عبدالله بن نعمان الكعبي
11-01-2008, 10:58 PM
شاري كروزر واريد اجربه .. يا راعي الموتر ابا اجرب معاك
جير عادي شو كيف ايثوربه ... عشقه واحد ولاحظ من حذاك
شوف كنه شي عنك طاربه ... فز مثل الحر لي وادع ثراك
والله انه خالي مالعذربه .. المكينه ما عليها شي ضاك
ما لعبه في كراج الكهربه .. وارد المصنع وتظمن مشتراك
رقم وبيم وخل الهذربه ... رخصته بيدينه الشرطي عطاك
سم بسم الله وقوم وسيربه .. واتكل في حفظ ربك يا عساك
وعالرمول اللي صعيبه قربه ... دقم وخله يناغيلك هواك
خص لا ميحد يدندن يطربه ... شيز يمشي بين هذا وبين ذاك
وعالعراقيب الغريبه دوربه ... لين يقطع خط هيالي معاك
نزله عن خط سيره واضربه .... للسيوح اللى بعيده عن مداك
مع طلوع الشمس ولا غاربه .. انت في دربك ولا هم لفاك
من بعدها زيد ريس ومر به .... عالجبال اللى تميلك للهلاك
خلها عيون البشر مستغربه ... وراعي الموتر يتمنا شراك
وقف وحول فراشك واقربه ... ونزل عتادك وثور لي معاك
غنم الفنجال بيدك واشربه .. وخل صوع الراس يتفتك فتاك
جير عادي شو كيف ايثوربه ... عشقه واحد ولاحظ من حذاك
شوف كنه شي عنك طاربه ... فز مثل الحر لي وادع ثراك
والله انه خالي مالعذربه .. المكينه ما عليها شي ضاك
ما لعبه في كراج الكهربه .. وارد المصنع وتظمن مشتراك
رقم وبيم وخل الهذربه ... رخصته بيدينه الشرطي عطاك
سم بسم الله وقوم وسيربه .. واتكل في حفظ ربك يا عساك
وعالرمول اللي صعيبه قربه ... دقم وخله يناغيلك هواك
خص لا ميحد يدندن يطربه ... شيز يمشي بين هذا وبين ذاك
وعالعراقيب الغريبه دوربه ... لين يقطع خط هيالي معاك
نزله عن خط سيره واضربه .... للسيوح اللى بعيده عن مداك
مع طلوع الشمس ولا غاربه .. انت في دربك ولا هم لفاك
من بعدها زيد ريس ومر به .... عالجبال اللى تميلك للهلاك
خلها عيون البشر مستغربه ... وراعي الموتر يتمنا شراك
وقف وحول فراشك واقربه ... ونزل عتادك وثور لي معاك
غنم الفنجال بيدك واشربه .. وخل صوع الراس يتفتك فتاك