ليلي راجـي (ن) منك العـــون
سيّـــر علـى خلـّــي وإهمـــس وقلـّـــه

إني عنيــت وييــت بالهـــون بالهـــون
راضـــي بمــوتي ودمــي له أستحلـّــه

دام النشامـا دربهـم صعـب ممحــــون
حنـّــا لهـــا والــدرب واضـــح ندلـّــــه

دايم هل الفزعــات عالبــال يطــــرون
لـكـنـّهــــم والشـــاهــــد اللـــه قلـّــــه

وقـت الرخــا والعــز بالنــادر إيّيـــون
وقت الشـدايـد سيــف بإيــدي أسلـّـــه

وقـت المنــادى لا حشــا ما بيبطــــون
أفعـــالهـــم تشهــــد وتبقـــى أدلـّـــــه

إن ييت أعـدّدهــم بأصابيـع يحصــون
قلـّـه ولكــن خيــر عــن ألــف شلـّــه

أفـديهــم بعمــري إذا كــان يرضــون
عهـد (ن) ولا يمكـن بيــومـي أخلـّــه

يبقــون ربعــي دايـــم الــدوم يبقــون
وآنا قديــري باقــي (ن) فــي محلـّــه

[][^][ الــفــلاســي ][^][]

عايش حياتي بود واطيـاب=وهذا قدر من عاش طيّــب
راضي على بعد لقراب=واصبحت روحي بلا صحيّـب
اون في ظلمات لسحاب=لين انورت بلا سحيّــب
واظوي بليلي بليا أحباب=وكنت بنهار عندي حبيّــب
سبحان ربي رب الأرباب=كيف اصبح الطيب رهيّـب
أشتاق للأفراح وارتاب=واخاف ما افرح قريّـب
وذي الحياة احباب اصحاب=وانا لا حبيب ولا صحيّــب
ازم خفوقي نسمة اهباب=وفارقت نسمات الهبيّـــب
وطاح العمر طيحة اشهاب=ولا هز عزمي ذا الشهيّـب
انا الفلاسي تاج لعراب=وانا العزيز بين العريّــب
ما ذلونيه طوال لشناب=ولا ذقت ذلن وانا مريّــب
ولا انحنيت بليا اسباب=ولو عاندني الزمن وخيّــب
دامني عشت بود واطياب=لابد اموت وبالحيل طيّـب

[جريح الحب]

يعل عين الحاسد اتخيس= ويبات ليله في شقاوي
لي صابني ابسهم خسيس= ودروع صدري ماتقاوي
اليه سنة من نحس لنحيس= وجدار حظي ياك هاوي
ياجالس/ن ع قلب جليس= وين المعاني والهقاوي؟
ماصرت ترحم وانت ابليس= ياكيف ابليس لو اخاوي!
حاست ظروف الوقت وتحيس=من مرها ذقت القهاوي
انشدت شعري ولك بتحميس= لكن محال انته بقاوي
الروح معنى وصعبة اتقيس= برهان قلب وشوق ضاوي
ابات ليلي دايم اجليس= انسج واعدد من الغناوي
آنس بصبري وصبري ونيس=ماهمنا كثر الحكاوي
حزني عرس وحنا معاريس=وافراحنا هم وبلاوي
لغز/ن وصلك بطارف الكيس= والكيس عندك كم يساوي؟!
ان كنت تبغي شكوى دريس=بحاكمك بعدة شكاوي
في الأولة ماني بمن ليس= يشري نفوس العز ناوي
اركض سبوقي وحطم الريس=عزة ومهابة وانتشاوي
اخط لحظة فكر رميس= وحكي وحاكي من يراوي


فائق الاحترام
جريح الحب

[الشاعره!]

يامن تقول الرمش لا غض ذبّاح
وانك سبايب رمش الاعيان مذبوح

ترتاحلي ؟ طيب انا كيف ابرتاح؟
الفكر متظايق والاحساس مجروح!

