راي البنات قبل الشباب ..موضوع العنف ..

[بوح القــوافي ®]

السلام عليكم ورحمة الله


شحالكم ..ربكم بخير..


المهم والاهم


الله يسلمكم كنا يالسين كلنا ان وختيه وخاليه وخويه وبويه ..

ودخلنا فموضوع الضر...لو الريل ضرب حرمته شو بيكون تصرفكم..

<<<<كلهم علينا انا وختيه


انا قلت لهم..والله لو انا غلطانه استاهل ..ولا بعد بيضرب وبعتذر له ..
لكن ان ما كنت غلطانه ...بسكت وما بقول شي..ولا برمسه ..لين يحس ان لي سواه غلط..
بس طبعا لو طلب شي ما ارده..


ختيه احتجت ..


لاااااااااااااااااااااااااااااا ...انتي حرمه ما منج فايده ..شعنه وراج خوان ..كل واحد جفل ويالس متربع ..

وقالت

انا لو ضربني ..بيب خواني يردون الضرب له ..لاني ما بضربه لاني ماروم عليه ريال ..

انزين ..

وسكتنا ..جان اقول ..وانتو يالشباب ..اي نوع تفضلون لي يعاند ..ويب هله فالسالفه ولا لي بيسكت
وبيستحملك ع صغر عقلك..انك تضرب حرمه ..



السوال الحين ..

شو موقفج لو ريلج ضربج ..فالحالتين ..كنتي بريئه ولا مذنبه..


والشباب حيااااااهم لوو يبون يعلقووون ع شي ..

بس انا ابااا اسال شووو تفضلووون ..او شو تتريوون من حرمه انضربت ..ع يد انسان ما تتوقع منه







وبـــــــــــــس

وانا وحليلي ادري ان محد بيشارك بس بتريا على امل <<<<<تتمسكن



وداعة الله

[بدوي الهير]

السوال الحين ..

1ـ شو موقفج لو ريلج ضربج ..فالحالتين ..كنتي بريئه ولا مذنبه..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
والشباب حيااااااهم لوو يبون يعلقووون ع شي ..

2ـ بس انا ابااا اسال شووو تفضلووون ..او شو تتريوون من حرمه انضربت ..ع يد انسان ما تتوقع منه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــا



اولاـ اشكرج على هذه المواضيع المتميزه صراحه...


ـــــــ

أكيد الحرمه بنقهر لا وبتموت من القهر

بس لازم انهاااااااااااا تتحمل مهما صار الوضع

يوم انج رضيتيبه انج تعرسيبه
لازم تتحملين

ــــــــــــــــــــــــــــــــــــــــــــ

2ــ والله الي اترياااا من الحرمه انهااااااااا تصبر على ما بلهااا



لو شو يكون السبب

مب تسير تخبر اخونهاااااااا وسيرون يضربون ريلهاااااا
لازم اصلان هيه تخاف على ريلهااااااااااااااااااااا

ولازم تتحمل لو مب عشانهاااااااااا
علشان عيالهاااااااااااااااااااااا

باجر الولد وين بيسير بتحرمونه من امه وابوه يعني

لازم تهدي عمرهاا غصب عنهاااااا
علشان تعرف تفكر

وتهدي ريلهااااااااااا بعد علشان ما يتأخذ قرار وهو معصب

وبعدين يندم عليه

تقوله أذكر الله

ومن هذه الكلام

لو هيه مذنبه

خلاف هو بيحس انج انتى صدق مذنبه

وبتزيد المحب بينكم

ولو عندي انتى غلطانه

حاول انج تهدينه بأي طريقه

وتتسامحين منه

وما تغلطين مره ثاني

ــــــــــــــــــــــ
وهذه وجه نظريه


والسموحه......................








أخــــــــــــــــــــــــــــــــــوكــــــــمـــ ـــــــ

[بوح القــوافي ®]

مسموح الشيخ ...



حياك نورت ....انا مادري بلاهم هل المنتدى علي ما يردووون عالمواضيع


المهم والاهم


راي جميل ووجهة نظر صحيحه...

بس انا عالاقل اطيب عن ختيه ..فديتني والله..





تسلم عالمرور والرد




وداعة الله

[همس الليل]

مشكوره غناتي على الموضوووووووووع الروعه

شو موقفج لو ريلج ضربج ..فالحالتين ..كنتي بريئه ولا مذنبه..؟

لازم استحمل فالحالتين سوا كنت بريئه او مذنبه

وانا رضيت فيه لا استحمل عيوبه او الايجابياته ما في انسان كامل

بس ما بسكت لو انا بريئه بحاول افهمه بعد ما يهدى شو السالفه

يوم بيحس بغلطه بيعتذر وبيندم على الي سواه

ومب داعي ادخل الاهل في السالفه .

بس طبعا لازم اعاقبه على شي اللي سواه ( باني ازعل وما ارمسه اسبوع )

والسموحه

[الظبي]

هلاا والله ببوح القوافي اشكرج على هالموضوع......

أولا : لازم الوحدة تاخذ حشمتها بيدها ولا تسبب في ضربها يعني انها تكون يوم انضربت بريئة في هالحالة لاترد عليه ولا شيء لكنها تسير عند هلها وتخليهم يهزونه بكمن كلمه ويادبونه وعقب ما يحس بغلطة ترد بيتها.

