الشاعره!
16-12-2007, 12:35 AM
ابيـــات بسيطه مهداه لاغلى ملك ,, ملكنا الغالي حمد بن عيسى ال خليفه الله يحفظه بمناسبة العيد الوطني لمملكة البحرين الغاليه وعيد جلوس الملك المفدى ,,,
اخترت من جزل القصيد وعذبه,
احروف عند الي قراها صعبه,
اثر القوافي زينها بالكايد ,
ماهو على ماقيل قافٍ لعبه
اخطّ زينات المثايل وانظم
شعر ٍ بَرَق فوق الغمام وشَبّه
أطلِق وسط ميدانهم أبياتي
عشرين لاقلّن ولا زادن به
العاديات الي رسنها بيدي
أصايلٍ عرْب,وشقر ,, ونخبه
فبلادي اللي حبّها بعروقي
سمعٍ يناجيني وشوف انظر به,,
في عيد دار ٍ ياعسى معاديها
يبلا ولا يلقى دواه وطبّـــه
مليكها حرٍّ كريم سنافي
مقداره نجوم السما تحلم به
اسمه لو انه ينذكر له طاري
كل الكواكب فزّن وهلّن به
له هيبة اصقور وعطايا ديمه
تغنيك شوفة وبلها عن شربه
ياشيخ! شيٍّ داخلي له فتره
متوسّدٍ ضلعٍ عجز يجهر به
غلاك يا سِيد الملوك وسِيدي
لاجيت اصفّه بالشعر وارتبه
عيّت حروفي لا تجي جنب اسمك
دونه تجي والله ماتاتي جنبه
"حمد" عسى عمره مديد ويحيا
دينه دليله لاعَسَر به دربه
بالعدل ارسى بيننا دستوره
والطيب جمّع به طوايف شعبه
من مكرماته مابقى محتاجٍ
ما مد كفّه للسما له طلبه
ان الله يسدد خطاه ويجعل
صعايبه يِسر ويسهّل صعبه
ودام الشعر به حيّهم قيفاني
ناديت للقاف الرزين ولبّى
وبحقّ من ارسى وعلاّ سبعٍ
خلّاق كل مافي الوجود وربّه
انّا نعاهد بالولا والبيعه,,
"هاذي بلدنا وذا مليك انحبّه,"
اخترت من جزل القصيد وعذبه,
احروف عند الي قراها صعبه,
اثر القوافي زينها بالكايد ,
ماهو على ماقيل قافٍ لعبه
اخطّ زينات المثايل وانظم
شعر ٍ بَرَق فوق الغمام وشَبّه
أطلِق وسط ميدانهم أبياتي
عشرين لاقلّن ولا زادن به
العاديات الي رسنها بيدي
أصايلٍ عرْب,وشقر ,, ونخبه
فبلادي اللي حبّها بعروقي
سمعٍ يناجيني وشوف انظر به,,
في عيد دار ٍ ياعسى معاديها
يبلا ولا يلقى دواه وطبّـــه
مليكها حرٍّ كريم سنافي
مقداره نجوم السما تحلم به
اسمه لو انه ينذكر له طاري
كل الكواكب فزّن وهلّن به
له هيبة اصقور وعطايا ديمه
تغنيك شوفة وبلها عن شربه
ياشيخ! شيٍّ داخلي له فتره
متوسّدٍ ضلعٍ عجز يجهر به
غلاك يا سِيد الملوك وسِيدي
لاجيت اصفّه بالشعر وارتبه
عيّت حروفي لا تجي جنب اسمك
دونه تجي والله ماتاتي جنبه
"حمد" عسى عمره مديد ويحيا
دينه دليله لاعَسَر به دربه
بالعدل ارسى بيننا دستوره
والطيب جمّع به طوايف شعبه
من مكرماته مابقى محتاجٍ
ما مد كفّه للسما له طلبه
ان الله يسدد خطاه ويجعل
صعايبه يِسر ويسهّل صعبه
ودام الشعر به حيّهم قيفاني
ناديت للقاف الرزين ولبّى
وبحقّ من ارسى وعلاّ سبعٍ
خلّاق كل مافي الوجود وربّه
انّا نعاهد بالولا والبيعه,,
"هاذي بلدنا وذا مليك انحبّه,"