مايختلط ليلن معا نور وظاح
ولاتخفي البسمه علي مثلك جروح

ودي اقول ابشر ترا همي انزاااح
واعيش انا مابين ظحكات ومزوح

لكنه الحظ الردي في يدي طاح
واكيد حقق من تناهيدي اطموح

ياهيه ياسمح المقابيل ياصاح
بنشدك؟ هل للهم باحشاي مصلوح؟

والا القدر يلعب بنا كيف ماراح؟
او هي ظرايب عيشة العمر بالنوح؟

غبّة بحر وانا فلانيب سباح
يِنجي خفوقي لي منجّي فلِك نوح

عشت بحياتي يا اتفادالي رماح؟
ياتصيبني واقول يارمح مسموح

غديت في دنيا بها شِحّ الارباح
اصابعي يبست تبي تعد مربوح!

طيري كفَخْ يوم اقبل اصيد بجناح
مايردعه عجٍّ ولا شمّخ اسفوح

طيري قصيدي بين الاقمار قد لاح
حرٍ تعليوكره بعالي صروح

ماشدني شاعر وذو حس صداح
لكنّ شعره بالاكاذيب ممسوح

اذني موسيقيه للابداع ترتاح
وتميّز المتميّز بحرفة البوح

صوت البلابل لو طغي فوقه ****
مايمنع انه ياصل لداخل الروح

والورد لو به شوك..لازال فوّاح
جور النحل مايمنعه دايم يفوح!

والا انت؟ باقهويك وان حان مرواح
هاك القصيده وازرق العود ثم روح

من عادتي ماسلّم الناس مفتاح ،
،بابي لعشّاق الشعر دوم مفتوح

[مبارك العامري]

رجع ينبض

ياللي خذيتو القلب لا تردونه=ما ريد قلبٍ صد به مضنونه

حلفت بالله ماهو مخاويني=ياكم هديه ولازم اتشلونه

مربوط بفيونكه بعد ما تغلف=وورقة ضمانه داخل الكرتونه

مكتوب فيها للأبد ما يرجع=ساري على طول الزمن مضمونه

ولا اقولك هات قلبي أحسن=أخاف تكثر من يديك اطعونه

أصلن ولا صدقت يرجع ينبض=واصغي لنغماته وير لحونه

يا صاحبي عانيت بعدك وايد=حتى الدكاتر عيو ايداوونه

قالو جروحه للأسف هي صعبه=من شخص مبدع في الألم وفنونه

لكني اتوكلت على ربي=اللي نصر عبده على فرعونه

سويت له باك اب لوضع المصنع=ومحيت ذكرى مظلمه مركونه

قلبي بيبقى في وسط كرتونه=يلين ياتي من هم يدارونه
بفديهم بعمري وكل ما املك=وبشري رضاهم لوهم يسومونه

[سيف]

{ فرحي شحيح }

الدمع مله عيوني من زود ماهو طريح = والقلب ميت ولا له من عروقه حياه
اعز دمعي واهوّن ضيقتي ولا اصيح= وانا ادري قلبي مخنوق ولافدمي رجاه
ابكي ع دربٍ نساني وسار عني مريح=ماغير اعذل دموعي مالوم فرحِ نساه
يانفس ابكي همومٍ عاجلتني مليح= مسرعه وقتٍ نسيته كيف دوني لفاه
يالله قلبي وقسيته .. بس عنهم يزيح=خليت نفسي صخورٍ عاندتها المياه
تجري بعكس المياري صوبها كالجريح=تقسي وتنسى وفجأه ترتحل للحياه
هذي حياتي وصفها و كان فرحي شحيح=والضيم مني عذابٍ زاد فيني مداه
ياناس خفّو عليه وليت وصله يبيح=والله لعينه حياتي كلها والغلاه
همّال عيني فبعده دوم دمعي نضيح= ازيد نارٍ توقد داخلي في الحشاه
من زود مابي احرك وجنتي كالكسيح=قالو مريض ويعاني مادروبي معاه
قالو عيونٍ وجاته وصار كنه ضريح= لايحس ولاحتى يدري كيف تمشي خطاه
والله مابي الا ضيق(ن) من همومي نزيح= عذب ضميري وشبت في حشايه بلاه
بعّد عن العين غايب واهليه فيه تصيح=ياكيف بأول شبابي اندفن فالحياه


سيف

[شح شح]

"
"
"

السلام عليكم ورحمة الله وبركاته

تم انتهــــــــــــاء وقت تسليم القصائد ...

بتوفيق لجميع الشعراء المشاركين:smile:

"
"
"