ثانيا : اذا ما كانت ماخذه حشمتها بيدها وهذي تكون هب بريئة فتستاهل الضرب واحسن لها انها ما تخبر هلها عن لايزيدونها تحاول تتعلم من خطأها عشان ما يتكرر ضربها........

والسموحة على التقصير وهذا رايي

[بوح القــوافي ®]

بنت صوغان اسبوع


لا لا لا ...حراااااااااااااااااااااااااااام عليج ...الخلق ما تصبر عنج يوم ههههههههههههههههههااااااااي




حياج الشيخه الحمدلله ..حسيت ان شي بنات عاقلات كنت اتحرا الكل شرا الشريره<<<لقب ختيه


_________________________


حتى لووووو احس الاهل لازم ما يدخلون امبينكم ...

حلو الراي ...

تسلمين عالمرور






وداعة الله

[الحر_العنيد]

اضربيه ضرب لين ما يتوب.............................

[بوح القــوافي ®]

افاااااااا ريح دبي...


انتي من شلة ختيه عيل ..



طبعا موضوع نفاش والراي الاخر ..يعني اممم ما تشوفينه غلط تمدين يدج عليه

وثانيا كيف بتكملون بعدها يوم واحد..لو انج تجراتي ومديتي يدج ...




اشكرج ع رايج ومرورج






وداعة الله

[شليويح]

في البداية تسلمين على الموضوع الجديد اختي الكريمة .

ضرب الريال لزوجته فعل غير اخلاقي ولا يمت للرجوله بصله ولكن الضرب قد يكون وسيله تأديبية على حسب الخطأ الذي وقعت فيه

الزوجة . فالرجل الحمش نفس ما يقولون ما يقدر يوقف مكتوف الايدي اذا زوجته اخطأت خطأ كبير بل لزم يوقفها عند حدها .

لكن رغم ذلك على الزوجة ان تخفف حدت التوتر بينها وبين زوجها ولا تتصادم معه خاصة اذا كان الزوج عصبي لانها اما بتسمع كلام

جارح او ضرب مبرح .

فبعض النساء غصه وعظمت بلعوم لرجالهن ... تكرر الكلام اكثر من مره وتعيد وتزيد والرجل مرهق ومتعب ومصدع وكاره نفسه .

مثال : عملت فترة في التوجية الاسري في احدى الامارات والحمدلله كانت فترة قصيرة ...

مرت علينا قصة عجيبة .. رجل ضرب زوجته وطلقها عشان كيس خبز ...؟؟؟ والله صدق .. الكل بيقول معقوله كيس خبز .

بقوله نعم : الموضوع تافه وبسيط لكن المرأة السليطة خلت كيس الخبز ... وادي من الخبز .

اتصلت الزوجة .. بزوجها وكان راجع من الدوام في فصل الصيف وكان الزوج مرهق ..؟؟

قالتله هات معاك كيس خبز .... ولا تنسى .

الزوج المسكين من الزحمه نسى كيس الخبز ..

استقبلته الزوجة بكلام له اول ولا له اخر .. فيك وفيك وفيك ........ ولا فيك فايدة .

طلع من الصالة راح الغرفة وهي وراه تعييييد وتزييييد .... طلع مالغرفة وراح الصالة وهيه وراه تلعلع بصوتها ... كأنه ماخذ الدوري

اخر شي .. ما قدر يتماسك نفسه ضربها وقالها انتي طالق .

فالي نحب نقوله للبنات المقبلات على الزواج يجب على الزوجة ان تخفف حدت التوتر بينها وبين الزوج سواءً كان الموضوع صغير او

كبير .. لان مب كل رجل يقدر يمسك اعصابه .

وفي النهاية الي تنظرب منكم تتحمل شوي .

وشكراً.

[بوح القــوافي ®]

حلوه اللي تنضرب منااا تتحمل


لا ماعليه لصلاح المجتمع وحال العيال بنتحمل ...هب لسوااد عيونه



شليويح لي الشرف تواجدك في واحد بس من مواضيعي واسعدتني بمرورك جدا...



اما بالنسبه للحريم للاسف اكتشفت ان وايدات من طينة ختيه لي يردن الصاع صاعين


والمشكله بعد لو الريال عصبي ...يعني اكملت ..


وثانيا بعد ما يحتاي تكبر السالفه عن هالخبر والله انها ما تستحي بعد


من الاساس لكل شي وقته ..وهو راد من الدوام مصدع وحالته لله وهي ع قولتك تتحرااا عمرها (ماخذه الدوري) وتتحرا عمرها جماهير العين يوم يغلبونهم الوحداويه
كسرووو السيايير وصااحو وحرجووو وقالو الحكم غشاش ..<<<<<طلعت عن الموضوع



فالنهايه ...لكن واحد تفكيره ووجهة نظره

انا ويااا كل من تحترم قدر ريلها ... ومهما كان له احترامه ..
وماتكبر السوالف التافه والخبز لي يدمر حياتها
ولا تسولف وتناقش في شي مهم فوقت الريال فيه ... يكون تعبان ولا مرهق




وتسلم عالمرور شليويح <<<<اسمك يذكرنيه بشي


يالله




وداعة الله

[بدويه والكرم لزيمي]

الحرمه اللي يضربها ريلها تصفعه تصفييييييييييع لين ما ينسى اسمه..

تسلمين عالموضوع

[بوح القــوافي ®]

الله يسلمج ..



اشكرج ع رايج


لا تعليق






وداعة الله